AA Info Desk

တိုက်ပွဲသတင်းထုတ်ပြန်ချက်   ၂၀၂၆ ခုနှစ်၊ ဇွန်လ (၂၇) ရက်နေ့   ဖက်ဆစ် အကြမ်းဖက် စစ်ကော်မရှင် နှင့် အာရက္ခတပ်တော်တို့ ယခုရက်ပိုင်းအတွင်း ဖြစ်ပွားနေသော တိုက်ပွဲများအနက် ရက္ခိုင်-ဧရာဝတီအစပ်၌ တိုက်ပွဲများသည် ပိုမိုပြင်းထန်နေခဲ့သည်။   ဖက်ဆစ် အကြမ်းဖက် စစ်ကော်မရှင်သည် အာရက္ခဒေသ​၏  ဂွမြို့နယ်အတွင်းသို့ ဝင်ရောက်နိုင်ရန် လေကြောင်းမှ နေ့စဉ် ဗုံးကြဲတိုက်ခိုက်နေပြီး ကုန်းလမ်း၊ ရေလမ်းတို့မှလည်း နည်းအမျိုးမျိုးဖြင့် ထိုးဖောက်ရန် ကြိုးစားလျက်ရှိသောကြောင့် ရက္ခိုင်-ဧရာဝတီ အစပ် နေရာများ၌ တိုက်ပွဲများ နေ့စဉ်ရက်ဆက် ပြင်းထန်နေရခြင်းဖြစ်သည်။ ရန်သူသည် (၃၄၄) အမြောက်တပ်နှင့် ပုသိမ်အခြေစိုက် တပ်ရင်းများမှ ထုတ်နုတ်အင်အား (၄၀၀) ကျော်ဖြင့် ထိုးစစ်ဆင်တိုက်ခိုက်လာခဲ့ခြင်းဖြစ်သည်။   ဤသို့ထိုးစစ်မှာ ယခုတစ်ကြိမ်မဟုတ်ဘဲ ကြိမ်ဖန်များစွာ ထိုးစစ်ဆင်တိုက်ခိုက်ခဲ့ပြီးဖြစ်သည်။ အာရက္ခတပ်တော်သည် ဖက်ဆစ် အကြမ်းဖက် စစ်ကော်မရှင်​၏ ထိုးစစ်တိုင်းကို အကောင်းဆုံး ခုခံစစ်များနှင့်အတူ တန်ပြန်တိုက်စစ်ဆင် တိုက်ခိုက်ခဲ့သောကြောင့် ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ ပွိုင့် (၂၈၈) ကုန်း၊ ပွိုင့် (၁၈၈) ကုန်းနှင့် ပွိုင့် (၁၄၈) ကုန်းတို့ကို တစ်ခုပြီးတစ်ခု ဆက်တိုက် သိမ်းပိုက်ရရှိခဲ့သည်။   ၂၀၂၆ ခုနှစ်၊ ဇွန်လ (၁၇) ရက်နေ့တွင် ပွိုင့် (၂၈၈) ကုန်းအားလည်းကောင်း၊၂၀၂၆ ခုနှစ်၊ ဇွန်လ (၁၉) ရက်နေ့တွင် ပွိုင့် (၁၈၈) ကုန်းကိုလည်းကောင်း၊ ၂၀၂၆ ခုနှစ်၊ ဇွန်လ (၂၁) ရက်နေ့တွင် ပွိုင့် (၁၄၈) ကုန်းတို့ကိုလည်းကောင်း အသီးသီး သိမ်းပိုက်ရရှိခဲ့သည်။ အဆိုပါသိမ်းပိုက်ရရှိသော ပွိုင့်သိမ်းတိုက်ပွဲအတွင်း ရန်သူ့အလောင်းအချို့နှင့် လက်နက်ခဲယမ်းများ၊ စစ်အသုံးအဆောင်ပစ္စည်းအများပြား သိမ်းဆည်းရမိခဲ့သည်။   တစ်ပြိုင်နက်တည်းတွင် စစ်တွေ၊ ကျောက်ဖြူမြို့ ပတ်ဝန်းကျင်၊ ရက္ခိုင်-မကွေးအစပ်၊ ရက္ခိုင်-ပဲခူးအစပ်၊ ရက္ခိုင်နှင့်ထိစပ်နေသော ချင်းပြည်၏ မင်းတပ်နှင့် ကန်ပက်လက်မြို့ အစပ်နေရာများ နှင့် အာရက္ခတပ်တော် လှုပ်ရှားရာနေရာအနှံ့၌လည်း ဖက်ဆစ်အကြမ်းဖက်စစ်ကော်မရှင်​၏ လူလှိုင်းအသုံးပြု ထိုးစစ်များကြောင့် တိုက်ပွဲများပြင်းထန်စွာ ဖြစ်ပွားလျက်ရှိသည်။   ဓာတ်ပုံ- ဧရာဝတီတိုင်း၊ ရေကြည်မြို့နယ်ရှိ ဖက်ဆစ် အကြမ်းဖက် စစ်ကော်မရှင်တပ်၏ ပွိုင့် (၂၈၈) ကုန်း၊ ပွိုင့် (၁၈၈) ကုန်းနှင့် ပွိုင့် (၁၄၈) ကုန်းတို့ကို တိုက်ခိုက်သိမ်းပိုက်စဉ်အတွင်း သိမ်းဆည်းရမိခဲ့သော လက်နက်ခဲယမ်းများ၊ စစ်အသုံးအဆောင်ပစ္စည်းများနှင့် ရန်သူ့အလောင်းအချို့   သတင်းနှင့်ပြန်ကြားရေး အာရက္ခတပ်တော်

ကျောက်တော်မြို့၊ ဂွမြို့ နှင့် ကျိန္တလီမြို့တို့အား ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲ တိုက်ခိုက်မှုကြောင့် အပြစ်မဲ့အရပ်သားများသေဆုံးခြင်း၊ ထိခိုက်ဒဏ်ရာရရှိခြင်းများနှင့်ပတ်သက်၍ သတင်းထုတ်ပြန်ချက်   ၂၀၂၆ ခုနှစ်၊ ဇွန်လ (၁၈) ရက်   ၂၀၂၆ ခုနှစ်၊ ဇွန်လ (၁၇) ရက်နေ့၊ ညနေ (၃) နာရီအချိန်ခန့်မှစ၍ အာရက္ခပြည်၊ ကျောက်တော်မြို့ပေါ်ရှိ အပြစ်မဲ့ အရပ်သားပြည်သူများနေထိုင်ရာ ရပ်ကွက်များ နှင့် လမ်းမတော်ကျေးရွာ ဈေးဆိုင်တန်း ကျောက်ကွင်းအနီးတစ်ဝိုက်ကို ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၄) စီးဖြင့် တစ်နာရီနီးပါးကြာ နှစ်ကြိမ်တိုင်ဗုံးကြဲတိုက်ခိုက်ခဲ့သည်။   ၂၀၂၆ ခုနှစ်၊ ဇွန်လ (၁၇) ရက်နေ့၊ ညနေ (၃) နာရီအချိန်ခန့်မှစ၍ ဖက်ဆစ် အကြမ်းဖက် စစ်ကော်မရှင်တပ်သည် ပထမအကြိမ် ဂျက်ဖိုက်တာ (၂) စီးဖြင့် ကျောက်တော်မြို့ပေါ်ရှိ ပိုက်သည်ရပ်ကွက်၊ ရွာမရပ်ကွက်၊ ကတ-၃ လမ်းမ အပါအဝင် စုစုပေါင်း အရပ်သားပြည်သူများနေထိုင်သည့် နေရာ (၅) ခုကို Rocket သီး (၁၃) လုံး နှင့် ပေါင် (၅၀၀) ဗုံး (၃) လုံးဖြင့် အသုံးပြုတိုက်ခိုက်ခဲ့သည်။   ဒုတိယအကြိမ်တွင်လည်း ဂျက်ဖိုက်တာ (၂) စီးဖြင့် ကျောက်တော်မြို့၊ လမ်းမတော်ကျေးရွာ ဈေးဆိုင်တန်း ကျောက်ကွင်းအနီးတစ်ဝိုက် ကို ပေါင် (၅၀၀) ဗုံး (၄) လုံး၊ ပေါင် (၃၀၀) ဗုံး (၁) လုံး နှင့် Rocket သီး (၂) လုံးဖြင့် အသုံးပြုတိုက်ခိုက်ခဲ့သည်။   ဖက်ဆစ် အကြမ်းဖက် စစ်ကော်မရှင်၏ တစ်နာရီနီးပါးကြာသည့် ၎င်းလေကြောင်းတိုက်ခိုက်မှုအတွင်း (၄) နှစ်အရွယ် ကလေးငယ်တစ်ဦးအပါအဝင် အပြစ်မဲ့ အရပ်သားပြည်သူ (၈) ဦးသေဆုံးခဲ့ပြီး (၁၉) ဦး ဒဏ်ရာရရှိခဲ့သည်။ ထို့အပြင် လူနေအိမ်များ၊ ဈေးဆိုင်ခန်းများအပါအဝင် အဆောက်အအုံ (၃၀) ခန့် မီးလောင် ပျက်စီး ဆုံးရှုံးခဲ့ရသည်။    ၂၀၂၆ ခုနှစ်၊ ဇွန်လ (၁၄) ရက်နေ့၊ ည (၁၂) နာရီအချိန်ခန့်တွင်လည်း ဂွမြို့နယ်၊ အမှတ် (၁၁) တိုက်နယ်၊ ကျောက်ချွန်ကျေးရွာရှိ ဘုန်းကြီးကျောင်းနှင့် စာသင်ကျောင်းတို့အား ဖက်ဆစ် အကြမ်းဖက် စစ်ကော်မရှင်တပ်မှ ဗုံးကြဲတိုက်ခိုက်ခဲ့မှုကြောင့် အရပ်သားပြည်သူ (၁) ဦး ထိခိုက်ဒဏ်ရာရရှိခဲ့သည်။ ထို့ပြင် စာသင်ကျောင်းဆောင်များနှင့် အနီးအနားမှ ပြည်သူတို့၏ နေအိမ်အချို့ပျက်စီးခဲ့ပြီး နွားတစ်ကောင်သေဆုံးကာ အခြားနွားတစ်ကောင်မှာ ဒဏ်ရာရရှိခဲ့သည်။   ၂၀၂၆ ခုနှစ်၊ ဇွန်လ (၁၅) ရက်နေ့၊ ည (၇) နာရီ (၁၅) မိနစ် အချိန်ခန့်တွင်လည်း ဂွမြို့နယ်၊ ကျိန္တလီမြို့၊ ရမ္မာကျွန်းကျေးရွာကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲ တိုက်ခိုက်ခဲ့မှုကြောင့် အပြစ်မဲ့အရပ်သားပြည်သူ (၂) ဦးသေဆုံးခဲ့ကာ (၄) ဦး ထိခိုက်ဒဏ်ရာများ ရရှိခဲ့ပြီး လူနေအိမ်အချို့ ပျက်စီးသွားခဲ့ရသည်။   ထို့အပြင် ၂၀၂၆ ခုနှစ်၊ ဇွန်လ (၄) ရက်နေ့၊ ညနေ (၃) နာရီ (၂၀) မိနစ် အချိန်ခန့်တွင် ရမ်းဗြဲမြို့နယ်၊ လေးတောင်မြို့၊ အမှတ် (၄) ရပ်ကွက်၊ တောလယ်ရပ် အရှေ့ဘက်ရှိ ရေနံတူးရာအနီးတစ်ဝိုက်သို့ ဖက်ဆစ် အကြမ်းဖက် စစ်ကော်မရှင်တပ်မှ အသေခံဒရုန်း (၂) စီးဖြင့် တိုက်ခိုက်ခဲ့သောကြောင့် နွား (၂) ကောင်သေဆုံးသွားခဲ့သည်။   ၂၀၂၆ ခုနှစ်၊ ဇွန်လ (၆) ရက်နေ့၊ ည (၁၁) နာရီခွဲ အချိန်ခန့်တွင်လည်း ကျောက်ဖြူမြို့နယ်၊ အမှတ် (၄) တိုက်နယ်၊ ကုလားတွင်းကျေးရွာ နှင့် ဘယာကျေးရွာတို့အား ဖက်ဆစ် အကြမ်းဖက် စစ်ကော်မရှင်တပ်မှ Y12 လေယာဉ်တစ်စီးဖြင့် ဗုံးကြဲတိုက်ခိုက်ခဲ့သည်။ ၎င်းတိုက်ခိုက်မှုကြောင့် ဘုန်းကြီးကျောင်းနှင့် ပြည်သူများ၏ နေအိမ်အချို့ ပျက်စီးဆုံးရှုံးခဲ့ပြီး နွား (၃) ကောင် သေဆုံးခဲ့သည်။   ၂၀၂၆ ခုနှစ်၊ ဇွန်လ (၇) ရက်နေ့တွင်လည်း ကျောက်ဖြူမြို့နယ်၊ သံဇစ်မြစ်အတွင်း ရေကြောင်းမှ ခရီးသွားပြည်သူများကို ဖက်ဆစ် အကြမ်းဖက် စစ်ကော်မရှင်တပ်၏ စစ်သင်္ဘောများပေါ်မှ စက်သေနတ်များဖြင့် လှမ်းပစ်၍ ခရီးသွားပြည်သူအချို့ ပြင်းထန်စွာ ထိခိုက်ဒဏ်ရာရရှိခဲ့သည်။   ထို့အပြင် ၎င်းသံဇစ်မြစ်အတွင်းမှာပင် ၂၀၂၆ ခုနှစ်၊ ဇွန်လ (၇) ရက်နေ့၊ ညနေ (၅) နာရီအချိန်တွင် မင်းပြားမြို့မှ ရမ်းဗြဲမြို့သို့ ကုန်ပစ္စည်းများဝယ်၍ ပြန်လာသော မော်တော်ဘုတ်တစ်စီးအား အကြမ်းဖက် စစ်ကော်မရှင်တပ်၏ စစ်သင်္ဘောမှ ဖမ်းဆီးခဲ့ပြီး ၎င်းမော်တော်ဘုတ်၌ လိုက်ပါလာသည့် ကုန်သည်နှင့် လုပ်သား စုစုပေါင်း (၁၄) ဦးကို အကြောင်းမဲ့ ဖမ်းဆီးမှုများရှိခဲ့သည်။   ဓာတ်ပုံ - ၂၀၂၆ ခုနှစ်၊ ဇွန်လ (၁၇) ရက်နေ့တွင် အာရက္ခပြည်၊ ကျောက်တော်မြို့ပေါ်ရှိ အပြစ်မဲ့ အရပ်သားပြည်သူများနေထိုင်ရာ ရပ်ကွက်များ နှင့် လမ်းမတော်ကျေးရွာ ဈေးဆိုင်တန်း ကျောက်ကွင်းအနီးတစ်ဝိုက်ကို ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းဗုံးကြဲတိုက်ခိုက်ခဲ့မှုကြောင့် သေဆုံးသွားသည့် အပြစ်မဲ့ အရပ်သား ပြည်သူများ   သတင်းနှင့်ပြန်ကြားရေး အာရက္ခတပ်တော်

ကရင်နီအမျိုးသားကာကွယ်ရေးတပ် (Karenni Nationalities Defense Force - KNDF) ဖွဲ့စည်းထူထောင်ခြင်း (၅) နှစ်ပြည့်နေ့အခမ်းအနားသို့ ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) မှ ပေးပို့သော ဂုဏ်ပြုသဝဏ်လွှာ   ၁၃၈၈ ခုနှစ်၊ နယုန်လပြည့်ကျော် (၁) ရက် ၂၀၂၆ ခုနှစ်၊ မေလ (၃၁) ရက်

အာရက္ခတပြည်လုံးဟိ မြို့ပြစည်ပင်သာယာရီးနန့် စနစ်တကျတိုးတက်ဖွံ့ဖြိုးရီးဆိုင်ရာ ထုတ်ပြန်ကြေညာချက်    ၁၃၈၈ ခုနှစ်၊ ကဆုန်လဆန်း (၁၄) ရက် ၂၀၂၆ ခုနှစ်၊ မေလ (၂၉) ရက်

Announcement May 26, 2026

ထုတ်ပြန်ကြေညာချက်   ၁၃၈၈ ခုနှစ်၊ နယုန်လဆန်း (၁၁) ရက် ၂၀၂၆ ခုနှစ်၊ မေလ (၂၆) ရက်

**ဝမ်းနည်းကြောင်း သဝဏ်လွှာ ပီးပို့ခြင်း**   ၁၃၈၈ ခုနှစ်၊ ဒုတိယတာကူးလပြည့်ကျော် (၁၃) ရက် ၂၀၂၆ ခုနှစ်၊ မေလ (၁၃) ရက်

ဖက်ဆစ် အကြမ်းဖက် စစ်ကော်မရှင်တပ်မှ အာရက္ခပြည်၊ မင်းပြားနှင့် ကျောက်တော်မြို့နယ်အတွင်းရှိ ကျေးရွာအချို့နှင့် အကျဉ်းထောင်အချို့ကို လေကြောင်းမှ ဗုံးကြဲတိုက်ခိုက်မှုအား နှစ်ကြိမ်တိုင် ယမန်နေ့တစ်ရက်တည်းအတွင်း ပြုလုပ်   ၂၀၂၆ ခုနှစ်၊ မေလ (၈) ရက်နေ့ အာရက္ခပြည်၊ မင်းပြားမြို့နယ်၊ ကျောက်ခုတ်ကျေးရွာ အရှေ့တောင်ဖက်ရှိ ကင်းမွန်ချောင်းဂျိုင်နှင့် ၎င်းအနီးပတ်ဝန်းကျင်ရှိကျေးရွာများအတွင်းသို့ ၂၀၂၆ ခုနှစ်၊ မေလ (၇) ရက်၊ နေ့လည် (၂) နာရီ (၁၅) မိနစ်အချိန်ခန့်တွင် ဖက်ဆစ်အကြမ်းဖက် စစ်ကော်မရှင်တပ်မှ ဂျက်ဖိုက်တာ (၂) စီး၊ Y-12 (၁) စီးဖြင့် အဆိုပါနေရာများအား မိနစ် (၄၀) ခန့်ကြာသည်အထိ တရစပ်မရပ်မနားဗုံးကြဲတိုက်ခိုက်ခဲ့မှုကြောင့် အရပ်သား ပြည်သူတချို့ သေဆုံး၊ ဒဏ်ရာရမှုများရှိခဲ့သကဲ့သို့ လူနေအဆောက်အအုံတချို့ ပျက်စီးမှု၊ ကျွဲ၊ နွား၊ တိရစ္ဆာန် တချို့ သေဆုံးမှု၊ဗုံးစထိမှန်မှုတို့ရှိခဲ့သည်။ ထို့အတူ ယမန်နေ့တစ်ရက်တည်းတွင်ပင် ဖက်ဆစ် အကြမ်းဖက် စစ်ကော်မရှင်တပ်သည် ကျောက်တော် မြို့နယ်၊ သုံးခွအနီးပတ်ဝန်းကျင်သို့လည်း ဂျက်ဖိုက်တာ (၄) စီးဖြင့် ည (၁၀) နာရီခန့်မှ (၁၀) နာရီ (၂၅) မိနစ်အထိ ပေါင် (၅၀၀) ဗုံး ၈ လုံးဖြင့် လာရောက်ပစ် ခတ်တိုက်ခိုက်ခဲ့သည့်အပြင် (၁၀) နာရီ (၂၈) မိနစ်တွင်လည်း Y-12 ထောက်ပို့လေယာဉ် (၂) စီးမှ Cluster Boombအမျိုးအစား (၂၄) လုံးခန့်လာရောက်ဗုံးကြဲတိုက်ခိုက်ခဲ့သည်။ အဆိုပါ ဗုံးကြဲတိုက်ခိုက်မှုဖြစ်စဉ်ကြောင့် ၎င်းအနီးအရပ်သားပြည်သူ (၁) ဦး၊ အကျဉ်းထောင်ဆေးဝန်ထမ်း (၁) ဦး၊ ကလေး (၁) ဦး သေဆုံးခဲ့ပြီး ပြင်းထန်နှင့်အလတ်စားဒဏ်ရာရသူ (၁၀) ဦးခန့်လည်းရှိခဲ့သည်။ ထို့အပြင် ကျောက်တော်မြို့နယ်၊ ပြိုင်းချောင်းကျေးရွာမှ အရပ်သား တစ်ဦး ပိုင်ဆိုင်သော နွား (၇) ကောင်လည်း ဤဗုံးကြဲတိုက်ခိုက်မှုကြောင့် သေဆုံးခဲ့သည်။   သတင်းနှင့်ပြန်ကြားရေး အာရက္ခတပ်တော်

အာရက္ခပြည်အတွင်းရှိ ပုဏ္ဏားကျွန်း၊ ကျောက်တော်၊ မြောက်ဦးမြို့များအပါအဝင် ပလက်ဝမြို့အတွင်းရှိ အရပ်သားပြည်သူများနေထိုင်သည့် နေရာများသို့ ဖက်ဆစ် အကြမ်းဖက် စစ်ကော်မရှင်မှ ဂျက်ဖိုက်တာများဖြင့် ယခုရက်သတ္တပတ်အတွင်း လှည့်ပတ်ဗုံးကြဲတိုက်ခိုက် ၂၀၂၆ ခုနှစ်၊ ဧပြီလ (၁၉) ရက် အာရက္ခပြည်၊ ကျောက်တော်၊ ပုဏ္ဏားကျွန်း၊ မြောက်ဦးမြို့များအတွင်းရှိ အရပ်သား ပြည်သူများ နေထိုင်သည့်နေရာများ၊ စာသင်ကျောင်း၊ ဆေးရုံ၊ ဆေးခန်းများ၊ လျှပ်စစ်ဓာတ်အားပေးစက်ရုံများနှင့် ဘုန်းကြီးကျောင်းကဲ့သို့သော ဘာသာရေးအဆောက်အအုံများအပြင် အများပြည်သူသွားလာကြသည့် လမ်း၊ တံတားများအား ဂျက်ဖိုက်တာများဖြင့် လှည့်ပတ်ဗုံးကြဲတိုက်ခိုက်မှုများကို ဖက်ဆစ်အကြမ်းဖက် စစ်ကော်မရှင်တပ်မှ ယခုရက်သတ္တပတ်အတွင်း ဆက်တိုက်ပြုလုပ်ခဲ့သည်။ ၂၀၂၆ ခုနှစ်၊ ဧပြီလ (၁၉) ရက်နေ့၊ နံနက် (၁၀) နာရီခန့်မှ (၁၀) နာရီခွဲအချိန်အထိ ဖက်ဆစ်အကြမ်းဖက် စစ်ကော်မရှင်တပ်သည် ပုဏ္ဏားကျွန်းမြို့ နယ်၊ ရေဖြူကန်ကျေးရွာရှိ ယခင်နယ်စပ်ဒေသ တိုင်းရင်းသားလူငယ်များဖွံ့ဖြိုးရေး (နတလ) သင်တန်းကျောင်းနှင့် ပုဏ္ဏားကျွန်းမြို့ ရွာဟောင်းပိုင်းရပ်ကွက် နှင့် လျှပ်စစ်ဓာတ်အားပေး/မီးခွဲရုံ တို့အား ဂျက်ဖိုက်တာ (၃) စီးဖြင့် (၇) ကြိမ်တိုင်တိုင် ရှေ့ဆင့်နောက်ဆင့် လာရောက် ဗုံးကြဲတိုက်ခိုက်ခဲ့သည်။ ထိုသို့ တိုက်ခိုက်မှုကြောင့် မီးခွဲရုံ မီးလောင်ကျွမ်းသွားခဲ့ပြီး ရွာဟောင်းပိုင်းရပ်ကွက်တွင် လူနေအိမ် (၆) လုံး ပျက်စီးသွားကာ အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရရှိသွားခဲ့သည်။ ထို့အပြင် ၂၀၂၆ ခုနှစ်၊ ဧပြီလ (၁၉) ရက်နေ့၊ မွန်းတည့် (၁၂) နာရီခန့်အချိန်တွင် ဖက်ဆစ်အကြမ်းဖက် စစ်ကော်မရှင်တပ်သည် ပုဏ္ဏားကျွန်းမြို့ နယ်၊ ငှက်ကြီးကျွန်းကျေးရွာအား ဂျက်ဖိုက်တာတစ်စီးဖြင့် တစ်ကြိမ်လာရောက် ဗုံးကြဲတိုက်ခိုက်ခဲ့ရာ အပြစ်မဲ့ အရပ်သားပြည်သူတစ်ဦး ထိခိုက်သေဆုံးသွားခဲ့သည်။ ၂၀၂၆ ခုနှစ်၊ ဧပြီလ (၁၉) ရက်၊ နံနက် (၁၀) နာရီနှင့် နေ့လယ် (၁၂) နာရီခွဲအချိန်တို့တွင်လည်း မြောက်ဦးမြို့နယ်၊ ကျောက်ဆည်ပြင်ကျေးရွာ၊ ကျောက်ဆည်ပြင် ဘုန်းကြီးကျောင်းအား ဖက်ဆစ်အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် နှစ်ကြိမ်လာရောက် ဗုံးကြဲတိုက်ခိုက်ခဲ့သည်။ ၎င်းတိုက်ခိုက်မှုကြောင့် ဘုန်းကြီးကျောင်း၊ သာသနိကအဆောက်အအုံများ နှင့် ဘုန်းကြီးကျောင်းပတ်ဝန်းကျင်ရှိ လူနေအိမ်အချို့တို့ မီးလောင်ပျက်စီးခဲ့ပြီး စာသင်နေကြသော စာသင်သား သံဃာတော်များအပါအဝင် အပြစ်မဲ့ပြည်သူ စုစုပေါင်း (၁၃) ဦး ထိခိုက်ဒဏ်ရာ ရရှိခဲ့ကြသည်။ ထို့အပြင် နွား (၅) ကောင် သေဆုံးပြီး (၁) ကောင် ဒဏ်ရာရရှိကာ ဆိတ် (၁) ကောင် သေဆုံးသွားခဲ့ရသည်။ ကျောက်တော်မြို့နှင့် ပလက်ဝမြို့ရှိ အရပ်သားပြည်သူလူထုများနေထိုင်သည့် နေရာအချို့ကိုလည်း ဖက်ဆစ်အကြမ်းဖက် စစ်ကော်မရှင်တပ်သည် ဂျက်ဖိုက်တာ (၅) စီး နှင့် Y12 (၂) စီးတို့ဖြင့် ရှေ့ဆင့်နောက်ဆင့် တချိန်တည်းတွင် ဗုံးကြဲတိုက်ခိုက်ခဲ့မှုများကို ယခုရက်သတ္တပတ်အတွင်း ပြုလုပ်ခဲ့သည်။ ဓာတ်ပုံ - ၂၀၂၆ ခုနှစ်၊ ဧပြီလ (၁၉) ရက်နေ့တွင် မြောက်ဦးမြို့နယ်၊ ကျောက်ဆည်ပြင်ရွာ ဘုန်းကြီးကျောင်းအား ဖက်ဆစ် အကြမ်းဖက် စစ်ကော်မရှင်တပ်မှ လေကြောင်းတိုက်ခိုက်ခဲ့မှုကြောင့် ထိခိုက်ပျက်စီးမှု အခြေအနေ သတင်းနှင့်ပြန်ကြားရေး အာရက္ခတပ်တော်

နှစ်သစ်ဆုတောင်း ၁၃၈၈ ခုနှစ်၊ နှစ်ဆန်းတစ်ရက်နေ့ ၂၀၂၆ ခုနှစ်၊ ဧပြီလ (၁၇) ရက်

၂၀၂၆ ခုနှစ်၊ ဧပြီလ ပထမပတ်အတွင်း ဖက်ဆစ် အကြမ်းဖက် စစ်ကော်မရှင်၏ ကပစ (၁၆) ကာကင်းစခန်းများဖြစ်သော ပွိုင့် (၅၀၀) ကုန်းနှင့် ၎င်းအနီးဝန်းကျင်ကုန်းများမှ ထွက်ပြေးလာပြီး အာရက္ခတပ်တော်ထံသို့ အလင်းဝင်ရောက်လာသော အကြမ်းဖက် စစ်ကော်မရှင်တပ်ဖွဲ့ဝင်များထဲမှ အချို့၏ ထွက်ဆိုချက်များ ၂၀၂၆ ခုနှစ်၊ ဧပြီလ (၁၁) ရက် #AAInfoDesk

(၁၇) နှစ်မြောက် အာရက္ခတပ်တော်နိ အခမ်းအနားသို့ အာရက္ခတပ်တော် တပ်မှူးချုပ်မှ ပီးပို့အပ်သော သဝဏ်လွှာ ၁၃၈၇ ခုနှစ်၊ တာကူးလပြည့်ကျော် (၉) ရက် ၂၀၂၆ ခုနှစ်၊ ဧပြီလ (၁၀) ရက်

ကျေးဇူးတင်လွှာ ၁၃၈၇ ခုနှစ်၊ တန်ခူးလပြည့်ကျော် (၉) ရက် ၂၀၂၆ ခုနှစ်၊ ဧပြီလ (၁၀) ရက်

(၁၇) နှစ်မြောက် အာရက္ခတပ်တော်နေ့ အခမ်းအနားသို့ တော်လှန်ရေးအဖွဲ့အစည်းအသီးသီး နှင့် အဖွဲ့အစည်းတချို့ မှ ပေးပို့လာကြသော သဝဏ်လွှာများ - ၅ ၂၀၂၆ ခုနှစ်၊ ဧပြီလ (၁၀) ရက်

(၁၇) နှစ်မြောက် အာရက္ခတပ်တော်နေ့ အခမ်းအနားသို့ တော်လှန်ရေးအဖွဲ့အစည်းအသီးသီး နှင့် အဖွဲ့အစည်းတချို့ မှ ပေးပို့လာကြသော သဝဏ်လွှာများ - ၄ ၂၀၂၆ ခုနှစ်၊ ဧပြီလ (၁၀) ရက်