БСТ | Яңылыҡтар

2019 йылдан алып Башҡортостанда һәр өсөнсө фельдшер-акушерлыҡ пункты яңыртылған Төбәктә һаулыҡ һаҡлау өлкәһенең беренсел звеноһын нығытыуға, ауыл медицинаһын үҫтереүгә иғтибар юғары. Республика фаптар иҫәбе буйынса ла ил кимәлендә алдынғы урынды биләй. Был аҙнала сафҡа индерелгән модулле медицина пункттарында БЮТ ижади төркөмө лә булды.

Радий Хәбиров Өфөләге Ильич скверы һәм мозаикалы фонтан реконструкцияһы менән танышты Башҡортостан башлығы Радий Хәбиров Өфөләге Ильич скверы һәм мозаикалы фонтан реконструкцияһы менән танышты. 1975 йылда төҙөлгән фонтан совет модернизмы стилендә ҡоролған. Ул 2000 йылда ябылып, сирек быуат эшләмәй. Реконструкция барышында уның тарихи йөҙө тулыһынса тергеҙелә, яҡтыртыу-музыкаль шоу ойоштороу мөмкинлеге булдырыла. Урындағы халыҡ Калинин районына булған иғтибар өсөн рәхмәт белдерҙе.

Өфөлә Ҡурай көнө уңайынан ҙур концерт үтте Ҡурай көнөндә Башҡортостан Ҡурайсылар союзы ағзалары 13 кешегә артты. Республика башлығы Радий Хәбиров указына ярашлы быйылдан рәсми билдәләнгән дата уңайынан республикала бик күп мәҙәни саралар ойошторолдо. Өфөлә милли уйын ҡоралына бәйле үткән семинар, беренсе күргәҙмә шуларҙың береһе. Әһәмиәтле көндә Башҡортостан дәүләт ҡурайсылар ансамбле ҙур концерт программаһы менән сығыш яһаны.

Ейәнсура районы 95 йыллығын яңы проекттар һәм фольклор байрам менән ҡаршыланы Ейәнсура районы ойошторолоуға 95 йыл. Юбилей уңайынан төбәктә бер нисә объект сафҡа инде. Мәрйәм Бураҡаева исемендәге Башҡорт-гимназия интернаты янында ГТО нормаларын тапшырыу, «Айыҡ ауыл» конкурсы еңеүселәре Кинйәбулатта балалар өсөн ял майҙансыҡтары асылды. ЗАГС эргәһендә «Ғашиҡтар йөрәге» объекты барлыҡҡа килде. Тарихи дата айҡанлы районда байрам саралары-«Йырлы бишегем-Ейәнсура» фольклор байрамы үтте. Район мәҙәниәт йортонда хеҙмәт алдынғылары бүләкләнде, фойела бай йөкмәткеле күргәҙмә әҙерләнгәйне. Тулыраҡ киләһе репортажда.

Радий Хәбиров «Көслөләр һайлауы» Бөтә Рәсәй конференцияһында ҡатнашты Башҡортостан башлығы Радий Хәбиров Берҙәм Рәсәй партияһының «Көслөләр һайлауы» федераль проектының Бөтә Рәсәй конференцияһында ҡатнашты. Көрәш спортын үҫтереү, илһөйәр йәштәр тәрбиәләү һәм илдең кадрҙар резервын булдырыуҙы маҡсат итеп ҡуйған проект өс федерацияны-дзюдо, самбо һәм спорт көрәшен берләштерә.

Өфөлә Шайморатов класстары уҡыусылары тоғролоҡҡа ант бирҙе Тыуған еребеҙҙең тоғро улы һәм ҡыҙы булырға, төплө белем алырға, илебеҙгә намыҫлы хеҙмәт итергә ант итәм! Шайморатов класында уҡыусылар тантаналы шарттарҙа тоғролоҡҡа ант бирҙе. Баш ҡаланың Совет майҙанына республиканың төрлө ҡала һәм райондарынан алты йөҙгә яҡын бала йыйылды. Радий Хәбиров буласаҡ Ватан һаҡсыларын шайморатовсыларға бағышланы. Республика көнөнә арналған тантаналы саранан репортаж.

Радий Хәбиров Өфөнөң транспорт инфраструктураһы идаралығына яңы троллейбус асҡыстарын тапшырҙы Рәсәй-Белоруссия сәнәғәт кооперацияһы һөҙөмтәһе. Башҡортостан башлығы Радий Хәбиров Өфөнөң транспорт инфраструктураһы идаралығына яңы троллейбус асҡыстарын тапшырҙы. Экологик яҡтан иң таҙа машиналар ҡала электр транспортын үҫтереү программаһы буйынса һатып алынған. «Горожанин» троллейбусының төп үҙенсәлектәренең береһе-өҫтәмә аккумулятор ярҙамында 30 километрға тиклем автономлы хәрәкәт итеү мөмкинлеге.

Өфөлә тарихи йөҙөн һаҡлаған Ағиҙел күпере асылды Тарихи йөҙөн һаҡлаған яңыртылған күпер. Республика көнөндә өс йыл дауамында алып барылған ремонт эштәренән һуң, транспорт хәрәкәте ебәрелде. Объектты белгестәр элекке стиленә ҡарап төҙөкләндерергә тырышҡан. Уны асыу тантанаһында республика башлығы ла ҡатнашты.

Радий Хәбиров Башҡоростан халҡын Республика көнө менән ҡотланы - Беҙҙең Башҡортостан - ул күп милләтле тарих, үҙенсәлекле мәҙәниәт, уникаль тәбиғәт. Көслө сәнәғәт һәм ауыл хужалығы. Фән һәм инновациялар. Алға ынтылыш. Әммә төп байлығыбыҙ - ул бында йәшәүсе кешеләр. Ҡаһарман геройҙар, хеҙмәтсәндәр, һәләтле артистар, шағирҙар, рәссамдар, спортсылар, ғалимдар. Республиканың бөтә халҡының - уңыштар, сәләмәтлек, имеменлек һәм ҡаҙаныштар теләйем, - тип яҙа Радий Хәбиров социаль селтәрҙә.

Аҙна аҙағына көндәрҙең ҡапыл һыуытыуы фаразлана Башҡортостан гидрометеорология үҙәгенән хәбәр итеүҙәренсә, шәмбе һәм йәкшәмбе урыны менән ямғыр һәм ҡар ҡатыш ямғыр яуыуы ихтимал. 13 октябрҙә иртәле-кисле юлдарҙа боҙлауыҡ булыуы, таулы, көнсығыш райондарҙа ваҡытлыса ҡар ятыуы мөмкин.

Башҡортостандың хеҙмәт алдынғылары баш ҡала сәхнәһендә бүләкләнде Уңышты йыйып бөткәс тә баш ҡалаға лайыҡлы бүләк артынан. Ҡырҡ йыл буйы механизатор булып эшләгән Станислав Ғөбәев бер төркөм хеҙмәт алдынғылары менән бер рәттән Башҡортостан башлығы Радий Хәбиров ҡулынан награда алды. Тотош ғүмеремде тиерлек ауылда, трактор рулендә уҙғарғас баш ҡалаға килеп Республика көнөнә арналған тантаналарҙа ҡатнашыу ҙур һынау булды, ти Станислав. Үҙенең көндәлек эшендә хеҙмәт ҡаһарманлығы күрһәткән, үҙ һөнәрендә, төбәк үҫешендә локомотив булған шәхестәрҙе тәбрикләү тантанаһынан репортаж.

Радий Хәбиров Йәштәр эштәре буйынса федераль агентлыҡ етәксеһе Григорий Гуров менән осрашты Яҡтар йәштәр сәйәсәтен үҫтереү мәсьәләләрен тикшерҙе. Башҡортостан был өлкәлә интенсив һәм һөҙөмтәле эш алып бара. Республика йәштәр һаны буйынса Волга буйы федераль округында беренсе һәм Рәсәйҙә етенсе урынды биләй, тине Радий Хәбиров. Республика етәксеһе шулай уҡ тәрбиә һәм мәғрифәтселек эшен ойоштороу кәрәклегенә иғтибар итте.

Өфөлә тәүге профессиональ падел-турнирға старт бирелде Башҡортостан башлығы Радий Хәбиров менән Рәсәй спорт министрының беренсе урынбаҫары Одес Байсолтанов республикала падел-спорт буйынса беренсе профессиональ турнирға старт бирҙе. Өфөлә яңы спорт төрө менән шөғөлләнеү өсөн клуб асылды. Шулай уҡ Өфөлә төҙөләсәк Өҫтәл теннисы үҙәгенә нигеҙ ташы һалынды.

Башҡортостанда спорт майҙансыҡтары асыуға старт бирелде Башҡортостан спорттың күп төрҙәре буйынса илдең терәк төбәге иҫәпләнә. Республика 199 миҙал яулаған 76 Олимпия, паралимпия һәм сурдлимпия уйындары чемпионы һәм призеры менән ғорурлана. Был турала Радий Хәбиров Башҡортостан башлығы ҡарамағындағы Физик культура һәм спортты үҫтереү мәсьәләләре буйынса совет ултырышында белдерҙе. Төбәк етәксеһе шулай уҡ видеобәйләнеш аша район-ҡалаларҙа 13 спорт майҙансығын асыуға старт бирҙе.

Башҡортостанда Республика көнө тантаналы рәүештә билдәләнде 11 октябрҙә Башҡортостандың төп дәүләт байрамы-Республика көнө билдәләнә. Төбәк башлығы Радий Хәбиров тарихи датаға арналған тантаналы йыйылышта ҡатнашып, республикала йәшәүселәрҙе байрам менән тәбрикләне. Сәхнәлә хеҙмәт алдынғыларына дәүләт наградалары. Салауат Юлаев исемендәге дәүләт премияһы лауреаттары тәбрикләнде.

Федоровка районының Бала Сытырман урта дөйөм белем биреү мәктәбе 100 йыллыҡ юбилейын билдәләне Сағыу гөлләмәләр, уҡытыусыға сикһеҙ рәхмәт һүҙҙәре. Федоровка районының Бала Сытырман урта дөйөм белем биреү мәктәбе 100 йыллыҡ юбилейын билдәләне. Тантаналы сара белем усағын төрлө йылдарҙа тамамлаусылар һәм педагогтарҙы осраштырҙы.

Өфөлә бер юлы ике ижади коллектив тамашасыға яңы йырҙарын тәҡдим итте Республика көнө уңайынан «Хазина» этно-проекты менән «Тауыштар» вокал проекты композицияларының исем туйы үтте.

Республика көнө алдынан яҙыусылар менән журналистар осрашты «Берҙәмлектә-көс» тип исемләнгән түңәрәк өҫтәл артындағы һөйләшеү яңыртылған Башҡортостан яҙыусылар союзы бинаһында үтте. Осрашыуҙа яҙыусылар, республиканың төп баҫмаларының баш мөхәррирҙәре, журналистар сығыш яһаны.

Махсус хәрби операция биләмәһе яугирҙары ҡурайҙы ташламай Башҡорт халҡының милли музыка ҡоралы уларға рухи көс бирә, яу ҡырында ла илһамландыра. Сихри моң-ул тыуған ергә, ата-бабалар тарихына тоташтырыусы бер сылбыр. Ҡулына ҡорал алған һалдаттар араһында ла ҡурайсылар бар. Шуларҙың береһе «Сәләх» ҡушаматлы яугир. Ул, ара-тирә тынлыҡ урынлашҡан мәлдәрҙә, ҡурайҙа уйнап, иптәштәренең күңелен күтәрә, тыуған яҡҡа һағышты баҫа. Ҡурай моңо яугирҙарға көс һәм дәрт өҫтәй, рухын нығыта.

Өфөлә ҡурайға арналған тәүге ҙур күргәҙмә эшен башланы Башҡортостандың Милли музейында «Ҡурай-башҡорт халҡының йәне» тип исемләнгән беренсе күләмле күргәҙмә асылды. 8 тематик зонаға бүленгән экспонаттар араһында сәхнә костюмдары, һирәк осраған китаптар, нота баҫмаларын һәм архив фотоһүрәттәрҙе күрергә мөмкин.