တရားများ

ဘဝရဲ အမှန်တရားက အနိစ္စနဲ့ မရဏ ___________ အနိစ္စ အချိန်တိုင်းပြီးဆုံးနေတယ်။ အတွေ့အကြုံတိုင်း အကုန်လုံး ပြီးဆုံးလိုက်တယ်၊ ဟုတ်လား။ အဲဒါကို အတိတ်၊ ပစ္စုပ္ပန်၊ အနာဂတ်။ ကာလသုံးတန် အကုန်လုံး နားလည်မှု ရှိရမယ်။ ပြီးရင် ဘုန်းကြီးတို့ သိရမှာက မရဏ၊ သူကလည်းပဲ သိရင် အလွန်တရာမှ ကြီးမားတဲ့ အစွမ်း ဉာဏ်ပညာစွမ်းကို ဖြစ်ပေါ်စေတယ်။ မရဏကို သိတဲ့ အလုပ်ကို ဘုန်းကြီးတို့ ဖိပြီးတော့ လုပ်သင့်တယ်၊ ဘဝရဲ့ အပေါ်မှာ မြင်တဲ့ အမြေတွေ အကုန်လုံး ပြောင်းပြန် လှန်သွားနိုင်တယ်လို့ ဘုန်းကြီးက အဲဒီလိုကို ယုံကြည်တယ်။ အခု ကျုပ်တို့ ပြောင်းပြန်မလှန်ဘူး။ အမှားအတိုင်း ခေါက်ရိုးကျိုးတယ်၊ ဟုတ်လား။ ပြောင်းပြန်မလှန်ဘူး၊ အမှားအတိုင်း ခေါက်ရိုးကျိုးတယ်နော်။ အဲဒါကို ဘုန်းကြီးတို့ ပြောင်းလဲပစ်ချင်တယ် ဆိုလို့ရှိရင် မရဏကို မြင်အောင်ကြည့်၊ ပျက်စီးမယ့် ဘဝလေးတွေ၊ ကိုယ်လည်း ပျက်စီးရမယ်၊ ကိုယ်ဘေးက လူတွေလည်း အကုန်လုံး ပျက်စီးရမယ်။ ပျက်စီးသွားကြမှာ။ ဘာမှ မဟုတ်ဘူးဆိုတဲ့ ဥစ္စာကို အဲဒီမရဏက အဲဒီအဖြေကို ထုတ်နိုင်တယ်နော်။ ဘဝရဲ့ အပေါ်မှာ သုည ဆိုတဲ့ အဖြေမှန်ကို မရဏသဘောကို စဉ်းစားရင်းဖြင့် ဘုန်းကြီးတို့ ရနိုင်တယ်။ အဲဒီ သုည ဆိုတဲ့ အဖြေမှန်ကို ရရင်ရသလောက် ဒီစိတ် လွတ်လပ်လိမ့်မယ်၊ ပေါ်ပါလိမ့်မယ်၊ လွတ်မြောက်လိမ့်မယ်လို့ ဘုန်းကြီးတို့ နားလည်ထားဖို့ လိုတယ်။ ခု ကျုပ်တို့ဟာ ဘဝကို သုညလို့ မြင်ကိုမမြင်ဘူး။ သုည ဆိုတာ ဘာပြောတာတုန်း၊ သုည ဆိုတာ ဘာတန်ဖိုးမှ မရှိဘူးလို့ ပြောတာ၊ တစ်တောင် မဟုတ်ဘူးလို့ ပြောတာ။ ကျုပ်တို့က နားကို မလည်ဘူး၊ တန်ဖိုးတွေ အမျိုးမျိုး သတ်မှတ်ပြီးတော့ အမလေး ဘလောက်တန်တာ၊ ဒီကိစ္စ ဘလောက်တောင် အရေးကြီးတာ၊ သွားမလုပ်နဲ့ မရဘူး။ ဘယ်လိုတွေ ထင်နေတာတုန်း၊ တန်ဖိုးတွေမှ အဆင့်ဆင့် ဘာလုပ်ထားတာတုန်း၊ သတ်မှတ်ထားတာ၊ ဟုတ်တယ်မလား။ တန်ဖိုး အကြီးဆုံးဟာကတော့ ဘယ်သူတုန်း၊ ကိုယ့်ကိုကိုယ်ကိုပေါ့။ ငါနဲ့တော့ ဘယ်သူမှ လာမယှဉ်နဲ့၊ မရဘူး၊ ဟုတ်လား၊ ငါက တန်ဖိုးအကြီးဆုံးပဲ မဟုတ်လား၊ ငါ့အတွက်တော့ ငါ ဟာ တန်ဖိုးအကြီးဆုံးပဲ မဟုတ်လား၊ ဘယ်သူနဲ့ ယှဉ်ယှဉ် မရဘူး။ အဲတော့ တန်ဖိုးအကြီးဆုံးလို့ လွဲမှားထားတယ်၊ ဘယ်သူ့ပေါ်မှာတုန်း၊ ဒီရုပ်နာမ်ရဲ့အပေါ်မှာ ငါ ဆိုပြီးတော့ တန်ဖိုးအကြီးကြီး သတ်မှတ်ထားတယ်၊ တန်ဖိုးအကြီးဆုံးလို့ လုပ်ထားတယ်။ ပြောရရင် အကြီးဆုံး အလွဲကြီးနဲ့ လွဲထားတယ်။ အဲဒီ ကိစ္စကတော့ပဲ အဲဒါ တစ်ချိန်ကျရင် အကြီးမားဆုံး နှိပ်စက်ခြင်းဖြင့် နှိပ်စက်ပါလိမ့်မယ်။ ဘယ်အချိန်တုန်း၊ အဲဒီ မရဏနဲ့ တွေ့တဲ့ အချိန်၊ ဒါပဲလေ။ သစ္စာရွှေစည်