News Of Myanmar

ဟော်မုဇ် ရေလက်ကြားတွင် ရေနံတင်သင်္ဘော နှစ်စီး မိုင်းထိမှန်။ အဆိုပါ ဖြစ်စဉ်ကြောင့် အကြီးအကျယ် ရေနံယိုစိမ့်မှု ဖြစ်ပွားခဲ့သည်။

စာသင်ဆောင်များ တည်ဆောက်ရာတွင် သဘာဝဘေးအန္တရာယ်နှင့် အရေးပေါ်အခြေအနေများအတွက် ဘေးကင်းလုံခြုံရေးကို ကြိုတင်ထည့်သွင်းတွက်ချက်ရန် နိုင်ငံတော်သမ္မတ လမ်းညွှန်မှာကြား ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသည် ယနေ့မွန်းလွဲပိုင်းတွင် ခရီးစဉ်၌ လိုက်ပါလာသည့် အဖွဲ့ဝင်များ၊ ရန်ကုန်တိုင်းဒေသကြီးဝန်ကြီးချုပ်၊ ရန်ကုန်တိုင်းစစ်ဌာနချုပ် တိုင်းမှူးနှင့် တာဝန်ရှိသူများနှင့်အတူ ကမာရွတ်မြို့နယ်ရှိ တက္ကသိုလ်များနယ်မြေအတွင်း လှည့်လည်ကြည့်ရှုစစ်ဆေးခဲ့သည်။ ကြည့်ရှုစစ်ဆေးစဉ် နိုင်ငံတော်သမ္မတက စာသင်ဆောင်များသည် လူအများအပြား စုဝေးအသုံးပြုကြသည့် အဆောက်အအုံများဖြစ်သဖြင့် သဘာဝဘေးအန္တရာယ်နှင့် အရေးပေါ်အခြေအနေများ ဖြစ်ပေါ်လာပါက ဘေးကင်းလုံခြုံစွာ ရွှေ့ပြောင်းနိုင်ရေး၊ အရေးပေါ်တုံ့ပြန်ဆောင်ရွက်နိုင်ရေးတို့အတွက် လိုအပ်သည့် လုံခြုံရေးဆိုင်ရာ အစီအမံများကို တည်ဆောက်ရေးလုပ်ငန်းများတွင် ကြိုတင်ထည့်သွင်းတွက်ချက် ဆောင်ရွက်သွားရန် လမ်းညွှန်မှာကြားခဲ့သည်။

ဆွစ်ဇာလန်နိုင်ငံရှိ ယူကရိန်းသို့ လက်နက်တင်ပို့နေသည့် စက်ရုံမီးလောင်ကျွမ်း လက်နက်ငယ်များနှင့် နည်းဗျူဟာမြောက် ဆက်စပ်ပစ္စည်းများ ထုတ်လုပ်သည့် B&T ကုမ္ပဏီ၏ ထွန်း (Thun) မြို့ရှိ စက်ရုံတွင် အကြီးအကျယ် မီးလောင်ကျွမ်းမှု ဖြစ်ပွားခဲ့သည်။ အဆိုပါ ဖြစ်စဉ်ကြောင့် ထုတ်လုပ်မှု အဆောက်အအုံများ၊ ကုန်လှောင်ရုံများ၊ ပင်မအရောင်းဆိုင်နှင့် မိုးလုံလေလုံ ပစ်ခတ်လေ့ကျင့်ကွင်းတို့ ထိခိုက်ပျက်စီးခဲ့သည်။ ရဲတပ်ဖွဲ့နှင့် စက်ရုံစီမံခန့်ခွဲသူများက ဤဖြစ်စဉ်ကို ရှို့မီးကြောင့်ဟု အဓိကယူဆ စုံစမ်းနေကြသည်။ ဗီဒီယို မှတ်တမ်းများအရ အနက်ရောင် အဝတ်အစား ဝတ်ဆင်ထားသူအချို့သည် အဆောက်အအုံအနီးရှိ သစ်သားသေတ္တာများပေါ်သို့ မီးလောင်စေသော အရောအနှောများ ပစ်ပေါက်ခဲ့သည်ဟု သိရသည်။ ခန့်မှန်းချက်များအရ ပျက်စီးဆုံးရှုံးမှုတန်ဖိုးသည် ဆွစ် ဖရန့် သန်း ၂၀ အထိ ရှိနိုင်သည်။ B&T ကုမ္ပဏီသည် ယူကရိန်း လုံခြုံရေးတပ်ဖွဲ့များထံ APC9 PRO-G စက်လတ်များကို တင်ပို့ရောင်းချထားပြီး ဒေသတွင်း ကုမ္ပဏီအချို့ကလည်း B&T ၏ APR စနိုက်ပါရိုင်ဖယ်နှင့် GL-06 ဗုံးပစ်လောင်ချာလောင်ချာများကို လိုင်စင်ယူ၍ ထုတ်လုပ်လျက်ရှိသည်။

နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ကျော်ကျော်ဟန် ဖလမ်းမြို့ နေရပ်ပြန်ပြည်သူများအား ကြိုဆို၊ ဖလမ်းမြို့ နယ်စပ်ဒေသ တိုင်းရင်းသားလူငယ်များ ဖွံ့ဖြိုးရေးသင်တန်းကျောင်း အဆောက်အဦ ပြင်ဆင်ပြီးစီးမှုအခြေအနေနှင့် ဟားခါးမြို့ နယ်စပ်ဒေသ တိုင်းရင်းသားလူငယ်များ ဖွံ့ဖြိုးရေးသင်တန်းကျောင်းအား ကွင်းဆင်းစစ်ဆေး နိုဝင်ဘာ ၆၊ ၂၀၂၆   ချင်းပြည်နယ်အတွင်း ပြန်လည်ထူထောင်ရေးလုပ်ငန်းများ ဆောင်ရွက်ရန် ရောက်ရှိနေသည့် နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ကျော်ကျော်ဟန်သည် နိုဝင်ဘာလ (၅)ရက်နေ့တွင် ဖလမ်းမြို့တွင်း ပြန်လည်ထူထောင်ရေးလုပ်ငန်း ပြီးစီးမှုအခြေအနေအား ကြည့်ရှုစစ်ဆေးပြီး နေရပ်ပြန်လာသည့် ဒေသခံများအား နွေးနွေးထွေးထွေး ကြိုဆိုနှုတ်ဆက်သည်။   ရှေးဦးစွာ နိုဝင်ဘာလ (၅)ရက် မနက်ပိုင်းတွင် နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ကျော်ကျော်ဟန်သည် ချင်းပြည်နယ်အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးခင်မောင်ထွေး၊ ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည်တည်ဆောက်ရေး ကော်မတီဝင်များနှင့်အတူ နယ်စပ်ဒေသ တိုင်းရင်းသားလူငယ်များ ဖွံ့ဖြိုးရေးသင်တန်းကျောင်းသို့ သွားရောက်ကာ သင်တန်းသားအိပ်ဆောင်၊ စာသင်ဆောင်၊ စားရိပ်သာနှင့် စတိုခန်းများ ရာနှုန်းပြည့် ပြုပြင်ပြီးစီးမှုအခြေအနေများအား ကြည့်ရှုစစ်ဆေးပြီး ၂၀၂၇-၂၀၂၈ ပညာသင်နှစ်တွင် သင်တန်းကျောင်း ပြန်လည်ဖွင့်လှစ်နိုင်ရေး သက်ဆိုင်ရာ တာဝန်ရှိသူများနှင့်အတူ ပြင်ဆင်ဆောင်ရွက်သွားရန်  ပေါင်းစပ်ညှိနှိုင်းဆောင်ရွက်ပေးသည်။   ဆက်လက်ပြီး ညနေပိုင်းတွင် ဒုတိယဝန်ကြီးနှင့်အဖွဲ့ဝင်များသည် ကလေး-ဖလမ်း-ဟားခါးလမ်း ဖလမ်းမြို့အဝင် လွတ်လပ်ရေးဆုတောင်းပြည့်စေတီရှေ့တွင် ဖလမ်းခရိုင်နှင့် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဝင်များ၊ ဌာနဆိုင်ရာများနှင့်အတူ ကလေးမြို့မှ ဖလမ်းမြို့သို့ နေရပ်ပြန်လာသည့် ‌ဒေသခံပြည်သူများအား ကြိုဆိုနှုတ်ဆက်ကြပြီး၊ သက်ဆိုင်ရာဌာနများမှ စာရင်းကောက်ယူနေမှုအား ကြည့်ရှုအားပေးသည်။ ထို့နောက် နေရပ်ပြန် ပြည်သူ (၁၀၀)ကျော်အား အာဟာရများ ထောက်ပံ့ပေးအပ်ပြီး ရင်းရင်းနှီးနှီး အားပေးစကားပြောကြားသည်။   ယခုအခါ ဖလမ်းမြို့တွင် ဌာနဆိုင်ရာရုံးများနှင့် ‌ပညာရေး၊ ကျန်းမာရေးကဏ္ဍများ၊ ‌ဒေသခံများ၏ လူမှုစီးပွားဘဝများ ပုံမှန်လည်ပတ်နေပြီဖြစ်သည့်အပြင် ဘဏ်လုပ်ငန်းများ ပုံမှန်လည်ပတ်ကာ အငြိမ်းစားဝန်ထမ်းများကို ပင်စင်လစာများ ထုတ်ပေးနေပြီဖြစ်သည့်အတွက် နေရပ်ပြန်လာသူ ပိုမိုများပြားလာကြောင်း၊ နိုင်ငံတော်အကြီးအကဲ၏ လမ်းညွှန်ချက်နှင့်အညီ ပြည်ထောင်စုဝန်ကြီးဌာန၊ ဒုတိယဝန်ကြီးများ ဦးဆောင်မှုဖြင့် ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းများကို အရှိန်အဟုန်မပြတ် ဆောင်ရွက်နေသည့်နည်းတူ ဖလမ်းမြို့ ဒေသခံအရပ်ဘက်အဖွဲ့အစည်းများမှလည်း ပြည်သူများ နေရပ်ပြန်လာနိုင်ရန် ဝိုင်းဝန်းဆောင်ရွက်နေကြောင်း သိရသည်။   ဆက်လက်ပြီး နိုဝင်ဘာလ (၆)ရက်နေ့တွင် ဒုတိယဝန်ကြီးနှင့်အဖွဲ့ဝင်များသည် နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာန၊ နယ်စပ်ဒေသတိုင်းရင်းသားလူငယ်များ ဖွံ့ဖြိုးရေးသင်တန်းကျောင်း(ဟားခါး)သို့ သွားရောက်ကာ ဝန်ထမ်းများနှင့် တွေ့ဆုံအမှာစကား ပြောကြားသည်။ ထို့နောက် ဒုတိယဝန်ကြီးနှင့်အဖွဲ့ဝင်များသည်  ကျောင်းသား၊ ကျောင်းသူများ အိပ်ဆောင်ခင်းကျင်းထားရှိမှု၊ အဝတ်စတို၊ စာကြည့်တိုက်၊ စားရိပ်သာတို့အား ကြည့်ရှုစစ်ဆေးသည်။ ဆက်လက်ပြီးတာဝန်ရှိသူများက တက္ကသိုလ်ဝင်တန်း အောင်ချက်မြင့်မားရေးဆောင်ရွက်မှု၊ ပညာသင်နှစ်အလိုက် တက္ကသိုလ်ဝင်တန်းအောင်မြင်မှုအခြေအနေ၊ သင်တန်းကျောင်းအတွင်း စိုက်ပျိုးရေး ဆောင်ရွက်ထားရှိမှု အခြေအနေများအား ရှင်းလင်းတင်ပြရာ ဒုတိယဝန်ကြီးက တင်ပြချက်အပေါ် ပေါင်းစပ်ညှိနှိုင်း ဆောင်ရွက်ပေးသည်။ နယ်စပ်ဒေသ တိုင်းရင်းသားလူငယ်များဖွံ့ဖြိုးရေးသင်တန်းကျောင်း၊ ဟားခါးမြို့တွင် ချင်းပြည်နယ်အတွင်းရှိ ဟားခါးမြို့နယ်၊ ထန်တလန်မြို့နယ်၊ ဖလမ်းမြို့နယ်၊ တွန်းဇံမြို့နယ်၊ မင်းတပ်မြို့နယ်၊ မတူပီမြို့နယ်၊ ကန်ပက်လက်မြို့နယ်နှင့် ပလက်ဝမြို့နယ်များမှ ‌ဒေသခံကျောင်းသား၊ ကျောင်းသူ (၉၀)ဦး တက်ရောက်ပညာသင်ကြား လျက်ရှိကြောင်း သိရသည်။

သမိုင်းဝင်အမွေအနှစ် အဆောက်အအုံများ ရေရှည်တည်တံ့ခိုင်မြဲစေရေး ပစ္စုပ္ပန်မျိုးဆက်တွင် တာဝန်ရှိကြောင်း နိုင်ငံတော်သမ္မတ လမ်းညွှန်မှာကြား ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသည် ယနေ့နံနက်ပိုင်းတွင် ဆဋ္ဌသင်္ဂါယနာတင် မဟာပါသာဏလှိုဏ်ဂူသိမ်တော်ကြီးနှင့် သီရိမင်္ဂလာကမ္ဘာအေးကုန်းမြေသို့သွားရောက်ကြည့်ရှုစစ်ဆေးခဲ့သည်။ ထိုသို့ကြည့်ရှုစစ်ဆေးစဉ် နိုင်ငံတော်သမ္မတက မိမိတို့နိုင်ငံ၏ သမိုင်းဝင်အမွေအနှစ် အဆောက်အအုံများကို ဘိုးဘွားဘီဘင်များက တည်ဆောက်ထိန်းသိမ်းခဲ့ကြသကဲ့သို့အဆိုပါ သမိုင်းဝင်အမွေအနှစ်များ ရေရှည်တည်တံ့ခိုင်မြဲစေရေးအတွက် ပစ္စုပ္ပန်ကာလတွင် နေထိုင်ကြသည့် မိမိတိုမျိုးဆက်သစ်များတွင်လည်း တာဝန်ရှိကြောင်း လမ်းညွှန်မှာကြားခဲ့သည်။

နည်းပညာတက္ကသိုလ်၊ ကွန်ပျူတာတက္ကသိုလ်နှင့် Polytechnic University များ ညှိနှိုင်းစည်းဝေး နိုဝင်ဘာ ၅၊ ၂၀၂၆ သိပ္ပံနှင့်နည်းပညာဝန်ကြီးဌာန အဆင့်မြင့်သိပ္ပံနှင့်နည်းပညာဦးစီးဌာနရှိ နည်းပညာတက္ကသိုလ်၊ ကွန်ပျူတာတက္ကသိုလ်နှင့် Poly-technic University များ၏ ညှိနှိုင်းဆွေးနွေးပွဲကို ယနေ့နံနက်ပိုင်းတွင် Naypyitaw State Poly-technic University အစည်း အဝေးခန်းမ၌ Hybrid စနစ်ဖြင့်ကျင်းပရာ ပြည်ထောင်စုဝန်ကြီး ဒေါက်တာမျိုးသိန်းကျော်၊ ဒုတိယဝန်ကြီး ဒေါက်တာနေခြည်လဲ့လဲ့သိန်း၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယပါမောက္ခချုပ်များနှင့် တာဝန်ရှိသူများ တက်ရောက်ကြသည်။ ပြုစုပျိုးထောင် ဦးစွာ ပြည်ထောင်စုဝန်ကြီးက Polytechnic University ၊ နည်းပညာတက္ကသိုလ်နှင့် ကွန်ပျူတာတက္ကသိုလ်များသည် နိုင်ငံ၏လူ့စွမ်းအားအရင်းအမြစ်ဖွံ့ဖြိုးတိုးတက်ရေး၊ သိပ္ပံနှင့်နည်းပညာကဏ္ဍမြှင့်တင်ရေးနှင့် နိုင်ငံ့စီးပွားရေးဖွံ့ဖြိုးတိုးတက်ရေးတို့အတွက် အရေးပါသောအခန်းကဏ္ဍမှ ပါဝင်လျက်ရှိကြောင်း၊ နည်းပညာကျွမ်းကျင်မှု၊ ဆန်းသစ်တီထွင်နိုင်မှုနှင့် အရည်အသွေးမြင့်လူ့စွမ်းအားအရင်းအမြစ်များ မွေးထုတ်ပေးနိုင်ရေးအတွက် ကျောင်းသားလူငယ်များကို ဗလငါးတန်နှင့်ပြည့်စုံပြီး ကျန်းမာကြံ့ခိုင်ကာ ပညာရေး၊ လူမှုရေးနှင့် စည်းကမ်းပိုင်း ဆိုင်ရာများတွင် ထူးချွန်ပြည့်ဝသည့် မျိုးဆက်သစ်လူငယ်များ ဖြစ်လာစေရန် ပြုစုပျိုးထောင်ပေးရန်လိုအပ်ကြောင်း ပြောကြားသည်။ ထို့နောက် ဒုတိယဝန်ကြီးက သင်ရိုးညွှန်းတမ်းများကို လုပ်ငန်းခွင်လိုအပ်ချက်များနှင့်ကိုက်ညီစေရန် ပြန်လည်သုံးသပ်ပြင်ဆင်ရေး၊ Outcome-Based Education(OBE) စနစ်ကို ထိရောက်စွာအကောင်အထည်ဖော်ရေးနှင့် ခေတ်ကာလ၏ လိုအပ်ချက်များနှင့်အညီ တက္ကသိုလ်များတွင် Digital Transformation ကို အရှိန်အဟုန်ဖြင့်ဆောင်ရွက်ရေး ဆွေးနွေးပြောကြားသည်။ ယင်းနောက် တက်ရောက်လာကြသည့်တက္ကသိုလ်များမှ ပါမောက္ခချုပ်များနှင့် ဒုတိယပါမောက္ခချုပ်များက တက္ကသိုလ်အလိုက် အကောင်အထည်ဖော် ဆောင်ရွက်လျက်ရှိသည့်လုပ်ငန်းများ၊ သင်ကြားသင်ယူမှုဆိုင်ရာဆောင်ရွက်ချက်များ၊ အားသာချက်များ၊ အားနည်းချက်များနှင့် ရှေ့ဆက်ဆောင်ရွက်မည့်လုပ်ငန်းစဉ်များကို ဆွေးနွေးတင်ပြကြသည်။ အဆိုပါ Polytechnic Uni-versity၊ နည်းပညာတက္ကသိုလ်နှင့် ကွန်ပျူတာတက္ကသိုလ်များ၏ ညှိနှိုင်းဆွေးနွေးပွဲကို နိုဝင်ဘာ ၅ ရက်မှ ၆ ရက်အထိ ကျင်းပသွားမည်ဖြစ်ကြောင်း သိရသည်။

ယူကရိန်းနိုင်ငံ သာမက ဥရောပတစ်ဝန်းလုံးနှင့် သက်ဆိုင်နိုင်သည့် “ကြီးမားသော သဘောတူညီချက်” တစ်ခုကို ပြင်ဆင်နေကြောင်း သမ္မတထရမ့်ပြောကြား အမေရိကန်သမ္မတ ဒေါ်နယ်ထရမ့်သည် ရုရှားသမ္မတ ပူတင်၏ အထူးကိုယ်စားလှယ် ကီရေးလ် ဒမီထရီးယက်ဗ် (Kirill Dmitriev) နှင့် ယနေ့ အိမ်ဖြူတော်တွင် တွေ့ဆုံခဲ့ကြောင်း အတည်ပြုခဲ့သော်လည်း ယူကရိန်း ကိုယ်စားလှယ်အဖွဲ့နှင့်မူ တွေ့ဆုံခဲ့ခြင်း မရှိပေ။ ယူကရိန်း ကိုယ်စားလှယ်များနှင့် တွေ့ဆုံမှု ရှိ/မရှိ သတင်းထောက်များ၏ မေးမြန်းချက်ကို အမေရိကန်သမ္မတက "မတွေ့ဖြစ်ပါဘူး၊ ရုရှားရဲ့ အဓိက ကိုယ်စားလှယ်နဲ့ပဲ တွေ့ဆုံခဲ့တာပါ" ဟု ပြန်လည်ဖြေကြားခဲ့သည်။ ထို့ပြင် ထရမ့်သည် ဒမီထရီးယက်ဗ်နှင့် ဆွေးနွေးခဲ့သည့် အကြောင်းအရာများကို ထုတ်ဖော်ပြောကြားရန် ငြင်းဆန်ခဲ့သော်လည်း ယူကရိန်းနိုင်ငံ သာမက ဥရောပတစ်ဝန်းလုံးနှင့် သက်ဆိုင်နိုင်သည့် "ကြီးမားသော သဘောတူညီချက်" တစ်ခုကို ပြင်ဆင်နေကြောင်း ပြောကြားခဲ့သည်။ ထို့အပြင် ယနေ့ အိမ်ဖြူတော်တွင် သမ္မတကတော် မီလာနီယာ ထရမ့် (Melania Trump) က ဦးစီးကျင်းပသည့် အိုလက်စကီ (Oleski) ဒေသ အပစ်အခတ်ရပ်စဲရေးဆိုင်ရာ အခမ်းအနားသို့ ရုရှားနှင့် ယူကရိန်း ကိုယ်စားလှယ်များ တက်ရောက်ခဲ့ကြသည်။

နိုင်ငံ့ဝန်ထမ်းမိသားစုများနှင့် လုံခြုံရေးတပ်ဖွဲ့ဝင်များ၏ မိသားစုများကို အကြမ်းဖက်အဖွဲ့ထံ သတင်းပေးနေသည့် ဘုရင်ကားဂိတ်မှ ဂိတ်မှူးကို ထောင်ဒဏ် (၅၄) နှစ်ချမှတ်၊ စာရေးမ နှစ်ဦးကို ထောင်ဒဏ် (၃၄) နှစ်စီချမှတ်။

၂၀၂၆-၂၀၂၇ ဘဏ္ဍာနှစ် နှစ်ဝက်အတွင်းပြည်တွင်း သို့ နိုင်ငံခြားရင်းနှီးမြှုပ်နှံ ဝင်ရောက်မှု အမေရိကန် ဒေါ်လာ သန်း၄၃၀ကျော်ရှိ NOM၊နို၀င်ဘာ၆၊၂၀၂၆ ၂၀၂၆-၂၀၂၇ ဘဏ္ဍာနှစ် နှစ်ဝက်အတွင်းပြည်တွင်း နိုင်ငံခြားရင်းနှီးမြှုပ်နှံ ဝင်ရောက်မှု အမေရိကန်ဒေါ်လာ သန်း၄၃၀ကျော်ရှိကြောင်းပြည်တွင်းရင်နှီးမြှုပ်နှံမှုနှင့်ကုမဏ္ဏီများညွှန်ကြားမှုဦးစီးဌာနမှသိရသည်။ ယခုနှစ်ဘဏ္ဍာနှစ်၂၀၂၆ဧပြီလမှစက်တင်ဘာလ၆လတာကာလအထိအတွင်းနိုင်ငံခြားရင်နှီးမြှုပ်နှံမှုလုပ်ငန်းလေးခု၀င်ရောက်ထားပြီးရင်နှီးမြှုပ်နှံမှုတိုးထားတာအပါအ၀င်စုစု‌ပေါင်း အမေရိကန်ဒေါ်လာ၄၃၃ဒသမ ၀၇၉သန်းရှိခဲ့ကြောင်းသိရသည်။ ယခု ဘဏ္ဍာနှစ်အပါအ၀င်ကုန်ထုတ်လုပ်မှုကဏ္ဍတွင်နိုင်ငံခြားရင်နှီမြှုပ်နှံမှုလုပ်ငန်းနှစ်ခုသည်ရေနံနှင့်သဘာ၀ဓာတ်ငွေ့တစ်ခု၊အိမ်ခြံမြေကဏ္ဍ၌တစ်ခု၀င်ရောက်ထားကြောင်းသိရသည်။

ခရစ်ပတို (Crypto) ကို ဆန့်ကျင်သူ အမေရိကန် အထက်လွှတ်တော်အမတ် အယ်လီဇဘက် ဝါရင် (Elizabeth Warren) သည် အထက်လွှတ်တော် ဘဏ်လုပ်ငန်းဆိုင်ရာ ကော်မတီ၏ ဥက္ကဋ္ဌ (Chair) ဖြစ်လာရန် မျှော်လင့်ရပြီး၊ ၎င်းသည် ဘဏ္ဍာရေး လုပ်ငန်းကဏ္ဍတစ်ခုလုံးအပေါ် ကြီးမားသော လုပ်ပိုင်ခွင့် အာဏာကို ရရှိစေမည်ဖြစ်သည်။

သဘာဝဓာတ်ငွေ့ရည်တင်သွင်းမှုအပေါ်အခွန်ကင်းလွတ်ခွင့်ကါလတိုးမြှင့် NOM သဘာဝဓာတ်ငွေ့ရည် တင်သွင်းမှုအပေါ် အခွန်ကင်းလွတ်ခွင့်ကို၃၀-၁၁-၂၀၂၆ ရက်နေ့အထိ ထပ်မံ၍ တိုးမြှင့်ခွင့်ပြုအများပြည်သူသို့ အသိပေးကြေညာချက် ၁။ အရှေ့အလယ်ပိုင်းဒေသ ပဋိပက္ခများကြောင့် ကမ္ဘာ့စက်သုံးဆီဈေးနှုန်း မြင့်တက်နေချိန်တွင် သဘာဝဓာတ်ငွေ့ရည် (Liquefied| Natural Gas} ဈေးနှုန်းများလည်း မြင့်တက်လျက်ရှိရာ လျှပ်စစ် ဓာတ်အားထုတ်လုပ်မှုကို အားပေးမြှင့်တင်နိုင်ရန်နှင့် ဓာတ်အားခ| ဈေးနှုန်းများ သက်သာစေနိုင်ရန်တို့အတွက် သဘာဝဓာတ်ငွေ့ရည်(Liquefied Natural Gas) တင်သွင်းမှုအပေါ် ကောက်ခံသော| အကောက်ခွန်၊ ကုန်သွယ်လုပ်ငန်းခွန်နှင့် ကြိုတင်ဝင်ငွေခွန်တို့ကို၁-၅-၂၀၂၆ ရက်နေ့မှ ၃၀-၉-၂၀၂၆ ရက်နေ ့အထိ ကင်းလွတ်ခွင့်ပြုသွားမည်ဖြစ်ကြောင်း နိုင်ငံပိုင်သတင်းစာများမှတစ်ဆင့် ထုတ်ပြန်ကြေညာခဲ့ပြီးဖြစ်ပါသည်။ ယင်းအခွန်ကင်းလွတ်ခွင့်ကို ၁-၁၀ -၂၀၂၆ရက်နေ့မှ ၃၀-၁၁-၂၀၂၆ ရက်နေ ့အထိ ထပ်မံ၍ တိုးမြှင့်ခွင့်ပြုပေးသွားမည်ဖြစ်ကြောင်း အသိပေးကြေညာအပ်ပါသည်။ ၂။ သို့ဖြစ်ရာ အခွန်ကင်းလွတ်ခွင့်သည် ၃၀-၁၁-၂၀၂၆ ရက်နေ့အထိ အကောက်ခွန်ဦးစီးဌာန၌ Import Declaration (ID)ဖွင့်လှစ် ၍ တင်သွင်းသည့် သဘာဝဓာတ်ငွေ့ရည်အပေါ်အကျုံးဝင်စေမည်ဖြစ်ပါသည်။ ဘဏ္ဍာရေးနှင့်အခွန်ဝန်ကြီးဌာန

ဒီဇယ်ဆီတင်သွင်းမှုအပေါ်အခွန်ကင်းလွတ်ခွင့်ကါလတိုးမြှင့် NOM ဒီဇယ်ဆီတင်သွင်းမှုအပေါ် အခွန်ကင်းလွတ်ခွင့်ကာလကို၃၀-၁၁-၂၀၂၆ ရက်နေ့အထိ ထပ်မံ၍ တိုးမြှင့်ခွင့်ပြုအများပြည်သူသို့ အသိပေးကြေညာချက် ၁။ အရှေ့အလယ်ပိုင်းဒေသ ပဋိပက္ခများကြောင့် ကမ္ဘာ့စက်သုံးဆီဈေးနှုန်း မြင့်တက်နေချိန်တွင် စက်သုံးဆီ(ဒီဇယ်ဆီ) အသုံးပြုမောင်းနှင်ရသော မော်တော်ယာဉ်များဖြင့် သယ်ဆောင်အသုံးပြု လျက်ရှိသည့် အခြေခံစားသောက်ကုန်၊ ကုန်စည်ဈေးနှုန်းများကိုထိန်းညှိပေးရန်လိုအပ်လျက်ရှိသည့်အတွက် ဘဏ္ဍာရေးနှင့် အခွန်ဝန်ကြီးဌာနအနေဖြင့် ဒီဇယ်ဆီ HSD (500 ppm) တင်သွင်းမှုအပေါ် ကောက်ခံသောအကောက်ခွန်၊ အထူးကုန်စည်ခွန်၊ ကုန်သွယ်လုပ်ငန်းခွန်နှင့်ကြိုတင်ဝင်ငွေခွန် (၂ ရာခိုင်နှုန်း) တို့ကို ၁-၄-၂၀၂၆ ရက်နေ့မှ၃၀-၉-၂၀၂၆ ရက်နေ့အထိ ကင်းလွတ်ခွင့်ပြုသွားမည်ဖြစ်ကြောင်းနိုင်ငံပိုင်သတင်းစာများမှတစ်ဆင့် ထုတ်ပြန်ကြေညာခဲ့ပြီး ဖြစ်ပါသည်။ ယင်းအခွန်ကင်းလွတ်ခွင့်ကာလကို ၁-၁၀-၂၀၂၆ ရက်နေ့မှ ၃၀-၁၁-၂၀၂၆ ရက်နေ့အထိ ထပ်မံ၍ တိုးမြှင့်ခွင့်ပြုပေးသွားမည်ဖြစ်ကြောင်း အသိပေးကြေညာအပ်ပါသည်။ ၂။ သို့ဖြစ်ရာ အခွန်ကင်းလွတ်ခွင့်သည် ၃၀-၁၁-၂၀၂၆ ရက်နေ့အထိ အကောက်ခွန်ဦးစီးဌာန၌ Import Declaration (ID) ဖွင့်လှစ် ၍ တင်သွင်းသည့် ဒီဇယ်ဆီ HSD (500 ppm) အပေါ် အကျုံးဝင်စေမည်ဖြစ်ပါသည်။ ဘဏ္ဍာရေးနှင့်အခွန်ဝန်ကြီးဌာန

ပြည်ထောင်စုဝန်ကြီး ဦးမောင်မြင့် အပြည်ပြည်ဆိုင်ရာရွှေ့ပြောင်းသွားလာရေးအဖွဲ့ (International Organization for Migration-IOM) ရုံး၏ Chief of Mission Mr.Daihei Mochizuki အား လက်ခံတွေ့ဆုံ နိုဝင်ဘာ ၅၊ ၂၀၂၆ အလုပ်သမားဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် အပြည်ပြည်ဆိုင်ရာရွှေ့ပြောင်းသွားလာရေးအဖွဲ့ (International Organization for Migration-IOM) ရုံး၏ Chief of Mission Mr.Daihei Mochizuki နှင့်အဖွဲ့အား ယနေ့နံနက်ပိုင်းတွင် နေပြည်တော်ရှိ ပြည်ထောင်စုဝန်ကြီး ဧည့်တွေ့ခန်းမ၌ လက်ခံတွေ့ဆုံသည်။ ရင်းနှီးပွင့်လင်းဆွေးနွေး တွေ့ဆုံစဉ် မြန်မာနိုင်ငံအနေဖြင့် အခြားနိုင်ငံအစိုးရများနည်းတူ ရွှေ့ပြောင်းအလုပ်သမားကိစ္စရပ်များတွင် IOM နှင့် ပူးပေါင်းဆောင်ရွက်နေမှု၊ IOM နှင့် ဝန်ကြီးဌာနအကြား အလုပ်သမားရေးရာပူးပေါင်းဆောင်ရွက်မှု၊ ကုန်သွယ်ရေးနှင့် စီးပွားရေး ဆိုင်ရာမျှော်မှန်းချက်များထားရှိ၍ ဆောင်ရွက်နေမှု၊ ထိုင်းနိုင်ငံနှင့် မလေးရှားနိုင်ငံတို့တွင် သွားရောက်အလုပ်လုပ် ကိုင်လျက်ရှိသည့် မြန်မာအလုပ်သမားများ၏ ရပိုင်ခွင့်အခွင့်အရေးများ ကာကွယ်စောင့်ရှောက်ရေး ကြိုးပမ်းဆောင်ရွက်နေမှု၊ မြန်မာအစိုးရအနေဖြင့် ထိုင်းနိုင်ငံတွင် တရားမဝင်ရောက်ရှိနေသည့် မြန်မာနိုင်ငံသားများကို မည်သူမည်ဝါဖြစ်ကြောင်း သက်သေခံလက်မှတ်(Certificate of Idenity-CI) ထုတ်ပေး၍ သတ်မှတ်ကာလအတွင်း လုပ်ငန်းများ အချိန်မီပြီးစီးနိုင်ရေးဆောင်ရွက်နေမှု၊ ဝန်ကြီးဌာနအနေဖြင့် စက်ရုံ၊ အလုပ်ရုံများ၏ လုပ်ငန်းခွင်တည်ငြိမ်အေးချမ်းရေးနှင့် အလုပ်သမားများ၏ လူမှုစီးပွားဘဝဖွံ့ဖြိုးတိုးတက်ရေးကို အလေးထား၍ ဦးစားပေးဆောင်ရွက်နေမှု၊ ပြည်ပရောက် မြန်မာရွှေ့ပြောင်း အလုပ်သမား များကို ဘေးကင်းလုံခြုံပြီး ပုံမှန်စနစ်တကျရှိသော ရွှေ့ပြောင်းသွားလာမှုဖြစ်စေရေး၊ အခွင့်အရေးများ ကာကွယ်စောင့်ရှောက်ရေး၊ နေရပ်ပြန်မြန်မာလုပ်သားများအတွက် အသက်မွေးဝမ်းကျောင်းဆိုင်ရာသင်တန်းများပေးအပ်ခြင်းနှင့် အလုပ်အကိုင်အခွင့်အလမ်းများဖန်တီးပေးနိုင်ရေး၊ တရားမဝင်ရွှေ့ပြောင်းသွားလာမှုကို ကာကွယ်တားဆီးနိုင်ရေးဆိုင်ရာကိစ္စရပ်များကို ရင်းနှီးပွင့်လင်းစွာ ဆွေးနွေးကြသည်။ တက်ရောက် တွေ့ဆုံပွဲသို့ အလုပ်သမားဝန်ကြီးဌာန ဒုတိယဝန်ကြီး ဦးမျိုးအောင်၊ ညွှန်ကြားရေးမှူးချုပ်များ၊ IOM မြန်မာရုံးမှကိုယ်စားလှယ်များ တက်ရောက်ခဲ့ကြောင်း သိရသည်။

အဂတိလိုက်စားမှုတိုက်ဖျက်ရေးကော်မရှင်နှင့်ပညာရေးဝန်ကြီးဌာနတို့ ပူးပေါင်း၍ လူငယ်စကားဝိုင်းကျင်းပ နိုဝင်ဘာ ၅၊ ၂၀၂၆ အဂတိလိုက်စားမှုတိုက်ဖျက်ရေးကော်မရှင်သည် အဂတိလိုက်စားမှုကို လက်သင့်မခံသည့်၊ ဖြောင့်မတ်တည်ကြည်မှုရှိသည့် အသိုက်အဝန်းကိုတည်ဆောက်နိုင်ရန် လူငယ်ကဏ္ဍဖြောင့်မတ်တည်ကြည်မှုမြှင့်တင်ရန် ရည်ရွယ်၍ “လူငယ်နှင့်ဖြောင့်မတ်တည်ကြည်မှု”၊ “အဂတိလိုက်စားမှုတိုက်ဖျက်ရေးနှင့် လူငယ်တို့၏အခန်းကဏ္ဍ” လူငယ်စကားဝိုင်းဆွေးနွေးပွဲများကို ပညာရေးဝန်ကြီးဌာနနှင့် ပူးပေါင်းဆောင်ရွက်လျက်ရှိရာ ယနေ့တွင် ရှမ်းပြည်နယ် ဟိုပုံးမြို့ထူးမြတ်အိမ်ကိုယ်ပိုင်အထက်တန်းကျောင်းနှင့် မွန်ပြည်နယ် မော်လမြိုင်မြို့ သမာဓိကိုယ်ပိုင်အထက်တန်းကျောင်းတို့တွင် ကျောင်းသားလူငယ်များဦးဆောင်သည့် စကားဝိုင်းကို ကျင်းပသည်။ အဆိုပါစကားဝိုင်းများတွင် ကျင့်ဝတ်နှင့်ညီသည့်ခေါင်းဆောင်ကောင်းတစ်ဦး ဖြစ်လာစေရန်အတွက် ငယ်စဉ်ကတည်းက ဖြောင့်မတ်တည်ကြည်မှုကိုအခြေပြုရန် လိုအပ်မှုများနှင့်စပ်လျဉ်း၍လည်းကောင်း၊ အဂတိလိုက်စားမှု၏အဓိပ္ပာယ်၊ သဘောသဘာဝနှင့် ဆိုးကျိုးသက်ရောက်မှုများ စသည့်အကြောင်းအရာများနှင့်စပ်လျဉ်း၍လည်းကောင်း ကျောင်းသား ကျောင်းသူများကဆွေးနွေးကြပြီး တက်ရောက်လာသည့် ကျောင်းသား ကျောင်းသူများ၏ မေးခွန်းများကို ပြန်လည်ဖြေကြားခဲ့သည်။ အခမ်းအနားသို့ အဂတိလိုက်စားမှုတိုက်ဖျက်ရေးကော်မရှင်ရုံး၊ ကော်မရှင်ရုံးခွဲ (တောင်ကြီး)နှင့် ကော်မရှင်ရုံးခွဲ(မော်လမြိုင်)တို့မှ ညွှန်ကြားရေးမှူးများနှင့် တာဝန်ရှိသူများ၊ ကျောင်းအုပ်ကြီးများနှင့် ဆရာ ဆရာမများ၊ ကျောင်းသား ကျောင်းသူ စုစုပေါင်း ၄၀၉ ဦး တက်ရောက်ခဲ့ကြကြောင်း သိရသည်။ 

၂၀၂၇ ခုနှစ် ကြားဖြတ်ရွေးကောက်ပွဲကျင်းပမည့်မဲဆန္ဒနယ်များအား ပြည်ထောင်စုရွေးကောက်ပွဲကော်မရှင်က ထုတ်ပြန်ကြေညာ နိုဝင်ဘာလ ၅၊ ၂၀၂၆ ၁။     ပြည်ထောင်စုရွေးကောက်ပွဲကော်မရှင်သည် ၂၀၂၇ ခုနှစ်၊ ဧပြီလ ၄ ရက်နေ့တွင်ကျင်းပမည့် ကြားဖြတ်ရွေးကောက်ပွဲအတွက် လွှတ်တော်မဲဆန္ဒနယ်များအား ၂၀၂၆ ခုနှစ်၊ နိုဝင်ဘာလ ၅ ရက်‌ ရက်စွဲပါ ကြေညာချက်အမှတ်(၆၈/၂၀၂၆)ဖြင့် သတ်မှတ်ထုတ်ပြန်ခဲ့ပါသည်။ ၂။     ယင်းမဲဆန္ဒနယ်မြေ သတ်မှတ်ထုတ်ပြန်ချက်များနှင့် လွှတ်တော်အလိုက်မဲဆန္ဒနယ်များတွင် ကျင်းပမည့် နယ်မြေများစာရင်းအသေးစိတ်ကို ပြည်ထောင်စုရွေးကောက်ပွဲကော်မရှင်ရုံး Website ဖြစ်သည့် www.uec.gov.mm တွင် ဝင်ရောက်ကြည့်ရှုနိုင်ကြောင်း သတင်းရရှိသည်။

(၁၁)ကြိမ်မြောက် မဲခေါင်-လန်ချန်းပူးပေါင်းဆောင်ရွက်မှု နိုင်ငံခြားရေးဝန်ကြီးများအစည်းအဝေးသို့ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုး တက်ရောက် နိုဝင်ဘာ ၅၊ ၂၀၂၆ မဲခေါင်-လန်ချန်းပူးပေါင်းဆောင်ရွက်မှု၏ ပူးတွဲဥက္ကဋ္ဌဖြစ်သည့် တရုတ်ကွန်မြူနစ်ပါတီဗဟိုကော်မတီ၊ နိုင်ငံရေးဗျူရိုအဖွဲ့ဝင်နှင့် နိုင်ငံခြားရေးဝန်ကြီး မစ္စတာဝမ်ယိ၏ ဖိတ်ကြားချက်အရ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးသည် ယမန်နေ့က တရုတ်ပြည်သူ့သမ္မတနိုင်ငံ ပေကျင်းမြို့၌ ကျင်းပသည့် (၁၁)ကြိမ်မြောက် မဲခေါင်- လန်ချန်းပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးသို့ တက်ရောက်ခဲ့သည်။ အစည်းအဝေးတွင် တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီး မစ္စတာဝမ်ယိနှင့် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာဆီဟဆက် ဖူဝန်ကေ့ကဲ့ဝို့တို့က ပူးတွဲဥက္ကဋ္ဌများအဖြစ်ဆောင်ရွက်ကြပြီး အစည်းအဝေးသို့ ကမ္ဘောဒီးယားနိုင်ငံ ဒုတိယဝန်ကြီးချုပ် နှင့် နိုင်ငံခြားရေးနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး မစ္စတာ ပရက်ဆုတ်ခ်ခွန်း၊ လာအိုပြည်သူ့ဒီမိုကရက်တစ်သမ္မတနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာ ထောင်ဆာဗန် ဖုန်ဗီဟေးနှင့် ဗီယက်နမ်ဆိုရှယ်လစ်သမ္မတနိုင်ငံ နိုင်ငံခြားရေးဝန်ကြီး မစ္စတာ လေဟွိုင်ချုံးတို့ တက်ရောက်ခဲ့ကြသည်။ အစည်းအဝေးတွင် ဝန်ကြီးများက မဲခေါင်-လန်ချန်းပူးပေါင်းဆောင်ရွက်မှု၏ ဖြစ်ပေါ်တိုးတက် မှုအခြေအနေများကို ပြန်လည်သုံးသပ်ပြီး အနာဂတ်တွင်ပူးပေါင်းဆောင်ရွက်မှုပိုမိုတိုးမြှင့်နိုင်မည့် အလားအလာများနှင့် (၅)ကြိမ်မြောက်မဲခေါင်-လန်ချန်းပူးပေါင်းဆောင်ရွက်မှု နိုင်ငံ့ခေါင်းဆောင်များ၏ အစည်းအဝေးကျင်းပရေးဆိုင်ရာ ကြိုတင်ပြင်ဆင်မှုအခြေအနေတို့အပေါ် အမြင်ချင်းဖလှယ်ဆွေးနွေးခဲ့ကြသည်။ ထို့ပြင် အစည်းအဝေးတွင် မဲခေါင်-လန်ချန်းပူးပေါင်းဆောင်ရွက်မှု ငါးနှစ်တာလုပ်ငန်းအစီအစဉ်(၂၀၂၃-၂၀၂၇)၏ ၂၀၂၅ ခုနှစ်အတွင်း အကောင်အထည်ဖော်မှု အစီရင်ခံစာနှင့် မဲခေါင်-လန်ချန်းပူးပေါင်းဆောင်ရွက်မှု အထူးရန်ပုံငွေ(၂၀၂၆)ဖြင့် အဖွဲ့ဝင်နိုင်ငံများသို့ထောက်ပံ့ပေးအပ်သည့် စီမံကိန်းများစာရင်းတို့ကို အစည်းအဝေး၏ ရလဒ်အဖြစ် ဖြန့်ဝေခဲ့သည်။ အစည်းအဝေးတွင် ပြည်ထောင်စုဝန်ကြီးက ဒေသတွင်းဖွံ့ဖြိုးတိုးတက်ရေးအတွက် မဲခေါင်-လန်ချန်း ပူးပေါင်းဆောင်ရွက်မှု၏ အရေးပါသည့်အခန်းကဏ္ဍနှင့် ဆယ်စုနှစ်တာကာလ အတွင်းရရှိခဲ့သည့် ဖြစ်ပေါ်တိုးတက်မှုများကိုလည်းကောင်း၊ အနာဂတ်တွင် စီးပွားရေးပေါင်းစည်း ညီညွတ်ရေး၊ တရားဥပဒေစိုးမိုးရေး နှင့်ဒေသတွင်းလုံခြုံရေး၊ စားရေရိက္ခာနှင့် စွမ်းအင်ဖူလုံရေး၊ ခေတ်မီစိုက်ပျိုးရေး၊ ရေအရင်းအမြစ်စီမံခန့်ခွဲရေး၊ သဘာဝပတ်ဝန်းကျင်ထိန်းသိမ်းရေး၊ ဘေးအန္တရာယ်စီမံခန့်ခွဲရေးနှင့် ပြည်သူအချင်းချင်းကူးလူးဆက်ဆံရေး စသည့်နယ်ပယ်များ၌ ပူးပေါင်းဆောင်ရွက်မှုပိုမိုတိုးမြှင့်ရန် လိုအပ်သည့်အခြေအနေများကိုလည်းကောင်း ဆွေးနွေးပြောကြားခဲ့သည်။ အစည်းအဝေးကာလအတွင်း ပြည်ထောင်စုဝန်ကြီးသည် တရုတ်ကွန်မြူနစ်ပါတီဗဟိုကော်မတီ၊ နိုင်ငံရေးဗျူရိုအဖွဲ့ဝင်နှင့် နိုင်ငံခြားရေးဝန်ကြီး မစ္စတာဝမ်ယိနှင့် သီးခြားတွေ့ဆုံဆွေးနွေး၍ မြန်မာ နိုင်ငံနှင့် တရုတ်ပြည်သူ့သမ္မတနိုင်ငံတို့အကြား ရှိရင်းစွဲချစ်ကြည်ရင်းနှီးမှု ပိုမိုတိုးတက်ခိုင်မာစေရေး၊ နှစ်နိုင်ငံဆက်ဆံရေးနှင့်ကဏ္ဍပေါင်းစုံတွင် ဘက်စုံပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်ရေးနှင့် ဒေသတွင်းပူးပေါင်းဆောင်ရွက်မှု မူဘောင်များအောက်တွင် ပူးပေါင်းဆောင်ရွက်မှုများကို ပိုမိုနက်ရှိုင်းစွာတိုးမြှင့်ရေးဆိုင်ရာကိစ္စရပ်များအပေါ် ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။ မဲခေါင်-လန်ချန်း ပူးပေါင်းဆောင်ရွက်မှုသည် ဒေသတွင်းပြည်သူများ၏ လူမှုစီးပွားဘဝဖွံ့ဖြိုးတိုးတက်မှုကိုမြှင့်တင်ရန်နှင့် လူနေမှုဘဝများတိုးတက်ကောင်းမွန်လာစေရန်ရည်ရွယ်၍ ၂၀၁၆ ခုနှစ်တွင် စတင်တည်ထောင်ခဲ့သည့် ဒေသခွဲဆိုင်ရာပူးပေါင်းဆောင်ရွက်မှု ယန္တရားတစ်ခုဖြစ်ပြီး ပူးပေါင်းဆောင်ရွက်မှု၏ အထူးရန်ပုံငွေအစီအစဉ်အောက်တွင် မြန်မာနိုင်ငံအနေဖြင့် စီမံကိန်းပေါင်း ၁၄၀ အတွက် ရန်ပုံငွေ ထောက်ပံ့မှုစုစုပေါင်း အမေရိကန် ဒေါ်လာသန်း ၄၀ ကျော် ရရှိခဲ့ကြောင်း သိရသည်။

ဓာတ်မြေဩဌာတင်သွင်းမှုအပေါ်အခွန်ကင်းလွတ်ခွင့်ရက်တိုးမြှင့် NOM၊နိုဝင်ဘာ၅၊၂၀၂၆ ဓာတ်မြေဩဇာများ တင်သွင်းမှုအပေါ် အခွန်ကင်းလွတ်ခွင့်ကို၃၀-၁၁-၂၀၂၆ ရက်နေ့အထိ ထပ်မံ၍ တိုးမြှင့်ခွင့်ပြုအများပြည်သူသို့ အသိပေးကြေညာချက် ၁။ နိုင်ငံတော်၏ စီးပွားရေးဖွံ့ဖြိုးတိုးတက်မှုအတွက် အဓိကအခြေခံအုတ်မြစ်ဖြစ်သည့် စိုက်ပျိုးရေးကဏ္ဍ စဉ်ဆက်မပြတ်ဖွံ့ဖြိုးတိုးတက်နိုင်စေရန်နှင့်တောင်သူလယ်သမားများ၏ ကုန်ထုတ်လုပ်မှုစရိတ်များ လျော့ကျနိုင်စေရန်တို့အတွက် ဓာတ်မြေဩဇာများ တင်သွင်းမှုအပေါ် ကောက်ခံသည့် ကြိုတင်ဝင်ငွေခွန် (၂ ရာခိုင်နှုန်း) ကို ၁-၄-၂၀၂၆ ရက်နေ့မှ ၃၀-၉-၂၀၂၆ ရက်နေ့အထိ ကင်းလွတ်ခွင့်ပြုမည်ဖြစ်ကြောင်း နိုင်ငံပိုင်သတင်းစာများမှတစ်ဆင့် ထုတ်ပြန်ကြေညာခဲ့ပြီးဖြစ်ပါသည်။ ယင်းအခွန်ကင်းလွတ်ခွင့်ကို ၁-၁၀-၂၀၂၆ ရက်နေ့မှ ၃၀-၁၁-၂၀၂၆ ရက်နေ့အထိ ထပ်မံ၍ တိုးမြှင့်ခွင့်ပြုပေးသွားမည်ဖြစ်ကြောင်း အသိပေးကြေညာအပ်ပါသည်။ ၂။ သို့ဖြစ်ရာ အခွန်ကင်းလွတ်ခွင့်သည်၃၀-၁၁-၂၀၂၆ ရက်နေ့အထိ အကောက်ခွန်ဦးစီးဌာန၌ Import Declaration (ID) ဖွင့်လှစ်၍ တင်သွင်းသည့် ဓာတ်မြေဩဇာများအပေါ် အကျုံးဝင်စေမည်ဖြစ်ပါသည်။ ဘဏ္ဍာရေးနှင့်အခွန်ဝန်ကြီးဌာန

၂၀၂၈ ခုနှစ် သမ္မတရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်သည့်အနေဖြင့် အမေရိကန် နိုင်ငံခြားရေးဝန်ကြီး ရူဘီယို ရာထူးမှ နှုတ်ထွက်ဖွယ်ရှိ ဗြိတိန်အခြေစိုက် The Independent သတင်းစာက သတင်းရင်းမြစ်များကို ကိုးကား၍ ဖော်ပြချက်အရ အမေရိကန် နိုင်ငံခြားရေးဝန်ကြီး ရူဘီယို (Rubio) သည် ၂၀၂၈ ခုနှစ် သမ္မတရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်သည့်အနေဖြင့် ရာထူးမှ နှုတ်ထွက်ဖွယ်ရှိကြောင်းသိရသည်။ သတင်းဖော်ပြချက်များအရ ရူဘီယိုအနေဖြင့် အီရန်ပဋိပက္ခ အပါအဝင် ထရန့်အစိုးရအဖွဲ့၏ မူဝါဒများနှင့် ခပ်ခွာခွာ နေရန် လိုအပ်နေခြင်းဖြစ်သည်။ ယင်းသို့ ခပ်ခွာခွာနေခြင်းက ဒုတိယသမ္မတ ဗန့်စ် (Vance) နှင့် ဖြစ်လာနိုင်ဖွယ်ရှိသော သမ္မတလောင်း ယှဉ်ပြိုင်ပွဲတွင် သူ၏ အခွင့်အလမ်းကို ပိုမိုမြင့်တက်စေလိမ့်မည်ဟု အဆိုပါသတင်းစာက သုံးသပ်ထားသည်။

ယနေ့ နိုဝင်ဘာ ၅ ရက်နေ့၌ စစ်ကိုင်းတိုင်းဒေသကြီး၊ ကျွန်းလီမြို့နယ်၊ သဖန်းဆိပ်ရေလှောင်တမံအတွင်း ရွှေမျှောခိုးတူးဖော်နေသည့် KIA/ PDF အကြမ်းဖက်သမားများကို တပ်မတော်ကဗုံးကြဲရှင်းလင်း။