Tech Lead – навука і тэхналёгіі

🦷 Інавацыя ў свеце стаматалогіі: Dental Monitoring 👐 Сутнасць тэхналогіі простая: з дапамогай звычайнага смартфона пацыенты робяць здымкі свайго зубнога рада, якія затым аналізуюцца AI. 🩺 Гэта дазваляе стаматолагу імгненна атрымліваць інфармацыю пра стан лячэння, уносіць неабходныя карэкціроўкі і нават прадухіляць магчымыя ўскладненні. Ці значыць гэта, што хутка нам не спатрэбіцца кансультацыя стаматолага? 😋 @belaiplatform

SpaceX зоймецца вывадам МКС з арбіты амаль за $1 млрд NASA даручыла SpaceX распрацоўку і запуск буксіра, які зьвядзе з арбіты Міжнародную касьмічную станцыю пасьля заканчэння тэрміну эксплюатацыі ў 2030 годзе. Праект коштам $843 млн мае забясьпечыць кантраляваны сход МКС без рызыкі для населеных раёнаў. Замест МКС плянуюць перайсьці на менш буйныя прыватныя касьмічныя станцыі, якія будуць разьмяшчацца бліжэй да плянэты на нізкай калязямной арбіце. Чакаецца, што яны запрацуюць для кліентаў як з прыватнага, гэтак і зь дзяржсэктара пры канцы гэтага дзесяцігодзьдзя. МКС была запушчаная ў 1998 годзе. Канструкцыя масаю 420 тонаў і памерам прыкладна з футбольнае поле кіруецца пяцьцю касьмічнымі агенцыямі ў ЗША, Канадзе, Эўропе, Японіі і Расеі.

Навукоўца прапанаваў новы від турмаў: даць злачынцам адчуць пакуты ахвяраў Праект Cogniify прадугледжвае ўжыўленьне сынтэтычных успамінаў аб злачынстве чалавека ў яго мазгі, але з пункту гледжаньня ахвяры.

“Калі-небудзь Cogniify зможа стварыць і ўкараніць штучныя ўспаміны проста ў мазгі зьняволенага. Гэтыя складаныя, яскравыя і рэалістычныя ўспаміны будуць генэравацца ў рэальным часе з выкарыстаньнем штучнага інтэлекту. Хоць рэабілітацыя працягнецца некалькі хвілінаў, злачынцу яна здасца гадамі, бо ў яго сьвядомасьці час цячэ павольней, чым у рэальным жыцьці”,

— распавялі ў прэзэнтацыйным роліку праекту.  Апроч візуальных і эмацыйных эфэктаў тэхналёгія зможа таксама стымуляваць фізычнае ўзьдзеяньне, дазваляючы злачынцу адчуць боль і пакуты, якія перанесла яго ахвяра.

“Традыцыйныя вязьніцы патрабуюць значных бюджэтаў на будаўніцтва і ўтрыманьне. Замяніўшы працяглыя тэрміны турэмнага зьняволеньня кароткаю інтэнсыўнаю рэабілітацыяй з дапамогаю імплянтацыі штучнае памяці, можна значна зьнізіць выдаткі”.

🗓Statista апублікавала статыстыку частаты выкарыстання ChatGPT. Асноўныя пункты статыстыкі: 📎 84% рэспандэнтаў старэйшыя за 55 гадоў ніколі не выкарыстоўвалі ChatGPT; 📎 Нават рэспандэнты самай маладой узроставай групы - ад 18 да 24 гадоў - не выкарыстоўваюць рэгулярна флагманскі прадукт OpenAI; 📎 Большасць апытаных выкарыстоўвалі яго ўсяго 1-2 разы; 📎 Сярод удзельнікаў апытання (а гэта больш за 12 тысяч чалавек) 44% ніколі не выкарыстоўвалі ChatGPT. 📌А як часта вы карыстаецеся ChatGPT? P.S. 👍0-9, ❤️ 10-99, 😁100-да бясконцасьці @belaiplatform

У пустыні знайшлі чарговы таямнічы мэталічны маналіт У амэрыканскім штаце Нэвада знайшлі чарговы таямнічы маналіт. Паведамляецца, што ён мэталічны зь люстранаю паверхняю. Хто і навошта яго ўсталяваў, зьяўляецца загадкаю, як і тое, зь якою мэтаю былі ўсталяваныя папярэднія падобныя структуры, што сталі зьяўляцца ў розных месцах плянэты з 2020 года. Гэтакія маналіты ўжо знаходзілі ў Нідэрляндах, Калюмбіі, Нямеччыне, Гішпаніі, Вугоршчыне, Польшчы і зусім нядаўна – ў Вялікай Брытаніі.

Logitech стварыла электроннае пяро для гарнітураў дапоўненае рэальнасьці Пяро MX Ink можна выкарыстоўваць для стварэньня двухмерных і трохмерных праектаў, дадаваньня віртуальных пластоў на малюнак або зьмяненьня формаў аб’ектаў рэальнага сьвету ў віртуальнай прасторы.

Фантастычныя навіны: выяўлены ген, адказны за рак У ходзе дасьледаваньняў амэрыканскія навукоўцы выявілі ген, які адказны за распаўсюд раку. Гэты ген прымушае расьці мэтастазы, якія ёсьць прычынаю 90% сьмерцяў ад раку. Навукоўцы ўжо здолелі задушыць ген у мышэй з ракам падстраўнікавае залозы.

ChatGPT пасьпяхова прайшоў тэст Т’юрынга Навукоўцы з Каліфарнійскага ўнівэрсытэту правялі для некалькіх нэўрасетак тэст Т’юрынга, мэта якога — вызначыць, ці можа кампутар думаць. Нэўрасеткам далі пагутарыць з 500 рознымі людзьмі, якія потым меліся вызначыць, з чалавекам ці з машынаю яны размаўлялі.  Вынікі аказаліся лёсавызначальнымі для ўсяго чалавецтва, кажуць дасьледнікі. ChatGPT-4 здолеў пераканаць 54% удзельнікаў у тым, што зь імі перапісваўся жывы чалавек. А трэцюю вэрсію нэўрасеткі (ChatGPT-3.5) прынялі за чалавека 50% рэспандэнтаў.

Паколькі 54% — гэта большасць, і яна не змагла адрозьніць машыну ад жывога чалавека, то ChatGPT прайшоў тэст Т’юрынга. Гэта адбываецца ўпершыню,

— заявілі навукоўцы. Раней паведамлялася, што OpenAI распрацоўвае новую вэрсію ChatGPT, якая можа быць небясьпечнаю і нават зьнішчыць чалавецтва.

Прэзэнтаваны мінімалістычны тэлефон Light Phone 3 Асноўная ідэя смартфона палягае ў тым, каб захаваць толькі самыя неабходныя функцыі, адмовіўшыся ад сацсетак і іншых рэчаў, якія адцягваюць увагу. Light Phone III замест E-Ink-экрану (як у папярэдняе мадэлі) атрымаў 3,92-цалевую чорна-белую OLED-панэль. Зь левага боку знаходзіцца кола рэгуляваньня яскравасьці экрану. Тамака ж разьмешчаны выключальнік ліхтарыка. У папярэдніх мадэдях камэры зусім не было. Цяперака зьявілася асноўная камэра на 50 Мп і франтальная – на 8 Мп. Сярод аплікацый значацца будзільнік, калькулятар, каляндар, маршруты, музыка, нататкі і таймэр. На этапе перадзамовы тэлефон даступны за $400.

Прэзэнтаваны мінімалістычны тэлефон Light Phone 3 Асноўная ідэя смартфона палягае ў тым, каб захаваць толькі самыя неабходныя функцыі, адмовіўшыся ад сацсетак і іншых рэчаў, якія адцягваюць увагу. Light Phone III замест E-Ink-экрану (як у папярэдняе мадэлі) атрымаў 3,92-цалевую чорна-белую OLED-панэль. Зь левага боку знаходзіцца кола рэгуляваньня яскравасьці экрану. Тамака ж разьмешчаны выключальнік ліхтарыка. У папярэдніх мадэдях камэры зусім не было. Цяперака зьявілася асноўная камэра на 50 Мп і франтальная – на 8 Мп. Сярод аплікацый значацца будзільнік, калькулятар, каляндар, маршруты, музыка, нататкі і таймэр. На этапе перадзамовы тэлефон даступны за $400.