sacral_BY

#раўбічы #sacral_graveyard Могілкі перад былым касцёлам/царквой. Можна знайсці старыя помнікі канца ХІХ-пачатку ХХ ст. З арыгінальнага: звярніце ўвагу на чацвёрты здымак. Цікавае выкананне “пянькова-крыжовага” помніка з металу. Падаецца, не сустракаў раней падобны.

#раўбічы #sacral_museum Абавязкова ж трэба паказаць і сам будынак былога храма, калі ўжо адразу зазірнулі ўнутр музея. Касцёл быў пабудаваны ў 1862 годзе. Асвечаны ў гонар ці то апостала Фадзея\Тадэвуша (ага, гэта адно і тое ж імя ў розных мовах), ці то апостала Мацвея. Але ў 1866 годзе яго перадалі праваслаўнай царкве. Напэээўна, гэта неяк звязана з паўстаннем 1863-64 гг. У Другую сусветную будынак быў моцна пашкоджаны і працягваў разбурацца, пакуль у 70-х не было вырашана адкрыць тут музей. Ня ведаю, што тут было ў савецкі міжваенны час, але вядома, што ў 37-м настаяцеля Змітра Паўскага расстралялі. Дарэчы, да з'яўлення неагатычнага храма з цэглы на гэтым месцы існавалі драўляныя касцёлы ці капліцы (і магчыма былі ўніяцкімі). Першая згадка - у 1650 годзе. Патрапіць у сам музей можна праз уваход дабудаванай з боку апсіды скрыні-будынку. Напэўна, праектыроўшчыкі кіраваліся думкай, што ўстанове спатрэбяцца дадатковыя памяшканні. Але ж выглядае так, быццам ад нас хаваюць старажытны будынак. Недасведчаны мінак не адразу разглядзіць за савецкім прастакутнікам і дрэвамі вежы помніка рамантызму.

#раўбічы #sacral_museum Ідэя на выходныя: наведаць музей беларускага народнага мастацтва ў Раўбічах. Прышпільны ён тым, што месціцца ва ўнутранай прасторы былога храма, па-першае. Па-другое... ну самі экспанаты. Менавіта ўзоры народнай творчасці, сярод якіх можна нават сустрэць прыклады з XVI ст(!). Народныя строі, саломапляценне, кераміка, любімыя рэлігійныя скульптуры. У асобнай залі месцілася выстава івянецкага народнага майстра-разьбяра Апалінарыя Пупко (да 29 чэрвеня). Квіток - 6 рублёў, тэрміналу ня маюць. Ёсць верагоднасць аглядаць залі ў адзіноце.

#стамбул #гара_цэгла #sacral_fortificatio Калі ўжо гаворка пайшла пра рамейскіх ваяроў у папярэднім допісе, то як ня ўспомніць, як яны сумуюць па велічных непрыступных сценах роднага і далёкага Канстанцінопаля. Гэта вам не драўляны форцік недзе на паўночных ускраінах імперыі без аліўкавага алею ды вінаграду. Гэта другі Рым, вечны горад! Трэба нагадаць пра допісы з гораду, што некалі быў узорам для старажытных князёў пры станаўленні першай дзяржаўнасці на абшарах Русі. Горад, што падараваў нам першую мураваную архітэктуру і рэлігію. Горад, што ўсю гісторыю хваляваў розумы людзей па ўсёй айкумене. 🔷Сафійскі сабор; 🔷Каталіцкія могілкі; 🔷Фартэцыя Румелі; 🔷Фартэцыя Анадолу; 🔷Электрастанцыя-музей. Дарэчы, успомніў, што матэрыялаў на замежныя допісы хапае. Ці варта публікаваць? Стаў 👀 калі будзеш чакаць.

#sacral_recon Рамейска-варажская эстэтыка ў некалькіх здымках. Першы раз наведаў "ранятны" фэстываль. То-бок мерапрыемства прысвечанае ранняму сярэднявеччу, супрацьстаянню Усходняй Рымскай імперыі і так званых варвараў у Х стагоддзі. Па традыцыі будзе невялічкае кінцо. Будзеце чакаць?