Infinity Group - Statistics & analytics of Telegram channel @infinitygroupkbu

2 878

ဒီအတွက် အလှူခံထားတာလေးက ၃၀,၀၀၀ ပဲ ရပါသေးတယ်ဗျ။အခုချိန်အားလုံးခက်ခဲနေချိန်ဖြစ်တာမို့ ဩဂုတ်လ ၂ ရက်နေ့ညပိုင်း ရသလောက်နဲ့အလှူခံပိတ်ပါ့မယ်ဗျာ။

2 878

ကန့်ဘလူနယ်တောင်ခြမ်းအခြေအနေ အစီရင်ခံစာ ကန့်ဘလူတောင်ခြမ်းအခြေအနေနဲ့ပတ်သက်လို့ မပြောပဲငုံထားတာကြာပါပြီ။လက်နက်ကိုင်တော်လှန်ရေးစကတည်းက စစ်ကောင်စီရဲ့နယ်မြေရှင်းလင်းရေးစစ်ကြောင်းတွေ ဝင်လာတိုင်း နယ်မြေခံပကဖနဲ့LOCALအဖွဲ့တွေကပဲ ရှိတဲ့အင်အားနဲ့ ဖြစ်သလိုခုခံကာကွယ်လာတာ ဒီနေ့ဒီအချိန်ထိပါပဲ။ ကန့်ဘလူတောင်ခြမ်းကို စစ်ကြောင်းတကြောင်းထိုးလာရင် MOD လက်အောက်က တပ်ရင်းတပ်ဖွဲ့တွေ ကလာပြီး ကာကင်းလုပ်ပေးတာတောင် မရှိဘူးလို့ ဒေသခံတွေကပြောပါတယ်။လာတဲ့အခါဆိုရင်တောင်မှ စစ်ကြောင်းကပ်လာချိန်ဆို တပ်ရင်းကလာတဲ့ရဲဘော်တွေ ပျောက်ပျောက်သွားတယ်လို့ဆိုပါတယ်။ ကန့်ဘလူတောင်ခြမ်းမှာ ဘာကြောင့်ဒီလိုဖြစ်နေရသလဲဆိုတာ ကန့်ဘလူနယ်စစ်ရေးတာဝန်ခံတွေအနေနဲ့ ပြန်စဥ်းစားကြဖို့လိုပီထင်ပါတယ်။အခုဆို တော်လှန်ရေးအင်အားစုအားကောင်းတဲ့ ကန့်ဘလူနယ်တောင်ခြမ်းက ရွာတွေဟာ ခြံခတ်ခံထားရတဲ့နွားအုပ်လိုဖြစ်နေပါပြီ။ ဒီနောက်ပိုင်း စစ်ကြောင်းထိုးထာထက်ဆိုးတာက ကန့်ဘလူနယ်တောင်ခြမ်းကိုပတ်လည်ဝိုင်းပီး စစ်တပ်အထိုင်စခန်းတွေ တိုးတိုးချလာတာပါပဲ။အရေးအကြောင်းဆို ဆေးဝါးကုသဖို့သွားရလာရအောင်တောင် ဝင်ပေါက်ထွက်ပေါက်ရှာနေရတာနဲ့ ဒုက္ခအတော်များလှပါပြီ။ ဒီအတိုင်းဆို ကန့်ဘလူနယ်တောင်ခြမ်းက ရွာတွေဟာ စားဝတ်နေရေးကအစ သယ်ယူပို့ဆောင်ရေးအဆုံး လမ်းကြောင်းတွေ တခုပီးတခုပိတ်ခံနေရတာမို့ အဆင်မပြေနိုင်ပါဘူး။ကန့်ဘလူနယ်တောင်ခြမ်းရွာတွေကဆို အနီးနားမှာရှိတဲ့ ဇီးကုန်း၊ထန်းကုန်းက စစ်တပ်နဲ့ပျူဂိတ်တွေဝင်ထွက်သွားလာပိတ်ထားတာကြောင့် အခြေခံစားသောက်ကုန်၊လောင်စာဆီ စတဲ့အရာတွေက အကန့်အသတ်နဲ့သာ ရနိုင်တာပါ။ ဒါကို ကန့်ဘလူမြို့နယ်ထဲက စစ်ရေးတာဝန်ခံတွေအနေနဲ့ မျက်ကွယ်ပြုမထားသင့်ပါဘူး။ခင်ဗျားတို့ပြောပြောနေတဲ့ စစ်နိုင်တယ်ဆိုတာ စစ်တိုက်လို့နိုင်တာထက် နယ်မြေပိုင်ဆိုင်တာကလည်း စစ်နိုင်တာပဲဆိုရင် ကိုယ့်ဘက်ကစိုးမိုးနယ်မြေတွေ အရင်ကထက် ကျဥ်းမြောင်းမသွားဖို့ဟာလည်း သိပ်ကိုအရေးကြီးသလို လုပ်သင့်တာကို တစိုက်မက်မက်လုပ်နေဖို့အရေးကြီးပါတယ်။ အခုတခေါက် ကန့်ဘလူနယ်တောင်ခြမ်းကို စစ်ကြောင်းထိုးလာချိန်မှာ ကန့်ဘလူတောင်ခြမ်းက သရက်ခေါင်းရွာက အရပ်သား ၂ ဦးက ဒရုန်းဗုံးထိမှန်ပီး သေပါတယ်။သပြေသာလေးရွာက အရပ်သား ၁ ဦးက လက်နက်ကြီးထိမှန်ပီး သေပါတယ်။သရက်ခေါင်းရွာက နေအိမ် ၇၂ လုံးနဲ့ရှမ်းတပ်ရွာက နေအိမ် ၁၁၅ လုံး မီးရှို့ဖျက်ဆီးခံထားရပါတယ်။အရပ်သား ၄ ဦးကို စစ်ကြောင်းက ဖမ်းခေါ်သွားပါတယ်။ စစ်ရေးအရှိန်မြင့်နေတဲ့ ဒီလိုကာလမှာ ကိုယ့်ဘက်က ထိုးစစ်မလုပ်နိုင်သေးသည့်တိုင်၊ကြားဖြတ်မတိုက်ခိုက်နိုင်သေးသည့်တိုင် အရပ်သားပြည်သူတွေဘေးကင်းလုံခြုံစေဖို့ စစ်ကြောင်းကို ကင်းထောက်တဲ့ ကာကင်းတွေတော့ လုံလုံလောက်လောက်ပို့ပေးဖို့ ဖြစ်သင့်ပါတယ်ဗျာ။ July 27,2024 ကိုအနန္တရေးသည် #infinitygroup

2 878

ထန်းကုန်း–ကာဘိုးလမ်းပေါ်က ကျီကုန်းရွာတံတားက စစ်ခွေး၊ပျူခွေးစခန်းပစ်ခံရတဲ့ Video ပါ ပျူအပေါင်းတို့။ကြည့်ပီးရင်လည်း လွတ်ရာပြေးကြတော့

2 878

ဒီခေတ်ထဲ ကလေးလေးတွေ သိပ်သနားစရာကောင်းပါတယ်။သူတို့ခမျာ ကျနော်တို့ငယ်တုန်းကလို အစားဆင်းရဲ၊အနေဆင်းရဲ စတဲ့ဒုက္ခမျိုးတွေတင်မက စစ်ဘေးသင့်နေချိန်ဖြစ်လို့ ပညာသင်ရတဲ့နေရာမှာလည်း အတော်ကို ဒုက္ခများရှာပါတယ်။ ထောက်ပံ့မှုကောင်းကောင်းလည်းမရ၊ကျောင်းဝတ်စုံတောင် လူတိုင်းနီးပါးမဝတ်နိုင်ကြတဲ့အပြင် စာရေးကိရိယာမပြည့်မစုံနဲ့ သူတို့လေးတွေခမျာ စစ်ရှောင်တဲကနေ စာသင်ကျောင်းရှိတဲ့နေရာဆီသွားရလာရတာလဲ သိပ်ကိုမလွယ်ကူကြပါ။ ဒီကြားထဲ စာသင်ပေးရတဲ့ CDM ဆရာ၊ဆရာမတွေ Volunteer ဆရာ၊ဆရာမတွေမှာလည်း လိုအပ်ချက်အများအပြားထဲကမှ ကလေးတွေအတွက် အသင့်တော်ဆုံးဖြစ်မယ့် စာသင်ကျောင်းလေးတခုဖြစ်ဖို့ရာ မိဘအများစု စိတ်ချရမယ့်နေရာမျိုးကို ရွေးချယ်ကြရတဲ့အပြင် အဆောက်အဦးဆောက်ဖို့ရာကအစ စိန်ခေါ်မှုတွေများလှပါတယ်။ ကျနော်တို့နယ်ဘက်မှာ စစ်ရှောင်တဲအတွက်ဖြစ်ဖြစ်၊ယာယီကျောင်းဆောင်အတွက်ပဲဖြစ်ဖြစ် သစ်၊ဝါးရှာပီး ဆောက်လိုက်ဖို့က သိပ်မခဲယဥ်းပေမယ့် သယ်ယူစရိတ်နဲ့အမိုးအကာအတွက်စရိတ်အတွက်တော့ ငွေအထိုက်လျောက်တော့ လိုအပ်ပါတယ်။ အခုလည်း စစ်ရှောင်စာသင်ကျောင်းတစ်ကျောင်းက အဆောင်သစ်တစ်ခုဆောက်ဖို့အတွက် မြန်မာငွေ ၅ သိန်းကျပ်ဝန်းကျင် လိုအပ်နေလို့ဆိုပြီး ကျနော်တို့ဆီအကူအညီ တောင်းလာပါတယ်။နယ်ခံအများစုကလည်း စစ်ရှောင်နေရတာမို့ ထပ်ပြီးအကူအညီတောင်းရမှာ အဆင်မပြေလို့ပါတဲ့ဗျာ။ အခုဆောက်မယ့် အဆောင်သစ်ကလည်း အလှူရှင်တွေအများစု ပေါင်းလှူထားကြတဲ့ စာအုပ်တွေကို ကလေးတွေအနေနဲ့ အေးအေးဆေးဆေးလေ့လာနိုင်အောင် စာကြည့်တိုက်ဆောက်ဖို့ရာအတွက်ပါတဲ့ဗျာ။ဘယ်လောက်တောင်ကောင်းလိုက်တဲ့ ရည်ရွယ်ချက်လဲဗျာ။ လူငယ်တွေဦးဆောင်ပြီး အရွေ့တခုကိုသွားနေတဲ့ ကျနော်တို့ကန့်ဘလူနယ်ထဲက စစ်ရှောင်စာသင်ကျောင်းတခုဆီ စာကြည့်တိုက်ကျောင်းဆောင်လှူချင်တယ်ဆို ကျနော်တို့ဆီကို ဆက်သွယ်ပေးပါခင်ဗျာ။တိုက်ရိုက်လှူချင်သူရှိရင်လည်း ချိတ်ဆက်ပေးပါ့မယ်ခင်ဗျာ။ 21 July,2024 ကိုအနန္တရေးသည် ဆက်သွယ်ရန် @iggp21 #infinitygroup

2 878

ဒီခေတ်ထဲ ကလေးလေးတွေ သိပ်သနားစရာကောင်းပါတယ်။သူတို့ခမျာ ကျနော်တို့ငယ်တုန်းကလို အစားဆင်းရဲ၊အနေဆင်းရဲ စတဲ့ဒုက္ခမျိုးတွေတင်မက စစ်ဘေးသင့်နေချိန်ဖြစ်လို့ ပညာသင်ရတဲ့နေရာမှာလည်း အတော်ကို ဒုက္ခများရှာပါတယ်။ ထောက်ပံ့မှုကောင်းကောင်းလည်းမရ၊ကျောင်းဝတ်စုံတောင် လူတိုင်းနီးပါးမဝတ်နိုင်ကြတဲ့အပြင် စာရေးကိရိယာမပြည့်မစုံနဲ့ သူတို့လေးတွေခမျာ စစ်ရှောင်တဲကနေ စာသင်ကျောင်းရှိတဲ့နေရာဆီသွားရလာရတာလဲ သိပ်ကိုမလွယ်ကူကြပါ။ ဒီကြားထဲ စာသင်ပေးရတဲ့ CDM ဆရာ၊ဆရာမတွေ Volunteer ဆရာ၊ဆရာမတွေမှာလည်း လိုအပ်ချက်အများအပြားထဲကမှ ကလေးတွေအတွက် အသင့်တော်ဆုံးဖြစ်မယ့် စာသင်ကျောင်းလေးတခုဖြစ်ဖို့ရာ မိဘအများစု စိတ်ချရမယ့်နေရာမျိုးကို ရွေးချယ်ကြရတဲ့အပြင် အဆောက်အဦးဆောက်ဖို့ရာကအစ စိန်ခေါ်မှုတွေများလှပါတယ်။ ကျနော်တို့နယ်ဘက်မှာ စစ်ရှောင်တဲအတွက်ဖြစ်ဖြစ်၊ယာယီကျောင်းဆောင်အတွက်ပဲဖြစ်ဖြစ် သစ်၊ဝါးရှာပီး ဆောက်လိုက်ဖို့က သိပ်မခဲယဥ်းပေမယ့် သယ်ယူစရိတ်နဲ့အမိုးအကာအတွက်စရိတ်အတွက်တော့ ငွေအထိုက်လျောက်တော့ လိုအပ်ပါတယ်။ အခုလည်း စစ်ရှောင်စာသင်ကျောင်းတစ်ကျောင်းက အဆောင်သစ်တစ်ခုဆောက်ဖို့အတွက် မြန်မာငွေ ၅ သိန်းကျပ်ဝန်းကျင် လိုအပ်နေလို့ဆိုပြီး ကျနော်တို့ဆီအကူအညီ တောင်းလာပါတယ်။နယ်ခံအများစုကလည်း စစ်ရှောင်နေရတာမို့ ထပ်ပြီးအကူအညီတောင်းရမှာ အဆင်မပြေလို့ပါတဲ့ဗျာ။ အခုဆောက်မယ့် အဆောင်သစ်ကလည်း အလှူရှင်တွေအများစု ပေါင်းလှူထားကြတဲ့ စာအုပ်တွေကို ကလေးတွေအနေနဲ့ အေးအေးဆေးဆေးလေ့လာနိုင်အောင် စာကြည့်တိုက်ဆောက်ဖို့ရာအတွက်ပါတဲ့ဗျာ။ဘယ်လောက်တောင်ကောင်းလိုက်တဲ့ ရည်ရွယ်ချက်လဲဗျာ။ လူငယ်တွေဦးဆောင်ပြီး အရွေ့တခုကိုသွားနေတဲ့ ကျနော်တို့ကန့်ဘလူနယ်ထဲက စစ်ရှောင်စာသင်ကျောင်းတခုဆီ စာကြည့်တိုက်ကျောင်းဆောင်လှူချင်တယ်ဆို ကျနော်တို့ဆီကို ဆက်သွယ်ပေးပါခင်ဗျာ။တိုက်ရိုက်လှူချင်သူရှိရင်လည်း ချိတ်ဆက်ပေးပါ့မယ်ခင်ဗျာ။ 21 July,2024 ကိုအနန္တရေးသည် #infinitygroup

2 878

ကန့်ဘလူ၊ကျွန်းလှ၊တန့်ဆည်နယ်တွေမှာ ဇူလိုင်လအတွင်း စစ်ရေးအခြေအနေဘယ်လိုရှိနေသလဲ ဇူလိုင် ၂၀ ၊ ၂၀၂၄ ရှမ်းမြောက်စစ်ရေးနှင့်အတူ ရှမ်း-မန်းစစ်ဆင်ရေးအရှိန်အဟုန်ကောင်းနေချိန် ဇူလိုင်လပထမအပတ်မှစ၍ စစ်ကိုင်းတိုင်းအတွင်းရှိ ကန့်ဘလူ၊ကျွန်းလှနှင့်တန့်ဆည်မြို့နယ်များအတွင်းရှိ အချက်အခြာကျသောနေရာများအား စိုးမိုးထိန်းချုပ်နိုင်ရေး အကြမ်းဖက်စစ်ကောင်စီသည် တစိုက်မက်မက်ဆက်လက်လုပ်ဆောင်နေလျက်ရှိသည်။ အကြမ်းဖက်စစ်ကောင်စီနှင့်လက်ဝေခံပျူစောထီးပူးပေါင်းစစ်ကြောင်းသည် ဇူလိုင်လပထမအပတ်မှစတင်ကာ ကန့်ဘလူမြို့အရှေ့ဘက်ရှိ ကန့်ဘလူ-စံပယ်နံ့သာလမ်းပိုင်းအား ပြန်လည်စိုးမိုးထိန်းချုပ်နိုင်ရေး စစ်ကြောင်းထိုးလှုပ်ရှားခဲ့သည်။ ဇူလိုင်လ ၁၁ ရက်နေ့တွင် ကန့်ဘလူ-စံပယ်နံ့သာ-ရွှေဘိုလမ်းပိုင်းရှိ ရေအေးရွာအနီး၌ အကြမ်းဖက်စစ်ကောင်စီစစ်ကြောင်းကင်းပုန်း၏ ပစ်ခတ်တိုက်ခိုက်ခံရခြင်းကြောင့် ဒေသခံကာကွယ်ရေးရဲဘော် ၂ ဦး ကျဆုံးခဲ့ကြောင်း သိရသည်။ ကန့်ဘလူ-စံပယ်နံ့သာလမ်းပိုင်းရှိ ဝက်ပုတ်ရွာ၌ ဇူလိုင်လ ၁၆ ရက်နေ့မှစတင်ကာ အကြမ်းဖက်စစ်ကောင်စီစစ်ကြောင်းက အထိုင်ချတပ်စွဲသွားပြီး ရွာခံအမျိုးသားများအား ပျူစောထီးအဖွဲ့ဝင်များအဖြစ် လူသစ်စုဆောင်းနေကြောင်း သိရသည်။ ကန့်ဘလူ-စံပယ်နံ့သာ-ရွှေဘိုလမ်းပိုင်းတွင်ဖြစ်ပေါ်နေသော စစ်ရေးအခြေအနေများကြောင့် စစ်ကောင်စီနှင့်ကာကွယ်ရေးတပ်ဖွဲ့များမှ ကားလမ်းပိတ်ထားလျက်ရှိသည်မှာ ၁ လနီးပါးကြာမြင့်နေပြီဖြစ်ပြီး ကန့်ဘလူ-စံပယ်နံ့သာလမ်းပိုင်းအား စစ်ကောင်စီတပ်မှ အပြည့်အဝထိန်းချုပ်နိုင်ရန် ကြိုးပမ်းနေလျက်ရှိသည်။ တဖန် ကျွန်းလှမြို့နယ် သဖန်းဆိပ်ဆည်အနီးရှိ အင်တိုင်းရွာ၌ စစ်ကောင်စီနှင့်ပျူစောထီးများက အခိုင်အမာတပ်စွဲထားဆဲဖြစ်ပြီး ဇူလိုင်လ ဒုတိယအပတ်ထဲ၌ အင်အား ၂၀၀ ကျော်အသုံးပြုကာ ကျွန်းလှ-တန့်ဆည်အစပ်ရှိ ညောင်ကိုင်း၊ပုတီး၊စည်းသာရွာများသို့ စစ်ကြောင်းထိုး လှုပ်ရှားခဲ့ကြောင်း သိရသည်။ အကြမ်းဖက်စစ်ကောင်စီနှင့်ပျူစောထီးပူးပေါင်းစစ်ကြောင်းသည် ဇူလိုင်လ ၁၃ ရက်နေ့၌ ကျွန်းလှမြို့နယ် ညောင်ကိုင်းအုပ်စုတွင်းရှိ မြင်သာရွာမှ နေအိမ် ၁၁ လုံး၊တန့်ဆည်မြို့နယ်တွင်းရှိ စည်းသာရွာမှ နေအိမ် ၆၃ လုံးနှင့် ဇူလိုင်လ ၁၄ ရက်နေ့၌ တန့်ဆည်မြို့နယ် ပုတီးရွာမှ နေအိမ် ၈၆ လုံးအား မီးရှို့ဖျက်ဆီးခဲ့ကြောင်း သိရသည်။ ဇူလိုင်လ ဒုတိယအပတ်အတွင်း ကျွန်းလှ-တန့်ဆည်အစပ်ရှိ ကျေးရွာများသို့ စစ်ကြောင်းထိုးလာသော စစ်ကောင်စီနှင့်ပျူစောထီးပူးပေါင်းစစ်ကြောင်းအား ပြည်သူ့ကာကွယ်ရေးတပ်ဖွဲ့များမှ ကြားဖြတ်တိုက်ခိုက်ခဲ့ရာ နှစ်ဖက်တိုက်ပွဲများအတွင်း ပြည်သူ့ကာကွယ်ရေးတပ်ဖွဲ့ဝင် ၁ ဦးကျဆုံးခဲ့ပြီး စစ်ကောင်စီတပ်ဘက်မှ ၅ ဦးသေဆုံးကာ ထိခိုက်ဒဏ်ရာရရှိသူ ၁၀ ဦးထက်မနည်းရှိကြောင်း စုံစမ်းသိရှိရသည်။ ဇွန်လမှစတင်ကာ ဇူလိုင်လ၏ယခုရက်ပိုင်းများအထိ အကြမ်းဖက်စစ်ကောင်စီသည် နယ်မြေခံပျူစောထီးများအား လက်နက်တပ်ဆင်ပေးကာ အင်အားအလုံးအရင်းဖြင့် ကန့်ဘလူ၊ကျွန်းလှနှင့်တန့်ဆည် ၃ မြို့နယ်အစပ်ရှိ သဖန်းဆိပ်ဆည်နှင့်ကင်းတောင်(ကင်းတပ်ဆည်)အနီးတို့တွင် စစ်ရေးလှုပ်ရှားနေခြင်းကြောင့် စစ်ဘေးရှောင်ရွာပေါင်း ၁၃ ရွာအထိရှိနေကာ စစ်ရှောင်နေရသည်မှာ ၁ လနီးပါး ကြာမြင့်နေပြီဖြစ်သည်။ #infinitygroup

2 878

ဝမ်းသာစရာပါပဲဗျာ ၁,၄၃၀,၀၀၀ ရရှိလို့ မီးစက်အတွက် အလှူခံတာ ရပ်နားပါပီဗျာ။အလှူရှင်တွေကို ကျေးဇူးအထူးတင်ပါတယ်ဗျာ။

2 878

မနှစ်က နိုဝင်ဘာလထဲ အလုပ်ကိစ္စတခုနဲ့ခရီးသွားချိန် စစ်ကြောင်းထိုးနေလို့ လမ်းပိတ်ထားတဲ့အတွက် စစ်ရှောင်နေရတဲ့အသိတွေဆီ တညတာဝင်အိပ်ဖြစ်ခဲ့တယ်။ဒီကာလအတွင်း သွားလာခိုနားဖြစ်လို့တွေ့ရတဲ့ အသိတွေဆိုပေမယ့် အမျိုးတွေလိုတောင် ရင်းနှီးနေကြပါပြီ။ စစ်ရှောင်နေရချိန် နေရေးထိုင်ရေးဒုက္ခရောက်နေကြပေမယ့် စစ်ရှောင်တဲမှာ မုန့်လုပ်ရောင်းသူကရောင်း၊သုံးဘီးဆိုင်ကယ်ပေါ် ရွာဆိုင်ကပါသလောက်တင်ခဲ့တဲ့ ဈေးကုန်ရောင်းသူကရောင်းနဲ့ ကိုယ်အဆင်ပြေရာအရပ်မှာ ဖြစ်သလိုခိုကပ်နေကြတာကိုကြည့်ပီး စိတ်မကောင်းဖြစ်ရုံကလွဲလို့ ကျနော်လည်း ထွေထူးတော့မတတ်နိုင်ပါ။ စစ်ရှောင်တဲမှာ တညအိပ်ပြီး မနက်မိုးလင်းတော့ ရေနွေးကြမ်းထိုင်သောက်နေချိန် ပေါက်စီလုပ်ရောင်းတဲ့အကိုကြီးက အောက်ခံငှက်ပျောဖက်ကြောင့် အနံ့သင်းသင်းလေးမွှေးနေတဲ့ အုံးသကြားပေါက်စီ ၄ လုံး လာချရင်း " စားကြ ငါ့ညီတို့ " ဆိုပြီး ဖော်ဖော်ရွေရွေနဲ့ လာကြွေးရှာတယ်။ အနံ့မွှေးရုံတင်မက အရသာပါကောင်းတဲ့ ပေါက်စီတလုံးစားအပြီး " အကိုရေ ဘယ်လောက်ကျလဲ " ဆိုတော့ " အလကားကျွေးတာပါကွာ " တဲ့ ။ ဘယ်လိုမေးမေး ငြင်းနေလေတော့ ကျနော်တို့လည်း စေတနာကောင်းတဲ့အကိုကြီးကို " ကျေးဇူးပါဗျာ " ဆိုတဲ့ စကားတခွန်းပဲ ပြောပြီး လမ်းကြောင်းတချက်စုံစမ်းရင်း ခရီးဆက်လာခဲ့တယ်။ သွားရင်းလာရင်း ဒီလိုမျိုးကြုံကြိုက်လို့ ကျနော်တို့ ဝင်နား၊ဝင်စားခဲ့ရတဲ့ နေရာတွေမနည်းတော့ပါဘူး။တခါဝင်နားရုံပဲဖြစ်ဖြစ် ကြုံတိုင်းဝင်နားလို့ပဲဖြစ်ဖြစ် ဒီခေတ်ဒီကာလထဲ ကျနော်တို့လိုလူငယ်တွေကို ကျွေးမွေးဖို့ဆို လက်တွန့်မနေကြတဲ့အပြင် တော်လှန်ရေးအတွက်ဆို ရှိစုမဲ့စုထဲကပါ ဖဲ့လှူကြတဲ့ အညာဒေသကပြည်သူတွေဟာ အခုတော့ကြပ်တည်းနေကြပါပြီ။ လှူနိုင်ဖို့နေနေသာသာ မိသားစုစားဝတ်နေရေး၊ရပ်တည်နေနိုင်ရေး ပြိုလည်းမသွားအောင် မနည်းရုန်းကန်နေရတဲ့ကာလ။ဒီတော့ ဒီကာလမှာ အလုပ်အကိုင်အဆင်ပြေပီး ဝင်ငွေကောင်းတဲ့ ပြည်ပရောက်နေသူတွေ၊စီးပွားရေးဖြစ်ထွန်းနေသူတွေ အနေနဲ့ အရင်ကထက်ပိုပြီး အားစိုက်ကူကြဖို့ မေတ္တာရပ်ခံပါတယ်။ ရှေ့ရက်များမှာ ဒရုန်းဘက်ထရီအားသွင်းနိုင်ရန်အတွက် မီးစက်ဝယ်နိုင်ဖို့ အလှူခံထားပါတယ်ဗျာ။Target က မြန်မာငွေ ၁၅ သိန်းဝန်းကျင်ဆိုပေမယ့် အခုချိန်ထိ ၆ သိန်း ၃ သောင်းသာ ရရှိထားပါသေးတယ်။ဒီလိုမြန်မာငွေဈေးကျနေချိန် ပစ္စည်းတခုဝယ်ဖို့အတွက် အချိန်ကြာလေ ပစ္စည်းဈေးတက်လေ မကောင်းလေပါပဲဗျာ။ ဒီတော့ နောက်ထပ် ၇ သိန်း ၈ သိန်းလောက်ရရင်ကို သူတို့အဖွဲ့ လိုအပ်နေတဲ့ မီးစက်တလုံးတော့ သေချာပေါက်ရမှာပါ။ဒါကြောင့် တိုက်ရိုက်လှူချင်သူတွေအနေနဲ့လည်း သူတို့နဲ့ ချိတ်ဆက်ပီး လှူနိုင်သလို ကျနော်တို့ထံကနေတဆင့်လည်း လှူနိုင်ပါတယ်ဗျာ။ 14 July,2024 ကိုအနန္တရေးသည် ဆက်သွယ်ရန် @iggp21 #infinitygroup

2 878

မနှစ်က နိုဝင်ဘာလထဲ အလုပ်ကိစ္စတခုနဲ့ခရီးသွားချိန် စစ်ကြောင်းထိုးနေလို့ လမ်းပိတ်ထားတဲ့အတွက် စစ်ရှောင်နေရတဲ့အသိတွေဆီ တညတာဝင်အိပ်ဖြစ်ခဲ့တယ်။ဒီကာလအတွင်း သွားလာခိုနားဖြစ်လို့တွေ့ရတဲ့ အသိတွေဆိုပေမယ့် အမျိုးတွေလိုတောင် ရင်းနှီးနေကြပါပြီ။ စစ်ရှောင်နေရချိန် နေရေးထိုင်ရေးဒုက္ခရောက်နေကြပေမယ့် စစ်ရှောင်တဲမှာ မုန့်လုပ်ရောင်းသူကရောင်း၊သုံးဘီးဆိုင်ကယ်ပေါ် ရွာဆိုင်ကပါသလောက်တင်ခဲ့တဲ့ ဈေးကုန်ရောင်းသူကရောင်းနဲ့ ကိုယ်အဆင်ပြေရာအရပ်မှာ ဖြစ်သလိုခိုကပ်နေကြတာကိုကြည့်ပီး စိတ်မကောင်းဖြစ်ရုံကလွဲလို့ ကျနော်လည်း ထွေထူးတော့မတတ်နိုင်ပါ။ စစ်ရှောင်တဲမှာ တညအိပ်ပြီး မနက်မိုးလင်းတော့ ရေနွေးကြမ်းထိုင်သောက်နေချိန် ပေါက်စီလုပ်ရောင်းတဲ့အကိုကြီးက အောက်ခံငှက်ပျောဖက်ကြောင့် အနံ့သင်းသင်းလေးမွှေးနေတဲ့ အုံးသကြားပေါက်စီ ၄ လုံး လာချရင်း " စားကြ ငါ့ညီတို့ " ဆိုပြီး ဖော်ဖော်ရွေရွေနဲ့ လာကြွေးရှာတယ်။ အနံ့မွှေးရုံတင်မက အရသာပါကောင်းတဲ့ ပေါက်စီတလုံးစားအပြီး " အကိုရေ ဘယ်လောက်ကျလဲ " ဆိုတော့ " အလကားကျွေးတာပါကွာ " တဲ့ ။ ဘယ်လိုမေးမေး ငြင်းနေလေတော့ ကျနော်တို့လည်း စေတနာကောင်းတဲ့အကိုကြီးကို " ကျေးဇူးပါဗျာ " ဆိုတဲ့ စကားတခွန်းပဲ ပြောပြီး လမ်းကြောင်းတချက်စုံစမ်းရင်း ခရီးဆက်လာခဲ့တယ်။ သွားရင်းလာရင်း ဒီလိုမျိုးကြုံကြိုက်လို့ ကျနော်တို့ ဝင်နား၊ဝင်စားခဲ့ရတဲ့ နေရာတွေမနည်းတော့ပါဘူး။တခါဝင်နားရုံပဲဖြစ်ဖြစ် ကြုံတိုင်းဝင်နားလို့ပဲဖြစ်ဖြစ် ဒီခေတ်ဒီကာလထဲ ကျနော်တို့လိုလူငယ်တွေကို ကျွေးမွေးဖို့ဆို လက်တွန့်မနေကြတဲ့အပြင် တော်လှန်ရေးအတွက်ဆို ရှိစုမဲ့စုထဲကပါ ဖဲ့လှူကြတဲ့ အညာဒေသကပြည်သူတွေဟာ အခုတော့ကြပ်တည်းနေကြပါပြီ။ လှူနိုင်ဖို့နေနေသာသာ မိသားစုစားဝတ်နေရေး၊ရပ်တည်နေနိုင်ရေး ပြိုလည်းမသွားအောင် မနည်းရုန်းကန်နေရတဲ့ကာလ။ဒီတော့ ဒီကာလမှာ အလုပ်အကိုင်အဆင်ပြေပီး ဝင်ငွေကောင်းတဲ့ ပြည်ပရောက်နေသူတွေ၊စီးပွားရေးဖြစ်ထွန်းနေသူတွေ အနေနဲ့ အရင်ကထက်ပိုပြီး အားစိုက်ကူကြဖို့ မေတ္တာရပ်ခံပါတယ်။ ရှေ့ရက်များမှာ ဒရုန်းဘက်ထရီအားသွင်းနိုင်ရန်အတွက် မီးစက်ဝယ်နိုင်ဖို့ အလှူခံထားပါတယ်ဗျာ။Target က မြန်မာငွေ ၁၅ သိန်းဝန်းကျင်ဆိုပေမယ့် အခုချိန်ထိ ၆ သိန်း ၃ သောင်းသာ ရရှိထားပါသေးတယ်။ဒီလိုမြန်မာငွေဈေးကျနေချိန် ပစ္စည်းတခုဝယ်ဖို့အတွက် အချိန်ကြာလေ ပစ္စည်းဈေးတက်လေ မကောင်းလေပါပဲဗျာ။ ဒီတော့ နောက်ထပ် ၇ သိန်း ၈ သိန်းလောက်ရရင်ကို သူတို့အဖွဲ့ လိုအပ်နေတဲ့ မီးစက်တလုံးတော့ သေချာပေါက်ရမှာပါ။ဒါကြောင့် တိုက်ရိုက်လှူချင်သူတွေအနေနဲ့လည်း သူတို့နဲ့ ချိတ်ဆက်ပီး လှူနိုင်သလို ကျနော်တို့ထံကနေတဆင့်လည်း လှူနိုင်ပါတယ်ဗျာ။ 14 July,2024 ကိုအနန္တရေးသည် ဆက်သွယ်ရန် @iggp21 #infinitygroup

2 878

ဒီကာလ ဝင်ငွေကောင်းတဲ့သူတွေလည်း ကျနော်တို့ page ကိုစောင့်ကြည့်တဲ့အထဲရှိကြမှာပါ။၁၅ သိန်းဝန်းကျင်ဆိုတဲ့ပမာဏဟာ ကျနော်တို့အတွက် ခက်ခဲပေမယ့် ခင်ဗျားတို့လိုလူတွေအတွက် မပြောပ,ပါဘူးဗျာ။KBZ Pay,Wave Pay,Nug Pay အကုန်ရပါတယ်။ဒီတော့ မြန်မြန် လာကူပေးကြပါအုံးဗျာ..... 7 July,2024 ကိုအနန္တရေးသည် ဆက်သွယ်ရန် @iggp21 #infinitygroup

2 878

လွန်ခဲ့တဲ့ ၂ လလောက်က စစ်ကိုင်းတိုင်းထဲက တော်လှန်ရေးအင်အားစုတွေ အားကောင်းတဲ့ရွာကြီးတရွာကို ကိစ္စတခုနဲ့ရောက်တော့ စိတ်ဝင်စားစရာတွေအများကြီး တွေ့ခဲ့ရတယ်။အဲ့ဒီရွာကြီးမှာ ကုန်စုံဆိုင်၊လက်ဖက်ရည်ဆိုင်၊ဘီယာဆိုင်၊အထည်ဆိုင် စသဖြင့် မြို့လောက်နီးနီး ဝယ်ခြမ်းစရာ၊စားသောက်စရာ ဆိုင်တွေအများကြီးနဲ့ တော်တော်စုံတယ်ပြောရမယ်။ ကျနော်နဲ့ချိန်းထားတဲ့ အသိတယောက်က ဖုန်းဆက်ပီး " ငါ့ကောင်ရေ ....ဆိုင်ကိုလာခဲ့။အဲ့က စောင့်နေမယ်။ " ဆိုတော့ သူပြောတဲ့ဆိုင်ကို မေးမြန်းပီး လိုက်ရှာတော့ ဘီယာဆိုင်။ဘီယာဆိုင်မှ တော်တော်လူကျတဲ့ဆိုင်။ကျနော်လည်း ဆိုင်ထဲဝင်ပြီး တောင်ရှာမြောက်ရှာနဲ့ ချိန်းထားတဲ့အသိက ဆိုင်ရဲ့နောက်ကျော ထောင့်က စားပွဲဝိုင်းမှာ ထိုင်းနိုင်ငံထုတ် ဘီယာ ၁ ဗူးရယ်၊အမြည်းတပွဲရယ်၊ဟင်းရည် ၁ ပွဲရယ်နဲ့ပွဲတော်တည်ပြီး ပြုံးစိစိနဲ့ ကျနော့်ကို လက်ပြနှုတ်ဆက်ပီးလှမ်းခေါ်တယ်။ " လာ ထိုင်။တခုခုမှာလေ။ " လို့ဆိုတော့ V-code တဗူးလှမ်းမှာရင်း ပတ်ဝန်းကျင်စူးစမ်းကြည့်ချိန် ဘေးချင်းကပ်လျက်မလှမ်းမကမ်းက အရက်ဘီယာအစုံ၊အမြည်းပွဲအပြည့်ချထားတဲ့စားပွဲဝိုင်းရဲ့တဖက်တချက်စီမှာ ပစ္စတိုခါးချိတ်ထားတဲ့ ခပ်ဝဝလူရယ်၊ခပ်တောင့်တောင့်လူသုံးယောက်ရယ်က မျက်နှာချင်းဆိုင်ထိုင်ပြီး အာပေါင်အာရင်းသန်သန်စကားပြောငြင်းခုန်ရင်း သောက်စားနေချိန် စစ်လက်နက်ပစ္စည်းအစုံနဲ့ လူငယ်တချို့က မက်တပ်ရပ်နေလျက်။ စားပွဲထိုးမိန်းမငယ်တဦးက ကျနော့်ရှေ့ အအေးဗူးလာချရင်း " အကိုတို့ လိုအပ်တာရှိ ပြောပါရှင့် " ဆိုပြီး လှည့်ထွက်သွားတော့ ကျနော်တို့နှစ်ယောက်စကားလက်ဆုံကျနေမိတယ်။တော်လှန်ရေးကာလမှ အလုပ်ကိစ္စနဲ့ဆက်စပ်ပြီး တယောက်နဲ့တယောက်ခင်မင်ကြပေမယ့် ပွင့်ပွင့်လင်းလင်းတရင်းတနှီးပဲ ကျနော်တို့ ဟိုအကြောင်း၊ဒီအကြောင်း ပြောဖြစ်ကြတာများတယ်။ ကျနော်တို့ ခဏတဖြုတ်စကားလက်စပြတ်သွားချိန် ဘေးချင်းကပ်လျက်စားပွဲဝိုင်းက ပိုက်ဆံရှင်းဖို့ စားပွဲထိုးလှမ်းခေါ်တော့ ကျနော့်အမြင်အာရုံက သူတို့ဘက်ရောက်သွားတယ်။စားပွဲထိုးမိန်းမငယ်ရောက်လာပြီး " ၅ သိန်း ....ထောင် ကျတယ်ရှင့် " ဆိုတော့ ဝိုင်းထဲက ခပ်ဝဝလူက " ကျနော်ရှင်းမယ် အကိုကြီး ...ဂေ့...အေ့ " ။နောက် သူ့စလွယ်အိတ်ထဲကနေ တသောင်းတန်ငွေစက္ကူအထပ်လိုက်ထုတ်ပြီး တရွက်ချင်းအေးဆေးရေတွက်ကာ စားပွဲထိုးဆီကမ်းပေးလိုက်တယ်။ သူတို့ဝိုင်းဆီရောက်နေတဲ့ ကျနော့်အကြည့်တွေကို တခြားဝိုင်းက ငမူးတွေဘက်လွှဲလိုက်တယ်။နောက် ကျနော်နဲ့တဝိုင်းထဲထိုင်နေတဲ့ အသိကို " ခင်ဗျားတို့နယ်ဘက် အခြေအနေဘယ်လိုရှိလဲဗျ။ " ဆိုတော့ " ဒီလိုပါဘဲ ငါ့ကောင်ရာ လူအများစုက အရင်နှစ်တွေကလို အဆင်မပြေကြတော့ဘူး။အစစအရာရာ ဈေးကကြီးနဲ့ ကြာတော့ကြပ်တည်းကုန်ပီ။အဆင်ပြေတဲ့လူတွေတော့ ပြေနေကြတာပဲ။မင်းလည်းမြင်နေတာပဲလေ။ " တဝက်ကျန်နေသေးတဲ့ အအေးဗူးကို အမြှုပ်ထအောင် ဖန်တလဲလဲလှုပ်ရင်း ကျနော့်ခေါင်းထဲမှာ အတွေးစတွေကအပြည့်။တချို့လည်း စောစောက ကျနော်မြင်လိုက်တဲ့မြင်ကွင်းမျိုး မြင်ပြီး ကိုယ်ကသာ မစားရက်မသောက်ရက် လှူနေရတာ၊သူတို့ကျ ဒီလိုမျိုး သုံးဖြုန်းရက်တယ်ဆိုတာမျိုး စိတ်ခုပြီး တော်လှန်ရေးအပေါ်လက်လွတ်စပယ် ကောက်ချက်ချသွားကြပုံရတယ်။ အထက်ကဖြစ်ရပ်မျိုးကြောင့် တော်လှန်ရေးအပေါ် အနှုတ်လက္ခဏာဆောင်ပြီး ကောက်ချက်ချသွားတဲ့ လူတွေ ဘယ်လောက်တောင်ရှိနေပြီလဲတော့ ကျနော်မပြောတတ်ပါ။အရေအတွက်အားဖြင့်တော့ များမယ်လို့တောင် ကျနော်မထင်ပါ။ဒီနေ့ခေတ်လူ့အသိုင်းအဖွဲ့အစည်းဟာ အရင်က ကျနော်တို့မိဘများခေတ်နဲ့မတူအောင်ကို အသိဉာဏ်ကြွယ်ကြပါတယ်။ လူတယောက် အကျင့်ပျက်လို့၊လူတစုမကောင်းကြလို့ လူ့အသိုင်းအဝိုင်းတခုလုံးက ပျက်ဆီးသွားတာမှမဟုတ်တာဗျာ။အဲ့ဒီလူတယောက်၊လူတစုကို ခင်ဗျားတို့ ကျနော်တို့လိုလူတွေက ထိန်းကျောင်းလို့ရရင် ထိန်းကျောင်းကြမယ်။ထိန်းကျောင်းမရရင် ကျနော်တို့လူ့အသိုင်းအဝိုင်းထဲကနေ အချိန်တခုရောက်တဲ့အခါ ဖယ်ကျဥ်ပစ်လို့ရနိုင်တာပဲ။ ခင်ဗျားတို့ ကျနော်တို့ ဒုက္ခတွင်းနက်နေချိန်မှာ ဒီလိုလူမျိုးတွေဟာ ကပ်ပါးကောင်တွေလို အလိုက်သင့် ရှိနေအုံးမှာပဲ။ဒီတော့ ကျနော်တို့တွေ လုပ်စရာရှိတာကို မှန်မှန်ကန်ကန် မြန်မြန်ဆန်ဆန်လုပ်ကြရမယ်။ဒါမှသာ တော်လှန်ရေးရဲ့ခြေလှမ်းဟာ အရွေ့မြန်မှာ။ဒါကြောင့် မြေပြင်မှာ တကယ်အလုပ်လုပ်နေတဲ့ ရဲဘော်တွေ၊တပ်ဖွဲ့တွေကို မတုန့်မဆိုင်း ပေးကူကြပါ။ ကိုယ်ရှာထားတဲ့ ချွေးနည်းစာထဲကနေ တော်လှန်ရေးအတွက် ပါဝင်လိုက်ရတာဟာ အသက်ပေးသွားတဲ့သူတွေ၊ကိုယ်လက်အင်္ဂါဆုံးရှုံးလိုက်ရသူတွေ၊ဘဝပျက်သွားသူတွေနဲ့စာရင် မပြောပ,ပါဘူး။ဒီတော့ ရှေ့ရက်က ကျနော်ပြောထားတဲ့ ဒရုန်းအဖွဲ့တဖွဲ့အတွက် မီးစက်ဝယ်နိုင်ဖို့ အလှူခံတာမှာ ၄ ပုံ,ပုံမှ ၁ ပုံပဲရပါသေးတယ်။ဒါတောင် အရင်တရက်က စကားပြောစက်ဝယ်ပီးပိုတဲ့ငွေထဲကပါ ပေါင်းထားလို့။

2 878

မှတ်မှတ်ရရ ၁၀၂၇ စစ်ဆင်ရေးမြိုင်မြိုင်ဆိုင်ဆိုင်ဖြစ်ခဲ့တဲ့ ၂၀၂၃ ခုနှစ်ကုန်ပိုင်းလောက်က ကန့်ဘလူနယ်ရဲ့အနီးဆုံးက ကောလင်းမြို့ကို PDF တွေ သိမ်းနိုင်ခဲ့သလို စစ်ကူစစ်ကြောင်းကိုတောင် ကြားဖြတ်တိုက်ခဲ့တာ အောင်မြင်မှုတော်တော်ရခဲ့တယ်လို့ပြောရမယ်။ နောက် ကန့်ဘလူနယ်နဲ့ထိစပ်နေတဲ့ အနီးစပ်ဆုံး တန့်ဆည်မြို့ကိုတောင် PDF တွေ ဝင်သိမ်းခဲ့သေးတယ်။တမြို့လုံးသိမ်းနိုင်ဖို့အနေအထားကောင်းတခုရခဲ့တယ်လို့တောင်ဆိုရမယ်။စစ်ကောင်စီရဲ့ လူအင်အားကို အဓိကဖြည့်တင်းပေးနေတဲ့ ကန့်ဘလူနဲ့ရေဦးလိုမြို့တွေကို တပြိုင်တည်းဝင်မစီးနိုင်လို့သာ တန့်ဆည်မြို့ကို မရလိုက်တာဖြစ်တယ်။ ဘယ်လိုပဲဆိုဆို ရှမ်းမြောက်ကသန္ဓေတည်ခဲ့တဲ့ ၁၀၂၇ စစ်ဆင်ရေးရဲ့ ပထမတကြော့မှာတင် စစ်ကိုင်းတိုင်းထဲက မြို့တချို့နဲ့စစ်စခန်းတချို့ကို တော်လှန်ရေးပူးပေါင်းတပ်တွေ အခုထိတိုင် ထိန်းချုပ်ထားနိုင်ဆဲပဲ။ ရှမ်းမြောက်က ၁၀၂၇ စစ်ဆင်ရေး အပစ်ရပ်သွားတဲ့ကာလ မကြာခင်မှာပင် ကောလင်းမြို့ပြန်ပေးလိုက်ရတယ်။အနယ်နယ်အရပ်ရပ်က တော်လှန်ရေးပူးပေါင်းအဖွဲ့တွေ ခုခံဖို့ကြိုးစားခဲ့ပေမယ့် စစ်ရေးနည်းဗျူဟာ၊လူသူလက်နက်အင်အားအရ ကောလင်းမြို့ကို စစ်ကောင်စီက ပြန်ထိန်းချုပ်သွားခဲ့တယ်။ အခုတခါ ၁၀၂၇ စစ်ဆင်ရေးရဲ့ ဒုတိယတကြော့တိုက်ပွဲတွေပြန်လာချိန် အများစုမျှော်လင့်မထားတဲ့ မန္တလေးတိုင်းထဲက မတ္တရာနဲ့စဥ့်ကူးလိုမြို့နယ်တွေထဲထိ တိုက်ပွဲတွေကျယ်ကျယ်ပြန့်ပြန့်ကူးစက်လာပြီး တော်လှန်ရေးအင်အားစုတွေက အောင်မြင်မှုတွေ အများကြီးရလာတယ်။ စဥ့်ကူးတို့၊လက်ပံလှတို့ဆိုတာ ရွှေဘိုမြို့မှာ ကျနော်တက္ကသိုလ်တက်ခဲ့တဲ့အချိန် အပေါင်းအသင်းတွေနဲ့ အလည်အပတ်မကြာမကြာသွားဖူးတဲ့နေရာတွေ။ဧရာဝတီမြစ်နဲ့အတူအပြိုင်လှနေတဲ့ နောက်ခံတောင်တန်းတွေရဲ့အလှကို မြင်နိုင်တာ၊နဂါးမောက်တောင်လို သဘာဝဆန်တဲ့နေရာတွေကို အကုန်အကျမများပဲ နီးနီးနားနားနဲ့သွားနိုင်တာ စတဲ့အကြောင်းအရာတွေကြောင့် သွားပျော်တဲ့နေရာတွေ။ အခု အဲ့လိုနေရာတွေထိကို တော်လှန်ရေးတပ်တွေက အသာစီးရယူလာတာဟာ နမိတ်ကောင်းတွေလို့ဆိုရမယ်။ဘာလို့ဆို ဆိုင်ကယ်နဲ့ဖြစ်ဖြစ် ကားနဲ့ဖြစ်ဖြစ် ရွှေဘိုကနေ ၄၅ မိနစ်လောက်သွားရင် ရောက်တဲ့ခရီး။မန္တလေးက အလယ်ပိုင်းတိုင်းစစ်ဌာနချုပ်ကို ခြိမ်းခြောက်နေရုံမကဘူး စစ်ကိုင်းတိုင်းအလယ်ကြောကိုပါ ကောင်းကောင်းကြီးခြိမ်းခြောက်နေတာ။ ရှမ်းမြောက်နဲ့အတူ မန္တလေးတိုင်းထဲက အောင်ပွဲသတင်းတွေကို နားစွင့်ရင်း စစ်ကိုင်းတိုင်းထဲက တော်လှန်ရေးအင်အားစုတွေကလည်း တိုက်ပွဲဝင်ရမယ့်ရက်တွေကို အားတက်သရောနဲ့မျှော်လင့်နေကြတာ။ဒါပေမယ့် စစ်ဆိုတာ လက်နက်ခဲယမ်းပြည့်စုံမှ တိုက်ရတဲ့မျိုးစေ့။နောက် လက်နက်ခဲယမ်းပြတ်တောက်မသွားအောင် ထောက်ပို့ပိုင်းကအစ မလစ်ဟင်းရအောင် ပြင်ဆင်ကြရတာ။ အခု ကျနော့်ဆီကို ရှေ့တန်းစစ်မြေပြင်သွားတဲ့အခါ ဒရုန်းမှာတပ်ဆင်တဲ့ ဘက်ထရီအားသွင်းဖို့အခက်အခဲရှိနေကြောင်းပြောလာတဲ့အဖွဲ့ရှိပါတယ်။ဒရုန်းတခါပျံပီး ဘက်ထရီတလုံးလဲဆိုတော့ လဲစရာဘက်ထရီကုန်သွားရင် အားပြန်ဖြည့်ဖို့လိုပါတယ်။အဲ့တော့ စစ်မြေပြင်က အားကုန်နေတဲ့ဘက်ထရီတွေကို နောက်တန်းကမီးစက်ရှိရာထိ ဝေးဝေးလံလံသွားပီး အားသွင်းနေရင် အလုပ်ကမဟုတ်ပြန်ဘူး။ ဒီတော့ သူတို့လိုနေတာ ဘယ်အရပ်ကိုပဲစစ်ဆင်ရေးသွားသွား ပေါ့ပေါ့ပါးပါးသယ်သွားလို့ရတဲ့ မီးစက်မျိုးပါ။ကျနော်တို့နယ်ဘက်မှာ လျှပ်စစ်မီးတွေဖြတ်ခံထားရလို့ ဒရုန်းဘက်ထရီအားသွင်းဖို့ဆိုရင် မီးစက်ကိုပဲ အဓိကအားထားရတာ။အဲ့တော့ မီးစက်လေး ၁ လုံးဝယ်နိုင်အောင် ဝိုင်းဝန်းကူညီကြဖို့ မေတ္တာရပ်ခံပါတယ်ဗျာ။ မြန်မာငွေ ၁၅ သိန်းဝန်းကျင်ဆိုရင် သူတို့အဖွဲ့အတွက် ဘယ်အရပ်ဒေသကိုပဲဖြစ်ဖြစ် သယ်ရပြုရလွယ်ကူတဲ့ မီးစက် ၁ လုံးရပါတယ်။မျက်နှာပူပူနဲ့ မီးစက် ၁ လုံးဝယ်နိုင်ဖို့ အလှူခံပါတယ်ဗျ။တိုက်ရိုက်ဆက်သွယ်ပီးလှူချင်ရင်လဲ ချိတ်ဆက်ပေးပါမယ်ဗျာ။ 5 July,2024 ကိုအနန္တရေးသည် #infinitygroup

2 878

ကန့်ဘလူနယ် ကုန်ကား၊ခရီးသည်ကား အဝင်အထွက်တွေ ပိတ်ခံထားရတာ ၁ ပတ်ရှိနေပါပြီ။ ကန့်ဘလူ–စံပယ်နံ့သာ–မြစ်ကြီးနား လမ်းပိုင်း ရွှေဘို–စံပယ်နံ့သာ–ကန့်ဘလူ–ကျွန်းလှ လမ်းပိုင်း ရွှေဘို–မလယ်လမ်းဆုံ–ဇီးကုန်း–ထန်းကုန်း–ကန့်ဘလူ လမ်းပိုင်း ကန့်ဘလူနယ်တွင်းလမ်းပိုင်းအားလုံး လုံးဝသွားလို့မရပါ။ #infinitygroup

2 878

ရှမ်းမြောက်တကြော့ပြန်တိုက်ပွဲ စစ်ရှုံးနေချိန် ဝါသဝနှင့်ပျူစောထီးအဖွဲ့ ကန့်ဘလူမြို့ပေါ်၌ လှည့်လည်အင်အားပြနေ ဇူလိုင် ၄ ၊ ၂၀၂၄ ရှမ်းပြည်နယ်မြောက်ပိုင်း၌ ၁၀၂၇ စစ်ဆင်ရေး၏ အပိုင်း ၂ အဖြစ် TNLA နှင့် မဟာမိတ်တပ်များက ထိုးစစ်တဖန်ပြုလုပ်ချိန် စစ်စခန်းများဆုံးရှုံးနေသော စစ်ကောင်စီက စစ်ကိုင်းတိုင်းအထက်ပိုင်းရှိ ပျူစောထီးအားကောင်းရာ ကန့်ဘလူမြို့ပေါ်တွင် ဇူလိုင်လ ၄ ရက် ယနေ့မနက် ၇း၀၀ ခန့်မှစတင်ကာ အင်အား ၅၀၀ ခန့်ဖြင့် လှည့်လည်အင်အားပြနေကြောင်း သိရသည်။ G3,MA 1 စသည့်လက်နက်ကောင်းများအနည်းငယ်သာပါဝင်ကာ ကာဘိုင်သေနတ်အများဆုံးကိုင်ဆောင်ထားသည့် အင်အား ၅၀၀ ခန့်ပါ သင်တန်းဆင်းပျူစောထီးများအား ကန့်ဘလူမြို့ အမှတ် ၆၀၀၆ တင့်ကားတပ်ရင်းမှစ၍ မြို့ထဲလမ်းမပေါ်တွင် ခြေလျင်လျှောက်ခိုင်းကာ ဝါသဝမှ လော်စပီကာဖြင့် ဝင့်ကြွား၍အော်ဟစ်ကာ တမြို့လုံးလှည့်ပတ်အင်အားပြနေကြောင်း သိရသည်။ " ဝါသဝနဲ့သူ့အကောင်တွေက ဒီနေ့မနက် တမြို့လုံးပတ်ပီး အင်အားပြနေတာဟုတ်တယ်။စုစုပေါင်း ခြေလျင်ရော ကား၊ဆိုင်ကယ်နဲ့ဆို ၅၀၀ လောက်ရှိမယ်။လက်နက်ကြီးတင်တဲ့ကားရယ် ဒရုန်းတွေပါတဲ့ကားရယ် အဲ့ဒါတွေလဲမြင်တယ်။မြန်မြန်မသာပေါ်ကြပါစေ ဆုတောင်းတယ်။ " လို့ မြို့ခံတဦးက Infinity Group သို့ပြောသည်။ ပြီးခဲ့သည့် ၂၀၂၃ ခုနှစ် ရှမ်းပြည်နယ်မြောက်ပိုင်းတွင်စတင်သော ၁၀၂၇ စစ်ဆင်ရေးနှင့်အတူ ပြည်သူ့ကာကွယ်ရေးတပ်များက ဟန်ချက်ညီညီသိမ်းပိုင်းနိုင်ခဲ့သည့် ကောလင်းမြို့အား ပြန်လည်သိမ်းယူမည်ဟုဆိုကာ အင်အား ၃၀၀ ခန့်ဖြင့်ချီတက်သွားသော ဝါသဝ၏ ပျူစောထီးစစ်ကြောင်းမှာ တော်လှန်ရေးတပ်များ၏ ကြားဖြတ်တိုက်ခိုက်မှုကြောင့် ၁၀၀ ဝန်းကျင်သေဆုံးပြီး ဖရိုဖရဲဖြစ်ကာ စစ်ကြောင်းပျက်၍ တပ်ဆုတ်ပြေးခဲ့သေးသည်။ ဓာတ်ပုံ(စစ်ကောင်စီလော်ဘီ)-၂၀၂၄ ခုနှစ်၊ဇူလိုင်လ ၂ ရက်နေ့က ကန့်ဘလူမြို့၌ပြုလုပ်သော ပျူစောထီးသင်တန်းဆင်းပွဲတခု #infinitygroup

2 878

+2

2 878

ဝမ်းသာစရာပါပဲဗျာ အလှူငွေ ၄၅၀,၀၀၀ ကျပ်တိတိရလို့ ရဲဘော်ညီငယ်အတွက် စကားပြောစက်ဝယ်ဖို့အလှူခံတာ ပိတ်ပါပီဗျာ။

2 878

ဒီအချိန် ဒီကာလ မျက်နှာအပူဆုံးကိစ္စပြောပါဆိုရင် အလှူခံရတာပဲ။ဒါကြောင့်လည်း ကျနော်တို့ အလှူခံနားထားတာ တော်တော်ကြာခဲ့ပါပြီ။Page chat box ကနေ လှူမယ်လို့ လာပြောတဲ့သူတွေဆိုရင်တောင် လိုအပ်မှလာလှူပေးပါဆိုပြီး ငြင်းခဲ့ဖူးတာမျိုးပါ။ လိုအပ်မှလာလှူလို့ပြောလိုက်တာမျိုးက မလိုအပ်ဘူးလို့ဆိုလိုတာမဟုတ်ပါ။လိုအပ်နေတဲ့နေရာတွေမှ အများကြီး။တချို့လည်း အချိတ်အဆက်ကောင်းလို့ ကိုယ့်အဆက်အသွယ်နဲ့ကိုယ် လှူလိုက်ကြတာမျိုးလည်း ရှိကြတယ်။တချို့လည်း လှူရကောင်းမှန် မသိကြဘူး။ လှူရကောင်းမှန်းမသိဘူးလို့ပြောလိုက်တာက စော်ကားတာတော့မဟုတ်ဘူး။ဗမာလူမျိုးတွေ ထုံးစံအတိုင်း ဘုရားရှေ့ချထားတဲ့အလှူခံပုံးထဲထည့်မှ လှူတယ်လို့ တချို့ကထင်နေကြတုန်း။တကယ်က မရှိတဲ့နေရာတွေ၊ဆင်းရဲဒုက္ခရောက်တဲ့နေရာတွေကို ပေးဝေလိုက်ရင်လည်း လှူတာပါပဲ။ အခုကာလမျိုးမှာ လှူတယ်လို့ပြောတာထက် မျှဝေတယ်လို့ဆိုရင် ပိုပြီးအဓိပ္ပာယ်ရှိမယ်ထင်ပါတယ်။ကိုယ်မှာ ပိုလျှံနေလို့ဆိုတာထက် စားဖို့သောက်ဖို့ အလုံအလောက်ရှိနေရင်ကို တော်ပီဆိုပြီး ဒုက္ခရောက်နေတဲ့နေရာတွေ၊လိုအပ်နေတဲ့နေရာတွေဆီ မျှဝေပေးလိုက်တဲ့သူတွေလည်း ရှိတော့ရှိပါတယ်။ရာခိုင်နှုန်းအားဖြင့်တော့ နည်းသေးတယ်လို့ဆိုရမယ်။ လိုအပ်တဲ့နေရာတွေမျှဝေပေးလိုက်လို့ အကျိုးရှိတယ်ဆိုရင် ဒါဟာ တကယ်ထိရောက်တဲ့အလှူလို့ဆိုရမယ်။ဥပမာ ဘယ်အရပ်သွားသွား နေရာတကာဘီယာအဝသောက်နေရတဲ့ တပ်ရင်းမှူးတယောက်ကို မုန့်ဖိုးဆိုပြီးပေးလိုက်ရင် ခင်ဗျားတို့အလှူဟာ အကျိုးယုတ်လျော့တယ်လို့ဆိုရမယ်။ ဒီတော့ မြေပြင်အောက်ခြေကရဲဘော်တွေရဲ့ လိုအပ်ချက်တွေကို ဖြည့်ဆည်းပေးနိုင်သူတွေက တကယ်ကိုမျှဝေမှုကောင်းကောင်းလုပ်နိုင်သူတွေလို့ဆိုရမယ်။ဒါ့အပြင် စစ်ဘေးရှောင်နေရလို့ စားဝတ်နေရေးကြပ်တည်းနေသူတွေရဲ့ လိုအပ်ချက်ကို တက်စွမ်းသလောက်ဖြည့်ဆည်းပေးနိုင်ရင်လည်း ကောင်းမွန်တဲ့မျှဝေမှုလို့ဆိုနိုင်ပါတယ်။ ဒီရက်ပိုင်း ကျနော့်ဆီကိုအခက်အခဲတွေ ကြုံနေရကြောင်း၊လိုအပ်ချက်တွေရှိနေကြောင်း ပြောလာသူတွေ များနေပါပြီ။ကိုယ်တိုင်ကလည်း တနေရာနဲ့တနေရာသွားဖို့ ဆိုင်ကယ်ဆီဖိုးတောင် မနည်းရှာကြံနေရတဲ့ အခြေအနေ။ဒီတော့ ထုံးစံအတိုင်း မျက်နှာပူပူနဲ့ အလှူခံပါရစေ။ လိုအပ်ချက်တွေအများကြီးထဲက တခုဖြစ်တဲ့ မြေပြင်မှာ တော်လှန်ရေးအစထဲက ဆက်သွယ်ရေးနဲ့စစ်ရေးသတင်းတွေထောက်လှမ်းရယူနေတဲ့ ရဲဘော်တယောက်က စကားပြောစက် ၁ လုံးရချင်ပါတယ်တဲ့။ဖုန်းလိုင်းတွေ ဖြတ်ခံထားရတဲ့ ကျနော်တို့ကန့်ဘလူနယ်ထဲက ဒီလိုလူမျိုးက စကားပြောစက် ၁ လုံးတောင်မရှိတာ မဖြစ်သင့်ပါဘူးဗျာ။ မြန်မာငွေ ၂ သိန်းနဲ့ ၃ သိန်းကြားဆို သူလိုချင်တဲ့ စကားပြောစက်လေး ၁ လုံးတော့ သေချာပေါက်ရမှာပါ။အဲ့ဒါကြောင့် အဆင်ပြေတဲ့ မျှဝေချင်သူများ ကျနော်တို့ထံ ဆက်သွယ်ပေးပါခင်ဗျာ။အလှူခံပါတယ်ခင်ဗျာ။တိုက်ရိုက်အဆက်သွယ်လုပ်ပီး လှူချင်ရင်လည်း ချိတ်ဆက်ပေးပါ့မယ်ခင်ဗျာ။ 3 July,2024 ကိုအနန္တရေးသည် ဆက်သွယ်ရန် @iggp21 #infinitygroup

2 878

ချင်းပြည်ကောင်စီတပ်ပေါင်းစုနှင့် ချင်းညီနောင် လေးရက်ဆက် တိုက်ပွဲဖြစ် ဟန်နွေ/People’s Spring ချင်းအမျိုးသားတပ်မတော်(CNA) ပါဝင်သည့် ချင်းပြည်ကောင်စီတပ်ပေါင်းစု နှင့် အာရက္ခတပ်တော်(AA)ပါဝင်သည့် ချင်းညီနောင် မဟာမိတ်တပ်များအကြား ယနေ့(ဇွန်လ ၂၁) တိုက်ပွဲဆက်ရှိခဲ့ကြောင်း နှစ်ဖက်က အတည်ပြုသည်။ မတူပီမြို့နယ်ရှိ စစ်ကောင်စီတပ်စခန်းများအား တိုက်ခိုက်နေသည့် ချင်းညီနောင်နှင့် ချင်းပြည်ကောင်စီတပ်ပေါင်းစုတို့သည် ဇွန်လ ၁၇ရက်မှစ၍ တော်လှန်ရေးတပ်အချင်းချင်း တိုက်ပွဲဖြစ်ပွားနေခြင်းဖြစ်သည်။ " ဒီမနက်မှာလည်း တိုက်ပွဲဆက်လက်ဖြစ်ပွားပါတယ်။ AA ဦးဆောင်တဲ့ တပ်ဖွဲ့များနဲ့ ချင်းလဲန်းကောင်စီ တပ်ဖွဲ့များအကြား တိုက်ပွဲရှိပါတယ်။ မနက် ၉နာရီလောက်မှာပေါ့။ ဒါပေမဲ့ အခု နေ့လယ်ပိုင်းကတော့ နည်းနည်းငြိမ်ပါတယ်။ချင်းလဲန်းကောင်စီဘက်ကလည်း AAနှစ်ယောက် ဖမ်းဆီးနိုင်ခဲ့ပါတယ်။ဒီမနက်မှာတော့ ကျနော်တို့ဘက်က အကျအဆုံးအထိအခိုက်မရှိပါဘူး။ သူတို့ဘက်ကတော့ ကျနော်တို့ အသေးစိတ်မသိနိုင်သေးဘူးနော်”ဟု ချင်းပြည်ကောင်စီနှင့်နီးစပ်သည့် သတင်းရင်းမြစ်က ပြောသည် ချင်းညီနောင် သတင်းပြန်ကြားရေးတာဝန်ရှိသူကလည်း "အခု ချင်းလဲန်းကောင်စီဘက်ကနေ ကျနော်တို့ ချင်းညီနောင်ဘက်ကို စတင်ပြီးတော့မှ ပစ်ခတ်ပြီးတော့မှ လုပ်တဲ့အချိန်ကနေ စပြီးတော့မှ တောက်လျှောက်ထိုးစစ်ဆင်လာနေတဲ့အတွက်ကြောင့် တိုက်ပွဲကတော့ ပြင်းထန်နေဆဲပဲဖြစ်ပါတယ်"ဟု ဇွန်လ ၂၁ရက်တိုက်ပွဲအခြေအနေ မေးမြန်းမှုအပေါ် ပြောကြားသည်။ ချင်းညီနောင်သည် ချင်းဒေသကာကွယ်ရေးတပ်များဖြစ်သော မရာကာကွယ်ရေးတပ်(MDF)၊ ချင်းအမျိုးသားကာကွယ်ရေးတပ်(CNO/CNDF)၊ CDFမင်းတပ် ၊ CDFကန်ပက်လက်၊ PDF ဇိုလဲန်း၊ CDF မတူပီ တပ်မဟာ(၁) တို့နှင့် ဖွဲ့စည်းထားခြင်းဖြစ်ပြီး စစ်ရေးဖော်ဆောင်ရာ၌ AAနှင့် ပူးပေါင်းဆောင်ရွက်မှုရှိသည်။ ယခု မတူပီတိုက်ပွဲတွင် AAတပ်ဖွဲ့ဝင် ရာချီ ပါဝင်ကာ ချင်းညီနောင်နှင့် အတူ စစ်ရေးဆောင်ရွက်နေသည်ဟု ဆိုသည်။ တစ်ဖက်တွင် CDF မတူပီ တပ်မဟာ(၂) အပါအဝင် ချင်းဒေသကာကွယ်ရေးတပ်များနှင့် ချင်းအမျိုးသားတပ်မတော်(CNA)စသည့် ချင်းတော်လှန်ရေးအင်အားစု ၁၈ဖွဲ့သည် ချင်းပြည်ကောင်စီ၊ ချင်းပြည်အစိုးရကာကွယ်ရေးဝန်ကြီးဌာန ကွပ်ကဲမှုဖြင့် စစ်ရေးဖော်ဆောင်နေခြင်းဖြစ်သည်။ ချင်းပြည်ကောင်စီ တပ်ပေါင်းစုအနေဖြင့် မေလ တတိယပတ်တွင် တွန်းဇံမြို့နှင့် ကျီခါးမြို့ကို တိုက်ခိုက်သိမ်းပိုက်ထားပြီး မေလ ၃၀ရက်တွင် မတူပီ ခရိုင်ရုံးကို တိုက်ခိုက်သိမ်းပိုက်ထားသည်။ အဆိုပါ တပ်စခန်းများအပါအဝင် ချင်းပြည်နယ် ရှိ မြို့အချို့နှင့် တပ်စခန်းများ စုစုပေါင်း စစ်ကောင်စီတပ်စခန်း ၂၀ခန့်ကို ချင်းပြည် ကောင်စီတပ်ပေါင်းစုက တိုက်ခိုက်သိမ်းပိုက်ထားသည်။ ချင်းညီနောင်အနေဖြင့်လည်း ချင်းပြည်နယ် မင်းတပ်မြို့နယ် ကျင်ဒွေးမြို့၊ တီးတိန်မြို့ရှိ စစ်ကောင်စီတပ်စွဲရာ စခန်း၂ခု၊ မတူပီမြို့ရှိ ခမရ (၃၀၄) တပ်ရင်းများကို တိုက်ခိုက်သိမ်းပိုက်ထားသည်။ ခမရ(၃၀၄)ကို သိမ်းပိုက်ပြီးနောက် ခလရ(၁၄၀)နှင့် မတူပီဗျူဟာကို ဆက်လက်ထိုးစစ်ဆင်ရန် ဆောင်ရွက်စဥ် ချင်းပြည်ကောင်စီ တပ်ပေါင်းစုနှင့် တိုက်ပွဲဖြစ်ခဲ့ဟု ချင်းညီနောင်က အသိပေးသည်။ ချင်းပြည်ကောင်စီ တပ်ပေါင်းစုက လည်း အဆိုပါ ခလရ(၁၄၀) တပ်ရင်းနှင့် မတူပီဗျူဟာကို ချင်းပြည်ကောင်စီဘက်က တိုက်ခိုက်ရန် ပြင်ဆင်နေစဉ် ချင်းညီနောင်က ကြားဝင်ပြီး ရဲဘော်တစ်ဦးကို ဖမ်းဆီးခဲ့၍ တိုက်ပွဲဖြစ်ခဲ့သည်ဟု အသိပေးသည်။ လေးရက်တာ တိုက်ပွဲအတွင်း နှစ်ဖက်ထိခိုက်ကျဆုံး အခြေအနေများရှိပြီး အသေးစိတ်ထုတ်ပြန်ခြင်းမရှိသေးပေ။

2 878

PDF ရဲဘော်လူငယ်များသို့ လက်နက်ကိုင်ပီး စစ်တပ်ကို တိုက်နေတဲ့သူတိုင်းကို တော်လှန်ရေးသမားလို့ သက်မှတ်လို့မရဘူး။ လက်နက်ကိုင်ပီး ကိုယ်ကျိုးစီးပွားလုပ်နေတဲ့ အုပ်စုဟာ မာဖီးယားသာသာပဲရှိတယ်။ လက်နက်ကိုင်ပီး ကိုယ်ထင်ရာကိုယ်လုပ်နေတဲ့ ခေါင်းဆောင်ဟာ တော်လှန်ရေးအပေါ် သစ္စာရှိမယ်မထင်နဲ့။ လက်နက်သာ ကိုင်ထားတာ ကိုယ်တိုင်က စည်းပျက်ကမ်းပျက်နဲ့ဆို ဘယ်တော့မှ ပန်းတိုင်ရောက်မှာမဟုတ်ဘူး။ ဒါကြောင့် စည်းကမ်းပျက်တဲ့ခေါင်းဆောင်တွေကို ဖယ်ရှားကြ။ လက်နက်ကိုင်စီးပွားရှာသမားတွေကို ဖယ်ကျဥ်ကြ။ စည်းကမ်းပြည့်ဝတဲ့တပ်တခုကို တည်ဆောက်ကြ။ #infinitygroup