Адвокат Мукадамов

#таклиф Педофилларга жазо доирасини кенгайтириш шарт! Ҳамманинг хабари бор, 14 ёшгача боланинг номусига тегган шахсларга нисбатан 25 йилгача ёки умрбод озодликдан маҳрум қилиш таклиф қилиняпти. Қонун лойиҳаси кенг муҳокама қилиняпти. Лекин эндигина 14 ёшга кирган ва 15-16 ёшдаги қизчаларнинг, болачаларнинг тақдири нима бўлади?! Педофиллар 128-модда орқали қутулиб қолмаслиги учун туйнук қачон ёпилади?! Қонун қатъий бўлиши керак: 16 ёшгача шахснинг номусига тегилдими-унинг хоҳиши бор ёки йўқлиги муҳим бўлмаслиги керак, педофил 25 йилгача ёки умрбодга қамалиши керак! “Унинг ёшини билмагандим” деган баҳона билан жазодан қутула олмаслиги керак. “14 ёшгача” бу КАМ! 16 ёшгача қизчага/болачага тегиниш УМУМАН ҳеч кимнинг хаёлига ҳам келмаслигини таъминлашимиз шарт! 14 эмас! 16 ёшгача!!! Ман вояга етмаганлар психологияси бўйича профессионал мутахассисман, диплом ишим шу мавзуда бўлган, 16 ёшгача қизчалар/болачалар жинсий алоқага киришиш бўйича умуман ОЖИЗ ҳолдалар, ўз ҳаракатларини англаб ета олмайдилар! Ҳой қонун қабул қилувчилар! Сизларда ҳам қизларинг, ўғилларинг борку! Ҳозир шу ўзгартиришни киритишнинг айни вақти, кейин тепада амалдор лавозимидаги айрим яширин педофиллар дастидан бунақа ўзгартиришни кирита олмайсизлар! Уйғонинглар! Адвокат Мукадамов Бобир

#казус Н. исмли эркак эндигина 10 ёшга тўлган А. билан, А. нинг ташаббуси ва розилиги билан жинсий алоқа қилди. Буни билиб қолган А.нинг ота-онаси ҳуқуқни муҳофаза қилувчи органга ариза билан мурожаат қилишди. Савол: Н. га нисбатан Жиноят кодексининг қайси моддасига асосан жиноий иш очилади? Унга қандай жазо тайинланади? Адвокат Мукадамов Бобир

Жиддий Департамент. Жиддий ишлар билан шуғулланади. Ишга киришдим адвокат сифатида (бир шахсга ҳуқуқий ҳимояни таъминлаш учун), хайрли бўлсин! Адвокат Мукадамов Бобир

Намангандаги педофил қандай жазо олади? Наманганда 5 ёшли қизни зўрлаганликда (номусига тегиш) айбланаётган шахс, суд ҳукмига асосан айбдор деб топилса, энг узоғи билан 20 йилга озодликдан маҳрум этилади. Шу ҳам омманинг ва юқори раҳбариятнинг эътиборига тушгани учун. Агар овоза бўлмаганида, жиноят иши ҳатто очилмаслиги (ўзбекчилик, одамлар нима дейди ва ҳ.к.) ҳам мумкин эди. Қамалса ҳам, 5-6 йилга қамаларди. Жиноят қонунчилигимизда педофиллар оғир жазодан қутулиши учун жиддий туйнуклар мавжуд, нима сабабдан бунақа туйнуклар қолдирилганлигига ҳайронман. Кейинги постларимда шу ҳақида ёзаман. Адвокат Мукадамов Бобир

Ва ниҳоят, ўлим жазоси қайтиши мумкин!

❗️Эксклюзив: Президент Администрацияси раҳбари Саида Мирзиёеванинг БМТ олий минбарида сўзлаган нутқи @pressuzb

Фирибгар қамалди, пулингизчи? (+видео) Фирибгар жазоланди. Аммо сизнинг пулингиз-чи? Жиноятчи жазоланса-да, жабрланувчининг зарари нега ундирилмай қолади? Бу тизимдаги муаммоми? 🎥 https://youtu.be/enmaxh5QLWc Батафсил: https://uza.uz/posts/912666 Телеграм каналларимиз

#кейс Нодир 2026 йил 1 март куни Умидни алдаб, унга “зўр “тема” бор, пул тикиш керак, срочно кўчиб кетаётган одамларни уйини арзонга сотиб олиб, қимматга сотамиз, ҳозир четки вариант чиқди, ўзи 300 000 доллар турадиган уй, срочнига 100 000 долларга сотаркан, лекин фақат манга сотаркан, чунки ўзимни танишим” деб айтиб, ишончига кириб, 100 000 АҚШ долларини олди ва пулни ўз мақсадлари учун ишлатиб юборди. Умид Нодирнинг устидан ҲМҚОга ариза ёзиб берди. Тергов бўлди, Нодирга 2026 йил 27 июн куни “қамоқ” эҳтиёт чораси қўлланилди, иш судга оширилди, Нодирга 9 йил озодликдан маҳрум қилиш жазоси қўлланилди. Нодир судда Умидга “Бир тийин қайтармайман, куйдинг сан” деди. Ва колонияга равона бўлди. Савол: ЎРҚ-1155 ва ЖКнинг 73 ва 74-моддалари талабига асосан Нодир қачон уйига қайтади? Жавоб беришда амалда жиноий ишлар бўйича судьялар ҳам қатнашишига рухсат берилади. Адвокат Мукадамов Бобир

От звонка до звонка қамоқ! 2026 йил 22 июн куни Ўзбекистон Республикасининг ЎРҚ-1155-сон Қонуни қабул қилинди. Қонун 23 июнь кунидан амал қилишни бошлади. Қонунга асосан, ўзлаштириш ёки растрата қилиш йўли билан талон-тарож қилганлик, шунингдек фирибгарлик учун ҳукм қилинган ва содир этган жинояти туфайли етказилган зарарнинг ўрнини ТЎЛИҚ қопламаган шахсларга нисбатан жазодан муддатидан илгари шартли равишда озод қилиш ёки жазони енгилроғи билан алмаштириш ҚЎЛЛАНИЛМАЙДИ! Яъни, оддий мисол қилиб айтганда, Азиза фирибгарлик қилгани учун 6 йилга ҳукм қилинса, жабрланувчига (ёки жабрланувчиларга) етказилган зарарни тўлиқ қопламаса, роппа-роса 6 йил қамоқда (колонияда) ўтиради. Ҳеч қанақа УДО ёки енгилроқ жазо билан алмашиш қўлланилмайди. Кимнидир “ухлатиш”дан олдин, фирибгарликка мойил шахслар энди 1000 марта ўйлаб ишини қилсин. #фирибгарлик Адвокат Мукадамов Бобир

Сунъий интеллект адвокатнинг ўрнини боса оладими? Бошида аҳамият бермаган эдим, бугун қабулга келган мижознинг муаммосини эшитганимдан кейин худди шундай ўхшаш ҳолатлар билан бир ой ичида 4 марта дуч келганимни тушундим. Нима бўляпти: Айрим одамлар ҳуқуқий муаммоларга учраганидан кейин, ушбу муаммоларни сунъий интеллектга (масалан ChatGPT) савол берган ҳолда, унинг жавобларига асосланиб ҳал қилишга ҳаракат қилишяпти. Оқибатда эса муаммолари янада катталашяпти. Масалан, судларда ютказишяпти, терговда ўзига зиён келтириб, нотўғри жавоблар беришяпти. Бошиданоқ адвокатга мурожаат қилса, ижобий ҳал қилиш мумкин бўлган масалаларни катта муаммога айлантириб, адвокатга мурожаат қилишяпти. “Сунъий интеллектдан фойдаланманг, сунъий интеллект ёмон” демоқчи эмасман, лекин кузатувларим шуни кўрсатяптики, ҳуқуқий масалаларда сунъий интеллект жиддий хатоларга йўл қўйяпти, “хатоку, жавоби мана бунақа бўладику!” деб эътирозингни ёзсанг, “ҳа, сиз ҳақсиз, мен салгина адашибман, ушбу хатолик учун узр сўрайман” деб қўяди. Айтганча, сунъий интеллект нимагадир айнан ҳуқуқ ва тиббиёт соҳасида кўпроқ хатоларга йўл қўяркан. Қоидаларини очиб ўқисангиз, сиз ҳам шуни кўрасиз. Огоҳлантириб қўйган, ушбу соҳаларда хатоликка йўл қўйишимиз мумкин деб. Тушунаман, “иқтисод қиламан, пулимни тежайман” деб мақсад қилади ҳар бир одам. Қўшимча ёрдам сифатида ишлатишингиз мумкин сунъий интеллектни, лекин адвокатни ёки врачни ўрнини боса олмайди. Ушбу соҳалар таваккал қиладиган йўналишлар эмас. Малакали ҳуқуқий ёки тиббий ёрдам учун ҳар доим мутахассисларга, ўз ишининг профессионалларига мурожаат қилинг. Адвокат Мукадамов Бобир

Аввал тинтув, кейин суд - бу Конституциядаги тартибми? Конституция аниқ айтади, яъни уй-жойда тинтув фақат қонунга мувофиқ ва суд қарори асосида ўтказилади. ЖПК эса "кечиктириб бўлмайдиган ҳолат" деган умумий ибора билан аввал уйга киришга, тинтув ўтказишга, нарсаларни олиб чиқишга, кейин эса суддан бу ҳаракатнинг қонунийлигини текширишни сўрашга рухсат бермоқда. Аммо кейин чиқарилган ажрим кеча ўтказилган тинтувнинг асоси бўлолмайди. Аввал ҳаракат қилиб, кейин рухсат олиш рухсат эмас, содир бўлган ишни оқлашдир. Шу сабабли ЖПК 158¹-моддасининг суд қарорисиз уй-жойда тинтув ўтказишга рухсат берувчи қисми Конституциянинг 31-моддаси билан жиддий зиддиятга киришади. Конституцияда бу қоидадан "шошилинч ҳолат" деган истисно йўқ. Уй-жой инсоннинг қўрғони. Қўрғон эшигини терговчининг "шошилдим" деган қарори эмас, суднинг олдиндан чиқарилган қонуний ажрими очиши керак. @Advokat_Abdullayev

Қайси банклигини биладиганлар борми? Халқнинг билишга ҳаққи бор.

Тошкент шаҳрида фуқаронинг омонатдаги 300 000 АҚШ долларини талон-торож қилган банк фош этилди!   Бош прокуратура ҳузуридаги Департаментнинг Сергели тумани бўлими томонидан ўтказилган терговга қадар текширувда тижорат банклардан бирининг масъул шахслари фуқаро И.М.нинг омонатга қўйилган 500 000 АҚШ долларидан И.М.нинг номидан қалбаки ариза ва бошқа ҳужжатларни расмийлаштириб 300 000 АҚШ долларини ўзлаштириб талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

@u_generalissimus

2-хотинларга! Без бумажки-ты какашка 💩 Адвокат Мукадамов Бобир

1-2 ой сабрнинг нархи қанча? Залда биттаси қўлида янги IPhone 18 pro билан юрипти. 4500$ га олган. 1-2 ойдан кейин нархи 1200$ бўлади. 4500-1200=3 300 Демак, 1-2 ой сабрнинг нархи 3300$. Сабр қилиб ҳам телефон оламан, ҳам саёҳатга кетаман. Масалан АҚШга)

#ғалаба Ностандарт фикрлашим ва танлаган ҳимоя йўналишим ҳимоям остидаги шахсга ҳам, унинг қариндошларига ҳам ёқмаётган эди, шу сабабдан жуда кўп марта уришиб қолардик. Жуда кўп бир-биримизни асабимизни еб юрдик. Лекин оқибатда, ман танлаган йўл энг тўғри бўлиб чиқди, буни терговчи тан олмаган бўлса ҳам, ишимизни кўрган судья очиқчасига айтди. Ҳамма раҳмат айтди, ҳамма хурсанд! Шунақа пайтларда барча ғуборларим, олдинги хафагарчиликлар эсимдан чиқади. Шунақа пайтда ЭНГ ТЎҒРИ КАСБ-адвокатликни танлаганимдан ғурурланиб кетаман. Ишонч ва фахр билан айта оламан, ўз касбимни яхши кўраман. Адвокат Мукадамов Бобир

#фаросаттайм Кимгадир учрашув белгилаган бўлсангиз, ёки ниманидир ваъда қилган бўлсангиз, ёки илтимосига “жавобини айтаман” деган бўлсангиз, йўўўўўўўқ бўлиб кетманг. Бефаросат бўлманг!

Ана, учди ✈️

Умримиз бекорга ўтиб кетяпти! Судимиз бошланишини кутиб турибман, ҳар доим ўз вақтида келаман, 10:00 дейилган бўлса 09:45 да судда бўламан, фақат ман эмас, бошқа адвокатлар ва тарафлар ҳам ўз вақтида келади. Наҳотки судни ўз вақтида бошлаш шунчалик қийин бўлса?! Суд баҳона қилади: бошқа ишимиз чўзилиб қолди, тарафлар жуда узоқ гапирди, судга келиши керак бўлган гувоҳлар кеч қолди ва ҳ.к. Сизлар, судьялар, мутлақо мустақилсизлар, алоҳида ҳокимиятсизлар, ҳеч кимга бўйсунмайсизлар, сал ўз иродангизни, кучингизни, сўзингизни, “тишингиз”ни кўрсатинглар. Битта процесс учун максимал вақт чегарасини белгиловчи регламент белгиланглар, судга кечикканларни жазолашни бошланглар, масалан 1 соат, 10:00 бошланиши керак бўлган суд 10:45 бошланса (тарафларнинг айби биланми, судья ёки прокурорнинг кечиккани сабаблими, фарқи йўқ), 11:00 да тугатинглар процессни! Яъни регламент суд бошланган пайтдан эмас, амалда белгиланган вақтдан ҳисобланишини белгиланглар. Конвой кечикса, конвойни жазоланглар. Бошқаларнинг айбини деб, ўз вақтида келган тарафлар нимага жазоланиши керак? Нега уларнинг ҳаётининг бир қисми бекорга ўтиб кетиши керак?! Иш ҳажми кўплиги ҳам, пала-партишлик, тартибсизлик ҳам-ҳаммаси шу вақт интизомига амал қилмасликдан келиб чиқади. Умримнинг 1 соату 36 дақиқаси зое ўтиб кетди бугун, лекин бу ҳали ҳаммаси эмас, суд ҳалиям бошланмади. Умри кутиш билан ўтиб кетаётган, Адвокат Мукадамов Бобир