💚حررى قلبك- أميرة عطية 💚

مش كل وجع محتاجه تسكتيه…🫸 في وجع محتاجه تسمعية 👍 إحنا اتعودنا أول ما جسمنا يوجعنا نسأل: أخد إيه؟ أعمل إيه؟ إزاي أخلي الوجع يختفي بسرعة؟ بس قليل أوي لما بنسأل سؤال مختلف...

يا جسمي… إنت بتحاول تقولي إيه؟

✨أنا مش بقول إن كل ألم سببه نفسي… ✨ولا إننا نتجاهل الطب أو الفحوصات. لكن بقول إن الجسد أحيانًا بيكون شايل توتر… ضغط… خوف… حزن… أو حمل نفسي إحنا نفسنا مبقيناش واعيين بيه. والجسد… بطريقته… بيتكلم. يمكن الرسالة مش إنك تحاربي جسمك عشان يسكت… يمكن الرسالة إنك تقربي منه كفاية عشان تسمعيه 🤍 قررى وانوى انك تقفي مع نفسك شوية .... حطي ايديك علي قلبك وخدى تنفسات عميقة واسالي جسمك بوعي.... 🤔لو الألم أو العرض اللي في جسمك يقدر يتكلم… تفتكري هيقولك إيه؟ #رحلة_العودة_للجسد #حررى_قلبك_اميرة_عطية_عثمان

👌مفيش حاجه اسمها #فشل؟؟؟😏 ايوه ده حقيقة في قانون مهم جدااا اسمه قانون القطبية؟ يعني ايه؟ يعني ان كل حاجه في الكون لها زوجين (يعني وجهين) و ربنا سبحانه وتعالي خلق الكون كله بالقانون ده الليل والنهار الشمس والقمر الابيض والاسود الخير والشر الذكر والانثي النجاح والفشل......... بس للاسف احنا اللي حطينا لكل حاجه فيهم معاني مش مريحه. 👈مثلا: لو عشتي تجربه وماتوفقتيش فيها بتحكمي علي نفسك او علي غيرك بالفشل ومش بتاخدى بالك ان الفشل ده في حكمه منه في رساله؟👍 الفشل ليه وجه اخر لازم ناخد بالنا منه عشان نتعلم الدرس، ومانكررهوش تاني وبحكمك ده بتعيشي تهربي من التجارب اللي ماتوفقتيش فيها او فشلتي فيها وبيكون كل همك إنك تنجحي من اول مره، ولازم تنجحي علي طول وده بيخليكي مضغوطه وخايفه ومشتته وقلقانه وبتقارني نفسك بغيرك طول الوقت، لانك سميتي عدم توفيقك في بعض الاوقات (بعبع اسمه الفشل) بتهربي منه طول الوقت، وتفكيرك بالشكل ده مش بيخليكي تتعلمي حاجه للاسف، ولا بيخليكي تفكرى بطريقه جديده عشان تتفادى اخطائك عشان تتطورى وتنجحي... 👈وفي الحال ده بتكوني (موجهه طاقتك نحو الهروب من الفشل) ( مش موجهه طاقتك نحو التطور من اجل النجاح). سعيك في الحياه للوصول لاهدافك هو الأهم من التعلق بالنتائج (النجاح). لان رسالتك في الحياه هي السعي و التطور سواء وصلتي لهدفك او ماوصلتيش لان كل خطوه بتمشيها نحو تحقيق هدفك وانتي هادئه بتخليكي تتعلمي وتتطورى وده اكيد هيوصلك في النهايه للي انتي عايزاه.

خلي الفشل سلمه تطلعك لخطوه نجاح جديده لان نجاحك معناه انك اتعلمتي الدرس من فشلك .

#حررى_قلبك_اميرة_عطية_عثمان

الحمد لله الذي بنعمته تتم الصالحات 🙏 وعي جديد ونية صادقة من القلب نحو التشافي والاتزان وتحقيق التكامل علي كل المستويات الجسدية والفكرية والشعورية والروحية شكراا لكل الارواح اللي انضمت للبرنامج وربنا يوفقكم جميعااا🤍👌🤩 #رحلة_العودة_للجسد ❤️ #حررى_قلبك_اميرة_عطية_عثمان

👇

👌اراء المشتركين في 💞💞 ورشه التواصل مع الجسد💞💞

👌👌اخر فرصة للانضمام ...متبقي مقعد واحد فقط 👍 لو حابه تكوني معايا في رحلة العودة للجسد الحقي مكانك واحجزى الان.......👍 التواصل من خلال الواتساب 👇👇 https://wa.me/+201144733118/ #حررى_قلبك_اميرة_عطية_عثمان

🌊 ما تعوميش ضد التيار...                       اتعلمي تعومي صح. 🌊

من أكتر الممارسات اللي طبقتها وكانت نتائجها ساحرة... إني اتعلمت أسبح في بحر نفسي العميقة، لاني اكتشفت إن بحر نفسي أخطر عليا بكتير من أي محيط.

 🤔يعني إيه؟ من أعمق البحار اللي لازم تتعلمي تعومي فيها... هو بحرك الداخلي... ذاتك الحقيقية اللي موجودة جواكي. بيجي علينا أوقات بنبقى بنهرب من كل المشاعر اللي جوانا، وعاملين زي اللي بيغرق لأنه مش عارف يعوم ولا ينقذ نفسه، وسايب الموج يوديه ويجيبه. الحقيقة إنك أكتر واحدة... تقدر تنقذ نفسها من الغرق ده، مهما كانت صراعاتك الداخلية موجها عالي ومخيف. أوقات، من كتر الضغوط النفسية والصدمات اللي بنمر بيها، بنلاقي نفسنا بنعوم ضد التيار من غير ما نكون واعيين...  وبنتصادم بنفسنا وباللي حوالينا وبنكرر نفس أخطأنا واختيارتنا واحنا بنقول اننا بنحاول، على أمل إننا نوصل لبر الأمان... للراحة... أو للتغيير الحقيقي. لكن للأسف... إحنا بنعوم في الاتجاه الغلط، وبنهدر وقتنا ومجهودنا على الفاضي. وفي الوقت اللي بتعافري فيه بكل قوتك، بتلاقي نفسك بتبعدي أكتر عن الهدف الحقيقي. ولما تحسي إن الدنيا قفلت، وإن مفيش بر أمان توصليله... هنا لازم تتعلمي تعملي حاجة مختلفة، وممكن ماتكونش مألوفة بالنسبالك بس جربي وحقيقي هتفرق معاكي عن تجربه.......👌 سيبي نفسك خاااالص... بطلي معافرة... بطلي مقاومة...بطلي تصادم.....بطلي تبررى....بطلي تدورى علي التغير الخارجي👊 وسلّمي تمامًا لكل مشاعرك وأفكارك، ما تحاوليش ترفضيها ولا تهربي منها. غمضي عيونك... وابحري جوا نفسك... عيشي أفكارك... وحسي مشاعرك بكل صدق. فرغي كل حاجه جواكي....اسمحلها تخرج عايزة تبكي؟..... ابكي. عايزة تزعقي؟ ......زعقي. عبري عن نفسك وعن اللي جواكي بأي طريقة صحية تناسبك. ساعتها هتلاقي الراحة اللي بجد لأنك مش بتقاومي اللي جواكي، بالعكس... بقيتي واعية بيه، حاسة بيه، ومدياله حقه إنه يتشاف ويتعاش... وبعدها يخرج في سلام. مقاومتنا للي جوانا بتخلينا نتعرض لنفس الألم والصدمات مرة بعد مرة... زي اللي بيعوم ضد التيار. لكن لما نتقبل مشاعرنا، ونحتويها، ونعبر عنها بوعي...بنعيش في تناغم مع نفسنا ومع الحياة. وساعتها... بتكسبي نفسك، وبتفهمي الدرس والرسالة، والدوشه اللي جواكي بتهدى، والخوف بيقل، وطريقك بيبدأ يوضح. وساعتها... بتبقي زي البحر الصافي الهادئ... شايفة كل حاجة بوضوح... لكن مفيش موجة تقدر تعكر صفوك... ولا عاصفة تقدر تسرق منك سلامك الداخلي. 🤍🌊 #رحلة_العودة_للجسد #حررى_قلبك_اميرة_عطية_عثمان