Արման Թաթոյան/ Arman Tatoyan

Հայաստանի Տավուշի մարզում վերջերս իրականացրած մեր փաստահավաք աշխատանքների զեկույցն անգլերենով՝ bit.ly/3Ku1OxP Փաստերով է հաստավում, որ Կառավարության հայտարարած, այսպես կոչված, դելիմիտացիայի կամ սահմանազատման գործընթացը սկզբունքային առումով հակասում է դրա միջազգայնորեն հաստատված էությանը։ Զեկույցն ուղարկվելու է միջազգային կազմակերպությունների, որտեղ փաստերով ցույց են տված Տավուշի սահմանային գյուղերում այս գործընթացի հետևանքները, մարդկանց անվտանգության ու իրավունքների համար իրական վտանգները:

Իշխանության քաղաքական հովանավորությամբ ապահովված է օրինախախտ ոստիկաների անպատժելիությունը։ Հատկապես ակնհայտ է այս օրերին կարմիր ու սև բերետավորների նկատմամբ քաղաքական հովանավորությունը. նրանք տեսախցիկների առաջ հանցանքներ են բացահայտ գործում ու մնում անպատիժ, մեծ խմբով մարդ են դաժան ծեծի ենթարկում, նվաստացնում և այլն: Առավելագույնը, որ արվում է ծառայողական քննությունն է առանց հստակ արդյունքների ասենք, քրեական վարույթից խոսափելու, «թեմա փակելու» համար: Ամբողջական տեքստ

Ներկայիս իշխանությունը Ոստիկանությանն օգտագործում է հանուն իր քաղաքական շահերի՝ թիրախավորելու համար Հայ Առաքելական Եկեղեցուն, հեղինակազրկում Ոստիկանությանը ու դրանով իսկ թուլացնում պետության անվտանգությունը։ Հայաստանյայց Առաքելական Սուրբ Եկեղեցին պետության անվտանգության կարևոր բաղադրիչ է և ունի սահմանադրական կարգավիճակ։ Այս մասին անգամ գրված է 2020թ․ Ազգային անվտանգության ռազմավարության մեջ։ Մանրամասն

Այսօր Սարդարապատի հուշահամալիրի մոտ «սև բերետավոր» և «կարմիր բերտավոր» ոստիկանները պոկել են Արցախի թեմի առաջնորդ Տեր Վրթանես եպիսկոպոս Աբրահամյանի պանակեն (Աստվածամոր սրբապատկերով եպիսկոպոսական տարբերանշան), քաշքշել են հոգևոր հայրերին, դրսևորել են անհարգալից վերաբերմունք Ամենայն Հայոց Կաթողիկոս Գարեգին Երկրորդի և հոգևոր հայրերի նկատմամբ: Այս ամոթալի արարքներից հետո իշխանությանը պատականող լրատվամիջոցներով տարածվում են սուտ տեղեկություններ, թե իբր Վերհափառ Հայրապետն այդ ժամին է գնացել Սարդարապատի հուշահամալիր սադրանքի նպատակով։ Ամբողջական տեքստ

❗️❗️❗️Եթե «կարմիր բերետավորների» նկատմամբ երեկվա հանցանքի համար քրեական հետապնդում չհարուցվեց և հանցանք կատարածները չձերբակալվեցին ու հետո խափանման միջոց չկիրառվեց, ուրեմն գործ ունենք քաղաքական իշխանության ձևավորած և հարկատուների հաշվին գործող ապօրինի զինված խմբավորումների հետ:

Պետականությունն է մարդու արժանապատիվ ու անվտանգ կյանքի երաշխավորը: Պետականության, Հայրենիքի նվիրական արժեքները, մեր հերոսների սխրանքների գիտակցումը, մեկս մյուսի նկատմամբ հարգանքն ու բոլորիս համերաշխությունը, պաշտոնները պետությունից վեր դասող պաշտոնյաների բացառումը կլինեն երախտիքի լավագույն տուրքն այն մարդկանց նկատմամբ, ովքեր իրենց կյանքի գնով են մեզ համար նվաճել ազատ ու անկախ ապրելու իրավունքը: Սեփական ուժերի նկատմամբ վստահությամբ ու պատմական պատասխանատվությամբ պետք է ամրացնենք մեր Հայաստան պետությունը։ Շնորհավորում եմ բոլորիս Հայաստանի առաջին Հանրապետության օրվա կապակցությամբ: 🇦🇲 🇦🇲 🇦🇲

ՆԳՆ-ն հայտարարել է, թե այսօր «կարմիր բերետավորների» խմբի կողմից մարդու ծեծի ու նվաստացման ենթարկելու դեպքից հետո 1 ոստիկանի լիազորություններ դադարեցվել են ծառայողական քննության արդյունքում: Ու՞... Այս ոստիկանները պետք է ենթարկվեն քրեական պատժի, այլ ոչ թե «թեման փակելու» համար ընդամենը 1 ոստիկան ազատվի աշխատանքից: Դեռ մի հատ էլ անուն չեն նշել, որ ավելորդ խնդիր չունենան, թե կոնկրետ ով հարվածեց, ինչ հայհոյեց, բա մյուսների հա՞րցը և այլն: Կից տեսանյութում կոնկրետացված երևում են մարդու նկատմամբ հանցանք կատարող ոստիկանները: Նրանց բոլորի արարքներին պետք է տրվի քրեաիրավական գնահատական, հարուցվի քրեական հետապնդում ու ապահովվեն մեղադրական դատական ակտի հիմքեր: Ամբողջական տեքստ

Սա խուժանություն է. ի՞նչ իրավունք ունի ոստիկանն իրեն պահել փողոցային խուլիգանի պես` ինչ էլ ուզում է քաղաքացին արած լինի: Եթե ԱԺ պատգամավորի նկատմամբ են անում, բա քաղաքացուն ի՞նչ կանեն: Այս «ոստիկանները» պետք է ենթարկվեն քրեական պատժի` ոչ մի ծառայողական քննություն: Արման Թաթոյան

Հանուն ձեր պաշտոնների ու իշխանությունը պահելու՝ թաքուն պահեցիք իրականությունը ու անտեսեցիք մեր ժողովրդի իրավունքները, կոծկեցիք ադրբեջանական հանցանքներն ու խախտումները։ Փոխարենը հնարավորություն տվեցիք՝ Ադրբեջանն աշխարհին տարածի կեղծիքներ ու դառնա խաղաղասեր: Հիմա էլ ավելի մեծ ուժով սպառնում է Հայաստանին, իսկ դուք էլի ու էլի արդարացնում եք անթույլատրելի զիջումները։ Եվ այս ամենը հանուն` ձեր պաշտոնների, ու դա անում եք պառակտումը խորացնելու հաշվին։ 44-օրյա պատերազմից հետո, առաջին օրերից սկսած, ամեն օր, ամեն ժամ ես ասել եմ, որ սահմանները չի կարելի որոշել մարդկանց տառապանքների ու իրավունքների հաշվին: Ամբողջական տեքստ

Սիրելի՛ շրջանավարտներ, սրտանց շնորհավորում ենք ձեզ ձեր կյանքի այս կարևոր փուլն ամփոփելու կապակցությամբ: Կյանքի նոր փուլ մտնելուց առաջ հիշեք՝ ցանկացած ամուր պետության համար կրթությունը և գիտելիքն կարևոր արժեք են, որն էլ մեզ ավելի ուժեղ են դարձնում։ Հայրենիք, պետություն և պետականություն, ահա նաև այն ամենակարևոր արժեքները, որ պետք է լինեն առաջնային և ամրացած ձեր գիտակցությունում: Գիտակցելով պետության արժեքը, պետք է հասկանաք, որ հենց պետություն է մեր պաշտպանը։ Իսկ պետության կերտողները մենք ենք, յուրաքանչյուրս, մեր նվիրումով, մեր միասնական ու համատեղ աշխատանքով։ Հիշեք, որ մեր հայրենիքի պատմությունը հեշտ չի եղել, բայց մենք այն անցել ենք պատվով ու ունեցել հաղթանակներ։ Նույնն էլ դուք պետք է անեք ձեր կյանքի ճանապարհն անցնելուց՝ ամուր պահելով հայրենիք, Հայաստան, պետություն և գիտելիք արժեքները։ Հիշեք նաև, որ ձեր անցած ճանապարհով, ձեր կյանքով ու գործով արժանի պետք է լինեք մեր երկրի հերոս զավակներին, նրանց փառապանծ ոգուն և անմահ սխրանքներին: