Ormilitarism

Odessa blokadası planı : Ötən gecə Odessada və onun ətrafında yerləşən hədəflərə qarşı növbəti kombinə olunmuş zərbə endirilib. Məlumatlara görə, zərbələr şəhərdə yerləşən enerji obyektlərinə, Odessa limanına, həmçinin Odessa vilayətinin Mayaki ərazisindəki keçid yaxınlığında yerləşən hədəfə yönəlib. Bundan başqa, İliçevsk limanı (İliçevsk dəniz ticarət limanı) da hücum nəticəsində zərər görüb.

Avqustun 8-də Rusiya ordusunun Ukrayna ərazisindəki hədəflərə endirdiyi raket və dron zərbələri Müdafiə Nazirliyinin məlumatına görə, Kiyevdə aşağıdakı obyektlər vurulub: FP-5 “Flamingo” raketləri üçün komponentlər və döyüş başlıqları istehsal edən Fire Point şirkətinin müəssisəsi Ukrayna Silahlı Qüvvələrinə neft məhsulları tədarükünü təmin edən “Qrandterminal” yanacaq anbarı Bundan əlavə, Kremençuq, Dnepropetrovsk vilayəti (Dnepr və Pavloqrad şəhərləri) istiqamətlərində, həmçinin Odessa yaxınlığında iki yük gəmisinə də zərbələr endirildiyi bildirilir.

Rusiya Sakit okean donanmasının “Rıbaçiy” Hərbi Dəniz Qüvvələri bazasında yerləşən atom sualtı qayıqlarının üzərində antidron torları ilə bağlı peyk görüntüləri yayımlanıb.

Ənsərullah hərəkatı Səudiyyə Ərəbistanının Cizan bölgəsində yerləşən Aramco neft emalı zavoduna zərbə endirdiyini açıqlayıb. Hadisədən sonra zavod ərazisində yanğın baş verdiyi bildirilib. Səudiyyə Ərəbistanının Energetika Nazirliyi isə yayılan məlumatlara münasibət bildirərək yanğının qeydə alındığını, lakin insident nəticəsində xəsarət alan olmadığını qeyd edib. Rəsmi açıqlamaya görə, yanğın qısa müddətdə lokallaşdırılıb və tam şəkildə söndürülüb.

"Putin Rusiya sərhədlərini bağlamağa və tam səfərbərlik elan etməyə hazırlaşır". - Zelenski

Husilər Səudiyəyə raket atışı edib.

Ukrayna Krasnodar vilayətinin Gelencik şəhəri yaxınlığında Rusiyaya məxsus “Volna Kupol” Starlink əleyhinə sistemi məhv edib. Məlumatlara görə, bu, həmin tip sistemin təsdiqlənmiş üçüncü itkisi olub. Təxminən 1,5 milyon dollar dəyərində olan sistem güclü Ku-diapazonlu uplink müdaxiləsindən istifadə edərək kiçik bir ərazidə, təxminən 20 km² sahədə Starlink rabitəsini müvəqqəti olaraq kəsə bilir. Sistemin effektivliyi Starlink peyklərinin sürətlə hərəkət edən peyk şəbəkəsi səbəbindən məhdudlaşır. Eyni zamanda, onun geniş əhatə dairəsi və güclü radio siqnalları sistemi nisbətən asanlıqla aşkarlamağa və hədəfə almağa imkan verir.

USS Abraham Lincoln gəmisində xidmət edən dənizçilər və dəniz piyadalarının ailələri bildirir ki, ekipaj 8 aydan çoxdur dənizdə qaldığı üçün ciddi yorğunluq, çatışmazlıqlar və zəif yaşayış şəraiti ilə üzləşir. Onların sözlərinə görə, uzun iş növbələri, kiflənmiş duşlar, sıradan çıxmış avadanlıqlar, qida çatışmazlığı və sabun, diş pastası kimi əsas ehtiyaclara çıxışın çətin olması problemlər yaradır. Bəzi ailələr hesab edir ki, bu qədər yorğunluq gəmidə qəza riskini artıra bilər. ABŞ Hərbi Dəniz Qüvvələri isə bildirir ki, “Abraham Lincoln” tam fəaliyyət qabiliyyətindədir və kifayət qədər təmin olunub.

Yunanıstan, 2020-ci ildə BƏƏ ilə imzalanmış müdafiə razılaşmasına əsasən, pilotsuz uçuş aparatlarına qarşı istifadə etmək üçün 2 ədəd AH-64D Apache hücum helikopterini Əbu-Dabiyə göndərməyi nəzərdən keçirir.

Ukrayna Qazaxıstan neftini daşıyan və Rusiyaya məxsus olmayan bəzi tankerlərə, eləcə də Qara dənizdə bu ixrac üçün istifadə olunan infrastruktura hücum etməmək barədə razılaşıb. Ukrayna gəmiçilik şirkətləri ilə birbaşa əlaqə quracaq ki, gəmilərin təhlükəsiz hərəkətini təmin etsin.

Ukraynanın Təhlükəsizlik Xidməti iyulun 6-dan bəri Qara və Azov dənizlərində 218 gəmini hədəfə alıb, avqustun 1–8-i tarixləri arasında isə “kölgə donanmasına” aid daha 12 gəmi vurulub.

Ukrayna dronları gecə ərzində Rusiyanın Samara vilayətində yerləşən Syzran neft emalı zavodunu vuraraq yanğına səbəb olub. Paralel olaraq, Krasnodar vilayətində İlsky neft emalı zavoduna da zərbə endirilib. Hər iki müəssisə Rosneft şirkətinə məxsusdur və Syzran zavodu Ukrayna sərhədindən 800 kilometrdən çox məsafədə yerləşir.

Ermənistan regionda iri miqyaslı süni intellekt layihəsinə start verib. Təxminən 5 milyard dollar həcmində investisiya və NVIDIA şirkətinin iştirakı ilə Firebird AI adlı genişmiqyaslı texnoloji kompleks ölkədə rəsmi fəaliyyətə başlayıb. Layihə çərçivəsində yaradılan müasir süni intellekt infrastrukturu Ermənistan hökuməti, Firebird və NVIDIA arasında əməkdaşlıq əsasında formalaşdırılıb və Hrazdan şəhərində yerləşir. Bundan əlavə, iyun ayında Qazaxıstanda da Firebird və NVIDIA tərəfdaşlığı ilə Ekibastuz şəhərində süni intellekt infrastrukturu və məlumat mərkəzləri şəbəkəsinin qurulması üçün ümumi dəyəri 10 milyard dollar olan sazişlər paketi imzalanıb. Ermənistanda qurulan bu yeni kompleksin təxminən 5 min nəfər üçün iş imkanı yaradacağı gözlənilir.

Türkiyə hökuməti, ölkənin Silahlı Qüvvələrinin arsenalında olan ABŞ istehsalı bəzi silah və sursatların Ukraynaya ötürülməsi məqsədilə Vaşinqtona rəsmi müraciət edib. Müraciət aşağıdakı hərbi vasitələri əhatə edir: 12 ədəd M270 reaktiv yaylım atəş sistemi. M270 və HIMARS sistemləri üçün ümumilikdə 2524 ədəd M26 tipli raket. 70 ədəd M39 ATACMS taktiki ballistik raketi. 47 min ədəd 203 millimetrlik artilleriya mərmisi. Hazırda bu silahların ötürülməsi üçün ABŞ tərəfinin rəsmi razılığı tələb olunur.

Türkiyənin ASELSAN şirkəti bunker əleyhinə nəzərdə tutulan yeni Tolun-P idarəolunan sursatının sınaq görüntülərini yayımlayıb. Sınaq zamanı Akıncı PUA-sı hədəfi birbaşa zərbə ilə vurub. Sınaq Azərbaycan tərəfindən aparılıb.

Fransa Hindistan Hərbi Hava Qüvvələri üçün 114 ədəd Rafale qırıcısını əhatə edən hökumətlərarası müqavilə üzrə ətraflı təklif təqdim edib. Müqavilənin ümumi dəyərinin təxminən 3,25 lakh crore rupi (34–39 milyard dollar) olduğu bildirilir. Təklif olunan plana əsasən, təcili ehtiyacları qarşılamaq üçün təxminən 20 təyyarə Fransadan hazır vəziyyətdə Hindistana gətiriləcək, qalan 94 təyyarə isə Hindistanda istehsal olunacaq. Hindistanın əsas tələblərindən biri yerli istehsal olan silahların, xüsusilə Astra hava-hava raketinin Rafale qırıcılarına inteqrasiyasıdır.

Hindistan Çandipur sınaq poliqonundan nüvə başlığı daşıya bilən Agni-4 ballistik raketinin növbəti sınağını uğurla həyata keçirib. 4000 km mənzilli, mobil platformadan buraxılan raket bütün əməliyyat və texniki tələblərə cavab verib və xidmətə hazır olduğunu təsdiqləyib.

Ukraynanın hava hücumundan müdafiə ilə bağlı müraciətləri nəticəsiz qalır, çünki Qərb müttəfiqləri öz təhlükəsizliklərini üstün tutaraq raketləri paylaşmaqda getdikcə daha istəksiz davranırlar.

Rusiya 2026-cı ilin iyul ayının əvvəlindən bəri Ukraynada 400,000 kvadrat metrdən çox anbar və logistika komplekslərini məhv edib. Zərər çəkənlər arasında Fozzy Group, Novus, Rozetka, Epicentr, Nova Poshta, Puma, Liqui Moly və Toyota Ukraine kimi şirkətlər var.

Rusiyaya məxsus FPV dronu Ukraynanın Sumı şəhərində küçədəki şəxslərə hücum edib.