ТИЛМЕЧ

🔴 ААЛЫМДАРДЫН БИРИ-БИРИНЕ АЙТКАН ОСУЯТЫ Маакил ибну Убайдуллах аль-Жазари айтат: “Мурунку заманда аалымдар бири-бирине жолугуп калса, ушул сөздөрдү айтып насаат кылышар эле. Эгерде көпкө көрүшпөй калса, ушул сөздөрдү бири-бирине кат аркылуу насаат кылып жөнөтөр эле: «Ким Аллах үчүн ички дүйнөсүн оңдосо, анда Аллах анын сырткы дүйнөсүн оңдойт. Ким Аллах менен болгон мамилесин оңдосо, анда Аллах аны менен адамдардын ортосундагы мамилесин оңдойт. Ким акырет иштерине кам көрсө, анда Аллах анын бул дүйнөдөгү иштерине кам көрөт». 📖 “Аль-Ихлас уа ан-Нийя”, 1/54 ═════════ ➤➤ https://t.me/tilmech

Дуба кылуу да ибадат. Жөн гана ибадат эмес, ал бүткүл ибадаттардын өзөгү, Жаратуучу менен жаратылгандарды байланыштыруучу улуу жана эң кыска жол. Аллах пендесинин Ага дуба кылуусун сүйөт, пендеси сураса, анын сураганын бергенди сүйөт, пендесинин Ага муктаждыгын көрсөткөнүн сүйөт. Пенде дуба кылуу менен Аллахка жакындайт жана көздөгөн максаттарына дубанын жардамы менен тез жетүүгө жол ачылат. Дуба – чыныгы ыймандуулардын эң күчтүү куралы. Ошондуктан дуба кылуудан талыкпаңыз, себеби Аллах дуба кылган пендесинин сураганын берүүдөн талыкпайт. Дуба кылган адам сөзсүз жакшылыкка жетет же ал дубасы себептүү балээ-кырсыктардан алыстайт же акыретте дуба кылганы үчүн эселеген соопторго жетет. Дуба адамга жакшылыктарды гана алып келет. ➤➤ https://t.me/tilmech ➤➤ https://t.me/tilmech

➤➤ https://t.me/tilmech

​​🔴 3 НЕРСЕНИ СҮННӨТКӨ ТУУРАЛА Хасан аль-Басри айтты: «Ыйман деген – бул сөз. Эгерде айтылган сөз иш жүзүндө аткарылбаса, анда ал сөздөн пайда жок. Эгерде айтылган сөз менен аткарылган иш туура ниетте кылынбаса, анда ал сөздөн да, иштен да пайда жок. Эгерде айтылган сөз, аткарылган иш, кылынган ниет сүннөткө туура келбесе, анда ал сөздөн, иштен жана ниеттен эч пайда жок». (Ибну Батта, 2/803) Андыктан ыйманым толук болсун десең, анда ар бир СӨЗҮҢДҮ, ИШИҢДИ жана НИЕТИҢДИ пайгамбарыбыздын ﷺ сүннөтүнө ылайык деңгээлде гана аткар.    Имам Малик айтты: «Пайгамбардын ﷺ сүннөтү Нух пайгамбардын кемеси сымал. Ал кемеге түшкөн адам аман калат, түшпөгөнү сууга чөгөт».  Ал эми башка бир сөзүндө айтат: «Кайсы бир адам Аллахтын алдына жер бети толо күнөөлөр менен келсе, бирок сүннөттөрдү аткарган абалда жолуккан болсо, анда ал адам бейиште пайгамбарлар, чынчылдар, шейиттер жана салихтер менен бирге болот». (“Заммуль калаам уа ахлаху”, 5/76)   Алгачкы муундун улуу аалымдары мындай деп айтышчу: «Сүннөттү бекем кармануу – бул аман калуу дегендик. Аман кала турган жолдон качып, кыйроо жолуна түшкөн адам кантип аман калсын?!». Имам Зухри айтты:  «Сүннөттү кармануу – бул кутулуу». (“Сунан” Дарими, 1/45)   Башкача айтканда, фитналардан кутулуу, бидааттардан кутулуу жана эң негизгиси тозок азабынан кутулуу. Эгерде адам фитналардан, бидааттардан кутулуп, пайгамбарыбыз ﷺ көргөзгөн сүннөт жолун карманган болсо, анда ал Аллахтын азабынан кутулган адамдардын катарында болот жана бейиште бактылуу адамдар менен бирге болот.  ТИЛМЕЧ | Эрланбек Кушчубек уулу ═════════ ➤➤ https://t.me/tilmech ➤➤ https://t.me/tilmech

🎞 АЯЛДАР БИРИ-БИРИ МЕНЕН ӨБҮШҮП УЧУРАШСА БОЛОБУ? Чубак ажы Жалилов ▷ t.me/risalatkg

➤➤ https://t.me/tilmech

➤➤ https://t.me/tilmech

​​🔴 КАНДАЙ АДАМ ЭКЕНИҢДИ ӨЛҮМ КЕЛГЕНДЕ БИЛЕСИҢ Кумейл ибну Зияд айтты: Күндөрдүн биринде Али ибну Абу Талиб, радыяллаху анху, менен бирге жолго чыктым. Качан биз көрүстөнгө жетейин деп калганда ал кабырларга карап мындай деди: – Эй, кабыр ээлери! Эй, сыноо ээлери! Эй, жалгыздык ээлери! Силерде эмне жаңылыктар? Биздеги жаңылыктарды айта турган болсом, силер салган үйлөрдө башкалар жашап жатышат, силер топтогон байлыгыңардын баарысын бөлүп кетишти, балдарыңар болсо жетим калды, аялдарыңар болсо башкаларга турмушка чыгып кетишти. Бизде мына ушундай жаңылыктар болду. А силерде эмне жаңылыктар?  Андан соң мага кайрылып: – Оо, Кумейл! Эгерде буларга сүйлөөгө мүмкүнчүлүк берилгенде мындай деп айтышмак: «Жол азыгыңарды камдагыла! Чындыгында эң жакшы азык – такыбалык экен».  Ошондо ал өзүн кармана албай ыйлады. Бир аздан кийин мага карап мындай деди: – Оо, Кумейл! Кабыр – адамдын кылган иш-аракеттеринин сандыгы. Сен анын ичинде эмне бар экенин өлүм келгенде билесиң. («Канзуль Уъммал», 3/396) ￣￣￣￣￣￣￣￣￣￣￣￣  Өлүм келгенде сен үчүн эң кымбат болгон бүткүл нерсе артыңда калат. Сен күн-түн дебей далбастап чогулткан байлыгың да калат. Сенин көзүңдү май бастырган бийлигиң да калат. Сен суктанган сулуулугуң топуракка айланат. Бүгүн атагың асманга жетип турса да, адамдардын баарысы сенин көзүңдү карап турушса да, эртең эле эч нерсе болбогондой унутуласың. Анткени бул жашоо канчалык узак сезилсе да ал өтө кыска, канчалык кооз көрүнсө да ал убактылуу, канчалык чындыктай сезилсе да ал азгырык. Бул дүйнө жашоосу дүрт этип күйүп, жалп этип өчкөн от сыяктуу. Ал чыныгы акырет жашоосунун жанында бир көз ирмемге барабар болгон убакыт сыяктуу. Мына ошондуктан бул дүйнө жана анын ичиндеги болгон бүткүл нерселер Аллахтын алдында чиркейдин канатына да тең келбейт. Акыретке барганда сенин таянган байлыгың, бийлигиң, бала-чакаң сага эч жардам бербейт. Акыретте сага жардам берген бир гана нерсе бар – ал сенин такыбалыгың, Аллахтан коркконуң жана Анын дини менен жашаганың. Бул убактылуу жашоодо динсиз жашап өтүү – түбөлүктүү акыретти жоготуу деген сөз. Андыктан азыртадан акыретке азыгыңды камда, такыбалыкты бекем карма! ТИЛМЕЧ | Эрланбек Кушчубек уулу ═════════ ➤➤ https://t.me/tilmech ➤➤ https://t.me/tilmech 💌 Маалыматты башкалар менен бөлүшүңүз

➤➤ https://t.me/tilmech

​​🔴 ЖУМА НАМАЗГА ЧЕЙИНКИ СООПТУУ БЕШ УБАКЫТ Абу Хурайра риваят кылган хадисте пайгамбар ﷺ айтты: «Жумага биринчи убакытта барган адам төө курмандык кылгандай сооп алат. Экинчи убакытта барган адам уй курмандык кылгандай сооп алат. Үчүнчү убакытта барган адам мүйүздүү кочкор курмандык кылгандай сооп алат. Төртүнчү убакытта барган адам тоок курмандык кылгандай сооп алат. Бешинчи убакытта барган адам жумуртка курмандык кылгандай сооп алат. Ал эми имам минбарга чыккан кезде периштелер да келип баян угушат». (Сахих Бухари; Сахих Муслим) ➤ ХАДИСКЕ ТҮШҮНДҮРМӨ Пайгамбарыбыз ﷺ бул хадисте жума намазга чейинки беш убакытты санап өттү жана ар бир убакыттын жеке өзүнө жараша сообу бар экенин айтты. Эми ушул айтылган убакыттар канча убакыт созулат, биринчи убактысы качан башталат, акыркы убактысы качан бүтөт дегендей суроолор жаралышы мүмкүн. Бул туурасында аалымдар ар кандай ойлорду айтышкан. Ошол ойлордун арасынан туурага жакыны – жума тууралуу айтылган беш убакыт күн чыккандан башталып, имам минбарга чыкканга чейин уланат. Ошондо биз күн чыккан убакытты карайбыз, анан имам минбарга чыккан жума убактысын карайбыз, экөөсүнүн ортосундагы убакытты бешке бөлөбүз. Мисалы, азыркы убакта күн 8:00до чыгып жатса, жума намазы 13:30да окулат. Бул убакыт аралыгын бешке бөлсөк бир сааттын тегерегиндеги убакыт чыгат. Ошондо ар бир убакыт болжолу бир сааттай созулат. Бул убакыттар күндүн кыскарышына же узарышына карап өзгөрүшү мүмкүн. ТИЛМЕЧ | Эрланбек Кушчубек уулу   ═════════ ➤➤ https://t.me/tilmech ➤➤ https://t.me/tilmech

🔴 АШУРА КҮНҮНДӨГҮ ОРОЗО КАНДАЙ КҮНӨӨЛӨРДҮН КЕЧИРИЛИШИНЕ СЕБЕП БОЛОТ Пайгамбарыбыз ﷺ хадистеринин биринде Ашура күнү тууралуу мындай деп айткан: «Ашура күнүндөгү орозо өткөн жылдагы күнөөлөрдүн кечирилүүсүнө себеп болот деп үмүт кыламын». (Сахих Муслим, 1976) ⠀ Бул хадистеги «өткөн жылдагы күнөөлөрдүн кечирилүүсүнө себеп болот» дегендин мааниси – бул күндүн орозосу өткөн жылдагы кылынган кичине күнөөлөрдүн кечирилүүсүнө себеп болот деген маанини билдирет. Ал эми адам чоң күнөөлөрдү кылган болсо, алар үчүн тообо кылуусу шарт. Бул туурасында Имам Навави мындай деп айткан:  «Ашура күнүнүн орозосу себептүү бир жылдык күнөөлөр кечирилет. Эгерде адамдын кичине күнөөлөрү болсо, анда ал себептүү ошол күнөөлөрү кечирилет. Эгерде анын эч кандай кичине жана чоң күнөөлөрү болбосо, анда ал себептүү ага жакшылыктар жазылат жана даражасы көтөрүлөт. Эгерде анын чоң күнөөлөрү гана болсо, анда ал себептүү алар жеңилдетилет деп үмүт кылабыз». («аль-Мажмуъ шарх аль-Мухаззаб», 6) Ал эми башка аалымдардан: «Арафат жана Ашура күнүнүн орозосу кичине күнөөлөрдүн гана кечирилишине себеп болот» – деген да сөздөр айтылган. ТИЛМЕЧ | Эрланбек Кушчубек уулу ═════════ ➤➤ https://t.me/tilmech ➤➤ https://t.me/tilmech 💌 Маалыматты башкалар менен бөлүшүңүз

➤➤ https://t.me/tilmech

Көңүл буруңуздар! Эгерде кимдир бирөө сүрөттөгү кызды көргөн болсо же жүргөн жерин билсе, сүрөттө берилген телефон номурлары аркылуу ата-энесине кабарлап коюуңуздарды өтүнөбүз.

🔴 БИР ЖЫЛДЫК КҮНӨӨЛӨРДҮН КЕЧИРИЛИШИНЕ СЕБЕП БОЛГОН АШУРА КҮН 🔹 АШУРА КҮНҮ ДЕГЕН КАНДАЙ КҮН? Ашура күнү – Мухаррам айынын 10-күнүнө туш келген күн. Быйылкы 2026-жылы 25-июнга туура келет. 🔹 БУЛ КҮНҮ КАНДАЙ ИБАДАТТАРДЫ АТКАРУУ КЕРЕК? Ашура күнү орозо тутуу сүннөт болуп саналат. Анткени Аллах таала ушул күнү Муса пайгамбарды Фараон жана анын аскеринен куткарган. Ошол себептен улам Аллахка шүгүр кылуу максатында бул күнү орозо тутуу сүннөт. 🔹 АШУРА КҮНҮНҮН ОРОЗОСУ ТУУРАЛУУ ШАРИЯТТА КАНДАЙ ДАЛИЛДЕР КЕЛГЕН? Абу Катада, радыяллаху анху, риваят кылат: «Күндөрдүн биринде Пайгамбарыбыздан ﷺ Ашура күнүндөгү орозо тууралуу сурашканда, ал: «Ашура күнүндөгү орозо – өткөн жылдагы күнөөлөрдүн кечирилишине себеп болот деп үмүттөнөм»,– деп жооп берди». (Сахих Муслим, 1976) Бул хадистен Ашура күнүнүн орозосу бир жылдык күнөөлөрдүн кечирилишине себеп болорун билебиз.  🔹 БУЛ КҮНДӨГҮ ОРОЗО КАНТИП ТУТУЛАТ? Ашура күнүндөгү орозо 3 түрдө тутулат: 1) Ашура күнү менен кошо анын алдыңкы жана кийинки күндөрү да орозо тутуу. Ошондо үч күн (24-25-26-июнь күндөрү) катар орозо тутулат. 2) Ашура күнү менен анын алдыңкы күнү (24-25-июнь күндөрү) орозо тутуу же Ашура күнү менен андан кийинки күнү (25-26-июнь күндөрү) орозо тутуу. 3) Ашура күнү эле (25-июнь күнү) орозо тутуу. Мына ушул үч түрдүн бирөөсүнө туура келгендей орозо тутсаңыз, Ашура күнүндөгү орозону туура туткан болосуз. 🔹 БУЛ КҮНДҮН АРТЫКЧЫЛЫКТАРЫ КАНДАЙ? – Пайгамбарыбыздын сүннөтүн аткарып, Ашуранын орозосун тутуу мустахаб болуп эсептелет. – Бул күнү пайгамбарыбыз ﷺ да, сахабалар да жана Муса пайгамбар да Аллахка шүгүр келтирүү максатында орозо тутушкан. – Бул күн байыркы замандан бери өзгөчөлөнүп келген улуу күн. – Ашура күнү менен кошо анын алдыңкы же кийинки күнү орозо тутуу сүннөт. Анткени жөөттөр Ашура күнү гана орозо тутушкан. Пайгамбарыбыз ﷺ аларга каршы болуу максатыңда анын алдыңкы күнүн же кийинки күнүн кошуп туткула деп айткан.  – Бул хадистен жыл эсеби эзелтен айдын жаңырышына карата эсептелгенин билебиз. Анткени Аллахтын элчиси ﷺ айткан хадисте Мухаррамдын 10-күнү Фараонду аскери менен кошо жок кылган деп келген. Мусулман бир тууган! Бул күн дагы Аллах тааланын бизге берген улуу күндөрүнөн. Кимде-ким Ашура орозосун тутса, анда өткөн жылдагы күнөөлөрүнүн кечирилишине себеп болот. Мына ошондуктан бул күндөгү орозону сөзсүз карма. Анткени Аллах таала айткандай: «Чындыгында, жакшы иш-аракеттер күнөөлөрдү кетирет». Худ сүрөсү (11:14) Аллах таала Ашура күнүндөгү орозону тутууну баарыбызга насип этсин жана туткан орозобузду өткөн жылдагы күнөөлөрүбүздүн кечирилүүсүнө себеп кылсын. Аамин! ТИЛМЕЧ | Эрланбек Кушчубек уулу ═════════ ➤➤ https://t.me/tilmech ➤➤ https://t.me/tilmech 💌 Маалыматты башкалар менен бөлүшүңүз

⠀ 📌 Ашура күнүнө карата орозо календарын төмөнкү шилтемеден көчүрүңүз: ➤➤

📌 Абу Катада, радыяллаху анху, риваят кылат: «Күндөрдүн биринде пайгамбарыбыздан ﷺ Ашура күнүндөгү орозо тууралуу сурашканда, ал: «Ашура күнүндөгү орозо өткөн жылдагы күнөөлөрдүн кечирилишине себеп болот деп үмүттөнөм»,– деп жооп берди». (Сахих Муслим, 1976) ➤➤ https://t.me/tilmech

➤ Пайгамбарыбыз ﷺ Ашура күнүнө өзгөчө көңүл бурган, ал күнү орозо тутууга шашылган. Абдуллах ибн Аббас айтат:⠀ «Пайгамбар ﷺ артыкчылыкка ээ болгон күндөрдүн арасынан мына ушул Ашура күнүнүн орозосуна айрыкча көңүл бурганын көрдүм». (Сахих Бухари, 1867) ⠀ 📌 ЭСКЕРТҮҮ!!! Быйыл 2026-жылы Ашура күнү 25-июнь күнү болот. Ашура күнүнө карата орозо календарын төмөнкү шилтемеден көчүрүңүз: ➤➤