የሠራተኛ ድምፅ Voice of Workers

ስለዚህ ለአሽከርካሪዎች ህጋዊ የሥራ ውል፣ፍትሀዊ ክፍያ፣ የማህበራዊ ዋስትና ሽፋን፣ በቂ እረፍት ማግኘት እና የሙያ ደህንነትን በማረጋገጥ ረገድ ሰፊ ሥራ መስራት እንደሚያስፈልግ ተናግረዋል፡፡ የብዙ ችግሮች መፍቻ ቁልፍ ማህበራዊ ምክክሮሽ ነው ያሉት አቶ ካሳሁን በአሠሪና ሠራተኛ መካከል የሚፈጠሩ አለመግባባቶችን ለመፍታት የኢሠማኮ የመጀመሪያ ምርጫ ማህበራዊ ምክክሮሽ ነው ብለዋል፡፡ በመሆኑም የአሠሪና ሠራተኛ ግንኙነት ዘላቂ ስለሆነ ማህበራዊ ምክክሮሽን ባህል አድርገን መሄድ አለብን ሲሉ አፅንኦት ሰጥተው ተናግረዋል፡፡ የITF ተወካይ ኢንጋ ሊና ባስተላለፉት የአጋርነት መልዕክት ከ150 በላይ አገራት ውስጥ የሚገኙ 16.5 ሚሊዮን የትራንስፖርት ሠራተኞችን የሚወክለው ዓለም አቀፍ የትራንስፖርት ሠራተኞች ፌዴሬሽን (ITF) የአጋርነት መልእክት ለማቅረብ በመቻላቸው አመስግነው፤ተቋማቸው በአለም አቀፍ የአቅርቦት ሰንሰለት ውስጥ ለሚገኙ ሁሉም የትራንስፖርት ዘርፍ ሠራተኞች፣ የስራ ሁኔታቸው ምንም ይሁን ምን፣ ደህንነቱ የተጠበቀ እና አስተማማኝ የሥራ አካባቢ እንዲኖር እንደሚሠራ ገልጸው፤ ይህ ጉዳይ ሁሌም ለሥራችን እንዲሁም በአለም አቀፍ ደረጃ ከሌሎች የዘርፉ ባለድርሻ አካላት ጋር ለምናደርገው ግንኙነትና ትብብር ማዕከላዊ ትኩረት የምንሰጥበት ነው ብለዋል። በትራንስፖርት ዘርፍ የተሰማሩ ሠራተኞች የሚያጋጥሟቸው ተግዳሮቶች በአገር ድንበር ብቻ የተገደቡ ባለመሆናቸው ለእነዚህ ተግዳሮቶች የምንሰጠው ምላሽም በአገር ድንበር ብቻ የተገደበ ሳይሆን በኢትዮጵያ፣ በመላው አፍሪካ እንዲሁም በዓለም ዙሪያ የሠራተኞችን ኃይል መገንባት ያስፈልገናል ሲሉም አክለው ተናግረዋል። የኢትዮጵያ ትራንስፖርት አሠሪዎች ፌዴሬሽንን የአጋርነት መልዕክት ያስተላለፉት አቶ ብርሃኔ ዘሩ በበኩላቸው በሀገሪቱ በተለያዩ አካባቢዎች የሚፈጸሙ ዘረፋዎች፣ ግድያዎች፣ የንብረት ውድመቶች በሀገር ፖለቲካዊ፣ ምጣኔ ሀብታዊና ማህበራዊ ገጽታዎች ላይ እየፈጠሩ ያለው አሉታዊ ተፅዕኖ በመንግስት ልዩ ትኩረት ተሰጥቶት አሠሪውም ሆነ ሠራተኛው ዋስትና የሚየገኙበት የህግ ከለላና ጥበቃ የሚረጋገጥበት የአሠሪውና የመንግስት ውይይትና ትበብር ታምኖበት ተግባራዊ እርምጃ እንዲወሰድ የሚንቀሳቀስ ተቋም እንደሆነ ተናግረዋል፡፡ ፌዴሬሽኑ ከሐምሌ 1/2016 ዓ.ም እስከ ሰኔ 30/2018 ዓ.ም ድረስ ያከናወነውን የሁለት ዓመት የሥራ አስፈጻሚ ሪፖርት የቀረቡት የፈዴሬሽኑ ፕሬዝዳንት አቶ አባትሁን ታከለ፤ በተለያዩ ድርጅቶች በርካታ ችግሮች ያጋጠሙ ቢሆንም ችግሮችን እንደ ችግሩ ክብደትና ቅለት አብዛኛውን በውይይት ለመፍታት መቻሉንና የተወሰኑትን ደግሞ በህግ ብይን እንዲሰጣቸው እንዲሁም የተወሰኑት ደግሞ በህግ በሂደት ላይ እንደሚገኙ ገልጸዋል፡፡ ከባለ ድርሻ አካለት ጋርም በተፈጠረ ግንኙነት ሰፊ ሥራ መሰራቱን የገለጹት የፌዴሬሽኑ ፕሬዝዳንት ከኢትዮጵያ አሠሪዎች ፌዴሬሽን ጋር አብሮ ለመስራት የመግባቢያ ስምምነት መፈራረማቸውን፣ከአለም አቀፉ የትራንስፖርት ፌዴሬሽን ጋር በትብብር እየሰሩ መሆናቸውን ገልጸዋል፡፡ ማህበራት የህብረት ስምምነት ተደራድረው መብታቸውን እንዲያስከብሩ ድጋፍ መደረጉን፣የህግ አገልግሎት ድጋፍ ለጠየቁ ማህበራት ፌዴሬሽኑ ድጋፍ መደረጉን፣ትምህርትና ስልጠናን በተመለከተም የድጋፍ ፈንድ በማፈላለግ፣ በራስ አቅምና በማህበራት እገዛ ለማህበራት አመራሮች ተደጋጋሚ ስልጠና መሰጠቱን፣የሥራ ላይ ጉብኝት መደረጉን፣የሴቶች ኮሚቴን ለመደራጀት የተያዘው እቅድ 100% መሳካቱን እና ሌሎችንም ከማህበራት የሚቀርቡላቸውን ጥያቄዎች መሰረት በማድረግ ሰፊ ሥራ መሠራቱን ለምክር ቤቱ ገልጸዋል፡፡ በመጨረሻም ምክርቤቱ ነሐሴ 25 ቀን 2018 ዓ.ም የተካሄደውን የሥራ አስፈጻሚ ምርጫ አፅድቆ የኦዲት ኮሚቴ ምርጫ አካሂዷል፡፡ በምርጫው አቶ አብዱል አዚዝ መሀመድን ሰብሳቢ፣ አቶ ማስተዋል ዘሪሁንን ፀሐፊ እንዲሁም አቶ እሱባለው በፍርዱን አባል አድርጉ መርጧል፡፡ https://t.me/voiceofworkers2013cetu