Boshqaruv samaradorligi agentligi

Suv tejovchi texnologiyalar ishlab chiqarish: O‘zbekiston tajribasi Dastur ishtirokchilarida qiziqish uyg‘otdi “Agrar va suv xo‘jaligi sohasida barqaror boshqaruv va samaradorlik” (AgroWater Management) xalqaro o‘quv-amaliy tanishuv dasturi ishtirokchilari Toshkent viloyatining Nurafshon shahrida joylashgan “Agro New Drip” MChJ ishlab chiqarish korxonasiga tashrif buyurdi. Ushtirokchilar korxonaning ishlab chiqarish quvvati, suv tejovchi uskunalarni tayyorlash texnologiyalari va mahalliylashtirish borasidagi tajribasi bilan yaqindan tanishdi.

“Agro New Drip” MChJ tomchilatib va yomg‘irlatib sug‘orish, shuningdek, mikroirrigatsiya tizimlari uchun mahsulotlar ishlab chiqarishga ixtisoslashgan. Korxonada polietilen quvurlar, tomchilatib sug‘orish shlanglari, tomizgichli lentalar, fitinglar, geomembranalar va boshqa zarur irrigatsiya jihozlari ishlab chiqariladi. Korxona mahsulotlarining 40 foizi eksportga yo‘naltirilayotgani, 60 foizi esa ichki bozor ehtiyojlarini qondirishga xizmat qilayotgani mahalliy ishlab chiqarishning nafaqat mamlakat agrar tarmog‘ini zarur uskunalar bilan ta’minlash, balki tashqi bozorlarda ham o‘z o‘rnini mustahkamlash imkoniyatlarini namoyon etadi.

Tashrif davomida xalqaro dastur ishtirokchilari xomashyoni qayta ishlashdan tortib, tayyor mahsulot ishlab chiqarish va sifat nazoratigacha bo‘lgan texnologik jarayonlarni kuzatdi. Shuningdek, mahsulotlarning texnik imkoniyatlari, ishlab chiqarishni mahalliylashtirish darajasi hamda ularni qishloq xo‘jaligida qo‘llash mexanizmlari yuzasidan batafsil ma’lumot oldi. Ishtirokchilar O‘zbekistonda suv tejovchi texnologiyalarni ishlab chiqarish, import o‘rnini bosuvchi mahsulotlar yaratish va ularni eksport qilish bo‘yicha shakllangan amaliy tajribani o‘rganish imkoniga ega bo‘ldi. Bu kabi tajribalar almashinuvi mamlakatlar o‘rtasida agrar va suv xo‘jaligi sohasidagi hamkorlikni kengaytirish, ilg‘or texnologiyalar transferini jadallashtirish hamda suv resurslaridan samarali foydalanishga qaratilgan zamonaviy yechimlarni ommalashtirishga xizmat qiladi. Rasmiy sahifalarimiz Veb-sayt|Telegram|Facebook|Instagram|You Tube|X|in|Aloqa

Prezident Shavkat Mirziyoyev “Navoiyuran” korxonasi va “Oʻzbekiston texnologik metallar kombinati” aksiyadorlik jamiyatining ustuvor vazifalari hamda kelgusi rejalari yuzasidan taqdimot bilan tanishdi. Rasmiy sahifalarimiz Veb-sayt|Telegram|Facebook|Instagram|You Tube|X|in|Aloqa

Suv resurslaridan samarali foydalanish va intensiv baliq yetishtirish tajribasi o‘rganildi Markaziy Osiyo davlatlari va Ozarbayjon qishloq hamda suv xo‘jaligi sohasi vakillari xalqaro o'quv-amaliy tanishuv dasturi doirasida Toshkent viloyatining Yangiyo‘l tumanidagi "Horrot Fish House" baliqchilik klasteri faoliyati bilan tanishdi. Tashrif davomida ishtirokchilarga klasterda baliq yetishtirishning intensiv va yopiq suv aylanish tizimlari, zamonaviy texnologiyalarni joriy etish hamda suv resurslaridan oqilona foydalanish bo‘yicha tajriba namoyish etildi.

Ma'lumot uchun, loyiha doirasida 264 gektar maydondagi 45 ta sun’iy suv havzasi rekonstruksiya qilingan, xorij texnologiyasi asosida 300 ta intensiv basseyn o‘rnatilib, 80 tonna baliq yetishtirish imkoniyati yaratilgan. Baliqchilik ilmiy-tadqiqot instituti olimlari tomonidan ishlab chiqilgan osyotr baliqlarini O‘zbekiston sharoitida sanoat usulida yetishtirish texnologiyasi ham mazkur klasterda amaliyotga tatbiq etilgan.

Dastur doirasida mamlakatimizda baliqchilik tarmog‘ini rivojlantirish, ilmiy ishlanmalarni ishlab chiqarishga joriy etish va sohada samaradorlikni oshirish borasidagi ishlar haqida ma’lumot berdi. Mazkur amaliy tanishuv ilg‘or tajribalarni o‘rganish, ilm-fan va ishlab chiqarish integratsiyasini kuchaytirish hamda mintaqaviy hamkorlikni rivojlantirishga xizmat qiladi. Rasmiy sahifalarimiz Veb-sayt|Telegram|Facebook|Instagram|You Tube|X|in|Aloqa

#Ekspert_sharhi Mutaxassisligim bo‘yicha iqtisodchiman. Shu kungacha ishlab kelgan tashkilotimiz tuzilmasi o‘zgardi. Ish beruvchiga mutaxassisligimga mos lavozim talabi bilan murojaat qilishim mumkinmi? ▫️Ushbu savolga ekspert, Toshkent davlat yuridik universiteti katta o‘qituvchisi, advokat Muhammadamin Karimjonov javob berdi. Rasmiy sahifalarimiz Veb-sayt|Telegram|Facebook|Instagram|You Tube|X|in|Aloqa

Xalqaro o‘quv-amaliy tanishuv dasturi ishtirokchilari "Agrolab" markazining zamonaviy imkoniyatlari bilan tanishdi Ayni kunkarda yurtimizda bo'lib o'tayotgan "Agrar va suv xo‘jaligi sohasida barqaror boshqaruv va samaradorlik" maxsus xalqaro o‘quv-amaliy tanishuv dasturi doirasida ishtirokchilar Toshkent viloyatining Yangiyo‘l tumanida joylashgan "Agrolab" kompleks qishloq xo‘jaligi laboratoriyalari markaziga tashrif buyurdi. Bu yerda mehmonlarga markazning asosiy faoliyat yo‘nalishlari, laboratoriya infratuzilmasi, zamonaviy tahlil usullari va amaliy imkoniyatlari haqida batafsil ma’lumot berildi. Xususan, tuproq, suv, o‘simlik va urug‘lik namunalarini tekshirish, o‘g‘itlar tarkibini aniqlash hamda qishloq xo‘jaligi mahsulotlari sifatini baholash jarayonlari namoyish etildi.

Ta’kidlanganidek, laboratoriya tahlillari natijalari fermer xo‘jaliklariga tuproq unumdorligi va ekinlar holatini aniq baholash, o‘g‘itlardan oqilona foydalanish hamda agrotexnik tadbirlarni to‘g‘ri rejalashtirish imkonini beradi. Bu esa hosildorlikni oshirish, suv va boshqa resurslarni tejash, ishlab chiqarish xarajatlarini kamaytirishda muhim ahamiyat kasb etadi.

Shuningdek, ishtirokchilar markaz tomonidan yo‘lga qo‘yilgan mobil agroxizmatlar faoliyati bilan ham tanishdi. Mazkur xizmatlar orqali mutaxassislar bevosita fermer xo‘jaliklariga tashrif buyurib, tuproq va ekinlar holatini joyida o‘rganadi, zarur tahlillarni amalga oshiradi hamda ularning natijalari asosida amaliy tavsiyalar beradi. Dala kuzatuvlari va laboratoriya tahlillarini uyg‘unlashtirish har bir xo‘jalikning o‘ziga xos sharoitidan kelib chiqib, manzilli yechimlar ishlab chiqish imkonini yaratadi.

— Markaz faoliyatida laboratoriya tahlillarining fermerlarga bevosita amaliy tavsiyalar berish bilan bog‘langani e’tiborimni tortdi. Ayniqsa, mutaxassislarning xo‘jaliklarga borib, tuproq va ekinlar holatini joyida o‘rganishi muhim yondashuv hisoblanadi. Ushbu tajriba resurslardan oqilona foydalanish va qishloq xo‘jaligi ishlab chiqarishi samaradorligini oshirish nuqtai nazaridan biz uchun ham katta qiziqish uyg‘otdi, — deydi Ozarbayjon Qishloq xo‘jaligi vazirligining Strategik rejalashtirish, tahlil va hisobdorlik bo‘limi sektor mudiri Shovgi Lalashov.

Delegatsiya a’zolari laboratoriya xizmatlarini tashkil etish, tahlil natijalarini ishlab chiqarish jarayonlariga tatbiq etish va fermer xo‘jaliklariga ko‘rsatilayotgan xizmatlar yuzasidan o‘zlarini qiziqtirgan savollarga javob oldi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

O‘zbekiston dehqon va fermerlari hamda barcha qishloq xo‘jaligi xodimlariga tabrik — Поздравление дехканам, фермерам и всем работникам сельского хозяйства Узбекистана Prezident.uz|Facebook|Instagram|YouTube|X

Prezidentimizning Buxoroga tashrifi viloyat iqtisodiyotiga yangi sur’at bag‘ishlaydigan, odamlarning kundalik hayotiga ijobiy o‘zgarishlar olib kiradigan loyiha va tashabbuslarga boy bo‘ldi. Prezident.uz|Facebook|Instagram|YouTube|X

Ta’lim muassasalarida xavfsiz va hurmatga asoslangan ish muhitini shakllantirish bo‘yicha treninglar o‘tkazilmoqda O‘zbekiston Respublikasi Prezidentining 2026-yil 21-sentabrdagi PQ–345-son qarori ijrosini ta’minlash doirasida davlat organlari va tashkilotlarida mehnat sohasida xodimlar uchun xavfsiz va hurmatga asoslangan ish muhitini shakllantirishga qaratilgan maxsus treninglar davom etmoqda.

Dastur doirasida mamlakatning 14 ta hududida 700 nafarga yaqin fasilitator tayyorlandi. Endilikda ular tomonidan davlat tashkilotlari va muassasalarida xavfsiz va hurmatga asoslangan ish muhitini shakllantirish uchun mas’ul bo‘lgan 35 ming nafarga yaqin xodimlarni reja asosida, bosqichma-bosqich o‘qitish ishlari amalga oshirilmoqda.

Ayni paytda o‘quv jarayonida maktabgacha ta’lim tashkilotlari, umumta’lim maktablari hamda texnikumlarning mazkur yo‘nalish bo‘yicha biriktirilgan 15 mingga yaqin mas’ul xodimi ishtirok etmoqda. Mashg‘ulotlar tasdiqlangan reja-grafik asosida, guruhlarga biriktirilgan trenerlar tomonidan olib borilmoqda. Seminarlar davomida ishtirokchilar amaliy topshiriqlarni bajarib, mavzular yuzasidan fikr almashmoqda. Shuningdek, mehnat munosabatlarida yuzaga kelishi mumkin bo‘lgan muammolarning oldini olish, murojaatlarni o‘z vaqtida ko‘rib chiqish hamda jamoada o‘zaro hurmat muhitini mustahkamlash yuzasidan amaliy tushuntirish va tavsiyalar berilmoqda.

📌Mazkur treninglar O‘zbekiston Respublikasi Prezidenti Administratsiyasi Davlat xizmatida inson kapitalini rivojlantirish loyiha ofisi muvofiqlashtiruvida, O‘zbekiston Respublikasi Prezidenti huzuridagi Boshqaruv samaradorligi agentligi, BMT Aholishunoslik jamg‘armasi (UNFPA), Buyuk Britaniya hukumati va Osiyo taraqqiyot banki ko‘magida, Qoraqalpog‘iston Respublikasi Jo‘qorg‘i Kengesi hamda viloyat hokimliklari bilan hamkorlikda amalga oshirilmoqda.

Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Xorazm viloyatida 9 oylik faoliyat sarhisob qilindi O‘zbekiston Respublikasi Prezidenti huzuridagi Boshqaruv samaradorligi agentligi Xorazm viloyati filiali tomonidan 2026-yilning 9 oyi davomida amalga oshirilgan ishlar yuzasidan matbuot anjumani tashkil etildi. Anjumanda fililal boshlig‘i Q.Otajonov hamda o‘rinbosari I.Kurbanov tomonidan joriy yilning 9 oyi davomida O‘zbekiston Respublikasi Prezidentining PF-243-son hamda PF-186-son farmonlari ijrosini ta‘minlash maqsadida amalga oshirilgan ishlar haqida axborot berildi.

Jumladan, PF-186-son Farmon asosida Xorazm viloyatining Shovot va Yangiariq tumanlari hokimliklari tuzilmasiga tajriba-sinov tariqasida 8 ta respublika ijro etuvchi hokimiyat organlarining hududiy bo‘linmalari o‘tkazildi. Natijada hokim o‘rinbosarlari soni 6 nafardan 4 nafarga qisqartirilib, ma’muriy pog‘onalar optimallashtirildi. Shu bilan birga, ular faoliyatini baholash mezonlari kengaytirildi. Rahbarlik lavozimlari uchun Milliy kadrlar zaxirasiga 71 nafar, Istiqbolli kadrlar zaxirasiga 244 nafar, Salohiyatli kadrlar zaxirasiga 56 nafar hamda Rahbar ayollar zaxirasiga 16 nafar nomzod kiritildi. Davlat xizmatchilarining kasbiy salohiyatini oshirish doirasida 5 075 nafar xodimning edu.bsa.uz elektron ta‘lim platformasi orqali malaka oshirish kurslarida o‘qitilishi tashkil etildi.

Tadbir davomida mas’ullar jamoatchilik va ommaviy axborot vositalari vakillarining savollariga batafsil javob berdilar. Shuningdek, sohada amalga oshirilayotgan islohotlar haqida jamoatchilikni keng xabardor qilish bo‘yicha hamkorlik yo‘nalishlari belgilab olindi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Prezident Shavkat Mirziyoyev Buxoro viloyatini ijtimoiy-iqtisodiy rivojlantirish masalalari yuzasidan yigʻilish oʻtkazdi. Shuning bilan Prezidentimiz hududga tashrifini yakunlab, Toshkentga qaytib keldi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Buxoroda jamoat transporti yetarlicha rivojlanmagani sabab aholining 80 foizi ish, o‘qish va kundalik yumushlariga yengil avtomobilda qatnaydi. Prezidentimiz viloyat uchun zarur bo‘lgan qo‘shimcha 120 ta avtobusni keltirish ishlarini jadallashtirish vazifasini qo‘ydi. Turistlarning Buxoro haqidagi dastlabki taassuroti aeroport va temir yo‘l vokzallari atrofidagi muhitdan boshlanishi ta’kidlandi. Shu bois, bu hududlarda xizmat ko‘rsatish sifati va qulayliklarni oshirish bo‘yicha mutasaddilarga topshiriqlar berildi. Daraxt turlarini Buxoroning iqlimi va tarixiy qiyofasiga mos tanlash, mavjud daraxtlarni parvarishlash hamda yo‘l bo‘ylarini obodonlashtirishda yagona yondashuv kerakligi aytildi. Viloyatdagi 55 ta mahalla aholisi markazlashgan ichimlik suvi bilan ta’minlanishni kutayotgani qayd etildi. Prezidentimiz mutasaddilarga mazkur mahallalarga suv yetib borishini aniq muddatini belgilab, hal qilishni topshirdi. Viloyatdagi oilalarning uy-joyga ehtiyojini qondirish maqsadida turar joy massivlari qurilishini jadallashtirish vazifasi qo‘yildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Prezidentimiz Buxorodagi xomashyo, energiya resurslari hamda tadbirkorlar salohiyatini birlashtirib, uch yil ichida 28 milliard dollarlik loyihalarni amalga oshirish imkoniyati borligini ta’kidladi. Ushbu rejaning 17 milliard dollari neft-gaz va kimyo sanoati hissasiga to‘g‘ri keladi. Davlatimiz rahbari Buxoro neftni qayta ishlash zavodining quvvatlarini oshirishga nufuzli texnologik kompaniyalarni jalb qilish va aniq natijaga erishish vazifasini qo‘ydi. Umuman, viloyatdagi korxonalarda hosil bo‘ladigan xomashyoni chuqur qayta ishlash uchun Kogon tumanida neft-kimyo ilmiy-sanoat klasterini tashkil etish zarurligi bildirildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Xorijiy delegatsiya vakillari "Suvchilar maktabi" faoliyati va zamonaviy sport infratuzilmasi bilan tanishdi "Agrar va suv xo‘jaligi sohasida barqaror boshqaruv va samaradorlik" maxsus xalqaro o‘quv-amaliy tanishuv dasturi doirasida xorijiy delegatsiya vakillari uchun navbatdagi amaliy tashriflar tashkil etildi. Dastlab, ishtirokchilar Suv xo‘jaligi vazirligi tizimidagi "Suvchilar maktabi" faoliyati bilan tanishdilar. Tashrif davomida suv xo‘jaligi sohasi mutaxassislarini tayyorlash, ularning kasbiy bilim va amaliy ko‘nikmalarini oshirishga qaratilgan faoliyat yuzasidan ma’lumot berildi. Shundan so‘ng delegatsiya vakillari Toshkent shahridagi Olimpiya shaharchasiga tashrif buyurib, zamonaviy sport majmuasi va uning infratuzilmasi bilan yaqindan tanishdilar. Tashrif davomida xorijiy mehmonlarga Olimpiya shaharchasining imkoniyatlari, sport inshootlari hamda majmuada yaratilgan sharoitlar haqida ma’lumot taqdim etildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Buxoro viloyatidan 99 ming nafar fuqaro mehnat migratsiyasida. Xorijdan qaytgan 24 ming kishi hali ish topmagan. Viloyat bo‘yicha ishsizlar soni 40 mingga yaqin, yana 270 ming nafar aholining daromadi o‘rtacha ko‘rsatkichdan past.

– Bundan buyon “kambag‘al oila qolmadi” degan hisobot o‘tmaydi,

– dedi Prezidentimiz. Mas’ullarga xorijda kam ish haqiga ishlayotgan yurtdoshlarimizni kasbga o‘qitib, yuqori daromadli ishga joylashtirish, 270 ming nafar aholining daromadini o‘rtacha va undan yuqori darajaga olib chiqish bo‘yicha tumanlar kesimida reja ishlab chiqish topshirildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Yig‘ilishda viloyat iqtisodiyoti bu yil ilk bor 100 trillion so‘mlik marradan oshishi, o‘sish 10,1 foizni tashkil etishi ta’kidlandi. O‘tkazilgan so‘rovda buxoroliklarning 98 foizi so‘nggi yillarda hayot sifati yaxshilanganini aytgan, tadbirkorlarning 83 foizi esa kelgusi uch yilga ijobiy kutilma bilan qaramoqda. Shu bilan birga, iqtisodiy o‘sish tabiiy resurslar sanoati va qishloq xo‘jaligiga sezilarli darajada bog‘liq bo‘lib qolmoqda: ularning iqtisodiyotdagi ulushi 43 foiz. O‘n yilda xizmatlar sohasining ulushi 33 foizdan 36 foizga oshgan, xolos. Prezidentimiz viloyat iqtisodiyotini diversifikatsiya qilish, sanoatda chuqur qayta ishlashni rivojlantirish, har bir tumanning o‘sish nuqtalarini aniqlash zarurligini ta’kidladi. Mutasaddilarga sanoat, xizmat ko‘rsatish va qishloq xo‘jaligida ko‘rsatkichlarni 1,5 baravar oshirish bo‘yicha aniq rejalarni kiritish topshirildi. Toshkent shahri, Farg‘ona va Jizzax viloyatlari xalqaro “Fitch” reytingini olgani misol sifatida keltirildi. Buxoro ham investorlar uchun ochiq va ishonchli hudud sifatida o‘z salohiyatini namoyon qilishi lozimligi qayd etildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Ochiq va shaffof tanlov: nomzodlarni saralashda texnologik xolislik

"O‘zbekiston – 2030" strategiyasi, Prezidentimizning 2024-yil 14-oktabrdagi PQ-358-son qarori bilan tasdiqlangan "Sun’iy intellekt texnologiyalarini 2030-yilga qadar rivojlantirish strategiyasi" hamda 2025-yil 6-dekabrdagi PF-243-son Farmoni ijrosi doirasida davlat fuqarolik xizmatiga kadrlar tanlovining ochiqligi va shaffofligini ta’minlash maqsadida sun’iy intellekt yechimlari joriy etilmoqda.

Bugungi kunda tanlovlarda nomzodlarning ma’lumoti (jumladan, ilmiy darajasi), ish staji va test sinovlari natijalari tegishli elektron axborot tizimlari bilan integratsiya qilingan holda avtomatik tarzda tekshirilmoqda. Bu nomzoddan qo‘shimcha hujjat talab etish zaruratini bartaraf etadi. Navbatdagi bosqichda sun’iy intellekt texnologiyalari tanlov jarayoniga joriy etiladi. Birinchi navbatda nomzodlarning arizalari lavozimga qo‘yilgan barcha malaka talablari asosida sun’iy intellekt texnologiyalari yordamida avtomatik ko‘rib chiqiladi. Bu kadrlar xizmati xodimlarining ishini yengillashtiradi, hujjatlarni baholashda subyektiv yondashuvga o‘rin qoldirmaydi. Nomzod uchun esa bu — javobni tezroq olish hamda o‘z arizasi qaysi talabga mos yoki mos emasligini aniq bilish imkoniyatidir. Tanlovning suhbat jarayonida esa sun’iy intellekt texnologiyalarini qo‘llash komissiya a’zolari tomonidan inson omili ta’sirida yuzaga kelishi mumkin bo‘lgan nomuvofiqliklarning oldini olishga xizmat qiladi. Barcha nomzodlar bir xil mezonlar asosida baholanadi, suhbat natijalarining xolisligini ta’minlanadi. Natijada nomzod uchun quyidagi qulayliklar yaratiladi: ✅ariza bo‘yicha javob kutish muddati qisqaradi; ✅rad etilgan taqdirda uning aniq asosi ko‘rsatiladi; ✅barcha ishtirokchilar uchun yagona va oldindan ma’lum mezonlar amal qiladi; ✅tanlov natijasi bo‘yicha e’tiroz bildirish va uni qayta ko‘rib chiqish imkoniyati saqlanadi. Mazkur texnologik yondashuv tanlov jarayonining xolisligi, ochiqligi va shaffofligini ta’minlash, davlat fuqarolik xizmatiga teng asosda kirish huquqini ta'minlashga xizmat qiladi. #Strategiya2030 Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Davlatimiz rahbari Buxoroda turizm xizmatlari va sayyohlar uchun yangi yo‘nalishlarni ko‘paytirish masalasiga to‘xtaldi. Joriy yilda viloyatga 3,5 million xorijlik sayyoh kelishi kutilmoqda. Kelgusida ularning sonini ikki baravar oshirish maqsad qilingan. Eski shahar, Yetti pir, Chor Bakr, Poykent, Varaxsha va Vardonze kabi tarixiy majmualarni yagona turizm konsepsiyasi asosida bog‘lash ko‘zda tutilgan. Buxoro shahridagi Gulchorbog‘ mahallasida 50 gektar maydonda 80 million dollarlik turizm markazi tashkil etiladi. Unda ko‘rgazmalar zali, amfiteatr va mehmonxonalar joylashadi. Jalol Ikromiy mahallasida esa xalqaro tadbirlarga mo‘ljallangan 60 million dollarlik kongress-xoll qurilmoqda. Kongress-xoll yonida “Hilton” va “Holiday Inn” brendlari ostida ikkita yetti qavatli mehmonxona barpo etilmoqda. Bundan tashqari, sakkizta markaziy ko‘cha milliy va zamonaviy me’moriy yechimlar asosida yangilanib, oltita xiyobon bunyod etiladi. Viloyat markazini kengaytirish doirasida Buxoro tumanidagi 1 ming gektar maydonda 500 million dollarlik turizm klasterini barpo etish rejalashtirilgan. Uning hisobiga sayyohlarning Buxoroda qolish muddatini o‘rtacha 4-5 kungacha uzaytirish mumkin. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Buxoroda xalqaro standartlarga muvofiq, 300 million dollarlik yangi aeroport qurilmoqda. U bir vaqtning o‘zida 20 ta samolyot va 1 ming 200 nafar yo‘lovchiga xizmat ko‘rsatish imkoniga ega bo‘ladi. Aeroportni shahar markazi bilan bog‘lash uchun 24 kilometrli avtomobil yo‘li barpo etiladi. Shuningdek, avtobuslar uchun 5,5 kilometrli BRT yo‘lagini tashkil etish ham rejalashtirilgan. Prezidentimiz aeroport va unga olib boradigan yo‘lni Mustaqillik bayramigacha foydalanishga topshirish vazifasini qo‘ydi. Yangi infratuzilma Buxoroga keluvchilar uchun qulaylik yaratishi va hududning transport imkoniyatlarini kengaytirishi ta’kidlandi. Turkiyaning “Pegasus” aviakompaniyasi Buxoroga to‘g‘ridan-to‘g‘ri qatnovlarni yo‘lga qo‘ymoqda. Kelasi yil Malayziya, Indoneziya, Kuvayt, Misr va Bahrayn bilan ham aviaqatnovlarni boshlash topshirildi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Viloyatning transport aloqalarini yaxshilash bo‘yicha ham yirik rejalar belgilangan. Joriy yilda Buxorodan o‘tuvchi A-380 avtomobil yo‘lini rekonstruksiya qilish yakunlanadi. Kelasi yil M-37 yo‘lining viloyat hududidagi 69 kilometrini yangilash ishlari boshlanadi. Qiymati 200 million dollarlik ushbu loyiha doirasida Buxoro shahri atrofida 4,5 kilometrli aylanma yo‘l ham quriladi. Samarqand – Buxoro yo‘nalishida sement-beton qoplamali zamonaviy pulli avtomobil yo‘lini qurish rejalashtirilgan. Bu yo‘l ikki shahar o‘rtasidagi safar vaqtini hozirgi besh soatdan bir yarim soatgacha qisqartirish imkonini berishi kutilmoqda. Shu yo‘nalishda tezyurar poyezd uchun yangi temir yo‘l liniyasi ham ko‘zda tutilgan. Prezidentimiz mutasaddilarga avtomobil va temir yo‘l loyihalarining master-rejalarini yakunlash, hamkorlar bilan muzokaralarni boshlash bo‘yicha topshiriq berdi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa

Prezident Shavkat Mirziyoyev Buxoro viloyatiga tashrifi doirasida hudud iqtisodiyotini rivojlantirish va aholi turmush darajasini oshirish masalalari yuzasidan yig‘ilish o‘tkazdi.

– Buxoro iqtisodiyotiga, odamlarning kundalik hayotiga ijobiy o‘zgarishlar olib kiradigan 30 milliard dollarlik yangi tashabbuslar bilan kelganmiz,

– dedi davlatimiz rahbari. Dastlab ichimlik suvi va oqova tarmoqlari ta’minotiga to‘xtalib o‘tildi. Bu sohada Osiyo infratuzilmaviy investitsiyalar banki bilan 385 million dollarlik loyiha amalga oshirilmoqda. Uning ikkinchi bosqichiga yana 248 million dollar jalb qilinadi. Natijada viloyatning barcha tuman va shaharlarida 1,7 million aholining suv ta’minoti yaxshilanadi, 775 ming kishi kanalizatsiya tarmog‘iga ulanadi. Markazlashgan ichimlik suvi bilan qamrov hozirgi 80 foizdan 95 foizga yetkaziladi. Prezidentimiz odamlar bu o‘zgarishlarni kutayotganini ta’kidlab, mas’ullarga loyihalarni tezlashtirishni topshirdi. Rasmiy sahifalarimiz Veb-sayt|Telegram|Facebook|Instagram|You Tube|X|in|WiKi|Aloqa