رسايل - Rsaa2l

#ورد_القرآن

‏"يؤجرُ المرء رغم أنفه! ولا تأتي كلّ الأجور بمتعةِ الطاعات، بل كثيرًا منها يأتي من سرير المرض، ووخز الإبر، ورعشة الحُمّى، وانكسار القلب، ومشقّة السّير، وسهر الهم، وحُزن الفقد، وحُسن التّسليم والاحتساب، وتعب المجاهدة، ومغالبة الهوى؛ فاصبر وصابر واصطبر"

مع الحبيب 55 | حديث الإفك ١ - كان النبي ﷺ إذا أرادَ الخُروجَ إلى السَّفَرِ يُجْري قُرْعةً بيْن أزْواجِه ليأخذ إحداهن.. وفي غزوة بني المصطلق جاءت القرعة لصالح السيدة عائشة رضي الله عنها فسافرت مع النبي ﷺ.. - وبعد انتهاء الغزوة وفي طريق العودة إلى المدينة نزل المسلمون يستريحون.. فخرجت السيدة عائشة من الهودج (المقعد المظلل الذي يجلس فيه المسافر فوق ظهر الجمل) لتقضي حاجتها بعيداً عن الناس.. وعندما عادت لاحظت فقدانها عقداً كانت ترتديه.. فرجعت إلى مكان قضاء حاجتها تبحث عن العقد المفقود فتأخرت وكانت صغيرة السن خفيفة الوزن فلم يلاحظ أحد عدم وجودها في الهودج.. وعندما رجعت إليهم وجدتهم قد رحلوا.. فجلست في مكانها وغلبها النوم بينما كانت تنتظر عودتهم إليها.. - ثم استيقظت على صوت الصحابي الجليل (صفوان بن المعَطَّل) وهو يقول "إنا لله وإنا إليه راجعون زوجة رسول الله" فغطت السيدة عائشة وجهها سريعاً وأناخ لها صفوان راحلته (يعني جعل الجمل يجلس كي يتمكن الراكب من الصعود) فركبتها السيدة عائشة ولم يكلمها صفوان ولم تكلمه كلمة.. ولم يدركا الجيش إلا في وقت الظهيرة.. فلما رأى الناس ذلك المشهد من دخول عائشة على راحلة صفوان.. انتهز أهل النفاق الفرصة وتكلموا بالشر في عرض السيدة عائشة.. - وكان أول وأكثر من تكلم بالإفك هو رأس المنافقين عبد الله بن أبي بن سلول.. وأصبح وهمه نشر الإفك وإذاعته بين الناس.. #مع_الحبيب ﷺ #السيرة_النبوية #رسايل

📢ندااااااء لكل أم وأب .... ولادكم خدوا الأجازة خلاص .... ودي أجازة طوييييلة ماينفعش تعدي من غير ماتحفظوا ولادكم قرآن أقرب دار تحفيظ أو مسجد واشترك لهم فيه مالقتش ..؟؟!! خلاص هات حد يحفظهم في البيت احنا طول السنة بندفع فلوس كتيييير للدروس والتمارين وغيره ...عاوزين ندفع للقرآن كمان وماتقولش ابني مالوش في الحفظ ...حاول معاه واتعب وهيحفظ ومش بس كده القرآن كمان هيحفظه ...هيحفظه من الغلط ومن صحبة السوء ابذل جهد ومال ووقت عشان ابنك او بنتك يحفظوا القرآن وانت الكسبان صدقني في الدنيا والآخرة في الحديث اللي قاله النبي عن صاحب القرآن : *وَيُوضَعُ عَلَى رَأْسِهِ تَاجُ الْوَقَارِ ، وَيُكْسَى وَالِدَاهُ حُلَّتَيْنِ لَا يُقَوَّمُ لَهُمَا أَهْلُ الدُّنْيَا ، فَيَقُولَانِ : بِمَ كُسِينَا هَذِهِ ؟ فَيُقَالُ : بِأَخْذِ وَلَدِكُمَا الْقُرْآنَ* استثمر في ولادك بتحفيظهم القرآن ...هو ده الاستثمار الصح اللي هيكسبك في الدنيا والآخرة 👍 #رسايل

يابنات هو مش معنى إنك في سن إعدادي إنك لسه صغيرة ..أبسليوتلي😅 معنى إنك وصلتي إعدادي يبقى كده وصلتي سن التكليف اللي بيتسجل علينا فيه الحسنات والسيئات وهنتحاسب عليها.. - ماينفعش خالص أتعامل إني لسه صغيرة وماأتحجبش - أو أمشي بنص كم في الشارع وأقول صغيرة - أو أروح تمارين مع مدرب راجل وأقول صغيرة ده غير لبس التمارين اللي بردو بيكون مش مناسب صحيح المرحلة الانتقالية مابين الطفولة وسن التكليف بتحتاج شوية تدريب على ماناخد ع استايل الحياة الجديد بس ده لازم يحصل ماينفعش أغمض عيني وأعمل نفسي مش واخدة بالي عشان كده لو وصلتي إعدادي ... بقيتي ليدي خلاص 😍 - فما ينفعش نص كم ولا لبس مكشوف في الشارع - ولا ينفع تتأخري في الحجاب خلاص - ولا ينفع تدربي مع مدرب راجل أو تلبسي لبس ضيق في الشارع لأنك غالية #رسايل

الحمم العاطفية 🌋 مشاعر الإعجاب المدفونة جواك.. اللي عمّال تغذيها وتزودها بالنظر والتفكير والاختلاط.. أشبه بالحمم البركانية.. اللي هتنفجر في أي لحظة والعاقبة مش هتكون تمام أبداً.. خاصة مشاعر الإعجاب بأخو الزوج/ زوجة الأخ.. الإعجاب بزوج الأخت/ أخت الزوجة.. الإعجاب بصديق زوجك/ زوجة صاحبك.. أو أي امرأة متزوجة عموماً.. هتفضل تنفخ في نار الإعجاب دي لحد امتى؟ عمال تشعللها بزيادة.. وآخرتها إيه؟! ارحم نفسك وقلبك.. فكر في العواقب.. ومتمنيش نفسك بالمستحيل.. "إياكم والدخول على النساء. فقال رجل من الأنصار يا رسول الله أفرأيت الحمو؟ قال: الحمو الموت." #الحب_وسنينه #رسايل

#ورد_القرآن

خلينا نتكلم بصراحة .. هل حصلكم إشباع عاطفي بعد ما عملتم علاقة محرمة وبعد كل المكالمات والمقابلات ؟!.. لقيتوا السكينة والإستقرار؟!.. ... في الحقيقة الحرام لا يُسمن ولا يغني من جوع... مهما عملته مش هتشبع.. بل بالعكس هتجوع اكتر... وتدخل في دايرة مفرغة من المعاصي والشهوات... زي اللي من شدة العطش عمال يشرب في ماية مالحة .. فيعطش أكتر ويحتاج أكتر فيشرب منها أكتر وأكتر بدون شبع لحد ما يهلك.. الشات والمكالمات مش هتكون كافية بعد فترة .. فتتقابلوا وتشتهوا أكتر وتقعوا في الفاحشة .. فتطلع من علاقة تدخل في علاقة ولسه الشهوة والرغبة مهدأتش.. فتُنهك روحك.. ويمرض قلبك.. "فَأَهْلَكْنَاهُمْ بِذُنُوبِهِمْ" ................ دايرة الحرام المفرغة كدة كدة هتتكسر.. يا إما هتكسرها انت بنفسك بالتوبة والرجوع لربنا.. أو للأسف هتتكسر بالموت المفاجئ على سوء الخاتمة..! "فَأَهْلَكْنَاهُمْ بِذُنُوبِهِمْ" #رسايل

"فَإِمَّا نَذْهَبَنَّ بِكَ فَإِنَّا مِنْهُم مُّنتَقِمُونَ أَوْ نُرِيَنَّكَ الَّذِي وَعَدْنَاهُمْ فَإِنَّا عَلَيْهِم مُّقْتَدِرُونَ" مع إحساس الوجع اللي بيجيلنا مع طغيان المجرمين محتاجين نطمن نفسنا دايما إن ربنا وعدنا إنه هينتقم منهم سواء شوفنا الانتقام ده بعنينا في حياتنا أو كان بعد موت كتيير من أهل الحق بس في كل الأحوال ربنا قادر عليهم وهينتقم منهم كل المطلوب مننا دلوقتي "فَاسْتَمْسِكْ بِالَّذِي أُوحِيَ إِلَيْكَ" مطلوب نستمسك بديننا ونثبت على يقيننا بإن الدين ده منتصر ننصر ربنا برجوعنا ليه ومحافظتنا ع طاعته نستمسك بالصلاة وبالحجاب وبالبعد عن كل مايغضب ربنا وندعي كتيييير إن ربنا ينصر دينه #رسايل