رسايل - Rsaa2l

#ورد_القرآن

3 فرص في يوم عرفة

وما أدراك ما يوم عرفة ؟ ❤️

علمني إسماعيل | بر الآباء لك أن تتخيل إن إسماعيل مكنش في أي ترابط أو اختلاط مستمر مع أبوه.. إسماعيل اتربى مع أمه السيدة هاجر بعيد عن أبوه وفي وسط ناس وقبيلة تانية خالص غير أهله.. وحتى مكنش في زيارات كتيرة بين الأب وابنه.. إبراهيم عليه السلام كان نبي ورسول وعليه أعباء الرسالة والدعوة إلى الله.. ورغم كده أول أما إبراهيم راح يزور ابنه إسماعيل بعد سنين طوال وقاله عاوزك تساعدني في مهمة معينة.. قبل إسماعيل ما يعرف إيه المهمة دي قال لأبوه هساعدك.. وكانت المهمة هي بناء الكعبة.. وبعدها يجي إبراهيم يقول لابنه على أمر تاني وهو أنه يذبحه فيسمع إسماعيل كلام أبوه مباشرة.. وقبل ده كله لما أبوه إبراهيم تركه في الصحراء وهو رضيع مع أمه.. أنا عارف أكيد إن أبوه إبراهيم كان نبي وإن دي أوامر إلاهية.. بس بص للموقف مجرد من اي حسابات تانية.. كموقف حصل بين أب وابنه بشر من لحم ودم ومشاعر زينا.. فانت مهما كان أبوك قصر معاك أو أخطأ في حقك أو ظلمك أو فضّل أخواتك عليك.. إوعى تكره أبوك واوعى تعصيه وتعقه وتقاطعه.. بر الوالدين فرض ربنا فرضه عليك بغض النظر عن معاملة أبوك ليك كانت كويسة ولا وحشة .. #علمني_إسماعيل #علمني_إبراهيم #رسايل_العشر1445هـ #افضل_ايام_الدنيا

"مَا لَكُمْ لا تَرْجُونَ لِلَّهِ وَقَارًا" طبعًا كتير مننا شاف تعليقات بعض طلبة ثانوية عامة على امتحان التربية الدينية ، والبعض وقع في خطأ وكبيرة عظيمة جدًا هي السخرية من كلمات القرآن أو احكام الدين ..! يا شباب ويا بنات خدوا بالكم فيه آية في القرآن محتاجين تقفوا معاها وتفكروا فيها جدًا .. يقول الله : "وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ ۚ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ * لَا تَعْتَذِرُوا قَدْ كَفَرْتُم بَعْدَ إِيمَانِكُمْ.." حياتك المليانة ميمز وسخرية وهزار من كل حاجة ، ماينفعش تتعامل بيها كدة مع كلام الله وأحكامه ، ده خطر عظيم جدًا على دينك وإيمانك .. لما تفتح القرآن الكريم وتلاقي معنى كلمة أنت مش فاهمها ، فمن الأدب إنك في سنك ده ، اللي كانوا زمان علماء وقادة في نفس سنك ، وانت مش عارف المعنى تروح تدور وتسأل عليه ، وتجبر تقصيرك في فهم كلام ربنا .. ده من الأدب مع ربنا وكلامه .. مش تروح تقول كلام لولا جهلك كان زمانك خرجت من الدين !! ربنا وضع المعنى مش للضحك ومش عشان تقول "هو أنا أعرفها منين معلش" أو تسخر منه .. و "الكلالة" هو الميت الذي ليس له وارث من أصوله ولا من فروعه، أي من ليس له والد يرثه ولا ولد .. وربنا يهدينا وإياكم .. #رسايل

من أخصّ أنواع الذكر في عشر ذي الحجة التكبير وما أدراك ما التكبير ؟! أيها المهموم ! أيها المحزون! أيها الراغب! أيها العبد بكل تقلّباتك: من غيركُ يحتاج أن يعلم أن الله أكبر ؟! لو علمت كيف تصنع بك الله أكبر ! الله أكبر : هي الغوث الرطْب لجدب قلبك! وما أشد جدب القلوب ! الله أكبر: هي السقيا العذبة التي إن مرت على القلب قبل اللسان؛ غسلته من رانه وأدرانه ؛ثم تربعت على طهارة المكان ! الله أكبر : لو أعطيت فرصة لفكرك ليسأل وأنت تجيب : الله أكبر من ماذا ؟ الله أكبر من همومك! الله أكبر من مخاوفك! الله أكبر من ذنوبك! الله أكبر من طاعاتك! الله أكبر من رغباتك! الله أكبر من الذي تحت يده مصلحتك، وقد خبأت تحت ظله رجاءك ! الله أكبر؛ لو أراد لك أمرا لأتاك يسعى إليك سعيا ! الله أكبر من أن يتركك على غيره عالة ! الله أكبر من أن يجعل لقلبك قبلة سواه؛ وأنت خلقه ! الله أكبر : لأجلك مواسمُ الخيرات جعلت ! ولأجلك الأجور ضوعفت! الله أكبر : إن غفلت عن حاجاتك فما غفل عنها الذي خلقك ! #اذكر_ربك #رسايل_العشر1445هـ #أفضل_أيام_الدنيا

نداء إلى النساء في يوم عرفة📣 - يوم عرفة (يوم الوقفة) ده يوم عظيم وليه فضل كبيييير سيبك من طقوس تنظيف البيت (حتة حتة كرسي كرسي سرير سرير .....حتي تحت السرير 😁) مش يومه ياست الكل.... - يوم عرفة محتاجة تتفرغي فيه للعبادة والدعاء مش يوم النظافة السنوية - صيام يوم عرفة بس بيكفر ذنوووب سنتين قال الرسولﷺ عن صيام يوم عرفة : يكفر السنة الماضية والسنة القابلة) رواه مسلم . - وكمان أفضل الدعاء دعاء يوم عرفة يعني أمنياتك كلها تجمعيها كده وتقعدي تركزي وتدعي مش تضيعي الوقت في التنظيف في الحديث : (خير الدعاء دعاء يوم عرفة ) - مش كده وبس ده أكثر يوم يُعتق فيه عباد من النار هو يوم عرفة ! 👈إن شاء الله يوم عرفة يوم السبت فلو حضرتك مصممة علي التنظيف يبقا الموضوع ينتهي يوم الجمعة وتفضي كده يوم السبت للعبادة و الدعاء وبسسس😤 ربنا يتقبل منا ومنكم #كاريكاتير_رسايل #رسايل_العشر1445هـ #أفضل_أيام_الدنيا