MA'RIFAT INSAYT

Маҳзунликда ўқиладиган дуолар 1️⃣ -дуо Абдуллоҳ ибн Аббос розияллоҳу анҳумодан ривоят қилинади: «Набий соллаллоҳу алайҳи васаллам ғам-ташвиш пайтида «Лаа илааҳа иллаллоҳул ъазиимул ҳалиим, лаа илааҳа иллаллоҳу Роббус самааваати вал арди ва Роббул ъаршил ъазиим», деб дуо қилар эдилар» (Имом Бухорий, имом Муслим ривояти). 2️⃣ -дуо Анас ибн Молик розияллоҳу анҳудан ривоят қилинади: «Расулуллоҳ соллаллоҳу алайҳи васалламга ғам-ташвиш етса, «Ё Ҳайй, ё Қайюм! Раҳматинг билан ёрдам сўрайман!» дер эдилар». Имом Термизий ривояти. 3️⃣ -дуо Абу Бакра Нофеъ ибн Ҳорис Сақафий розияллоҳу анҳудан ривоят қилади: «Расулуллоҳ соллаллоҳу алайҳи васаллам шундай деганлар: «Мушкули борнинг дуоси будир: «Аллоҳим, раҳматингдан умидворман. Мени кўз юмиб-очгунча ҳам ўз ҳолимга ташлаб қўймагин, ҳамма ишларимни Ўзинг ўнглагин, Ўзингдан ўзга илоҳ йўқ». Имом Абу Довуд ривояти. 4️⃣ -дуо Асмо бинт Умайс розияллоҳу анҳодан ривоят қилинади: «Расулуллоҳ соллаллоҳу алайҳи васаллам менга шундай деганлар: «Сенга мушкул пайтда нима дейишни ўргатайми? «Аллоҳ, Роббим Аллоҳ! У Зотга ҳеч нарсани шерик қилмайман» дегин». Абу Довуд, Ибн Можа ривояти. 5️⃣ -дуо Набий соллаллоҳу алайҳи васаллам шундай деганлар: «Бир бандага ғам-ташвиш, қайғу етганда «Аллоҳим, мен Сенинг қулингман, қулингнинг, чўрингнинг фарзандиман! Тақдирим қўлингда, ҳукмингдаман! Менга чиқарган ҳукминг адолатли. Ўзинг айтган, махлуқотларингга ўргатган, Китобингда келтирган, ғайб илмингда сақлаб қўйган барча исмларинг ҳаққи, Қуръонни қалбимнинг баҳори, қалбимнинг нури, қайғуларимнинг кушойиши, ғамларимнинг аритувчиси қилгин!» деса, Аллоҳ таоло унинг ғам-ташвишларини етказиб, ўрнини хурсандчилик билан тўлдиради». ➡️ Бошқа ривоятда у зот: «Шундай дуо қилинглар, уни бошқаларга ҳам ўргатинглар! Ким бу дуоларни айтса, Аллоҳ унинг маҳзунлигини кетказиб, хурсандчилигини бардавом қилади», деганлар. 📚 Абдуллоҳ Абдулмуътий Ҳуда Саъид Баҳлулнинг "Қулоғим сенда, қизим!" китобидан. @ayollarga_komak

📋 Бир психиатр шифокор айтади: ➡️ «Набий соллаллоҳу алайҳи васалламдан келган, қайғуларни аритадиган дуоларни жуда кўп беморларда синаб кўрганман. Бу дуолар айниқса тушкунлик – депрессия ҳолатидаги беморларга жуда зўр таъсир қилган. Мен бу дуоларни бир парча қоғозга ёзиб, «Унда илоҳий шифо бор», деган ишонч билан айтишни шарт қилар эдим, бир кунда бир неча бор такрорлашни талаб қилардим. Натижа жуда яхши бўлар эди. Расулуллоҳ соллаллоҳу алайҳи васалламдан етиб келган дуолар бунчалик кўп, турлича бўлишидаги ҳикмат – ҳар бир мусулмоннинг ўзига хос табиати, ўзига хос ички кечинмалари борлигидир. Шунинг учун ҳар бир мусулмон бу дуолар ичидан ўзига мақбулини, такрорлаганда малолланмайдиганини топа олади. Сиз ҳам юқорида келтирилган олтита дуони ўқиб чиқинг-да, ичидан ўзингизга муносибларини танлаб, ёд олиб, қайғуларингизни енгиш учун уларни кўп-кўп такрорлаб, баҳра олинг. ➡️ Қайғуга ботган пайтингизда бир нечта дуоларни айтишингиз мумкин, чунки дуо ҳам дорига ўхшайди: касаллик кучайган сари дори-дармонларнинг миқдорини оширганингиздек, маҳзунлигингиз ортгани сайин дуоларни ҳам кўпайтираверасиз. Набий соллаллоҳу алайҳи васалламдан ворид бўлган, қайғуни аритадиган дуоларнинг барчасини ёдлаб, улардан бирини барча маҳзунликларингизда айтиб юришингиз мумкин. Натижада барча дуоларнинг ҳаловатини тотиб, уларнинг баракасидан баҳраманд бўлишингиз мумкин бўлади». @ayollarga_komak

Umr qimmatli va juda qisqa ne’mat ekan.

🗓 Янги ҳижрий 1446 йил муборак бўлсин! (Янги ҳижрий йил кириб келиши арафасида Маккада Каъбапўш (Кисва) янгиланди) 🩷 Бугун янги ҳижрий 1446 йилга қадам қўйдик. Алҳамдулиллаҳ! Муҳаррам ойининг биринчи кунидамиз! Бу ой ҳижрий-қамарий йилнинг биринчи ойи, ҳаром ойлардан саналади. 🔸 Ашуро куни 2024 йилнинг 16 июль, сешанба кунига тўғри келади. 🤲 Аллоҳим, кириб келган янги ҳижрий йилни юртимиз учун, барча мўмин-мусулмонлар учун хайрли ва баракали қилгин! Азиз муслимам! Янги ҳижрий йилингиз муборак бўлсин! Ҳурматланган, уруш ҳаром қилинган ойларда қилинадиган солиҳ амалларимизни кўпайтиришга ҳарис бўлайлик, шиддат ила ўтаётган умримизнинг ҳар бир лаҳзасини ғанимат билайлик! ➡️ Яқинларингизга ҳам улашинг. ✅ Обуна бўлишни унутманг! @muslimaatuz

⬇️Аллоҳ ғам-қайғуни нима учун яратган ўзи? ➡️ Хатоларимизни, гуноҳларимизни ўчириш учун; ➡️ дуо қилишимиз учун, бизни Ўзига талпинадиган қилиш учун; ➡️ Аллоҳнинг кулги, бахт деган неъматларига шукр қилишимиз учун; ➡️ бизни охират офиятига муштоқ қилиш учун... 🔡Энди мана шу саволга жавоб беринг: Аллоҳ қайғуларни нима учун яратганини билганингиздан кейин нималарни ҳис этдингиз? ✒️ Жавобларни изоҳларда қолдиринг! @ayollarga_komak