Олий суд | Расмий канал

Бугун Ўзбекистон Республикаси Олий судига Қирғиз Республикаси Судьялар кенгаши раиси – Олий суд судьяси К. Джунушпаев бошчилигидаги делегация ташриф буюрди Ўзбекистон Республикаси Олий суди раисининг ўринбосари – Судьялар олий малака ҳайъати раиси Ш. Полвонов меҳмонларга мамлакатимизда одил судловга эришиш имкониятларини янада кенгайтириш ва судлар фаолияти самарадорлигини ошириш борасида олиб борилаётган чора-тадбирлар хусусида батафсил маълумот берди. Шунинг баробарида делегация аъзолари Ўзбекистонда судьялар малака ҳайъатларини сайлаш тартиби, уларнинг фаолиятини ташкил этиш ва ваколатлари, хусусан, судьялик лавозимларига тайинланадиган номзодлар захирасини шакллантириш, судьяларни янги ваколат муддатига ва бошқа судьялик лавозимларига кўрсатиш, судьяларга малака даражалари бериш, судьяларнинг интизомий жавобгарлиги тўғрисидаги ишларни кўриб чиқиш ҳамда судьянинг ваколатларини тўхтатиб туриш ва муддатидан илгари тугатиш тартиблари билан таништирилдилар. Ташриф чоғида меҳмонлар Олий суд музейида бўлиб, мамлакатимиз суд тарихига доир манбалар ва экспонатларни кўздан кечирдилар. Делегация вакиллари Олий суднинг Вазиятлар марказида суд тизимига жорий этилган замонавий ахборот-коммуникация технологиялари имкониятларини ўрганиб, уни юқори баҳоладилар. Кун давомида меҳмонлар судлар фаолияти билан бевосита танишиш мақсадида жиноят ишлари бўйича Шайхонтоҳур туман суди ва фуқаролик ишлари бўйича Миробод туманлараро судига ҳам ташриф буюриб, у ерда яратилган шароитларни ўргандилар, бир сўз билан айтганда, ўзларини қизиқтирган барча масалаларда зарур ахборотга эга бўлдилар. Бўлиб ўтган учрашувларда томонлар икки дўст мамлакат суд ҳокимиятларининг ўзаро ҳамкорлигини янада мустаҳкамлашга келишиб олиб, конструктив ва ўзаро манфаатларга асосланган муносабатлар кенгайтирилишининг тарафдори эканликларини билдирди. Сайт I Telegram I Facebook I YouTube

"ГАПИРИНГ" ТОК-ШОУСИДА ЗЎРАВОНЛИК МАВЗУСИ Сайт I Telegram I Facebook I YouTube

Навоий вилоят судининг жиноят ишлари бўйича судлов ҳайъати томонидан йўл ҳаракати хавфсизлиги хизмати ходимлари иштирокида амалиётда учраётган муаммоларни бартараф қилиш юзасидан семинар машғулоти ўтказилди Сайт I Telegram I Facebook I YouTube

Самарқанд вилояти судлари мутасаддилари иштирокида Самарқанд туманида суд-ҳуқуқ масалалари бўйича сайёр қабул ташкил этилди Сайт I Telegram I Facebook I YouTube

Фуқаролик ишлари бўйича Бухоро туманлараро судининг сайёр мажлисидан лавҳа Сайт I Telegram I Facebook I YouTube

АДОЛАТ ТАНТАНАСИ / Андижон вилоят судининг иқтисодий ишлар бўйича судлов ҳайъатида тадбиркор Г. Қаюмованинг ҳуқуқ ва манфаатлари тикланиб, адолат қарор топди Сайт I Telegram I Facebook I YouTube

Андижон шаҳрида суд тизими фахрийлари, судьялар, ходимлар ҳамда талабалар иштирокида “Уч авлод учрашуви” ўтказилди Сайт I Telegram I Facebook I YouTube