لِلّٰهِ قَلَمِي.🇵🇸

لو معندكش اوعى تقعد تندب وتعلق خيبتك علشان في باب رزق مش عندك دي أرزاق لعل ربنا فاتح لك باب غيره متبصش على نص الكباية أو المفقود منك بص على الموجود في إيدك واستغله"))

جرّب يكون لك صاحب كل كلامه عن الله، حتى كلامه العادي مرتبط بالله تيجي تقوله حصلي كذا يقولك ربنا عليم وقريب شايف ربنا مترككش وسمع منك لما دعيت دي أكيد الخير طب استخير كدا؟ تيجي تبكي يقولك ربنا يراك ويرى ضعفك وعجزك اشكليه تحتار يقولك اجري استخير هي كلها لله وبالله لو عندك احمد ربنا دا فتح ما بعده فتح، لو مش عندك ادعي ادعي كتير ربنا يفتح لك في باب الصحبة أو يفتح عليك ويملاك بحبه وبيه سبحانه وتعالى ""

هو الناس كلها عايزة حل ؟ يالااااااااااهوي 😆

دماغي مش مقتنعة أن الساعة خلاص 1 فلو حد عنده نصايح وعرف يتعامل مع الأمر من الناس اللي مش بتسهر وبتنام بدري وبتبدأ يومها بدري يبلغنا الله يكرمكم @rawdelganahbot

أهلي وونسي يا رب كما آنستموما في الدنيا نأنس بكم في الجنّة 🍃

فين الفراولة ؟😔

قبل ما تنام عايزك تكتب ورقة صغننة فيها مهام بكرا.. متنامش وتقول ربنا يسهلها يمكن منصحاش عادي لو مصحيناش هناخد أجر على الورقة اللي اتكتبت إن شاء الله لأنها محاولة للسعي والتحسن محاولة لأنك تكون أفضل نسخة منك. أنت عبارة عن محاولات وأخطاء وإن مظبطتش المرة دي تظبط في مرة غيرها متيأسش من نفسك وحاول خطوة خطوة وكل حاجة بتيجي تدريجي

ازيك يهمني تكون بخير، غيّر نفسك وإيّاك تكون واقف في النص عمال تبص على دا ودا ومش عارف أنت فين اهتم بدراستك محتاج تروق وتاخد قرار في حق نفسك وتعليمك متكونش إمّعة اتميز عن غيرك، أنت مُميّز بس في مكان تاني متشوفش حد تنبهر بيه فتحاول تقلده تقليد أعمىٰ انفرد بنفسك وبشخصيتك أنت مش هو ولا هو أنت اوعى تتعلق بحد وتكون زي الشنطة كل واحد ليه ظروف ووقت، خليك معترف بأصالتك وحبّ ذاتك وساعدها تكون أحسن بتحب حد جميل، بس مش حبك يخليك تتخلىٰ عن نفسك وتكون نسخة منه هتتعب اعترف بنفسك وأنك جميل ودوّر على جمالك ونميه وميزه"))

جميل:))

بص أنا بشر زيي زيك يعني بمر بأغلب الحاجات اللي أنت بتمر بيها الفكرة أني بحاول وبدعم نفسي وبذكرها بأجر السعي بغلط كتير أوي وبتشتت بردوا وبتيجي عليّ أيام بقفل وبنعزل بس أكيد مش هظهرلك الجانب السيء ! فهمتني فخليك ناصح كدا وركز على المفيد في التجربة محدش كامل ولا حد طول الوقت بيلمع متقارنش المقارنة فاشلة وهتحبطك أهم حاجة متبطلش محاولة وتغيّر من أساليبك في التعامل مع نفسك ومع مهامك وسجل انتاجك وسجع نفسك واديها نجمة ⭐️