Xiva shahridagi Prezident maktabi

#Bizning_faxrimiz #Xiva_shahridagi_Prezident_maktabi Maktabimiz 2022-yilgi bitiruvchisi Qadamov Suhrob yana bir muhim muvaffaqiyatga erishdi. Suhrob Yangi O‘zbekiston universitetida bakalavr bosqichini muvaffaqiyatli tamomlab, "El-yurt umidi" jamg‘armasi stipendiyasi sovrindori bo‘ldi. Endilikda u AQSHning nufuzli Vanderbilt University universitetida Kimyo muhandisligi (Chemical Engineering) yo‘nalishi bo‘yicha magistratura bosqichida tahsil oladi. Xiva shahridagi Prezident maktabi jamoasi nomidan bitiruvchimizni ushbu yuksak yutuq bilan samimiy tabriklaymiz hamda kelgusidagi ilmiy faoliyatida ulkan muvaffaqiyatlar tilaymiz. 👉 Bizning ijtimoiy tarmoqlardagi sahifalarimiz: Telegram | Instagram | Facebook| You tube

#Bizning_faxrimiz #Xiva_shahridagi_Prezident_maktabi Xiva shahridagi Prezident maktabi bitiruvchisi Buyuk Britaniyaning TOP universitetlaridan birida tahsil oladi Xiva shahridagi Prezident maktabi bitiruvchisi Olimboyeva Mahliyo navbatdagi yuksak muvaffaqiyatga erishdi. Mahliyo "El-yurt umidi" jamg‘armasi stipendiyasi sovrindori bo‘lib, dunyoning yetakchi oliy ta’lim muassasalaridan biri — University of Leeds (TOP-78) universitetida bakalavriat bosqichida tahsil oladi. Ushbu yutuq Mahliyoning tinimsiz mehnati, bilimga bo‘lgan intilishi va yuksak salohiyatining yorqin ifodasidir. 👉 Bizning ijtimoiy tarmoqlardagi sahifalarimiz: Telegram | Instagram | Facebook| You tube

💐 Bugun men uchun unutilmas va katta mas’uliyat yuklaydigan kun bo‘ldi. 🇺🇿 O‘zbekiston Respublikasi Prezidenti huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi tomonidan “Xalqlar do‘stligi” ko‘krak nishoni bilan taqdirlandim. Avvalo, menga bildirilgan ushbu yuksak e’tirof uchun samimiy minnatdorlik bildiraman.

Bu mukofotni shaxsiy yutug‘im sifatida emas, balki Ixtisoslashtirilgan ta’lim muassasalari agentligi jamoasining ko‘p yillik fidokorona mehnati, ta’lim sohasida amalga oshirilayotgan islohotlar hamda xalqaro hamkorlikni rivojlantirish yo‘lidagi izchil sa’y-harakatlarimizning e’tirofi deb qabul qilaman.

So‘nggi yillarda Agentligimiz tomonidan dunyoning yetakchi universitetlari, xalqaro ta’lim tashkilotlari va xorijiy hamkorlar bilan samarali aloqalar yo‘lga qo‘yildi. Bugun o‘quvchilarimiz dunyoning nufuzli universitetlarida tahsil olmoqda, ustozlarimiz esa ilg‘or xorijiy tajribalarni o‘zlashtirib, ta’lim tizimiga tatbiq etmoqda.

Ishonamanki, ta’lim sohasidagi ana shunday hamkorlik xalqlar o‘rtasidagi do‘stlik va o‘zaro ishonchni yanada mustahkamlashga xizmat qiladi.

Shu fursatdan foydalanib, ushbu sharafli yo‘lda yelkadosh bo‘lib kelayotgan barcha hamkasblarimga, ustozlarimizga, xalqaro hamkorlarimizga, ota-onalar va aziz o‘quvchilarimizga chin dildan minnatdorlik bildiraman. ➡️ Rasmiy sahifalar

Tavallud ayyomingiz muborak boʻlsin, hurmatli Prezident! Yurtimizda Siz boshchiligingizga amalga oshirilayotgan bugungi islohotlar ertangi ulkan muvaffaqiyatlarga poydevordir. Xalqimiz baxtiga hamisha omon boʻling! @hilola_umarova

Tavallud ayyomingiz muborak bo'lsin, hurmatli Prezident! ✉️ Telegram 📱 Instagram 🗳 Facebook

#Axborot24 #IChO_2026 58-Xalqaro kimyo olimpiadasining tantanali taqdirlash marosimidan reportaj

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#xalqaro_hamkorlik ✅ “Rektorlar maktabi” tinglovchilari Harvardda malaka oshirish imkoniyatiga ega bo‘ladilar! AQSHning Harvard Graduate School of Education bilan hamkorlik to‘g‘risida muhim kelishuv imzolandi. Unga ko‘ra, “Rektorlar maktabi” dasturida eng yuqori natijalarga erishgan bitiruvchilar Harvard universitetida malaka oshirish imkoniyatiga ega bo‘ladilar.

Hamkorlik doirasida tinglovchilar universitetlarni strategik boshqarish, akademik liderlik, ta’lim sifatini ta’minlash, ilmiy faoliyatni boshqarish, innovatsiyalarni tijoratlashtirish hamda oliy ta’lim tizimini transformatsiya qilish bo‘yicha ilg‘or xalqaro tajribalarni o‘rganadilar.

Shuningdek, Massachusets texnologiya instituti (MIT) Gumanitar fanlar, san’at va ijtimoiy fanlar maktabi dekani Agustin Rayo bilan muzokaralar chog‘ida “Yangi O‘zbekiston” universiteti talabalari, professor-o‘qituvchilari va yosh tadqiqotchilari uchun yangi imkoniyatlar muhokama qilindi. Jumladan: ✔️ iqtisodiyot va ijtimoiy fanlar yo‘nalishlarida qo‘shma tadqiqotlar olib borish; ✔️ ilmiy tajriba almashish; ✔️ talabalarni xalqaro loyihalarga jalb etish masalalari ko‘rib chiqildi. MITning Xalqaro fan va texnologiyalar tashabbuslari dasturi doirasida talabalar va tadqiqotchilar uchun almashinuv, amaliyot va qo‘shma loyihalarni amalga oshirish imkoniyatlari muhokama qilindi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#ICHO_2026 📣 58-Xalqaro kimyo olimpiadasi yakunlandi: o‘zbekistonlik o‘quvchilardan 4 ta medal — 1 ta oltin va 3 ta kumush ✅ Bugun 58-Xalqaro kimyo olimpiadasining tantanali taqdirlash marosimi bo‘lib o‘tdi. Unda O‘zbekistondan ishtirok etgan o‘quvchilarning barchasi sovrinli o‘rinlarni egalladi. Xususan: 🥇 Rayhona Tuymurodova — oltin medal; 🥈 Jasur Mustafoyev — kumush medal; 🥈 Azizmuhammad Hafizov — kumush medal; 🥈 Mirjalol Homidjonov — kumush medalni qo‘lga kiritdi. 📊 Ma’lumot o‘rnida: Davlatimiz rahbarining 2024-yil 30-sentabrdagi tegishli qaroriga muvofiq: 👉 nufuzli xalqaro olimpiadalarda erishgan medallar uchun oʻzbekistonlik ishtirokchilar uchun quyidagi pul mukofotlari berilishi koʻzda tutilgan: ➖ oltin medal uchun — 1 mlrd. 30 mln. soʻm, oʻqituvchisiga — 185,4 mln. soʻm; ➖ kumush medal uchun — 618 mln. soʻm, oʻqituvchisiga — 103 mln. soʻm; ➖ bronza medal uchun — 412 mln. soʻm, oʻqituvchisiga — 61,8 mln. soʻm. ⏰ Shuningdek, mazkur olimpiada gʻoliblarini sinovlarga tayyorlagan oʻqituvchilarning malaka toifasi bir pogʻona koʻtarilishi belgilangan. 🌍🌍🌍🌍🌍🌍

Bizni kuzating

❤ Telegram          🌐 Facebook 🌐 Youtube            🌐 Instagram 🔎 Veb-sayt          😄 Linkedin

#Imtihon_2026 #Prezident_maktablari_ikkinchi_bosqich ✨ Bugun respublikamiz bo‘ylab Ixtisoslashtirilgan ta’lim muassasalari agentligi tizimidagi Prezident maktablariga kirish imtihonlarining 2-bosqichi bo‘lib o‘tdi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Imtihon_2026 #Prezident_maktablari_ikkinchi_bosqich 🖌 PREZIDENT MAKTABLARIGA KIRISH IMTIHONLARINING 2-BOSQICHI ✅ Ayni damda respublikamiz bo‘ylab Ixtisoslashtirilgan ta’lim muassasalari agentligi tizimidagi Prezident maktablariga kirish imtihonlarining 2-bosqichi bo‘lib o‘tmoqda.

2026/2027-o‘quv yili uchun Prezident maktablariga hujjatlar qabuli yakunlariga ko‘ra 60 169 nafar talabgor ro‘yxatdan o‘tdi. Bu esa har bir o‘rin uchun o‘rtacha 179 nafar da’vogar to‘g‘ri kelayotganini ko‘rsatadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Imtihon_2026 #Prezident_maktablari_ikkinchi_bosqich 🖌 PREZIDENT MAKTABLARIGA KIRISH IMTIHONLARINING 2-BOSQICHI BOSHLANMOQDA. ✅ Ayni vaqtda respublikamiz bo‘ylab Ixtisoslashtirilgan ta’lim muassasalari agentligi tizimidagi Prezident maktablariga kirish imtihonlarining 2-bosqichi boshlanmoqda.

🖌 Prezident maktablari imtihonlari Cambridge xalqaro ta’lim tashkiloti bilan hamkorlikda tashkil etiladi. Barcha imtihonlar ochiqlik, shaffoflik va adolat tamoyillari asosida o‘tkazilib, jarayonlarni test2026.uz platformasi orqali onlayn kuzatish imkoniyati yaratiladi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#xalqaro_hamkorlik 🖌 Cambridge University Press & Assessment vakillari Prezident maktablari imtihonlarining asosiy bosqichiga ham yetib keldi 🎓 Ixtisoslashtirilgan ta'lim muassasalari agentligi direktori Sevara Shakirova Cambridge University Press & Assessment tashkiloti vakillari bilan uchrashuv o‘tkazdi. Unda Prezident maktablariga kirish imtihonlarining asosiy bosqichiga tayyorgarlik ishlari hamda kelgusi qabul jarayonlari muhokama qilindi. 🖱️ Muloqot davomida qabul sinovlarini xalqaro tajriba asosida tashkil etish, baholash mezonlarini rivojlantirish hamda o‘quvchilarning tahliliy va mantiqiy fikrlashi, muammolarni hal etish ko‘nikmalari va akademik salohiyatini yanada aniq baholashga qaratilgan yondashuvlar yuzasidan fikr almashildi. 🖱️ Shuningdek, Cambridge University Press & Assessment vakillari Prezident maktablariga kirish imtihonlarining asosiy bosqichi jarayonlarida ham ishtirok etadilar. Bu hamkorlik qabul jarayonlarining shaffofligi, xolisligi hamda xalqaro standartlar asosida tashkil etilishini ta'minlashga xizmat qiladi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Summer_news #Khiva_PS Maktabimiz yoshlari ma'naviy-ma'rifiy sayohatda ishtirok etdilar. Xorazm viloyati hokimi Jo‘rabek Rahimov tashabbusi bilan "Yoshlar kuni" uchrashuvlarida ilgari surilgan takliflar asosida viloyatning faol, tashabbuskor yoshlari uchun Toshkent shahridagi Islom sivilizatsiyasi markaziga ma'naviy-ma'rifiy sayohat tashkil etildi. Ushbu sayohatda Xiva shahridagi Prezident maktabining 11-sinf o‘quvchisi Sadullayev Jasurbek hamda maktabimiz bitiruvchisi Matkarimov Matkarim ham faol ishtirok etdi. 👉 Bizning ijtimoiy tarmoqlardagi sahifalarimiz: Telegram | Instagram | Facebook| You tube

#Imtihon_2026 🔴 DIQQAT, E’LON! ✅ PREZIDENT MAKTABLARIGA KIRISH IMTIHONLARINING 1-SARALASH BOSQICHIDAN O‘TGAN TALABGORLAR DIQQATIGA! 🖌 Prezident maktablari imtihonlarining ikkinchi bosqichi 17-iyul kuni 1-smenada bo‘lib o‘tadi. ✅ Prezident maktablariga kirish imtihonlarining ikkinchi bosqichi test shaklida bo‘lib, jami 130 daqiqa vaqt ajratiladi: 🖱️ matematika fanidan tanqidiy fikrlash va muammoni yechish bo‘yicha 40 ta topshiriqni bajarishga 90 daqiqa; 🖱️ ingliz tili fanidan grammatika (Grammar component) va matn bilan ishlash (Reading component) bo‘yicha 40 ta topshiriqni bajarishga 40 daqiqa beriladi. 🔴 Eslatib o‘tamiz, talabgorlarga topshiriqlarni bajarish uchun belgilangan vaqtdan tashqari (130 daqiqa), kirish imtihonining javoblar varag‘ini to‘ldirish uchun qo‘shimcha vaqt berilmaydi.

TALABGORLAR IMTIHONGA RUXSATNOMA VA TUG‘ILGANLIK HAQIDAGI GUVOHNOMANING ASL NUSXASI BILAN KELISHLARI KERAK.

Boshqa har qanday buyum olib kirish taqiqlanadi. 🔴 Muhim eslatma: kirish imtihonlari soat 08:00 da boshlanadi. Barcha talabgorlardan imtihon o‘tkaziladigan hududga belgilangan vaqtdan oldin yetib kelishlari so‘raladi. Kirish imtihonini qayta topshirish yoki boshqa kunga ko‘chirish imkoniyati mavjud emas.

Har bir talabgorning ariza.piima.uz saytiga kiritilgan telefon raqamlariga SMS-xabarnoma yuboriladi. Shundan so‘ng, imtihon o‘tkaziladigan joy nomi va vaqti to‘g‘risidagi ma'lumotlar qayd etilgan ruxsatnomani shaxsiy kabinetingiz orqali yuklab olishingiz mumkin.

📍 Toshkent viloyati o‘quvchilari uchun imtihonlar Toshkent shahrida bo‘lib o‘tadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Imtihon_2026 📢 TALABGORLAR DIQQATIGA! 🎓 Prezident maktablariga kirish imtihonlarining 1-bosqichidan muvaffaqiyatli o‘tgan talabgorlar uchun muhim xabar! ✅ 2-bosqich imtihonida ishtirok etish uchun ruxsatnomani yuklab olish bo‘yicha SMS-xabarnomalar yuborilishi boshlandi. ✅ SMS-xabarni olgan talabgorlar shaxsiy kabinetlari orqali ruxsatnomani yuklab olib, imtihon sanasi va joyi bilan tanishishlari mumkin. Ruxsatnomani yuklab olgach, undagi quyidagi ma’lumotlarni diqqat bilan tekshirib chiqing: ✅ Talabgorning shaxsiy ma’lumotlari; ✅ Imtihon o‘tkaziladigan bino nomi va manzili; ✅ Imtihon o‘tkaziladigan sana va boshlanish vaqti. ‼️ MUHIM!

Talabgorlardan imtihon o‘tkaziladigan binoga ruxsatnomada ko‘rsatilgan vaqtdan kamida 1 soat oldin yetib kelishlari so‘raladi.

🔴 Hurmatli ota-onalar va talabgorlar! Imtihon jarayonlari belgilangan tartib va muddatlarga muvofiq tashkil etilishini ta’minlash maqsadida, sizlardan vaqt talablariga qat’iy rioya etishingizni so‘raymiz. ☎️ Qo‘shimcha ma’lumotlar uchun Call-markazning 1206 qisqa raqamiga murojaat qilishingiz mumkin.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#qabul_2026 #imtihon_natijalari 🔴 Diqqat! Hurmatli ota-onalar! 🎓 PREZIDENT MAKTABLARIGA KIRISH IMTIHONLARINING 1-SARALASH BOSQICHI NATIJALARI E'LON QILINMOQDA! ✅ Joriy yilning 25-iyun kuni o‘tkazilgan Prezident maktablarining 1-saralash bosqichi imtihon natijalari Cambridge xalqaro ta’lim tashkiloti tomonidan e’lon qilindi. ✅ Imtihon natijalarini Cambridge Assessment International Education tashkilotining quyidagi rasmiy veb-sahifasi orqali ko’rishingiz mumkin: https://www.cambridgeinternational.org/preselection-results-J26/

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#ICHO_2026 🔴 Shu kunlarda yurtimizda dunyoning eng iqtidorli yosh kimyogarlari jam bo‘lishgan. 58-Xalqaro kimyo olimpiadasida turli mamlakatlardan kelgan iste'dodli o‘quvchilar o‘z bilimlarini sinovdan o‘tkazmoqda.

Bugun olimpiada doirasida tashkil etilgan amaliy sinovlarni ko‘zdan kechirdik hamda uning yuqori saviyada tashkil etilishi yuzasidan mas'ullar bilan muloqot qildik.

Jarayonlarni kuzatar ekanmiz, ishtirokchilarning puxta tayyorgarligi, ilm-fanga bo‘lgan qiziqishi va izlanuvchanligi alohida taassurot qoldirdi. Ishonamanki, bugungi sinovlar ular uchun katta tajriba va unutilmas xotiraga aylanadi. Barcha ishtirokchilarga olimpiadada omad, muvaffaqiyat va yuksak natijalar yor bo‘lsin! ✉️ Telegram 📱 Instagram 🗳 Facebook

✅✅✅✅ 🔴 ICHO-2026 — 58-Xalqaro kimyo olimpiadasining tantanali ochilish tadbiri boshlandi.

Unda O’zbekiston Respublikasi Prezidenti Administratsiyasi rahbarining ta’limni isloh qilish bo‘yicha o’rinbosari Ilxom Siradjev, Maktabgacha va maktab ta’limi vaziri E’zoza Karimova, ta’lim sohasi mas’ullari, olimpiada ishtirokchilari, xorijiy davlatlar elchixonalari vakillari hamda yurtimiz va xorijiy ommaviy axborot vositalari vakillari qatnashmoqda.

🔰 Tadbir poytaxtimizdagi Xalqaro anjumanlar saroyida bo‘lib o‘tmoqda. 📊 Ma’lumot uchun: mazkur olimpiada bahslarida dunyoning 90 dan ortiq davlatlaridan kelgan 1000 nafarga yaqin o‘quvchilar ishtirok etmoqda. 🌐 Jarayonlarni quyidagi havola orqali JONLI EFIRda kuzatishingiz mumkin. 🌍🌍🌍🌍🌍🌍

Bizni kuzating:

❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

📰📰📰📰📰📰📰 🔴 Maktabgacha va maktab ta'limi vazirligining Fransiyadagi uchrashuvlari davom etmoqda ✅ Maktabgacha va maktab taʼlimi vazirining birinchi o‘rinbosari Sherzod Karimov  va “Hachette Livre” nashriyot guruhi rahbariyati o'rtasida 2027–2030 yillar mobaynida fransuz tili darsliklarini mahalliylashtirish va yetkazib berish bo‘yicha rasmiy kelishuv imzoladi.

Unga ko‘ra, 1–11-sinf o‘quvchilari uchun mo‘ljallangan “Passe-Passe” va “Imagine” fransuz tili darsliklari o‘zbek taʼlim muhiti va madaniy kontekstiga moslashtiriladi. Birgina 2027–2028-o‘quv yili uchun 190 000 nusxadan ortiq darslik va ish daftari yetkazib berilishi rejalashtirilgan.

Maʼlumot uchun: “Hachette Livre” – 1826 yilda asoslangan, Fransiyadagi eng yirik va dunyoning yetakchi nashriyot guruhlaridan biri. 100 dan ortiq mamlakatda faoliyat yuritib, yiliga millionlab nusxada taʼlim darsliklari, jumladan xorijiy til o‘rgatish materiallari nashr etadi. 🔰 Shuningdek,“France Education International” bosh direktori Anri Zermak bilan uchrashuv bo‘lib o‘tdi. Unda: 🔹Fransuz tilini o'qitishni rivojlantirish 🔹Pedagog kadrlar malakasini oshirish 🔹Ta'lim sifati monitoringi va baholash tizimlarini takomillashtirish 🔹DELF va DALF testlarini O‘zbekistonda kengaytirish 🔹Fransuz tilini xorijiy til sifatida o‘qitilayotgan maktablarga “France Education” leyblini taqdim qilish amaliyotini kengaytirish. kabi yo'nalishlardagi hamkorlik istiqbollari yuzasidan fikr almashildi. 🌍🌍🌍🌍🌍🌍

Bizni kuzating:

❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin