Hilola Umarova

"Yangi O'zbekiston" universiteti: dunyoning 1-raqamli oliygohi – Massachusetts texnologiya instituti bilan hamkorlikda ta'limni rivojlantirish ustida ish olib boriladi Ta’kidlash joiz, bunday keng miqyosdagi tadbir Markaziy Osiyoda ilk marotaba tashkil etilmoqda, unda o‘z sohasining eng tajribali mutaxassislari bir yerga jamlanadi. Biz mahorat darslarida yurtimiz bo‘ylab barcha oliy ta'lim muassasalarini jalb qilishni va hamkorlik aloqalarini kuchaytirishni maqsad qilganmiz. Mazkur xalqaro tadbir 29-aprel — 2-may kunlari poytaxtimizdagi “Yangi O‘zbekiston” universitetida bo’lib o’tadi. Mahorat darslarida ishtirok etish uchun quyidagi havola orqali ro’yxatdan o’tishingiz mumkin.

Qadrli ustozlar! Ayni kunlarda Maktabgacha va maktab taʼlimi vazirligi tizimidagi pedagog kadrlarini attestatsiyadan oʻtkazish jarayonlari qizgʻin davom etmoqda. Har kuni yuzlab ustozlarimiz oʻzi dars berayotgan fanlardan test topshirib, yanada yuqori malaka toifalarini egallashmoqda. Bu yilgi malaka sinov jarayonlari toʻliq avtomatlashtirilgan tizim asosida tashkil etilgan boʻlib, bu oʻz-oʻzidan jarayonlarning shaffof va adolatli oʻtkazish, inson omilini kamaytirishga xizmat qiladi. Hurmatli pedagoglar! Attestatsiya sinovlarida malaka toifasini olib berish boʻyicha turli takliflar bildirayotgan, buning uchun pul talab qilayotgan shaxslarning aldoviga uchmang va kasbiy obroʻyingizga xavf tugʻdirmang. Faqat oʻz bilimingizga tayaning, aziz ustozlar! Shu oʻrinda yana bir maʼlumot! Agar test jarayonlariga doir eʼtirozlaringiz boʻlsa,yoki korrupsion holatlarga duch kelsangiz attestatsiyaga doir murojaatlar uchun maxsus tashkil etilgan vazirlik Ishonch telefoni +998 88-827-09-09 yoki quyidagi bot manzili (https://t.me/uzedu_vazirbot)ga yuborishingizni soʻraymiz. Sizning shaxsingiz sir saqlanishi kafolatlanadi. Mazkur telefon raqami orqali sizning murojaatingiz yozib olinadi. Savollaringizga tegishli mutaxassislar tomonidan oʻrnatilgan tartibda javob beriladi. Hilola Umarova, Maktabgacha va maktab taʼlimi vaziri

Talabalarimiz Germaniyaning eng yirik kompaniyalarida amaliyot o‘tashadi 💫 Davlatimiz rahbarining topshirig‘iga binoan 2021-yil Myunxen texnika universiteti bilan hamkorlik aloqalarini o‘rnatgan edik. 🌐 Shunda “Yangi O‘zbekiston” universiteti Germaniya bilan nafaqat ta’lim, balki ishlab chiqarish, ilm-fan va madaniy sohalarda ham aloqalarni kuchaytiruvchi maskan bo‘lishi maqsad qilingan edi. Oradan 3 yil o‘tib, maqsadlarimiz o‘z mevasini berayotganidan xursandman. ✅ Xususan, Myunxen texnika universitetida Germaniyaning nufuzli universitetlari hamda nemis va o‘zbek sanoat korxonalarini birlashtiruvchi xalqaro simpozium o‘tkazildi. Bunda, “Yangi O‘zbekiston” universiteti Germaniya universitetlari tomonidan tan olinib, mazkur tadbir doirasida Germaniyaning 5 ta ilg‘or universiteti bilan to‘g‘ridan-to‘g‘ri kelishuvlar imzolandi. Shuningdek, mahalliy sanoat vakillarimiz nemis hamkasblari bilan birgalikda ta’lim borasida hamkorlikni kuchaytirishga kelishib olishdi. Eng quvonarlisi, bu ishlarimiz yoshlarimizning “BMW“, ”Siemens”, “Deloitte”, “Linde”, “Airbus” kabi dunyoning eng rivojlangan sanoat korxonalarida amaliyot o‘tash, mahalliy sanoat korxonalarimiz esa sohadagi ilmiy yondashuvni talab etadigan masalalarni ilg‘or tajriba asosida hal etish imkonini yaratadi. Bundan tashqari, Germaniyadagi eng yirik madaniy muassasalar va Bavariya parlamenti vakillari bilan uchrashuvlar o‘tkazildi. Ular bilan kelishib olingan hamkorlik yo‘nalishlari har tomonlama rivojlanishimizga yo‘l ochadi. 🎗 Ishonchim komil, bu ishlar o‘zining bundanda katta natijasini beradi. #Germaniya #simpozium #tashrif

Aziz pedagoglar! Attestatsiya jarayonlariga ham juda oz fursat qoldi. Mazkur jarayonlar sizning bilim va malakangizni sinovdan o‘tkazadi hamda yangi bilimlarni egallashingizga turtki bo‘ladi, deb ishonaman. Qadrli ustozlar! O‘ylaymanki, malaka sinovlarining adolatli va shaffof o‘tkazilishida har biringiz shaxsiy namuna ko‘rsatasiz. Siz, albatta, bilim va kasbiy tajribangiz bilan ushbu malaka sinovlaridan yorug‘ yuz bilan o‘ta olasiz. Men bunga ishonaman! Jarayonlarda barchangizga muvaffaqiyat yor bo‘lsin! P.S. Kimningdir yolg‘on va’dalariga ishonib, kasbiy obro‘yingizga xavf tug‘dirmang. Sizning obro‘yingiz bu butun tizimning yuzidir!

Qadrli hamkasblar, Avvalo, barchangizni mehr-oqibat, ezgulik va saxovat ayyomi – muborak Ramazon hayiti bilan chin qalbimdan samimiy tabriklayman hamda sizlarga mana shunday ulugʻ ayyom kunida oʻzimning ezgu tilaklarimni bildiraman. Barchamiz shu kunlarda muborak Ramazon hayiti ayyomini katta xursandchilik va mamnuniyat bilan oʻtkazmoqdamiz. Cheksiz shukronalik va ixlos bilan dildagi yaxshi niyatlarimizning amalga oshishini Yaratgandan soʻrab, yurtimiz obodligi va xalqimiz farovonligi uchun bir-birimizga ezgu tilaklar bildiryapmiz. Oʻtayotgan Ramazon oyi bir-birimizga mehr va eʼtibor koʻrsatish, koʻmakka muhtoj, ehtiyojmand kishilarga begʻaraz yordam berish, yaxshilik, sabru qanoat kabi ezgu fazilatlari bilan ham qadrlidir. Hurmatli ustozlar, Barchangizni yana bir bor Ramazon hayiti ayyomi bilan qutlagan holda, sizlarga sihat-salomatlik, baxt-saodat, xonadonlaringizga fayzu baraka tilayman. Hilola Umarova, Maktabgacha va maktab ta'limi vaziri

“Turon” maktab teatri Respublika tanlovi: iqtidor egasi bo‘lgan o‘quvchilarimiz o‘zlarini sinab ko‘rishmoqda O‘quvchilarimizni bolaligidan boshlab adabiyot, san’at va madaniyatga muhabbat ruhida tarbiyalash, ularning shaxsiyatiga go‘zallik va ezgulikni singdirish, dunyoqarashini shakllantirishda muhim o‘rin tutadi. Bunda estetik did, ijodkorlik qobiliyati o‘sadi. Hozirda xuddi shu maqsadda tashkil etilgan “Turon” maktab teatri tanlovining tuman bosqichi Respublikamiz bo‘ylab bo‘lib o‘tmoqda. Unda maktablarimizning 7-10-sinf o‘quvchilaridan iborat teatr jamoalari faol qatnashib, o‘z iqtidorlarini namoyish qilishmoqda. Ushbu tanlov orqali maktablardagi teatr studiyalari faoliyatini ham qo‘llab-quvvatlashni maqsad qilganmiz. Yoshlarimiz tomonidan mahorat bilan sahnalashtirilayotgan asarlar barchamizda katta taassurot qoldirayotgani esa quvonarli. Ahamiyatlisi, bu tanlov orqali Respublikamizdagi barcha maktablarni qamrab oldik, unda 80 ming nafardan ortiq yoshlarimiz faol ishtirok etishmoqda. Tanlov g‘oliblarini rag‘batlantirishni ham rejalashtirganmiz. Gʻolib bo‘lgan maktab jamoasi xorijiy mamlakatga ta’lim sayohatiga yuboriladi. Shunday ekan, ijodiy tanlovda barcha o‘quvchilarimizga omad va muvaffaqiyat tilab qolaman.

Президент Юнусобод туманидаги 5-мактабда яратилган шароитлар билан танишди Prezident.uz|Facebook|Instagram|YouTube|X

✅ "Raqamli avlod qizlari-2024" Respublika tanlovining tantanali taqdirlash marosimi bo‘lib o‘tdi. ➖ Unda Saida Mirziyoyeva ham qatnashgani ishtirokchi qizlarimizni behad quvontirdi va ular uchun katta motivatsiya bo‘ldi. ❗️5 kun davom etgan ushbu IT tadbirimizda butun Respublika bo‘ylab 3000 nafarga yaqin qizlarni qamrab oldik. Zamonaviy kasblarni egallashga ishtiyoqi bo‘lgan qizlarimiz sonining kundan-kunga oshib borayotgani juda quvonarli holat, albatta. Ularning shijoati, yangi bilimlarni egallashga chanqoqligi ko‘ngillarimizni faxr va iftixorga to‘ldiryapti. ⚡️Yakuniy natijalarga ko‘ra ishtirokchi qizlarimiz 4 ta yo‘nalishda g‘oliblikni qo‘lga kiritishdi: ➖ Digital Art yo‘nalishida: "Milliy va zamonaviy liboslar uyg‘unligi" loyihasi, ➖Startap loyihalar yo‘nalishida: "Choose and cook" loyihasi, ➖ Grafik dizayn yo‘nalishida: 70 yil avval va so‘nggi 7 yilda xotin qizlarga berilayotgan imtiyozlar tahliliga bag’ishlangan taqdimot, ➖ Startap loyihalar yo‘nalishida: "Bir qadam" loyihalari g‘olib deb topildi. ❕Gʻoliblar Birlashgan Arab Amirliklariga ta’lim sayohatini qo‘lga kiritishdi. Barcha ishtirokchilarimizni samimiy tabriklab, ularning kelgusi faoliyatida ham omad tilayman! ⚡️Qizlarimiz o‘z ustlarida ishlab, bundan keyingi “Raqamli avlod” loyihalarida ham muvaffaqiyatli ishtirok etishadi, deb umid qilaman.

#Raqamli_avlod_qizlari 📣 Axborot texnologiyalariga qiziquvchi eng faol qizlar Birlashgan Arab Amirliklariga ta'lim sayohatiga yuboriladi! ✅ Maktabgacha va maktab ta’limi vazirligi tomonidan o‘quvchilarni IT sohasiga qiziqtirish hamda shu yo‘nalishdagi tashabbuslarni qo‘llab-quvvatlash maqsadida "Raqamli avlod qizlari-2024" Respublika tanlovi bo'lib o'tmoqda. ❗️Tadbir joriy yilning 29-martiga qadar davom etadi, unda offlayn tarzda 200 nafarga, onlayn shaklda esa 3000 nafarga yaqin qizlar qamrab olindi. Bu yilgi tadbirda: ➖Digital Art, ➖3D Modelling, ➖Sun'iy intellekt, ➖Startup loyihalar, ➖Grafik dizayn kabi yo‘nalishlarda gibrid darslar o'tkazilmoqda. ⚡️Shuningdek, bu yil ilk bora loyiha doirasida "Liderlar maktabi" yo'nalishi qo'shilgan bo'lib, unda mustaqil loyihalar ustida ishlash hamda IT sohasida xalqaro grantlar yutish haqida ma'lumot berilmoqda. ➖ Bugun mashg'ulotlardan tashqari xorijiy va mahalliy spikerlar bilan uchrashuvlar o'tkazildi. Xususan: 🔹"Yangi O'zbekiston" universiteti professsor-o'qituvchisi, misrlik Islam Elhadary tomonidan "Ayollarning veb dizayn bilan shug'ullanishi haqida 5 afsona" 🔹 T&T Progress asoschisi Tursunoy Usmonova tomonidan “Ayol-qizlar uchun chet elda o’qish grantlari va dasturlari” mavzularida davra suhbatlari tashkil etildi. ❕Respublika tanlovi mashg'ulotlarida eng faol qatnashgan qizlar BAAga ta'lim sayohatini qo'lga kiritishlari mumkin. Telegram | Facebook | Instagram | YouTube

Aziz hamkasblar, qadrli yurtdoshlar! Barchangizni olamga surur, dillarga huzur bag‘ishlab kirib kelgan Navro‘z ayyomi bilan samimiy muborakbod etaman! Sharqona yangi yil bo‘lmish Navro‘z murabbiy kabi borliqqa yangilanish, yasharish, gullab-yashnashni o‘rgatadi, ezgulikdan saboq beradi. Uning tashrifi olamga nurafshonlik baxsh etgani kabi qadrdon ustozlarimiz ham navqiron shuurlarga ma’rifat ziyosini ulashadi. Bu yilgi ko‘klam tashrifi har qachongidan qutlug‘ kelishini, osmonimiz hamisha bugungidek tinch va musaffo bo‘lishini, dehqonlarimiz xirmoniga baraka, ustozlarimiz faoliyatiga faqat muvaffaqiyatlar olib kelishini tilayman! Yana bir bor Navro‘zi olam muborak bo‘lsin! Hilola Umarova, Maktabgacha va maktab ta’limi vaziri