Umar Sadullayev | Blog

Sizlarni bilmadim-u, man shu akaga besh ketaman. 😄 Tanimaydiganlar bormi ? Odam-podammas-a ? #respect @JoshDeveloper

Yil sarhisobi. "Challenge"ni davom ettirgan holda, bir yillik e'tiborga arzigulik narsalar va keyingi milodiy yilga rejalarni ulashsam. 2022 - Seniorga chiqmoqchi edim. O'xshamadi. Ammo, Strong Middle bo'ldim. - Halol (nasiyaga) uy olmoqchi edik. O'xshamadi. Ammo keyingi yilda bitadigan uy topishga erishdik. Biz uchun xarom bo'lgan kreditdan Alloh asradi. - Kanalimiz ancha rivojlandi. Foydali(umid qilaman) postlar ko'proq bo'ldi. - Mockint.uz loyihasiga asos solindi. - EPAM'dan ketdim. Ammo katta oylikli ishga kirib oilamga juda katta yordam berishga erishdim. Allohni izni bilan. - Yangi bilimlar va tajriba egalladim. - Yana bir ikki narsalar... Barchasi uchun Alloh subhanu va taologa cheksiz hamd bo'lsin. Uni iznisiz hech narsa qilolmasdim. 2023(Rejalar) - Senior bo'lish ! - 14 yillik kutilgan uyimizga eson omon ko'chib olish. - Uylanish 🌚 (50/50) - Eng asosiysi, to'xtab qolmaslik. - Yana ba'zi shaxsiy rejalar. Rejalari hammanikidan ustun Zot, bizni ushbu kichik rejalarimizni xayrlilariga erishtirsin. Yangi 2023-yilni xarom amallarsiz, g'ayridinlarni odatlarisiz, archasiz, oddiy musulmon sifatida boshlayotganlarga salomlarimiz va eng yaxshi niyatlarimiz bo'lsin. @JoshDeveloper

Wijmo Grid degan UI kutubxona bor. Avvalgi loyihamda ham hozirgisida ham ishlatilgan. Shuni yomon ko'raman. 😅 Yomon ko'radiganlar bormi ? 🙋‍♂️ @JoshDeveloper

Shu, 5 ish kuni ishlaydiganlar shanba kuni ishlab beradi degan qarorni kim o'ylab topgan ekan-a ? Qachon qarama qandaydir bayram kunlari bo'lsa, shu qonun bo'yicha, 5 kunlik ish kunidagilar shanba kuni ishlab beradi deyishadi. Buyoqda xalqaro joyda ishlaydiganlarni hech o'ylashmaydi. Shanba kuni hech kim yo'q, qanday ishlaydi ? 🤷‍♂️😄 Undan ko'ra, shu kuni dam olish yo'q 5 kunliklarga desin, baribir shu kuni ishlaymizda biz 😄 Davlatimizda bir ajoyib qonunlar bor-a e ? 😄 @JoshDeveloper

Trenddan qolmay 🌚 Kanalimizni bir yillik statistikasi. 📈 @JoshDeveloper

JS is Weird! Ha gapimga qo'shilasiz, men esa bir saytni nomini yozdim tepada 😄 JavaScript'dagi "g'alati" savollar yozilgan quiz sayt ekan. Ishlab ko'ring. Rostan ham tepadagi gapga ishonasiz. 🙂 Aslida, JS'dagi "g'alati" narsalarni g'alati deb bo'lmaydi. Shunchaki JS'ni tushunish kerak xolos. Tushunmagan savolingizni shu post kommentiga qoldiring va "discuss" qiling. "JS is not weird, it is by default" 😄 Sayt linki: https://jsisweird.com/ @JoshDeveloper

Chatni yopdim 😄 Qarasam bugun chiqqan "bug"larini alamini bir biridan olishyapti odamlar chatda 😄 Tepadagi mavzuni yopganimiz ma'qul. Aytgancha, o'zimni ham Frontint.uz kursim chiqyapti kamiga yaqinda 🤷‍♂️, tag'in o'zimni "reyd" qilmanglar-a 😄(hazil) @JoshDeveloper

Tepadagi mavzu ortidan kutilmagan narsalar bo'ldi bugun. Ba'zi yaqinlarimiz bilan oramizda sovuqchilik ham tushishga ulgurdi. Buni xohlamagandim. Ammo, tepadagi so'rovnomam kimgadir adovatdan yoki qasddan emas. Biror bir shaxsga ham to'g'ridan to'g'ri qaratilmagan. Balki, chin ma'noda ba'zi markazlarni sergak torttirish uchungina xolos. Bu orqali yolg'onlar, norozichiliklar, birovni haqqini yeyish kabi illatlar kamayishidan umid qilingan. Ammo... Hamayli. Alloh niyatimizni bilguvchi. Kim nima deb o'ylasa bemalol. @JoshDeveloper

So'rovnoma. O'quv kurslari-yu markazlarini sifatli bo'lishini, yolg'onlar aralashmasligini xohlaysizmi ? Unda keling bir ish qilamiz. Bilishimcha Sardor aka o'quv kurslar va markazlarga kamchiliklari haqida aytishni boshlabdilar. Bu orqali, sifat oshishi turgan gap. Qabul qilishmasa va ummatga yolg'on ishlatib, hiyla orqali yoki sifatsiz "mahsulot" yetkazib berayotganlari uchun nomlarini oshkor qilinar ekan. Bu ish menga yoqdi. Manfaatli bo'lishiga ishonaman. So'rovnoma shuki, oramizda kim shunday yolg'on kurslarga yoki markazlarga, sifatsiz yoki juda past sifatli kurslarga "tushgan" bo'lsa, kommentda nomlarini oshkor qilmasdan yozsin. Sizga bog'lanishadi, tekshirishadi va u markazga ogohlantirish berishadi. P.s: Sardor akani o'zlarini WebBrain o'quv markazlaridan ham shikoyatlaringiz bo'lsa, bu bo'yicha neutral ravishda o'zim shug'ullanaman. Markaz ajratish bo'lmaydi. Shunchaki kommentda WebBrain haqida shikoyatingiz borligini qoldiring. #UmmatgaSifatliTalimBeraylik @JoshDeveloper

Noto'g'ri tushunmanglar-u, IT blogger sifatida IT sohasida "sifat"ni oshirish uchun biroz qattiqroq harakat qilishim kerakligini tushundim. Ha, biroz yoqimsiz inson sifatida ko'rinaman shu biznes egalariga. Ammo, umumiy ma'noda shunday qilish orqali boshqa o'quv kurslari va markazlari ham, reklamani oylikka, pulga taqayverishdan voz kechishga o'tishadi deb umid qilaman. Sardor akani ushbu videolaridagi holatlar ham kam emas. Bunga asosiy sabablardan biri odamlar shu kabi "reklama"larga uchishida. Kimnidir biznesiga, o'quv markaziga hech qanday adovatim yo'q. Aksincha hursandman va yordamlashishga ham tayyorman. Faqat, bizni ummatga sifatli ta'lim olib kirishsin, tamom. Qattiqroq postlar chiqargan bo'lsam, yoki chiqarsam kelajakda, oldindan uzr :) @JoshDeveloper

Bugun Linkedin'da bir masterklass reklamasini ko'rib qoldim. "Agar sizning oylik maoshingiz 300$ va 1000$ atrofida bo'ladigan bo'lsa ..." Qarasam, 1 oylik masterklass reklamasi ekan 😄 Unaqamasda endi... @JoshDeveloper

Oldindan mani nomimga mahalla qilib qo'yishibdimi deyman-a ? 😄 #joke @JoshDeveloper

Zamonaviy firibgarlarga aldanmang! Yoshlarning IT haqida to'liq tushunchalari yo'qligi sababi o'zbek bozorida IT qallobligi ko'payib bormoqda.  Natijada esa norozi talabalar, ota-onalarning qiynalib topgan pullari havoga sovurilishi va yoshlarning IT dan ko'ngli sovushiga olib kelmoqda. Biz bu videoni yoshlarni aldayotgan firibgar o'quv markazlar va yolg'onchi IT blogerlarini ogohlantirish maqsadida ommaga chiqardik. Agarda o'zlarini yig'ishtirib kontentlarini to'g'irlashmasa ovoz o'chirilgan kadrlarning ovozi bilan ijtimoiy tarmoqlarda ko'rishlari mumkin bo'ladi! Shunday firibgar o'quv markazlar tuzog'iga tushgan faqatgina bir talaba bilan bo'lgan suhbatlashdik. Yana qanchadan qancha yoshlar bularning tuzog'iga tushishgan? Bu videoni ko'rib nafaqat o'sha ayrim qo'shtirnoq ichidagi o'quv markazlar balki yoshlarimiz ham xulosa chiqarishlarni so'rab qolamiz. 👉 To'liq videoni ko'rish Webbrain — Sizning buguningiz va ertangiz biz uchun muhim! 📞 33 576 20 20 📍 64-uy, Bunyodkor koʻchasi, Chilonzor. Instagram | Facebook You tube | Telegram

Bugundan stackoverflow.com ga nafaqat javob topish uchun, balki orada javob berish uchun ham kirishni boshlayman. Kimdir bergan savolga, birinchi javobimni berdim bugun. O'zim uchun qiziqarli mashg'ulot bo'lyapti. Ham stackoverflow'ga hissamni qo'shib, odamlarga yordam beryapman, ham o'zimni eski bilimlarimni yangilayapman, ham yangi bilimlar o'rganyapman. Shunaqa gaplar 🙂 Aytgancha, Happy Weekend 🎉 @JoshDeveloper

Shu, profiliga "Lead Senior+ Full stack Backend React MEVN Web Frontend Programming Developer" qilib yozib qo'yadiganlarni hech tushunmaymanda... 🤷‍♂️ P.s: Sal bo'rttirildi. Ammo haqiqatga yaqin 😄 @JoshDeveloper

JavaScript'da o'zi nechta scope bor ? 🤔 1. Global Scope 2. Function(Local) Scope 3. Block Scope 4. Module Scope Module Scope'ni ko'pchilik bilmasligini aytibdi. Men ham birinchi eshitganimda, biroz o'ylanib qolgandim. Chunki ko'p manbalar bu haqida gapirmaydi. Aslida, bizda har bir modul uchun alohida Scope bor. Bunga misol import qilgan biror modulingizni ichidagi oddiy o'zgaruvchiga import qilayotgan moduldan turib kira olmasligingiz. Shunaqa gaplar 🙃 @JoshDeveloper

Motivatsiya deganga, tepadagi mavzuga aloqador bir yaqinda eshitgan motivatsion gap esimga tushib ketdi. "Hard times create strong men, strong men create good times, good times create weak men, and weak men create hard times" ©️ G. Michael Hopf Tepadagi gaplar, hayotimda juda ko'p kuzatgan haqiqatlardan biri. Ba'zi istisnolar uchramasa albatta. Insonni irodasi va tarbiyasiga ham bog'liq. Josh*Motivator deb kanal ochsam bo'larkan-a ? 😄 Training'lar ochvorsam, soqqa qilarmidim 🤔😄 @JoshDeveloper

Motivatsiyani bozordan "sotib oling" yohud muzlagan jajji qo'llar Ko'p motivatsion videolarni ko'rsangiz: "Sen uddalaysan, yorasan!" degan odamlar chiroyli joylarda, juda yaxshi sharoitda o'tirgan bo'ladi. Balki shungami yoki boshqa sabab gaplarida ta'sir unchalik kuchli emas. Meni fikrimcha motivatsiya olishning eng zo'r yo'li erta tongda yoki kechqurunda bozorga borishdir. Chunki u joyda har qanday sovuq bo'lmasin, qiyin, og'ir ish bo'lmasin oilasini boqaman deb chiqqan yosh bolakaylardan tortib yoshi 60 dan oshiq onaxonlarni ham hayot uchun kurashayotganiga guvoh bo'lasiz. Qani aytingchi jajji barmoqlariga puflab isitaman deb turgan bolakaydan ham ko'proq motivatsiya beradigan nima bor? Uchirib yuboradigan sovuqda, bo'ynini yelkasiga qisib, nigohlarini yerga qaratgan holda o'yga tolib turgan onaxon yoki kiyimlaridan tushayotgan yomg'ir tomchilari ko'z yoshi bilan qo'shilib, hech kimga sezilmayotgan ayoldan ham ko'proq sizga kim motivatsiya bera oladi birodarim? Qarib, kuchdan qolgan otaxon o'ziga bir necha barobar katta yukni, yuzidagi ajinlarni yana ham sezdirib yuboradigan darajada qiynalib tortib ketishichi? Alloh bergan ne'matlar atrofimizda shu darajada ko'pki shukr qilib sanog'iga yeta olmaymiz. Biz kompyuterimiz kuchsizligidan, oyligimiz biz xohlagandek emasligidan, oyoq kiyimimiz o'tkan yilgi "eski modadagisi" ekanligidan nolib turganimizda hayotda bu kabi holatlar ham bo'lib turipti. O'zimizni isloh qilaylik... @islom_aliy

Kanaldagi eski maqolalarni qidirib topa olmayotganlar diqqatiga, hamma maqola va podcast'lar @JoshDeveloper_Bot'ga joylandi. Bemalol shuyerdan qidirib topishingiz mumkin. Kanalda turgan eski "menyu" kattalashib ketgani sabab, boshqa foydalanilmaydi. Botdan topsangiz bo'ladi foydali postlarim, maqola va podcast'larimni. @JoshDeveloper