Surxondaryo viloyati pedagoglarni yangi metodikalarga o‘rgatish milliy markazi

Qadrli hamkasblar, hurmatli pedagoglar! Avvalo barchangizni chinakam insoniylik, ezgu qadriyatlar, o‘zaro hurmat, mehr-saxovat ayyomi — Qurbon hayiti bayrami bilan samimiy tabriklayman hamda o‘zimning eng ezgu tilaklarimni bildirib qolaman. Muhtaram Prezidentimiz boshchiligida mamlakatimizda Uchinchi Renesans davrining poydevori aynan ta’lim islohotlari asosida qurilayotganligi va bu jarayonda siz aziz hamkasblarimiz sidqidildan ishtirok etayotganingiz tizim yetakchisi sifatida meni juda xursand qiladi. Bu jarayonlarda sizlar bilan bir safda yelkama-yelka turib xizmat qilish men uchun ham faxr, ham ulkan mas’uliyatdir. Shuni unutmasligimiz kerakki, ta’lim sohasi millatimiz yuksalishi hamda uning kelajak rivojida muhim rol o‘ynaydi. Bu haqiqatni barchangiz teran anglagansiz. Shu boisdan sizlarni hech ikkilanmay ana shu savobli ishlarning mohir muhandislari, deb atasam, mubolag‘a bo‘lmaydi. Aziz do‘stlar, muhtaram ustozlar! Barchangizni muqaddas Qurbon hayiti bayrami bilan yana bir bor muborakbod etaman. Oilangizga xotirjamlik, baxt va omad hamisha hamroh bo‘lishini tilayman. Hilola Umarova, Maktabgacha va maktab ta’limi vaziri

2024-yil  14-iyun kuni Surxondaryo viloyati pedagoglarni yangi metodikalarga o‘rgatish milliy markazi "Ijtimoiy-iqtisodiy fanlar metodikasi" kafedrasi katta o‘qituvchisi Risolat Usmonaliyeva tomonidan tarix guruhi tinglovchilari bilan “Tarix fanidan zamonaviy pedagogik texnologiyalarning amaliyotga joriy etilishi. Darsliklar, qo‘shimcha adabiyotlar va internet resurslaridan foydalanish” mavzusida mahorat darsi tashkil etildi. Dars jarayonida tinglovchilar kichik guruhlarda ishlash orqali "Klaster", "Nima? Qayerda? Qachon?", "Pinbord" ,"Brifing" metodlaridan foydalangan holda amaliy mashg‘ulotda faol ishtirok etdilar.    Dars qiziqarli va taassurotlarga boy bo‘ldi.

Ўзбекистон халқига Қурбон ҳайити табриги — Поздравление народу Узбекистана с праздником Курбан хайит Prezident.uz|Facebook|Instagram|YouTube|X

TABRIKLAYMIZ! Maktabgacha va maktab ta’limi vazirining 2024-yil 7-fevraldagi ʼʼO‘qituvchilarning ilg‘or tajribasi va faoliyati davomida qo‘llab kelayotgan zamonaviy metodikalarni ommalashtirish tartibini takomillashtirish toʻgʻrisidaʼʼgi 32-sonli buyrugʻiga asosan Surxondaryo viloyati Termiz shahridagi 6-sonli umumtaʼlim maktabi oliy toifali musiqa fani oʻqituvchisi Musayeva Xolida Panji qizning metodik tavsiyasi respublika miqyosida ommalashtirildi.

TABRIKLAYMIZ! Surxondaryo viloyati Termiz shahridagi 9-sonli umumiy o'rta ta'lim maktabining boshlang'ich sinf o'qituvchisi Safarova Shahnoza Abdusalomovna, Jarqo'rg'on tumanidagi 35-sonli umumiy o'rta ta'lim maktabining boshlang'ich sinf o'qituvchisi Djiyanova Go'zal Maxamadiyevna hamda Qumqo'rg'on tumanidagi 3-sonli umumiy o'rta ta'lim maktabining boshlang'ich sinf o'qituvchisi Mavlanova Shohsanam Shaydullayevnalarning ish tajribalari respublika miqyosida ommalashtirildi.

PEDAGOGIKA MARKAZIDA RESPUBLIKA ILMIY-AMALIY ANJUMANI O‘TKAZILDI 2024-yil 23-may kuni Surxondaryo viloyati pedagoglarni yangi metodikalarga o‘rgatish milliy markazida “Boshlang‘ich ta’lim tizimini takomillashtirishda xalqaro tajribalarning o‘rni va ahamiyati” mavzusida respublika ilmiy-amaliy anjumani o‘tkazildi.

2024-yil 13-iyun kuni Surxondaryo viloyati pedagoglarni yangi metodikalarga o'rgatish milliy markazida malaka oshirayotgan maktabgacha ta'lim tashkiloti guruhi tinglovchilari viloyat qoʻgʻirchoq teatrida "Quvnoq arava" sahna ko'rinishini tomosha qilib madaniy hordiq chiqarishdi. Tomosha soʻngida tinglovchilar qoʻgʻirchoq teatrining bolalar hayotidagi tarbiyaviy ahamiyati haqida oʻz fikrlarini bildirishdi.

TA’LIM DARAJASI YUQORI BO‘LMAGAN MAKTABLARGA MANZILLI METODIK YORDAM KO‘RSATISH Ta'lim darajasi yuqori bo'lmagan maktablarga "Metodik tur" doirasida uzluksiz metodik yordam ko'rsatish uchun Maktabgacha va maktab ta'limi boshqarmasi hamda Pedagogika markazi direktorining 2024-yil 30-maydagi Qo'shma buyrug'i tasdiqlandi. Bugun Maktabgacha va maktab ta'limi boshqarmasi hamda Pedagogika markazi bilan hamkorlikda viloyatimizdagi 74 ta maktablar direktorlari va ularning o'rinbosarlari ishtirokida Zoom platformasi orqali yig'ilish o'tkazildi. Yig'ilishda ushbu maktablarga fan metodistlari tomonidan "Metodik tur" tadbiri doirasida manzilli metodik yordam berish rejasi bo'yicha batafsil tushunchalar berildi. Shuningdek, umumta'lim maktablarida talim-tarbiya sifati va samaradorligini oshirishda maktabgacha va maktab ta'limi boshqaruvi idoralari va ta'lim muassasalari rahbarlarining shaxsiy mas'uliyatini oshirish bo'yicha tegishli tavsiya va ko'rsatmalar berildi.

Kuni kecha Surxondaryo viloyati pedagogogika markazida “Filologiya fanlarini o‘qitishda zamonaviy yondashuvlar: muammo va yechimlar” mavzusida viloyat o‘quv-amaliy seminari bo‘lib o‘tdi. Seminarni markaz direktori o‘rinbosari I. Hojiboyev ochib berdi. Shundan so‘ng “Tillarni o‘qitish metodikasi” kafedrasi mudiri B.Umarov “O‘qituvchilarning yangi darsliklar bilan ishlash ko‘nikmasini rivojlantirish” mavzusida ma’ruza qildi. Ona tili va adabiyot fani metodisti R. Mamatqulova tomonidan ommalashtirish.uz platformasiga metodik ishlarni joylashda yo‘l qo‘yilgan kamchiliklar va ularni bartaraf etish yuzasidan tavsiyalar berib o‘tildi. Tadbirda fan metodistlari D.Axmedova, N.Fozilova, S. Muxammadiyev, markaz professor-o‘qituvchilari hamda fan yo‘nalishi bo‘yicha tajribali o‘qituvchilar faol ishtirok etdilar. Tadbir davomida tajribali o‘qituvchilar tomonidan murakkab mavzular bo‘yicha mahorat darslari tashkil etildi. Seminar yakunida faol ishtirokchilar tashakkurnoma bilan taqdirlandilar.

#ijodiy_uchrashuv Joriy yilning 8-iyun kuni Surxondaryo viloyati pedagoglarni yangi metodikalarga o‘rgatish milliy markazida “Do‘stlik” ordeni sohibi, taniqli shoir Shodmonqul Salom bilan ijodiy uchrashuv tashkil etildi. Qizg‘in suhbat va savol-javoblarga boy bo‘lgan uchrashuvda tinglovchilar shoir Shodmonqul Salom va uning ijodiy faoliyati bilan yaqindan tanishdilar. Shoir suhbat jarayonida o‘zining ijod maydonidagi ilk qadamlari xususida to‘xtalib, bunda ustozlarining nechog‘lik beqiyos o‘rni borligini ta’kidlab o‘tdi. Ijodkor o‘zi haqidagi ba’zi xotiralar bilan o‘rtoqlashar ekan, Usmon Azim, Shukur Xolmirzayev va Abdulla Oripovning ijodi haqida to‘lqinlanib so‘zladi hamda o‘zining she’rlari bilan professor-o‘qituvchilar va tinglovchilarni mamnun qildi. Ishtirokchilar o‘zlarini qiziqtirgan savollar yuzasidan batafsil javoblar olishdi.