Дөрес сүзгә җавап юк!

Дөньядагы иң яхшы һәм иң матурны күреп тә, кагылып та булмый. Тик йөрәк белән тоеп була. Хелен Келлер

Матурлык һәр нәрсәдә бар. Аны бөтен кеше дә күрә генә белми.

Кешедәге матурлыктан көчлерәк матурлык юк дөньяда. Хәй Вахит

Кешеләрнең сиңа нинди мөнәсәбәттә булуларына игътибар итмә, үзеңнең аларга нинди мөнәсәбәттә булуыңа игътибар ит. Хань Сян-цзы

Башкаларның сине ничек күрүе мөһим түгел. Үзеңне ничек күрүең генә мөһим.

Тормыш әлифбасын гомер буе өйрәнергә тырыш. Фәнис Яруллин

Әгәр кеше сиңа тартылмый икән, аны иректә калдыр.

Кеше үзен күпмегә бәяли, ул шулкадәр тора. Галимҗан Гыйльманов

Бөтен дөнья сиңа каршы кебек тоелса да, исеңнән чыгарма: самолет җилгә каршы күтәрелә. Генри Форд

Артка юлны яба торган карарлар була. Аларны, һичшиксез, кабул итәргә кирәк.

«Үз кешең»не эзлә. Парыңны түгел, ә нәкъ менә «үз кешең»не. Син аны тиз таныячаксың. Чөнки сез охшаш булачаксыз, гәрчә беренче карашка төрле булып тоелсагыз да. Эльчин Сафарли

Тормыш безне акылга утыртмасын өчен без өч тиенлек акылыбызны гел тулыландырып торырга тиеш.

Кешене яшәтер өчен бер җылы сүз, бер караш җитә.

Тормышта матурлыкны һәр нәрсәдә күреп була: яшен һәм буран вакытында, аяк астында һәм күктә, ябык һәм ачык күзләр белән... Барысы да безнең ничек кабул итүдән тора... Күзләрегез, йөрәгегез һәм җаныгыз күргән һәр нәрсәдән куаныч алыгыз.

Беркайчан да искерми торган вакыйгалар була. Шуңа да аларны "хатирә" дип атыйлар.

Һәр сәламәт хатын-кыз бала таба ала, әмма бу әле "АНА" дигән бөек исемгә лаек була ала дигән сүз түгел.

Беркайчан да бирешмә!

Вакыт җил булып уйный, болытлар булып агыла. Ә күңелдә — өметне җуясы килмәгән тынлык. Марсель Галиев

Мәктәптә безне "Әлеге мисалның чишелеше юк" дип язарга өйрәтәләр. Әмма тормыш чишелмәслек мәсьәләнең дә чишелешен таләп итә...

Бары тик кешенең гамәлләре генә аның нинди шәхес булуы һәм үзеңә карата мөнәсәбәте турында сөйли. Бары күзәтегез. Шул вакытта чынбарлыкны күрерсез. Бернард Шоу