Дөрес сүзгә җавап юк!

Һәр үткән хата өчен кайгыру — иң зур хата. Мөхәммәд Али

Яхшы гадәт начар гадәтне куар. Татар халык мәкале

"Иван Грозный Казанны алыр өчен бик күп гаскәр үтертергә мәҗбүр булганга вә Казан мәдәниятенең өстенлеген сизгәнгә, татарлар тагы бердән баш күтәрмәсеннәр өчен, Казанны алыр-алмас, аның беренче эше бөтен Казан татарын кылычтан кичерү, бөтен шәһәрне талау, бөтен байлыкларны җимерү вә утка ягу булды. Хан сарайлары, мәдрәсәләр, мәсҗедләр, китапханәләр, кәрвансарайлар вә йортлар йир берлә бертигез булганча ватылды. Тарихта бер охшашы күрелмәгән бу рус вәхшилеге Казанның үзендә генә түгел, егерме-утыз чакрымлык Казан тирәсендә дә һичбер татар авылы калдырмады, Казанны бөтенләй христианлаштыру вә руслаштыру нияте берлә, анда ничә меңнәрчә рус китереп, бичара татарга үзенең Казанында торуны, яшәүне дә мәнгы итте." Гаяз Исхакый isxaki.com

Ир-ат белән күңелсез яки күңелле булырга тиеш түгел. Аның белән җылы, ышанычлы һәм тыныч булырга тиеш!

Шик-шөбһәләр безне курыкмаган очракта табарлык нәрсәләрне югалтырга мәҗбүр итәләр. Уильям Шекспир

Тәвәкәлләргә һәм ватык тагарак янында калырга курыкма. Аны яхшырак итү өчен берни дә эшләмичә, ватык тагарагың янында гомер буе утырып калудан курык.

Сер яшерен булуы белән кадерле.

Үз гомеремдә мин бик күп ишеттем — ант, вәгъдә, комплиментлар, тик мин ишеткән иң яхшы нәрсә — тынлык. Анда ялган юк.

Беренче адымны яса. Барысы да алай ук куркыныч түгел икәнен шул чакта аңларсың. Сенека

Мәхәббәтең бакага төшсә, күл буеннан китмәссең.

Ничек чынга ашырырга икәнен белмәгәнгә генә хыялларыңны үзгәртмә.

Тамчы тама-тама таш тишә.

Караңгылыкны сүккәнче, бер нәни шәм кабызып куй. Конфуций

Аты шәп хуҗаның атлавы да шәп. Марсель Галиев

Кешене ямьсез сүз әйтеп төзәтеп булмый. Туфан Миңнуллин

Кешеләрдән матурлык белән йомшак ягын эзләүче түгел, ә гади булып калып, шатлык өләшүче күркәм!

Дөнья — китап ул. Сәяхәт итмәүчеләр аның бер сәхифәсен генә укый. Аврелий Августин

Ахирәт оҗмахында Сез дөньялыкта яраткан кешегез белән булырсыз, ИншаАлла. Мөхәммәд (с.г.в)

Китапларны яндырудан да хәтәррәк җинаятьләр бар. Мәсәлән, аларны укымау. Рэй Брэдбери

Һәр кешенең язмышы үз кулында. Дөнья артыннан куганда, Ахирәткә барасыңны онытмыйча, ялгышлардан сакланып, үз-үзеңә ышаныч һәм намус белән яшәргә кирәк!