Дөрес сүзгә җавап юк!

Берәү кеше ялгышын күреп өйрәнә, икенче үзе ялгыша-ялгыша өйрәнә. Флүс Латыйфи

Мәңгелек дөньяны мизгел белән үзгәртәм дип яшә. Шәүкәт Галиев

Ачу килү изгелекләрне оныттыра. Ризаэтдин Фәхретдин

Акыл сатмау хәерле. Саткан әйбер кире кайтмый ул. Бикә Рәхимова

Бер Аллаһка ышану һәр балага туганда ук бирелгән. Бары тик ата-аналар гына алардан иудей, христиан яки мәҗүси ясый. Сахих аль-Бухари

Бәхет үзе килми, ияреп тә йөрми, аны эзләп табалар...

Җыябыз, җыябыз да ул белемне, шуңа таянып болыннарны юк итәбез, матурлыкны, җанны юк итәбез. Алар урынына ясалма болыннар, ясалма җаннар уйлап табабыз. Фәүзия Бәйрәмова

Без гел ашыгабыз, җитешмибез, яратып бетермичә дә онытырга тырышабыз, барысын да иртәгәгә калдырабыз. Ә бит "иртәгә" булмаска да мөмкин!..

Күп наданга иярүгә караганда, аз галимгә иярү яхшырак. Ризаэтдин Фәхретдин

Хыялсыз кеше – канатсыз кош ул! Хыял кешене яшәтә! Матурлыкка, яктылыкка, сафлыкка чакырган йолдыз ул! Таҗи Гыйззәт

Аллаһның биргәненә шөкер итегез, һәм шул вакытта иң бай кешеләрдән булырсыз.

Йөз явызлыкны бер дөреслек җиңә. Татар халык мәкале

Вокзал — ашыгучылар иле. Монда бар да вакытлыча, тормыштагы кебек... Марсель Галиев

Кем булып тууың түгел, кем булып үлүең мөһим. Мөхәммәд Окар

Тауның күрке — таш, башның күрке чәч булыр.

Мәхәббәт үзе якты хис, тик караңгы почмак ярата.

Кызның иң матур киеме – тыйнаклык. Аны салмыйча йөрегез.

Вакыт кадерен белмәүчегә сәгать телен күрсәтә. Шәүкәт Галиев

Үзебезне яхшы кешеләр һәм фикерләр белән чорнасак, тормыш яхшы якка үзгәрә башлый.

Сине яраткан кешедән көлү – иң түбән гамәл.