Kosonsoy "Hazrati Umari Odil" jome masjidi (Кӯлбоғ)

#Haj2026 Ҳожини покловчи муборак майдон 📱 YouTube | 📱 Instagram | 📱 Facebook 📲 ВОҚЕАЛАРНИ БИЗДА КУЗАТИНГ ✅ УЛАШИНГ🗣

#Haj2026 Арафотдаги ибодат завқи 📱 YouTube | 📱 Instagram | 📱 Facebook 📲 ВОҚЕАЛАРНИ БИЗДА КУЗАТИНГ ✅ УЛАШИНГ🗣

АРАФА КУНИНИНГ ЭНГ ЯХШИ ДУОСИ Набий соллаллоҳу алайҳи васаллам: "Дуоларнинг яхшиси арафа кунидаги, мен ва мендан олдинги набийларнинг "Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъала кулли шайин қодийр", деб айтган дуосидир", дедилар. 📱 YouTube | 📱 Instagram | 📱 Facebook 📲 ВОҚЕАЛАРНИ БИЗДА КУЗАТИНГ ✅ УЛАШИНГ🗣

БИТТА ҚЎЙНИ БУТУН ОИЛА НОМИДАН ҚУРБОНЛИК ҚИЛИШ МУМКИНМИ? #қурбонлик ❓2107-САВОЛ: Бутун оила учун битта қўйни қурбонлик қилса, ҳамманинг номидан ўтадими? Бир ҳадисда “Киши ўз номидан ва оила аъзолари номидан битта қўйни қурбонлик қилар, ундан ўзлари ҳам ер ва бошқаларга ҳам едиришар эди”, дейилган экан. 💬ЖАВОБ: Бисмиллаҳир Роҳманир Роҳим. Ҳа, шу мазмунда ҳадис бор. Лекин битта ҳадисни ушлаб, шу мазмундаги бошқа ҳадисларни кўрмай туриб, ҳукм чиқариш хато ҳисобланади. Ватандошимиз, буюк фақиҳ, аллома Косоний раҳимаҳуллоҳ масалани атрофлича ёритиб бериш билан бирга бу борадаги эътирозларга ҳам жавоб бериб ўтганлар: “Қурбонликнинг миқдорига келсак, қўй ва эчки фақат бир кишининг номидан ўтади. Ҳатто у қурбонликка ярайдиган иккита қўйга тенг келадиган даражада катта ва семиз бўлса ҳам”. Шундан сўнг ҳукмни қуйидагича изоҳлайди: “Сабаби бу бобда Аллоҳга яқинлик ҳосил қилинадиган асосий амал қон чиқаришдир. Қон чиқариш эса бўлинишни қабул қилмайди, чунки у битта сўйиш амалидир. Биз бу (туя ва қорамолда етти кишигача шерик бўлиш) жоизлигини фақатгина ҳадис орқали билдик. Шу сабабли, қўй масаласидаги ҳукм қиёс қоидасида қолди (яъни, унда шериклик қилиб бўлмайди). Агар Расулуллоҳ соллаллоҳу алайҳи васаллам иккита оқ-қора рангли қўчқор қурбонлик қилиб, уларнинг бирини ўзлари учун, иккинчисини эса қурбонлик қилолмаган умматлари учун сўйганлари ривоят қилинган-ку. У зот алайҳиссалом қандай қилиб бутун умматлари номидан битта қўйни қурбонлик қилдилар, дейилса, бунинг жавоби қуйидагича бўлади: Пайғамбаримиз алайҳиссалом бу ишни фақатгина савоб учун қилганлар. Яъни, у зот битта қўй қурбонлигининг савобини ўз умматларига бағишлаганлар. Бу билан умматнинг зиммасидан қурбонлик қилиш мажбурияти соқит бўлмаган ва улар учун қурбонлик ўрнида ўтмаган”. Демак, битта оилада бир шахс нисобга эга бўлса ва у ўз номидан битта қўйни сўйиб, савобига бошқаларни шерик қилса бўлади. Лекин бир хонадонда бир неча шахс нисобга эга бўлса, барчалари алоҳида қўй сўйишлари ёки биргаликда, етти кишигача қорамолга шерик бўлишлари лозим бўлади. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

ҚУРБОНЛИККА ҚЎЙ СОТИБ ОЛГАН ОДАМ ВАФОТ ЭТИБ ҚОЛСА, ҚЎЙНИ НИМА ҚИЛИНАДИ? #қурбонлик 2106-САВОЛ: Бир киши қурбонлик қилиш мақсадида қўй сотиб олди. Аммо ҳайит кунлари тугамасдан аввал вафот этгани учун жонлиқни сўя олмади. Қурбонликка деб сотиб олинган қўйни нима қилинади? ЖАВОБ: Бисмиллаҳир Роҳманир Роҳим. Қурбонлик учун қўй сотиб олган одам сўймасдан туриб вафот этган бўлса, унинг зиммасидан қурбонлик соқит бўлади ҳамда мазкур қўй мерос молига айланиб, меросхўрлар ҳақи бўлиб қолади. Агар меросхўрларнинг барчаси рози бўлиб, ўша қўйни маййитнинг номидан сўйсалар, яхшилик қилган бўладилар ва қурбонликнинг савоби марҳумга етади. Гўштини эса хоҳласалар, ўзаро бўлишиб олишлари, хоҳласалар, бошқаларга ҳам беришлари мумкин. Агар марҳум вафотидан олдин мазкур қўйни сўйишни васият қилган бўлса, қўйни унинг номидан сўйиш лозим бўлади ва гўштининг ҳаммаси фақирларга садақа қилинади. Ундан ўзлари ҳам, бойлар ҳам ея олмайди. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

#МАҚОЛА #ҚУРБОНЛИК #ИБОДАТ ҚУРБОНЛИК — ТАҚВО ВА АЛЛОҲГА ЯҚИНЛИК ИБОДАТИ •┈┈•┈┈•⊰✿🍃🌸🍃✿⊱•┈┈•┈┈•   «Қурбонлик» сўзи луғатда «яқинлик содир этиш», «яқин бўлиш» маъноларини англатади. Шариатда эса Аллоҳ таолонинг розилигини топиш ниятида Қурбон ҳайити кунларида махсус ҳайвонларни сўйишдир. Батафсил..... Ҳабибулло Мўминжонов, Косонсой тумани "Исломхон" жоме масжиди имом хатиби Bizni ijtimoiy tarmoqlarda kuzatib boring! 👇👇 🌐www.Ravza.uz | 📝Telegram 💻Instagram | 📝Facebook |  🎞Youtube 📲Sahifalarimizga obuna boʼling va ulashing!

#МАҚОЛА #ҚУРБОНЛИК #ТАҚВО ҚУРБОНЛИК — ТАҚВО ВА ИТОАТ РАМЗИ •┈┈•┈┈•⊰✿🍃🌸🍃✿⊱•┈┈•┈┈•   Қурбонлик вақти Қурбон ҳайити куни тонг отиши билан киради. Аммо қурбонлик ҳайит намозидан кейин сўйилиши керак. Бу ҳақда Баро ибн Озиб розияллоҳу анҳудан ривоят қилинади. Расулуллоҳ соллаллоҳу алайҳи васаллам дедилар: “Бу кундаги биринчи ишимиз ҳайит намозини ўқишдир. Сўнг қайтиб қурбонлик қиламиз. Ким шундай қилса, суннатимизга мувофиқ иш қилибди. Ким намоздан олдин сўйса, у қурбонлик эмас, балки аҳли учун тайёрлаган гўшт бўлади.” (Имом Бухорий ривояти) Батафсил..... Жаъфархон Суфиев, Тўрақўрғон туман “Исҳоқхон тўра” жоме масжид имом хатиби Bizni ijtimoiy tarmoqlarda kuzatib boring! 👇👇 🌐www.Ravza.uz | 📝Telegram 💻Instagram | 📝Facebook |  🎞Youtube 📲Sahifalarimizga obuna boʼling va ulashing!

#МАҚОЛА #ЗУЛҲИЖЖА #ТАКБИРИ_ТАШРИҚ ЗУЛҲИЖЖАНИНГ ЎН КУНИ ВА ТАКБИРИ ТАШРИҚ ҲУКМЛАРИ •┈┈•┈┈•⊰✿🍃🌸🍃✿⊱•┈┈•┈┈•      Имом Абу Юсуф ва Имом Муҳаммад фатволари: Такбир арафа куни (9-зулҳижжа) бомдод намозидан бошлаб, ҳайитнинг тўртинчи куни, яъни охирги ташриқ куни (13-зулҳижжа) аср намозигача давом этади. Жобир ва Али розияллоҳу анҳумодан ривоят қилинган ҳадислар ҳам буни қувватлайди Батафсил..... Муҳаммадхон Абдураҳманов, Наманган шаҳар “Мулла Исмоил” жоме масжиди имом-хатиби Bizni ijtimoiy tarmoqlarda kuzatib boring! 👇👇 🌐www.Ravza.uz | 📝Telegram 💻Instagram | 📝Facebook |  🎞Youtube 📲Sahifalarimizga obuna boʼling va ulashing!

✅ Улашинг: @diniysavollar

#Haj2026 Мино водийсидаги ибодат файзи 📱 YouTube | 📱 Instagram | 📱 Facebook 📲 ВОҚЕАЛАРНИ БИЗДА КУЗАТИНГ ✅ УЛАШИНГ🗣

🌙 ТАКБИРИ ТАШРИҚ АЙТИШНИ УНУТМАНГ

اللهُ أكبر اللهُ أكبر لا إلهَ إلَّا الله واللهُ أكبر اللهُ أكبر ولله الحَمْد Ўқилиши: Аллоҳу акбар, Аллоҳу акбар, Лаа илааҳа иллаллоҳу валлоҳу акбар, Аллоҳу акбар ва лиллааҳил ҳамд. Маъноси: Аллоҳ буюкдир, Аллоҳ буюкдир. Аллоҳ таолодан ўзга илоҳ йўқдир. Аллоҳ буюкдир, Аллоҳ буюкдир ва ҳамд Аллоҳ таоло учундир.

Такбири ташриқ 26 май бомдод намозидан бошлаб ҳайитнинг тўртинчи куни, яъни 30 май аср намозига қадар айтилади: • 26 май — 5 маҳал • 27 май — 5 маҳал • 28 май — 5 маҳал • 29 май — 5 маҳал • 30 май — 3 маҳал Жами 23 маҳал намозда такбири ташриқни бир маротаба айтиш вожиб амал саналади. Ушбу такбир хоҳ жамоат билан, хоҳ ёлғиз ўқилган ҳар бир фарз намоздан кейин айтилади. Аёллар такбири ташриқни махфий айтадилар. 🕌 Намозга кечикиб қўшилган киши ҳам намозини тўлиқ ўқиб бўлганидан кейин такбири ташриқни айтади. Ўзбекистон мусулмонлари идораси Фатво маркази. 📱 YouTube | 📱 Instagram | 📱 Facebook 📲 РАСМИЙ САҲИФА ✅ УЛАШИНГ🗣

🇺🇿 ҚУРБОН ҲАЙИТИГА ҲАДЯЛИ ТАНЛОВ 📱 @shayx_nuriddinxoliqnazar телеграм канали Қурбон ҳайити муносабати билан ҳадяли танлов эълон қилади. Унда телеграмнинг тасодифий танлови билан @shayx_nuriddinxoliqnazar канали аъзолари орасидан танланган 15 кишига бир чораклик Telegram Премиум ҳадя қилинади.

✅Танлов иштирокчиси бўлиш учун @shayx_nuriddinxoliqnazar телеграм каналига аъзо бўлишнинг ўзи кифоя.

⚡️ Ғолиблар номи Қурбон ҳайити куни соат 18:00 да маълум қилинади.

🤝 Марҳамат, ҳали аъзо бўлмаган бўлсангиз, улгуриб қолинг. Тасодифий танловда омадингизни синаб кўринг.

🌙 Телеграм каналимизга содиқ қолиб, доимий равишда бизни кузатиб, қўллаб-қувватлаб келаётган азиз обуначиларимизга самимий миннатдорлик билдирамиз!

⏺ Қурбон ҳайитингиз муборак бўлсин! 📱 YouTube | 📱 Instagram | 📱 Facebook 📲 РАСМИЙ САҲИФА ✅ УЛАШИНГ🗣

ҚЎЙ ОЛТИ ОЙДА БИР ЁШ БЎЛАДИМИ? #қурбонлик ❓2105-САВОЛ: Қўй олти ойда бир ёш бўладими ва шу ёшдаги қўйни қурбонлик қилиш мумкинми? 💬ЖАВОБ: Бисмиллаҳир роҳманир роҳим. Фиқҳий манбаларда қурбонлик қилинадиган ҳайвонларнинг ёшлари батафсил айтиб ўтилган. Ана шу маълумотларга кўра қўй олти ойда эмас, туғилганига 12 ой бўлганда бир ёшга тўлади ва шу ёшдаги қўйни қурбонлик қилса бўлади. Қўй олти ойда туғилгани учун олти ойда бир ёшга тўлади дейиш мантиқсизлик ҳам бўлади. Чунки қорамоллар ҳам, инсонлар ҳам тўққиз ойда дунёга келади. Лекин ҳеч ким уларни тўққиз ойда бир ёш бўлади, демайди. Фуқаҳоларимиз бошқа ҳайвонлардан фарқли ўлароқ қўйнинг олти ойга тўлиб, еттинчи ойга ўтганини, ёшига тўлган қўйларга аралашган пайтда жуссаси улар билан бир хил бўлгани боис улардан ажратиб бўлмайдиган даражада бўлса, уларни қурбонлик қилиш мумкин деганлар. Валлоҳу аълам. Ўзбекистон мусулмонлари идораси Фатво маркази. 👍YouTube 👍Instagram 👍Facebook 👍Ummalife 😎 РАСМИЙ САҲИФА ✅ УЛАШИНГ🗣

#Haj2026 Ҳаж амалини адо этиш учун Минога йўл олинди 📱 YouTube | 📱 Instagram | 📱 Facebook 📲 ВОҚЕАЛАРНИ БИЗДА КУЗАТИНГ ✅ УЛАШИНГ🗣

#Muslim_podcast  📱🗣MUJTAHID KIM VA BUGUN BU MAQOMGA YETGAN INSONLAR BORMI? 🎙 Ekspert: Habibulloh domla Jo‘raboev – O‘zbekiston musulmonlari idorasi Fatvo markazi katta ilmiy xodimi 🎞 Toʼliq👉FULL HD: @muslim_podcast_uzda koʼring! 📝 Mazkur podkast Din ishlari bo‘yicha qo‘mitaning xulosasi asosida tayyorlandi. 🥺Telegram🛍Instagram 🤪Facebook😍YouTube 🟢 MUSLIM.PODCAST.UZ GA 📲 OBUNA BO'LING ✅ VA ULASHING🗣

ҚУРБОНЛИК ҚИЛИШДАН АВВАЛ ТАОМЛАНМАСЛИК #қурбонлик ❓737-CАВОЛ: Қурбон ҳайити куни қурбонлик қилишдан аввал бирор нарса емай туришнинг диний асоси борми? 💬 ЖАВОБ: Бисмиллаҳир Роҳманир Роҳим. Қурбонлик қиладиган киши қурбонлик қилишдан аввал бирор нарса емай туриши Пайғамбаримиз алайҳиссаломнинг муборак суннатларидир. Бурайда разияллоҳу анҳудан ривоят қилинган ҳадисда шундай дейилади: "كَانَ النَّبِيُّ صلَّى الله عليه وسلَّم لَا يَخْرُجُ يَوْمَ الفِطْرِ حَتَّى يَطْعَمَ، وَلَا يَطْعَمُ يَوْمَ الأَضْحَى حَتَّى يُصَلِّيَ" وفي روايةٍ: «وَلَا يَطْعَمُ يَوْمَ النَّحْرِ حَتَّى يَذْبَحَ» وزاد أحمد وغيرُه: «فَيَأْكُلَ مِنْ أُضْحِيَتِهِ» “Набий саллаллоҳу алайҳи васаллам Рамазон ҳайити куни таом емасдан олдин намозга чиқмас эдилар. Қурбон ҳайити куни эса намозни ўқиб бўлмагунча бирор нарса емас эдилар”, дейилган (Имом Термизий ривояти). Бошқа ривоятда: “Қурбонлик куни жонлиқ сўйгунларига қадар бирор нарса емас эдилар”, дейилган бўлса, Имом Аҳмад ва бошқаларнинг ривоятида: “Қурбонлик учун сўйган жонлиқларидан таомланар эдилар”, дейилган. Шунга кўра уламоларимиз, қурбонлик қилмоқчи бўлган киши қурбон ҳайити куни то ийд намозини адо этиб, жонлиқни сўйиб, унинг гўштидан таом тайёрлаб емагунича бирор нарса тановул қилмай туриши мустаҳаб эканини таъкидлашган. Агар қурбонлик қилмайдиган киши бўлса, бу ишда ихтиёрлидир (Мулла Али ал-Қори, “Мирқотул-мафотиҳ” китоби). Набий алайҳиссаломнинг ушбу суннатларидан кўзланган ҳикмат борасида уламолар турли фикр билдирганлар. Баъзи уламоларга кўра, Набий алайҳиссалом бу билан фақир саҳобалар билан тенг таомланишни мақсад қилганлар. Чунки суффа аҳлидан бўлган саҳобаларнинг ўша даврларда ейдиган таомлари йўқ эди. Улар қурбонлик қилган мусулмонларнинг берган таомларидан қорин тўйғазар эдилар. Шунингдек, бунда Аллоҳ таолога шукроналик маъноси ҳам бор. Чунки ўша кунги биринчи тановул қиладиган таоми қурбонлик ибодатидан ҳосил бўлган таом бўлса, Аллоҳ таолонинг ушбу ибодатни жорий қилиб, бандани бу дунёда ҳам охиратда ҳам неъматлантиришига шукр қилади. Қолаверса, бу билан Аллоҳ таолонинг қуйидаги буйруғига амал қилган бўлади: ﴿فَكُلُواْ مِنۡهَا وَأَطۡعِمُواْ ٱلۡبَآئِسَ ٱلۡفَقِيرَ ﴾ (الحج 28) “Бас, ундан (қурбонлик гўштидан) ўзларингиз ҳам еяверингиз, бечора камбағалларга ҳам едирингиз!” (Ҳаж сураси, 28-оят). Валлоҳу аълам. Ўзбекистон мусулмонлари идораси Фатво ҳайъати. @diniysavollar Савол йўллаш 📲 @SavollarMuslimUzBot YouTube | Instagram | Facebook | Tiktok

ҚАЙСИ БИРИНИ ҚУРБОНЛИК ҚИЛИШ АФЗАЛ? #қурбонлик ❓736-CАВОЛ: Эркак ёки урғочи ҳайвонлардан қайси бирини қурбонлик қилиш афзал? 💬 ЖАВОБ: Бисмиллаҳир Роҳманир Роҳим. Аслида, қурбонлик учун эркак ҳайвон бўлсин, урғочи бўлсин гўшти кўпроғи афзал ҳисобланади. Чунки бунда камбағаллар учун манфаат бор. Қолаверса, баъзи ҳадисларда қурбонлик учун аталган ҳайвон охиратда қурбонлик қилувчининг маркаби бўлиши, қурбонлик бу дунёда қанча катта бўлса, охиратда ҳам қурбонлик қилувчига шунча яхши экани таъкидланган (Мулла Али ал-Қори, “Мирқотул-мафотиҳ” китоби). Агар қурбонлик қилинадиган ҳайвонларнинг эркак ва урғочиси гўштининг кўп-озлигида ва қийматида тенг бўлса, гўшти ширинроғи афзал бўлади. Шунга кўра, қиймати ва гўшти тенг бўлган қўйлар орасида соғлиқ қўйдан қўчқор афзал саналади. Чунки қўчқорнинг гўшти ширин бўлади. Қорамолда эса, ғунажин буқадан афзал саналади. Чунки унинг гўшти ширин бўлади. Туяда ҳам эркагидан кўра урғочисини қурбонлик қилингани афзалдир (Бурҳониддин ибн Моза, “Ал-Муҳийт ал-Бурҳоний” китоби). Валлоҳу аълам. Ўзбекистон мусулмонлари идораси Фатво ҳайъати. @diniysavollar Савол йўллаш 📲 @SavollarMuslimUzBot YouTube | Instagram | Facebook | Tiktok

ЖЎЖАЛАРНИНГ ГЎШТИНИ ЕЙИШ МУМКИНМИ? #қисқа_савол_жавоблар ❓CАВОЛ: Жияним хусусий тадбиркор. Товуқ фабрика очган. У ерда боқаётган жўжалари қирқ кунда сўйишга тайёр бўларкан. Шуларни сўйиб, дўконларга сотиш учун тарқатяпти. Шу жўжаларнинг гўштни ейиш мумкинми? 💬 ЖАВОБ: Бисмиллаҳир Роҳманир Роҳим. Аллоҳ таоло барча ҳалол ҳайвонлар-жонзотларни инсонлар учун яратган. Ейишга яроқли бўлганидан бошлаб сўйиб ейиши мумкин. Одамлар орасида қичқирмай туриб еб бўлмайди, деган тушунчани айтаётган бўлсангиз, бу беҳуда гап. Фақат сўйишда ислом шариатига мувофиқ бўлишига аҳамият берсин. Бунинг учун бундай масалани яхши биладиган бирор аҳли илм билан маслаҳат қилсин. Унинг тавсияларига асосан иш олиб борса, ўзи ҳам гуноҳкор бўлмайди. Аҳолига ҳам ҳалол, покиза гўшт етиб боришига сабабчи бўлади. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

ҚАЙНОНАМНИ НАМОЗГА ЧАҚИРОЛМАГАНИМ УЧУН ГУНОҲКОРМАНМИ? #қисқа_савол_жавоблар ❓CАВОЛ: Мен келин бўлиб тушганимга 15 йил бўлди. Аллоҳга шукр, мен ҳам фарзанларим ҳам намоз ўқиймиз. Аммо кайнонам намоз ўкимайдилар. Мен келмасимдан олдин ҳам ўқимас эканлар. Мен уларга намоз ўқинг деёлмайман. Қайнонамни қандай қилиб намозга ундасам бўлади? Бир уйда туриб намозга чақиролмаганим учун мен гуноҳкорманми? 💬 ЖАВОБ: Бисмиллаҳир Роҳманир Роҳим. Ҳақ ва тўғри йўлга ҳикмат билан, шаън, обрўларига тегмайдиган, оғир ботмайдиган шаклда етказиш керак бўлади. Бунинг учун намозга чақирувчи китоблар ҳадя қилишингиз ёки кўнгиллари ҳақни оладиган бўлиб, бўшаб турган пайтни пойлаб гапларингизни етказиб олишингиз мумкин. Ёки ёшлари тенг, ҳурмат - обрўлик таниш инсонлари орқали намозга даъват қилишингиз ҳам мукин. Хуллас имкониятдан келиб чиқиб, намозга чақирилади ва албатта, бу йўлда сабр қилинади. Аллоҳ таоло намозга буюришда сабр-қаноатли бўлишга буюрган. Сиз сабабли ҳидоятга келишлари, сиз учун дунёдаги энг қиммат бойликдан ҳам фойдалироқ. Шу билан бирга ҳақларига дуо қилишни ҳам унутманг. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar

ОЁҒИНИ БУКА ОЛМАЙДИГАН БЕМОР ИНСОННИНГ НАМОЗИ #қисқа_савол_жавоблар ❓CАВОЛ: Мени оёқларим оғрийди ва чап оёгим яхши букилмайди. Ўтирганда оёгимни узатиб ўтираман, табиийки намозни ҳам шу ҳолда ўқийман. Буни ҳукми қандай? 💬 ЖАВОБ: Бисмиллаҳир Роҳманир Роҳим. Оёғини бука олмайдиган ёки букса қаттиқ оғрийдиган кишилар зарурат юзасидан намозда оёқларини қиблага узатиб ўтирса бўлади. Валлоҳу аълам.

Ўзбекистон мусулмонлари идораси
Фатво маркази.

🔗 Улашинг: @diniysavollar