Ye ortodox tewahido mezmurat

​​እንኳን ለእመቤታችን ቅድስት ድንግል ማርያም የልደት በዓል በሰላም አደረሳችሁ #መዝ. 86፥1 “መሠረታቲሃ ውስተ አድባር ቅዱሳን፡- መሠረቶቿ የተቀደሱ ተራሮችናቸው” ዮም ፍሥሐ ኮነ በእንተ ልደታ ለማርያም በእመቤታችን ልደት ምክንያትዛሬ ደስ ሆነ፡፡ በግንቦት 1 ቀን 5ሺ ከ5መቶ የመከራው ዘመን ሊያልቅ 15 ዓመታት ሲቀሩት/ ሊባኖስ በሚባል ተራራ ከፀሐይ  የምታበራ ሴት ልጅ ተወለደች፡፡ ይህቺውም ፍጥረት ሁሉ ደቂቀ አዳም ሁላቸው ተስፋ ሲያደርጓትና ሲጠባበቋት የነበረች የድኅነታቸው ምልክት እመቤታችን ናት፡፡ ሶሪያዊው ሊቅ ቅዱስ ኤፍሬምም  “አክሊለ ምክሕነ ወቀዳሚተ መድኀኒትነ፡፡ወመሠረተ ንጽሕነ ኮነ በማርያም ድንግል:- የመመኪያችን ዘውድ የደኅንነታችን መጀመሪያ የንጽሕናችንም መሠረት በድንግል ማርያም ሆነልን” በማለት መናገሩ ስለዚህ ነው፡፡ አክሊል ምክሐነ አላት ይህም አክሊል የወዲህኛው፣ ምክሕ የወዲያኛው ነው። ከነገሥታት መካከል እንደ ዳዊት የከበረ የለም። ምንም እንኳን ቅዱስ ዳዊት የከበረ ቢሆን የመመኪያችንን ዘውድ ማምጣት አልተቻለውም፡፡ ወቀዳሚተ መድኀኒትነ አላት፡- ቀዳሚተ የወዲህኛው መድኀኒት የወዲያኛው ነው፡፡ከመሳፍንት ወገን የሚሆን ኢያሱ ምንም የስሙ ትርጓሜ መድኃኒት ቢሆን የደኅንነታ መሆን አልተቻለውም፡፡ ወመሠረተ ንጽሕነ አላት:- መሠረት የወዲህኛው፤ ንጽሕ የወዲያኛው ከነቢያተ እግዚአብሔር ወገን የሚሆን ኤልያስ በድንግልና በንጽሕና መኖሩ የሚታወቅ ነው፡፡  ነገር ግን ምንም ንጹሕ ድንግል ቢባል የንጽሕናችንመሠረት መሆን አልተቻለው። የመመኪያችን ዘውድ፣ የደኅንነታችን መጀመሪያ፤ የንጽሕናችን መሠረት ቅድስት ድንግል ማርያም ናት፤” በማለት ተናግሯል። በእርሷ ምክንያትነት መድኀኒዓለም  የሚፈጽምልንን ካሳነቢያትና የቀደሙ አበው ሁሉ  የእርሷን መወለድ በናፍቆት ሲጠባበቁ ነበር። ከነቢያት አንዱ የሆነ  ኢሳይያስም “የሠራዊት ጌታ እግዚአብሔርዘርን ባያስቀርልን  ኖሮ እንደ ሰዶም በሆንነ  እንደ ጎሞራም በመሰልነ ነበር፡፡” በማለት መናገሩ በእርሷ መገኘት  ከጥፋት መዳናችንን ሲገልጽ ነው፡፡  #ኢሳ 1፥9 #ሼር 💚 @ortodoxmezmur 💚 💛 @ortodoxmezmur 💛 ❤️ @ortodoxmezmur ❤️

☞እንኳን ለሰባተኛ የፆም ሳምንት ሰንበተ ኒቆዲሞስ በሰላም አደረሳችሁ፡፡ ☞ኒቆዲሞስ ማለት መዋዔ ሕዝብ ማለት ነው፡፡ ☞ኒቆዲሞስ የአይሁድ መምህርና አለቃ ነው፡፡ ☞ከፈሪሳውያንም ወገን የአይሁድ አለቃ የሆነ ኒቆዲሞስ የሚባል አንድ ሰው ነበረ፡፡ ☞እርሱም በሌሊት ወደ እየሱስ መጥቶ መምህር ሆይ እግዚአብሔር ከእርሱ ጋር ከሆነ በቀር አንተ የምታደርጋቸውን እነዚህ ምልክቶች ሊያደርግ የሚችል የለምና መምህር ሆነህ ከእግዚአብሔር ዘንድ እንደ መጣህ እናውቃለን አለው፡፡ ☞ኢየሱስም መልሶ እውነት እውነት እልሃለሁ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው፡፡ ☞ኒቆዲሞስም ሰው ከሸመገለ በኃላ እንዴት ሊወልድ ይችላል? ሁለኛ ወደ እናቱ ማኅፀን ገብቶ ይወለድ ዘንድ ይችላል? አለው ☞ኢየሱስም እንዲህ ሲል መለሰ እውነት እውነት እልሃለሁ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም፡፡ ከሥጋ የተወለደ ሥጋ ከመንፈስም የተወለደ መንፈስ ነው፡፡ ዳግመኛ ልትወለዱ ያስፈልጋችኃል ሰላልሁ አታድንቅ፡፡ ☞ነፋስ ወደ ሚወደው ይነፍሳል ድምፁንም ትስማለህ ነገር ግን ከወዴት መጣ ወዴትም እንዲሄድ አታውቅም ከመንፈስ የተወለደ ሁሉ እንዲሁ ነው፡፡ ☞ኒቆዲሞስ መልሶ ይህ እንዴት ሊሆን ይችላል አለው? ኢየሱስም መልሶ እንዲህ አለው፡፡ ☞አንተ የእስራኤል መምህር ስትሆን ይህን አታውቅምን?እውነት እውነት እልሃለሀ የምናውቀውን እንናገራን ያየውንም እንመሰክራለን፥ ምክራችንንም አትቀበሉትም፡፡ ☞ ሰለ ምድራዊ ነገር በነገርኀችሁ ጊዜ ካላመናችሁ ሰለ ሰማያዊ ነገር ብነግራችሁ እንዴት ታምናላችሁ? ከሰማይም ከወረደው በቀር ወደ ሰማይ የወጣ ማንም የለም እርሱም በሰማይ የሚኖረው የሰው ልጅ ነው፡፡ ሙሴም በምድረ በዳ እባብን እንደ ሰቀለ እንዲሁ በእርሱ የሚያምን ሁሉ የዘላለም ሕይወት እንዲኖረው እነጂ እንዳይጠፋ የሰው ልጅ ይሰቀል ይገባዋል፡፡ ☞በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና፡፡ ☞ዓለም በልጁ እንዲድን ነው እንጂ በዓለም እንዲፈርድ እግዚአብሔር ወደ ዓለም አላከውምና በእርሱ በሚያምን አይፈረድበትም፡፡ በማያ ምን ግን በአንዱ በእግዚአብሔር ልጅ ስም ስላላመነ አሁን ተፈርዶበታል፡፡ ☞ብርሃን ወደ አለም ሰለ መጣ ሰዎችም ሥራቸው ክፈ ነበርና ከብርሃን ይልቅ ጨለማን ሰለ ወደዱ ፍርዱ ይህ ነውና፡፡ ☞ክፍን የሚያደረግ ሁሉ ብርሃንን ይጠላልና ሥራውም እንዳይገለጥ ወደ ብርሃን አይመጣም፡፡ ☞እውነት የሚያደርግ ግን ሥራው በእግዚአብሔር ተደርጎ እንደሆነ ይገለጥ ዘንድ ወደ ብርሃን ይመጣል፡፡(የዮሐንስ ወንጌል ምዕራፍ 3 ከቁጥር 1- 21) ☞ዕድሜ እና ጤና ሰጥቶ ለዚህ ያደረሰን አምላክ ይመስገን፡፡የጭንቅ ደራሿ ድንግል ማርያም በዚህ ሰአት በጭንቅ ላይ ያላችሁ አለሁ ትበላችሁ፡፡ 👇👇👇👇👇👇👇👇👇👇👇👇 @aregawi @aregawi @aregawi

ገብርሔር_ማለት_ምን ማለት_ነው ? ➬ ገብርሔር ማለት ታማኝ አገልጋይ ማለት ነው። ገብርሄር የዓብይ ጾም ሥድስተኛ ሳምንት መጠሪያ ሲሆን ትርጉሙም ታማኝ አገለጋይ ማለት ነው። በዚህ ሳምንት ስለ ገብርሄር( ታማኝ አገለጋይ) እና ገብር—ሃካይ ( ክፉ አገለጋይ) ባርያ : መክሊት ማለትም ስለ፦ ~ባለ አምሥት መክሊት፤የተሰጠው ~ ባለ ሁለት መልክት፤ የተሰጠው እና ~ አንድ መክሊት፤ ሥለተሰጠው ባለ መክሊቶች ከነ ምስጢራቸው በሰፊው ይነገራል። ማቴ፡፳፭፦ "ወደ ሌላ አገር የሚሄድ ሰው ባሮቹን ጠርቶ እንደሰጣቸው እንዲሁ ይሆናልና፤ ለእያንዳንዱ እንደ አቅሙ ለአንዱ አምሥት መክሊት፣ለአንዱም ሁለት ለአንዱም አንድ ሰጠና ወደ ሌላ አገር ወዲያው ኼደ። አምሥት መክሊት የተቀበለው ሄዶ ነገደበት ሌላ አምሥት መክሊትም አተረፈ፣ እንዲሁ ሁለት የተቀበለውም ሌላ ሁለት አተረፈ፤ አንድ የተቀበለው ግን ሄዶ ምድርን ቆፈረና የጌታውን ገንዘብ ቀበረው። ከብዙ ዘመንም በሁዋላ የእነዚያ ባሪዎች ጌታ መጣና ተቆጣጠራቸው ፤ [፩] አምሥት መክሊትየተቀበለውም ቀረበና ሌላ አምሥት መክሊት አስረክቦ ጌታ ሆይ አምሥት መክሊት ሰጥተኸኝ ነበር እንሆ ሌላ አምሥት መክሊት አተረፍኹበት አለው። ጌታውም መልካም አንተ በጎ ታማኝም ባሪያ፡ በጥቂቱ ታምነኻልና በብዙ እሾምኻለሁ ወደ ጌታህ ደስታ ግባ አለው። [፪] ሁለት መክሊት የተቀበለው ደግሞ ቀርቦ ጌታ ሆይ ሁለት መክሊት ሰጥተኸኝ ነበር፤ እንሆ ሌላ ሁለት መክሊት አተረፍኹበት አለው ። ጌታውም መልካም አንተ በጎ ታማኝም ባሪያ፡ በጥቂቱ ታምነኻልና በብዙ እሾምኻለሁ ወደ ጌታህ ደስታ ግባ አለው። [፫] አንድ መክሊትም የተቀበለው ደግሞ ቀርቦ ጌታ ሆይ: ካልዘራህባት የምታጭድ ካልበተንኽባትም የምትሰበስብ ክፋ ሰው መሆንህን አውቃለሁ። ፈራሁም ኼጀም መክሊትህን በምድር ላይ ቀበርኩት። እንሆ መክሊትህ አለህ አለው። ጌታውም መልሶ እንዲህ አለው << አንተ ክፋ እና ሀኬተኛ ባሪያ >> ካልዘራሁባት እንዳጭድ ካልበተንኹባትም እንድሰበስብ ታውቃልህን? ሥለዚህ ገንዘቤን ለለዋጮች አደራ ልትሰጠው በተገባህ ነበር። እኔም መጥቼ ያለኝን ከትርፉ ጋር እወስድ ነበር። ሥለዚህ መክሊቱን ውሰዱበት አሥር መክሊትም ላለው ስጡት ላለው ሁሉ ይሰጠዋልና ይበዛለትማል ከሌለው ግን ያው ያለው እንኳን ይወሰድበታል። የማይጠቅመውንም ባሪያ በውጭ ወዳለው ጨለማ አውጡት በዚያ ልቅሶና ጥርስ ማፋጨት ይሆናል " ማቴ ፳፭፦፲፬-፴ => ውድ ክርስቲያኖች የጨዋይቱ የሳራ የቅድሥት ኦርቶዶክስ ተዋህዶ ልጆች መክሊታችንን እንወቅ በተሰጠን ጸጋ ቤተክርስቲያንን እናገልግል ፤ ሁላችንም የየድርሻች እንወጣ መክሊቱን ቆፍሮ እንደቀበረው ክፉ አገልጋይ ባርያ በውጭ እንዳንጣል እንትጋ። "እግዚአብሔር በደስታ የሚሰጠውን ይወዳልና እያንዳንዱ በልቡ እንዳሰበ ይስጥ፥ በኀዘን ወይም በግድ አይደለም" ፪ኛ ቆሮ ፱፦፯ "ክፉ ሰው በከንፈሩ ኃጢአት ይጠመዳል ፤ ጻድቅ ግን ከመከራ ያመልጣል። የሰው ነፍስ ከአፉ ፍሬ መልካም ነገርን ትጠግባለች፥ ሰውም እንደ እጁ ሥራ ዋጋውን ይቀበላል። የሰነፍ መንገድ በዓይኑ የቀናች ናት ፤ ጠቢብ ግን ምክርን ይሰማል ። የሰነፍ ቍጣ ቶሎ ይታወቃል ፤ ብልህ ሰው ግን ነውርን ይሰውራል። እውነተኛን ነገር የሚናገር ቅን ነገርን ያወራል ፤ የሐሰት ምስክር ግን ተንኰልን ያወራል። " ምሳ ፲፪፦ ፲፫ " ከሁሉ በሚያንስ የታመነ በብዙ ደግሞ የታመነ ነው ፥ ከሁሉ በሚያንስም የሚያምፅ በብዙ ደግሞ ዓመፀኛ ነው። "ሉቃ ፲፮፦፲ " እንግዲያስ በዓመፃ ገንዘብ ካልታመናችሁ፥ እውነተኛውን ገንዘብ ማን አደራ ይሰጣችኋል?" ሉቃ፲፮፦፲ 👇👇👇👇👇👇👇👇👇👇 @aregawi @aregawi @aregawi @aregawi

☞#ሱባዔ_ምንድን_ነው⁉ 👉 አንብቡት አጭር ነው📍🙏 ☞ሱባኤ በሰዋሰው ትርጉሙ "ሰባት"ማለት ሲሆን በመንፈስ አተረጋጎም አንድ ሰው ከዚህ ቀን እስከ ዚህ ቀን በጸሎት ከፈጣሪየ ጋር እገናኛለሁ ብሎ የሚያቅደው መንፈሳዊ ዕቅድ ነው ፡፡ ሰባት ቁጥር በእስራኤላውያን ዘንድ በሥራም በቃልም የሚገለጥ ፍጹም ቁጥር ነው፡፡ ለምሳሌ ፦ ፈጣሪ አለማት እግዚአብሔር በሰባተኛው ቀን ሥነ ፋጥረትን ከመፋጠር ማረፋ ፥ለጸሎት የሚተጉ ምዕመናን በቀን ለሰባት ጊዜ ማመስገናቸው የሰባት ቁጥር ፋጹምነት ያመለክታል ፡፡ [ዘፍ 2*2 , መዝ 118*164 ] አንድ ሰው 7 ቀናት ቢጾም "አንድ ሱባኤ ጾመ" ይባላል ፡፡ ☞ #ሱባኤ_መቼ_ተጀመረ ? የተጀመረው ከውድቀት በሓላ በመጀመርያው ሰው በአዳም ነው፡፡ ቅዱሳን መላእክት አዳምን ጸሎት እንዳስተማሩት የቤተ ክርስቲያናችን መዛግብት ያስረዳሉ በምላሹም ከልጅ ልጅህ ተወልጄ ስጋን ለብሼ ከ 5 ቀን ተኩል በኋላ አድንሃለሁ የሚለውን ቃል ኪዳን የሰማው ሱባኤ በመግባቱ ነው፡ ☞ #ሱባዔ_ለምን? የሰው ልጅ ሓጢአት በሚስማማው የሥጋ ሰውነቱ ዘወትር ፈጣሪውን ይበድላል ፡፡ በፈፀመው በደል ኀሊናው ይወቅሰዋል ይጸጸታል ፡፡በመጀመርያ ደፋሮ በሰራው ሀጥያት በኋላ ይደነግጣል ይህ በማንኛውም ሰብአዊ ፋጥረት ኀሊና ውስጥ የሚፈራረቅ ክስተት ነው ፡፡ በዚህ ግዜ የፈጣሪውን ይቅርታ ለማግኝት ያስባል ይተክዛል፡፡ ሰው በደፋርነቱ የኃያሉን አምላክ ትእዛዝ ተላልፎ አለም ሲያስጨንቀው ሸክሙን የሚያቃልልበትና የሚያስወግድበት መንፈሳዊ ጥበብ ከቸሩ ፈጣሪ ተሰጥቶታል፡፡ ይህውም በጥቂት ድካም ሥጋ ያልተወሰነ ጸጋ እግዚአብሔር የሚያገኝበት ሥርዓት ሱባኤ ነው፡፡ ➊ #እግዚአብሔርን_ለመማጸን ፦ ማንኛውም ሰው ሱባኤ ሲገባ በቁርጥ ወደ ፈጣሪው የሚያቀርበው ተማፅኖ ሊኖረው ይገባል ፡፡ ምንም የምንጠይቀው ( የምንማፀነው) ነገር ሳይኖር ሱባዔ ብንገባ የምናገኝው መልስ አይኖርም ፡፡ ስለዚህ ሱባኤ ከመግባታችን በፊት ፦ሱባዔ የምንገባው ለምንድን ነው ? በማለት እራሳችንን መጠየቅ ይኖርብናል ፡፡ ➋ #የቅዱሳንን_በረከት_ለመሳተፍ ቅዱሳን አባቶችና እናቶች የተጋደሉትን ተጋድሎ በማዘከር ቃል ኪዳን በተሰጣቸው ገዳማትና አድባራት የሚገባ ሱባኤ የቅዱሳን በረከት ተካፋይ ያደርጋል፡፡ በጾመ ነብያት የነብያትን ፤ በጾመ ሀዋርያት የሀዋርያትን ፤በጾመ ፋልሰታ የእመቤታችንን በረከት ለመሳተፋ ሱባኤ መግባት የነበረ ነው፡፡ ☞ #የሱባኤ_አይነቶች 1 የግል ሱባኤ ( ዝግ ሱባኤ) ፦ አንድ ሰው ብቻውን አመች ቦታ ማንም ሳያየው በግሉ የጸሎት በአቱን ዘግቶ በሰቂለ ኀሊና ሆኖ ፈጣሪው ብቻ እንዲያየው በኀቡዕ የሚፈፅመው ሱባኤ ነው ፡፡ 2 ,የማህበር ሱባኤ ፦ ካህናት ምዕመናን ወንዶች ሴቶች ሽማግሌወች ፤ወጣቶች ፤በአንድ ሆነው በቤተ ክርስትያንና አመች በሆኑ ቦታወች ሁሉ ተሰብስበው የሚገብት ሱባዔ ነው፡፡ 3 , የአዋጅ ሱባዔ ፦ በሀገር ላይ ድንገተኛ አደጋ ፤ አባር ቸነፈር ጦርነት ሲነሳ እንዲሁም በማህበረ ምዕመናን ላይ አስጊ የሆነ መቅሰፋት ሲከሰት እግዚአብሔር መዓቱን በምህረት ቁጣውን በትዕግስት እንዲመልስ የሚያዝ የሱባዔ አይነት ነው፡፡ ☞ቅድመ_ዝግጅት ሱባኤ ከመግባታችንም ሆነ ከገባን ግዜ እንዲሁም ከጨረስን በኋላ ምእመናን ቅድመ ዝግጅት ማድረግ ይገባናል ፡፡ ➊ #ሱባኤ_ከመግባት_አስቀድሞ ፩ በመጀመርያ ሱባዔ የምንገባበትን ምክንያት ለይቶ ማወቅ ያስፈልጋል ፡፡ ፪ ሱባኤ ለመግባት የወሰንበትን ምክንያት ከለየን በኋላ ምክንያታችንን ይዘን የንስሃ አባታችንን ማማከር ያስፈልጋል፡፡ ፫ ለምን ያህል ቀናት መቆየት እንዳለብን መወሰን ያስፈልጋል ፡፡ሱባኤ ከዚህ እስከዚህ እቆያለሁ ብለን ዕቅድ የምንይዝበት ነው፡፡ ፬ ወቅትና ቦታ መምረጥ ተገቢ ነው፡፡በቤተ ክርስቲያናችን በአብዛሀኛው ግዜ ሱባኤ የሚገባው በአጽዋማት ወቅት በመሆኑ ይህንን መለየት ነው ፡፡ምክንያቱም በጾም ወቅት ብዙ አባቶች ጸሎት የሚይዙበት ስለሆነ ፀሎታችን ከእነርሱ ጋር አብሮ ያርግልናልና ነው፡፡ እዚህ ላይ በማንኛውም ግዜ ሱባኤ አይያዝም ለማለት አይደለም በማንኛውም ግዜ ፈተና ያጋጠመው ሰው ሱባዔ ሊይዝ ይችላል፡፡ ➋ #በሱባኤ_ግዜ ሀ. በጸሎት ሰአት ዓምድና ግድግዳ ሳይደገፉ መቋሚያ ሳይዙ በሁለት እግር ቀጥ ብሎ በመቆም መጸለይ ይኖርብናል፡፡ እንዲሁም ፊትን ወደ ምስራቅ መልሶ መቆም ወደ ግራ ወደ ቀኝ አለመዟዟር በሰቂለ ህሊና ኾኖ መጸለይ ይገባል፡፡ ለ . በቅደም ተከተል መፀለይ ይገባል በመጀመርያ አአተብ ከሚለው ተጀምሮ አቡነ ዘበሰማያትን ጠቅሶ ጸሎተ ሀይማኖትን መጨረስ ፡፡ሰግዱ እና ስለ መስቀል በሚያነሳው ላይ እየሰገዱና እያማተቡ መጸለይ ፡፡ በማስቀጠል አቡነ ዘበሰማያት ፤መዝሙረ ዳዊት ውዳሴ ማርያም ሌሎችንም ማስከተል ከዚያ 41 ግዜ ኪራላይሶ ይባላል ፡፡ ሐ. በሱባዔ ግዜ ከተሐራሚው የሚጠበቀው ነገር ሐጢአቱን እያሰበ ማዘን ማልቀስ ለእያንዳንዱ በደል ማልቀስ ማዘን ይገባዋል ፡፡ መ. በመጨረሻም ሱባዔ የገባው ሰው ሱበዔውን ሳይጨርስ ወይም አቋርጦ ከማንኛውም ሰው ጋር ፈፅሞ መገናኝት የለበትም ፡፡ ➌ #ከሱባዔ_በኋላ ላቀረብነው ተማፅኖ እግዚአብሔር የሚያደርግልንን ነገር መጠበቅ ይኖርብናል ፡፡ "ሱባዔ" የገባ ሰው ሁሉ ራዕይ ላያይ ይችላል፡፡ምክንያቱም የእግዚአብሔር መልስ አሰጣጥ ለማንም ግልጽ አይደለም ፡፡ ከሱባዔ በኋላ መጀመሪያ የምናገኝው የህሊና ሰላም ነው ፡፡ ይህ ትልቅ የአምላክ ስጦታ ነው ፡፡ ከዚህ ባሻገር ሱባኤ ገብተን ያሰብነውን ካላገኝን ዳግመኛ ተዘጋጅተን እስከ መጨረሻው ሰዓት በመማፀን መጽናት ይኖርብናል፡፡፡ ወስብሐት ለእግዚአብሔር ወለወላዲቱ ድንግል ወለመስቀሉ ክብር አሜን ይቆየን 🙏 ተቀላቀሉ ቴሌግራም 👉@aregawi 👉@aregawi 👉@aregawi 👉@aregawi

☞እመቤታች ድንግል ማርያም ሆይ ☞መልካሚቱ ምድር ድንግል ሆይ ከጤነኞችም ይልቅ እኛ ሕሙማን እንሻሸለን፡፡ አንቺ የሕሙማን መድኃኒት ነሽና፡፡፡ ☞እመቤታችን ድንግል ማርያም ሆይ ከጻድቃን ይልቅ እኛ ኃጢኣን እንወድሻለን፡፡ ንሥሓ ለሚገቡ ኹሉ አንቺ አማላጃቸው ነሽና፡፡ ☞እመቤታችን ድንግል ማርያም ሆይ ከብዑላን ይልቅ እኛ ነዳያን እንወድሻለን፡፡ አንቺ የተቸገሩ መነሻ ነሽና፡፡ ☞እመቤታችን ሆይ ከፍሡሓን ይልቅ እኛ ኅዙናን እንወድሻለን የተከዙት ደስ የምታሰኚ ነሽና፡፡ ☞እመቤታችን ሆይ ከክቡራኑም ይልቅ እኛ የተናቅን እንወድሻለን አንቺ ለተናቁ ሞገሳቸው ነሽና፡፡ ☞እመቤታችን ድንግል ማርያም ሆይ ዓለም የሚጠላን እኛ ክርስቲያን እንወድሻላን አንቺ የተጠሉትንና የተናቁትን የምትወጂ ነሽና፡፡ ☞እመቤታችን ቅድስት ድንግል ማርያም ሆይ ንጹሓን የአይደለን እኛ ኃጢአትን የፈጸምን በደለኞች ልጆችሽ እንወድሻለን በኃጢአት ለተዳደፋ አንቺ በአማላጅነትሽ የሚነጹ ብሽ ነሽና፡፡ ☞ጠቢባን የእይደለን ሰነፎች እኛ እንወድሻለን የሰነፎች ጥበባቸው አንቺ ነሽና፡፡ ☞ብርቱዎች የአይደለን እና ደካሞች እንወድሻለን የደካሞች ኃይላቸው አንቺ ነሽና፡፡ ☞የአልጠገብን እኛ ርኁባን ልጆችሽ እንወድሻለን የርኁባን ጥጋብ በረከታቸው አንቺ ነሽና፡፡ ☞እመቤታችን ድንግል ማርያም በመታመን ለለመነሽ ጩኹቱን የምትሰሚ የማዳን ደጃፋ የይቅርታ በር አንቺ ነሽ፡፡ አሁንም በአማላጅነትሽ አምነው ለሚጠሩሽ ለሚማጸኑሽ ፈጥነሽ ድረሺ፡፡ ☞(ከእመቤታችን ወዳጅ ከአባ ጊዮርጊስ ዘጋስጫ ድርሰት ከሆነው"ዕንዚራ ስብሐት"ድረሰት የተወሰደው፡፡ ☞@aregawi 👉@aregawi 👉@aregawi 👉@aregawi

በሻሸመኔ ከተማ ሰማዕትነትን የተቀበሉ ኦርቶዶክሳውያን ቁጥር ሁለት ደረሰ! በሻሸመኔ ከተማ ሰማዕትነትን የተቀበሉ ኦርቶዶክሳውያን ቁጥር ሁለት የደረሰ ሲሆን በአራቱ ላይ ደግሞ ከፍተኛ ጉዳት እንደደረሰባቸው ተገለጸ። አብያተ  ክርስቲያናት ውስጥ ያሉት ምእመናን እስካሁን ድረስ በቅጽር ግቢ ውስጥ እንዳሉ ናቸው። ነገር ግን አሁን ላይ ወደ ቤተ ክርስቲያን የሚመጣውን የጸጥታ ኃይል አባላት በዱላ እያባረሩ ይገኛሉ። የከተማዋ የኦሮሚያ ልዩ ኃይል አካላት ከኦርቶዶክስ ተዋሕዶ ምእመናን ውጪ ላሉት የከተማዋ ነዋሪዎች ነጠላ በማደል ሻሸመኔ ስታዲዮም ተገኝተው ሕገ ወጡን ቡድን እንዲቀበሉ እያስተባበሩ ያሉ ሲሆን በመኪና ከተማውን እየዞሩ ቅስቀሳ በማድረግ ላይ ይገኛሉ። በዚህ ሰዓት የኢፌዴሪ መከላከያ ሠራዊት ከሻሸመኔ እስከ አርሲ ነገሌ ድረስ ያለውን ቦታ ተቆጣጥሯል። ምንጭ: እውነተኛ የተዋሕዶ ድምፅ ------------------------------------------- ሌሎችን ለማግኘት 👇👇👇👇👇👇👇👇👇 @orthodoxtewahdo14 @orthodoxtewahdo14 @orthodoxtewahdo14 ለተዋህዶ ልጆች መረጃዉን ያጋሩ!!! #share