وەزارەتی پەروەردە / Ministry Of Education
Open in Telegram
چەناڵی فەرمی وەزارەتی پەروەردەی حکومەتی هەرێمی کوردستان لە تێلیگرام. https://gov.krd/moe/
Show more📈 Analytical overview of Telegram channel وەزارەتی پەروەردە / Ministry Of Education
Channel وەزارەتی پەروەردە / Ministry Of Education (@parwardayi) is an active participant. Currently, the community unites 38 938 subscribers, ranking 4 807 in the Education category and 9 120 in the Iran region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 38 938 subscribers.
According to the latest data from 13 October, 2026, the channel demonstrates stable activity. Although there has been a change in the number of participants by 316 over the last 30 days and by -67 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 27.34%. Within the first 24 hours after publication, content typically collects 13.26% reactions from the total number of subscribers.
- Post reach: On average, each post receives 10 648 views. Within the first day, a publication typically gains 5 163 views.
- Reactions and interaction: The audience actively supports content: the average number of reactions per post is 61.
📝 Description and content policy
The author describes the resource as a platform for expressing subjective opinions:
“چەناڵی فەرمی وەزارەتی پەروەردەی حکومەتی هەرێمی کوردستان لە تێلیگرام.
https://gov.krd/moe/”
Thanks to the high frequency of updates (latest data received on 14 October, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Education category.
38 938
Subscribers
-6724 hours
-1067 days
+31630 days
Posts Archive
+5
ئێوارەی سێشەممە، ١٣ی ١٠ی ٢٠٢٦، لە ئیدارەی سەربەخۆی سۆران:
بەئامادەبوونی بەڕێزان هەڵگورد شێخ نەجیب و حەکیم تێلی لە ئیدارەی سەربەخۆی سۆران، و ڕەگەز ڕەشید، بەڕێوەبەری گشتیی دیوانی وەزارەت، و مامۆستا ئیڤان، بەڕێوەبەری گشتیی پەروەردەی سۆران، کۆبوونەوەیەکمان لەگەڵ بەڕێوەبەرانی پەروەردەکانی (سۆران، ڕەواندوز، مێرگەسۆر و چۆمان) و بەڕێوەبەرایەتییەکانی (دڵنیایی جۆریی، سەرپەرشتیکردنی پەروەردەیی، و ڕاهێنان و پەرەپێدانی سۆران) ئەنجام دا؛ بە مەبەستی پاڵپشتیکردنی زیاتری کەرتی پەروەردە لە ئیدارەی سەربەخۆی سۆراندا.
د. "ئالان حمەسعید صالح
وەزیری پەروەردەی حکومەتی هەرێمی کوردستان
+9
سێشەممە، ١٣ی ١٠ی ٢٠٢٦، ئیدارەی سەربەخۆی سۆران:
بە ئامادەبوونی بەڕێزان «هەڵگورد شێخ نەجیب» و «ئێڤار فرسەت سۆفی» و ژمارەیەک لە پەروەردەکارانی ئیدارەی سەربەخۆی سۆران، بەردی بناغەی قوتابخانەیەکی هاوچەرخی ١٨ پۆلیمان دانا بە ناوی (دکتۆر فرسەت سۆفی).
هەروەها دوو قوتابخانەی نوێمان لە قەزای ڕواندز و گوندی زاری گەلی لە سنووری ئیدارەی سەربەخۆی سۆران کردەوە.
د. "ئالان حمەسعید صالح
وەزیری پەروەردەی حکومەتی هەرێمی کوردستان
+5
یەکشەممە، ڕێکەوتی ١١ی ١٠ی ٢٠٢٦:
د. "ئالان حمەسعید صالح"
وەزیری پەروەردەی حکومەتی هەرێمی کوردستان، بە ئامادەبوونی بەڕێزان د. کریستیان ئۆلفکە، کونسوڵی گشتیی ئەڵمانیا لە هەرێمی کوردستان و بەڕێوەبەری پەیمانگەی گۆتەی ئەڵمانی و بەشێک لە ئەندامانی ئەنجومەنی وەزارەت؛ سەرپەرشتیی مەراسیمی واژووکردنی نوێکردنەوەی گرێبەستی نێوان وەزارەتی پەروەردە و پەیمانگەی گۆتەی ئەڵمانیای کرد.
ئاگادارییەک لە گوتەبێژی وەزارەتی پەروەردەوە:
وەک پێشتر ئاماژەمان پێدابوو، ئەو مامۆستا بەڕێزانەی قوتابخانەکانیان بەشدار نابن لە پرۆسەی زانستخوازیی بەردەوام (هەگبەی مامۆستا)، بەستەرێکیان ( لینک ) بۆ دادەنرێت تا بتوانن ڕاستەوخۆ چالاکییەکانیان بە ئەلیکترۆنی لەلایەن خۆیانەوە تۆمار بکەن. بەستەری ئاماژەپێکراو ئامادەیە و دەتوانن سوودی لێ وەربگرن، لەگەڵ بیرهێنانەوەی ئەم چەند خاڵەی خوارەوە کە گرنگن بۆ مامۆستایانی بەڕێزی بەشدار لەم پرۆسەیەدا:
١- هەر قوتابخانەیەک کەمتر لە ٥٠٪ی مامۆستاکانی بەشدار بن، ئەوا بەشداربوون (بۆ قوتابخانەکە) هەژمار ناکرێت، بەڵکو مامۆستاکانی ئەو قوتابخانانەش دەتوانن ڕاستەوخۆ خۆیان چالاکییەکانیان تۆمار بکەن.
٢- بۆ تۆمارکردنی چالاکییەکانتان بە شێوەی ئەلیکترۆنی، پێویستە ڕەچاوی ڕێبەری زانستخوازیی بەردەوام (هەگبەی مامۆستا) بکەن کە وەزارەت هەفتەی ڕابردوو بە شێوەی ئەلیکترۆنی بڵاوی کردەوە.
٣- ئەو مامۆستا بەڕێزانەی کە بە شێوەی ئەلیکترۆنی بەشدارن و قوتابخانەکەیان بەشداری ناکات یان کەمتر لە ٥٠٪ی مامۆستایانی بەشدارن، فلتەری پشکنین، وردبینیی دۆسیەکانیان و پەسەندکردنیان لەلایەن لیژنەیەک لە سەرپەرشتیارانەوە دەبێت کە بەڕێوەبەرایەتیی گشتیی دڵنیایی جۆری و سەرپەرشتیکردن لە وەزارەت پێکی دەهێنێت، تاوەکو دڵنیا ببێتەوە کە بەگوێرەی ستانداردەکانی ڕێبەری ئاماژەپێکراو بووە.
٤- ئەو چالاکییانەی لە فۆرمی زانستخوازیی بەردەوامدا (هەگبەی مامۆستا) هەن کە بریتین لە ١٦ چالاکی، لە ڕێککەوتی ١ی ٧ی ٢٠٢٦ تا ٣١ی ٥ی ٢٠٢٧ مافتان هەیە چالاکییەکانتان بە بەڵگەنامەکانەوە تۆمار بکەن کە لە نێوان ئەو دوو ڕێککەوتەدا ئەنجامتان داون.
٥- پاش کۆتاییی ساڵی خوێندن، لە مەراسیمێکی شایستەدا، پلەبەندیی یەکەم تا دەیەم لەسەر ئاستی کوردستان ڕادەگەیەنرێت. هەروەها ئەو قوتابخانە بەشداربووانەی بەشداربوونیان پەسەند دەکرێت (کە زیاتر لە ٥٠٪ی مامۆستاکانیان بەشدار بن)، بەڵگەنامەی ڕێزلێنانیان پێ دەبەخشرێت. هەروەها هەر مامۆستایەک نمرە بەدەستهاتووەکانی ٥٠ نمرە و بەرەو سەرەوە بێت، سوپاسنامەی فەرمی بە واژۆی وەزیر پێ دەبەخشرێت.
پەیمان خواجە
گوتەبێژی وەزارەتی پەروەردە
١١ ی ١٠ ی ٢٠٢٦
بەستەری تۆمارکردنی چالاکیەکانتان : 🔻
https://www.e-parwarda.com/Personnel/FormApplications/TeacherForm#
بادینی / سۆرانی
بەکارهێنانا پلاتفۆڕما (قوتابخانەکەم ) ژ لایێ مامۆستایێن قوتابخانەیا حەوشکێ یا بنەرەتی ل سنورێ ڕێڤەبەرییا گشتی یا پەروەردەیا دهۆکێ / پەروەردەیا سێمێلێ.
———
بەکارهێنانی پلاتفۆرمی (قوتابخانەکەم) لەلایەن مامۆستایانی قوتابخانەی حەوشکێی بنەڕەتی لە سنووری بەڕێوەبەرایەتیی گشتیی پەروەردەی دهۆک / پەروەردەی سێمێل.
لە (دواناوەندی حاجی پرشنگ) لە سلێمانی، ئەنجامدانی سیمینار بۆ قوتابیان لەلایەن مامۆستایانەوە دەربارەی پلاتفۆرمی (قوتابخانەکەم) کارێکی گرنگە بۆ شارەزابوونی قوتابیان بە پلاتفۆرمەکە و چۆنیەتیی سوودوەرگرتن لێی.
ڕێبەری مامۆستا بۆ بابەتی (خوێندنەوە ونووسین )، کە لەمساڵەوە بۆتە وانەیەکی گرنگ لە پۆلی دووەم و سێییەمی بنەڕەتی :
https://tinyurl.com/Raz-Rawa
+5
سێشەممە، ڕێکەوتی ٦ی ١٠ی ٢٠٢٦:
د. "ئالان حمەسعید صالح" وەزیری پەروەردەی حکومەتی هەرێمی کوردستان، بەشداربوو لە مەراسیمی دابەشکردنی بڕوانامەی خولی "پێداگۆجیی مۆدێرن" لە زانکۆی لوبنانی فەرەنسی (LFU).
ئەم خولە کە بۆ ماوەی ٦ هەفتە تایبەت بە مامۆستایانی وەزارەتی پەروەردە ڕێکخرابوو، ئامانج لێی بەرزکردنەوەی ئاستی توانای پیشەیی و ئاشناکردنی زیاتری مامۆستایان بوو بە نوێترین تەکنیک و میتۆدەکانی وانەگوتنەوە لە قوتابخانەکاندا.
+1
پێشبڕکێی بیرکاریی هزری بۆ لوتکەی وڵاتانی عەرەبی لە وڵاتی سعودییە بەڕێوەچوو، بە بەشداریی ٢١٠ قوتابیی لە: کوردستان، سعودییە، جەزائیر، تونس، میسر، سودان، فەلەستین، عێراق و مەغریب.
چوار قوتابیی کورد هاوشانی وڵاتان بە ئاڵای کوردستانەوە بەشداربوون و ئەنجامی نایابیان تۆمار کرد؛ پیرۆزبایی گەرمیان لێدەکەین:
عەبدولڕەحمان ئاراز (قوتابیی قوتابخانەی کامبریج لە هەولێر): توانی لە قورسترین ئاستدا (ئاستی H) زۆرترین پرسیار وەڵام بداتەوە و پلەی یەکەمی زێڕینی باڵا بەدەست بهێنێت.
لە قەزای پیرەمەگروونیش سێ قوتابی بەشداربوون:
هامنۆ: لە ئاستی F پلەی زێڕینی بەدەست هێنا.
ڕۆڤار: لە ئاستی C پلەی زێڕینی بەدەست هێنا.
ڕاڤێل: لە ئاستی G پلەی زیوی بەدەست هێنا.
ئەمە بۆ دووەم ساڵی بەردەوامە قوتابیانی کورد بەشداری لەم پاڵەوانیەتییەدا دەکەن و ئەنجامی نایاب تۆمار دەکەن.
د. "ئالان حمەسعید صالح"
وەزیری پەروەردەی حکومەتی هەرێمی کوردستان
+1
دووشەممە، ٥ی ۱۰ی ۲۰۲٦:
بە ئامادەبوونی سەرهێڵی Miyako Ikeda، بەرپرسی شیکردنەوە لە ڕێکخراوی OECD و ژمارەیەک لە ئەندامانی ئەنجومەنی وەزارەت، ئەنجامی هەڵسەنگاندنی نێودەوڵەتی PISA 2025مان خستەڕوو.
لە کۆبوونەوەکەدا، خاتوو میکاو سەرەتا دۆخی پەروەردەییی جیهان و پاشان هەرێمی کوردستانی خستەڕوو؛ لە دوای ئەوەش ئەنجامەکانی هەڵسەنگاندنەکەمان سەبارەت بە هەرێمی کوردستان ڕوونکردەوە.
لەڕێگەی ئەم بەستەرەوە (لینک) هەردوو پێشکەشکاریی (پڕێزنتەیشن) OECD و وەزارەتی پەروەردە دەخەینەڕوو.
https://tinyurl.com/Pisa-pisa-2025
د. ئالان حمەسعید صالح
وەزیری پەروەردەی حکومەتی هەرێمی کوردستان
ڕاگەیەندراوی وەزارەتی پەروەردە بەبۆنەی ڕۆژی جیهانیی مامۆستایان و ڕۆژی مامۆستایانی کوردستان
مامۆستایانی بەڕێز،
بەبۆنەی هاتنەوەی ٥ی تشرینی یەکەم (ڕۆژی جیهانیی مامۆستایان) و ٦ی تشرینی یەکەم (ڕۆژی مامۆستایانی کوردستان)، گەرمترین پیرۆزبایی وەزارەتی پەروەردەی حکومەتی هەرێمی کوردستان ئاراستەی سەرجەم مامۆستایانی بەڕێز و ماندوونه‌ناسی کوردستان دەکەین.
مامۆستایان لە مێژووی سەربەرزانەی گەلەکەماندا، هەمیشە وەک ڕووناککەرەوەی ڕێگەی هۆشیاری، پەروەردە و پێگەیاندنی نەوەکانی داهاتوو ڕۆڵی سەرەکییان بینیوە. بەتایبەتی لە سەردەمە سەختەکاندا، بە ورە و دڵسۆزییە بەرزەکەیان بەردەوامییان داوە بە پرۆسەی پەروەردە و فێرکردن و بارودۆخە جیاوازەکانیان تێپەڕاندووە تا ڕووناکی زانست لە پۆلەکاندا بگەشێتەوە.
لەم دوو ڕۆژە شکۆدارەدا، هاوسۆزی و ڕێزی بێپایانمان بۆ سەرجەم مامۆستایانی کوردستان دووپات دەکەینەوە، و بەڵێنی پشتیوانیکردنی مامۆستایانی ناوچە کوردستانییەکانی دەرەوەی ئیدارەی هەرێم دەردەبڕین. لە هەمان کاتدا، سوپاسی بێپایانی مامۆستایانی خانەنشینکراو دەکەین کە ڕێچکەشکێنی ئەم کاروانە پیرۆزە بوون.
وەزارەتی پەروەردە جەخت لەسەر بەردەوامیی هەوڵەکانی دەکاتەوە بۆ پێشخستنی کەرتی پەروەردە، باشترکردنی ژینگەی خوێندن، و دابینکردنی ماف و شایستەکانی مامۆستایان بەپێی تواناکان؛ چونکە بڕوامان وایە مامۆستا کۆڵەکەی سەرەکییە بۆ دروستکردنی کۆمەڵگەیەکی پێشکەوتوو و ئاوەدان.
دووبارە ڕۆژی جیهانیی مامۆستایان و ڕۆژی مامۆستایانی کوردستان لە سەرجەم مامۆستایان پیرۆز بێت.
وەزارەتی پەروەردە
٥ی تشرینی یەکەمی ٢٠٢٦
ڕێبەری دڵنیایی جۆریی : پرۆسەی زانستخوازی بەردەوام ( هەگبەی مامۆستا) .
https://tinyurl.com/Rrbar-2026
لە دووشەممە 5 ی 10ی 2026وە (202) سمارت بۆردی دیکە بۆ قوتابخانە حکومییەکان فەراهەم دەکەین.
کۆی گشتیی ئەو هۆبانەی خوێندنی حکومی کە لە ماوەی ساڵێکدا سمارت بۆردیان بۆ دابینکراوە دەبێتە 611 ژووری خوێندن
وەزارەتی پەروەردەی حکومەتی هەرێمی کوردستان
لەگەڵ دەستپێکی ساڵی نوێی خوێندن لە مانگی ٩ی ٢٠٢٦، ژمارەی بەکارهێنەرانی پلاتفۆرمی (قوتابخانەکەم) لە مامۆستایانی بەڕێز و قوتابییانی خۆشەویست گەیشتە ١٨٨,٥٦٩ بەکارهێنەر.
ئەم پێشوازییە گەرمە ئاماژەیەکی ڕوونە بۆ هەنگاونان بەپێی سەردەم و سوودوەرگرتنی بەرفراوان لە تەکنەلۆجیا لە پرۆسەی پەروەردە و فێربووندا.
د. "ئالان حمەسعید صالح"
وەزیری پەروەردەی حکومەتی هەرێمی کوردستان
سێشەممە، ٢٩ی ٩ی ٢٠٢٦: پێشوازیم کرد لە قوتابی بەهرەمەند (سان سزا جمال عبدول) لە پۆلی حەوتەمی بنەڕەتی لە قوتابخانەی (کوردجینیەس ) ،
بە ناوی وەزارەتی پەروەردەوە، گەرمترین پیرۆزبایی ئاراستە دەکەم بۆ بەدەستهێنانی پلەی دووەم لەسەر ئاستی جیهان لە ئۆڵۆمپیادی بیرکاری (STEM 2026). دەستخۆشی لە خۆی، خانەوادە بەڕێزەکەی و مامۆستا دڵسۆزەکانی دەکەم و هیوای ئاییندەیەکی گەشی بۆ دەخوازم.
د. ئالان حمەسعید صالح
وەزیری پەروەردەی حکومەتی هەرێمی کوردستان
