Urdu Post - اردو پوسٹ

یقین اور بھروسہ میں فرق ایک آدمی دو بہت اونچی عمارتوں کے درمیان تنی ہوئی رسی پر چل رہا تھا۔ وہ بہت سکون سے، دونوں ہاتھوں میں ڈنڈا پکڑے، توازن قائم رکھے ہوئے تھا۔ اس کے کاندھے پر اُس کا بیٹا بیٹھا تھا۔ زمین پر کھڑے تمام لوگ دم سادھے یک ٹک اسے دیکھ رہے تھے۔ جب وہ بخیریت دوسری عمارت تک پہنچ گیا تو لوگ تالیاں بجانے لگے اور اس کی خوب تعریف کی۔ آدمی نے مسکرا کر مجمع کی طرف دیکھا اور بولا، ”کیا آپ لوگوں کو یقین ہے کہ میں واپس اسی رسی پر چلتا ہوا دوسری طرف پہنچ جاؤں گا؟“ لوگ یک زبان ہو کر بولے، ”ہاں، ہاں! تم کر سکتے ہو۔“ اس نے پھر پوچھا، ”کیا آپ سب کو مجھ پر بھروسہ ہے؟“ لوگوں نے جواب دیا، ”ہاں، ہم تم پر شرط لگا سکتے ہیں!“ آدمی مسکرایا اور بولا، ”ٹھیک ہے، تو کیا آپ میں سے کوئی میرے بیٹے کی جگہ میرے کاندھے پر بیٹھے گا؟ میں اسے بحفاظت دوسری طرف لے جاؤں گا۔“ یہ سنتے ہی مجمع پر خاموشی چھا گئی۔ سب ساکت ہو گئے۔ کہانی کا مقصد یہ ہے کہ یقین الگ چیز ہے اور بھروسہ الگ۔ بھروسہ کرنے کے لیے انسان کو اپنی انا اور خوف دونوں فنا کرنے پڑتے ہیں۔ اور آج اسی چیز کی ہم سب میں کمی ہے۔ ہم اللہ تعالیٰ پر یقین تو رکھتے ہیں مگر بھروسہ نہیں کر پاتے۔ حالانکہ اللہ تعالیٰ نے قرآنِ کریم میں فرمایا ہے، جب کسی بات کا پختہ ارادہ کر لو تو اللہ پر بھروسہ کرو۔ یقیناً اللہ بھروسہ کرنے والوں کو پسند فرماتا ہے۔ #منقول@islamicpi