ParalympicUz

Para yengil atletika. Terma jamoamiz Jahon chempionatiga jo‘nab ketdi Joriy yilning 17-25 may kunlari Yaponiyaning Kobe shahrida para yengil atletika bo‘yicha Jahon chempionati bo‘lib o‘tadi. Parij-2024 yozgi Paralimpiya o‘yinlariga to‘g‘ridan-to‘g‘ri lisenziya taqdim etuvchi ushbu nufuzli musobaqada ishtirok etishi rejalashtirilgan terma jamoamiz a’zolari bugun Yaponiyaga yo‘l oldi. Kobedagi Jahon chempionatiga yo‘l olgan O‘zbekiston terma jamoasi tarkibi: 🟢Erkaklar Yorqinbek Odilov Urganch Egamnazarov Qudratullaxon Ma’rufxo‘jayev Tolibboy Yo‘ldoshev Omadbek Xasanov Elbek Sultonov Abdulaziz Abduhakimov Temur Giyazov Doniyor Saliyev Bobur Omonov Ma’rufjon Murodullayev Xusniddin Norbekov Izzat Turg‘unov Muhammad Rixsimov Boburjon Isomiddinov 🔴Ayollar Kubaro Hakimova Mohigul Hamdamova Mahliyo Akromova Asila Mirzayorova Roziya Ergasheva Yoqutxon Xolbekova Nurxon Qurbonova Dilafruz Ahmadxonova Safiya Burxanova Bo‘lajak dunyo birinchiligida para atletlarimizga omad tilaymiz!

🔤🔤🔤🔤 🔤🔤🔤🔤🔤🔤🔤🔤🔤 🔤🔤🔤🔤🔤🔤🔤🔤🔤🔤🔤🔤🔤🔤 “Besh tashabbus paralimpiadasi”ning hududiy saralash bosqichi boshlanmoqda Joriy yilning 16-may kuni mahallalardagi nogironligi bo‘lgan yoshlar o‘rtasida o‘tkazilayotgan “Besh tashabbus paralimpiadasi” ommaviy sport musobaqalarining Qoraqalpog‘iston Respublikasi, viloyatlar va Toshkent shahar hududiy saralash bosqichiga start beriladi. Unda 8 ta para sport turi bo‘yicha tuman va shahar bosqichida g‘oliblikni qo‘lga kiritgan 3328 nafar yoshlar ishtirok etishadi. Shundan, 1664 nafari xotin-qizlarni tashkil etadi. Musobaqalarni o‘tkazish grafigi quyidagicha: 🔴16-may 📍Samarqand viloyati hududiy saralash bosqichi 🔴17-may 📍Navoiy viloyati hududiy saralash bosqichi 📍Namangan viloyati hududiy saralash bosqichi 🔴18-may 📍Andijon viloyati hududiy saralash bosqichi 📍Jizzax viloyati hududiy saralash bosqichi 📍Sirdaryo viloyati hududiy saralash bosqichi 📍Toshkent viloyati hududiy saralash bosqichi 📍Xorazm viloyati hududiy saralash bosqichi 🔴20-may 📍Qoraqalpog‘iston Respublikasi hududiy saralash bosqichi 📍Buxoro viloyati hududiy saralash bosqichi 📍Qashqadaryo viloyati hududiy saralash bosqichi 📍Surxondaryo viloyati hududiy saralash bosqichi 📍Farg‘ona viloyati hududiy saralash bosqichi 📍Toshkent shahar hududiy saralash bosqichi

Eslatib o'tamiz, musobaqaning hududiy saralash bosqichi g'oliblari joriy yilning 18-20-iyun kunlari bo'lib o'tadigan Respublika final bosqichida ishtirok etishadi.

"UzReport TV" telekanali “Oltin qalam” XVIII Bosh milliy mukofotini qo‘lga kiritdi! Shu munosabat bilan O‘zbekiston Milliy paralimpiya qo‘mitasi oilasi nomidan asosiy axborot hamkorlarimizdan hisoblangan "UzReport TV" telekanali ijodiy jamoasi va rahbariyatini ushbu e’tirof bilan samimiy muborakbod etamiz hamda telekanalning kelajakdagi faoliyatiga ulkan zafarlar tilaymiz.

Toshkent shahrida Paralimpiya harakatini rivojlantirish borasida amalga oshirilayotgan ishlar muhokama qilindi Yig‘ilishda Toshkent shahar hokimi o‘rinbosari Durdona Raximova, O‘zbekiston Milliy paralimpiya qo‘mitasi raisi maslahatchisi Anvar Mursakulov, shuningdek, Toshkent shahar Sport boshqarmasi, Ijtimoiy himoya milliy agentligi, Yoshlar ishlari agentligining boshqarma boshliqlari, sport ta’lim muassasalari, tuman “Inson” ijtimoiy xizmatlar ko‘rsatish markazlari hamda Yoshlar ishlari agentligining tuman bo‘limlari rahbarlari ishtirok etishdi. Yig‘ilishda tashkiliy masala ham ko‘rib chiqildi. Unda Milliy paralimpiya qo‘mitasining Toshkent shahar hududiy bo‘linmasiga jamoatchilik asosida raislik lavozimiga Toshkent shahar hokimi o‘rinbosari Raximova Durdona Shukurullayevnaning nomzodi bir ovozdan ma’qullandi. Toshkent shahar ijrochi direktor lavozimiga esa Murodjon Eshmurodov tayinlandi. Shu bilan birga, yig‘ilishda Toshkent shahridagi nogironligi bo‘lgan shaxslarni sportga qamrab olish darajasi, bu borada sport ta’lim muassasalarining o‘rni, trenerlar faoliyati va mahallalardagi nogironligi bo‘lgan yoshlar o‘rtasidagi “Besh tashabbus paralimpiadasi” sport musobaqalarining Toshkent shahar hududiy saralash bosqichini tashkil etish va o‘tkazish masalasi muhokama qilindi.

Para akademik eshkak eshuvchilarimiz Jahon kubogiga jo‘nab ketishdi Joriy yilning 15-22 may kunlari Shveysariyaning Lyusern shahrida para akademik eshkak eshish bo‘yicha Jahon kubogi bo‘lib o‘tadi. Ushbu musobaqa Parij-2024 yozgi Paralimpiya o‘yinlariga to‘g‘ridan-to‘g‘ri lisenziya taqdim etishi bilan yanada ahamiyatlidir. Bugun para akademik eshkak eshish bo‘yicha O‘zbekiston terma jamoasi a’zolari Jahon kubogida ishtirok etish uchun Shveysariyaga yo‘l oldi. Ushbu musobaqada quyidagi sportchilarimiz yurtimiz sharafini himoya qiladi: Muhayyo Abdusattorova Gulzoda Shotanova Dinara Belyanina Qudratilla Habibullayev Abdumutal Abdurahmonov Amalbek Mustafaqulov Bo‘lajak musobaqada vakillarimizga omad tilaymiz!

Jahon chempionatida muvaffaqiyatli ishtirok etgan para kanoechilarimiz tantanali kutib olindi 8-12 may kunlari Vengriyaning Seged shahrida o‘tkazilgan Jahon chempionatida muvaffaqiyatli ishtirok etgan para kanoe bo‘yicha O‘zbekiston terma jamoasi a’zolari bugun tongda yurtimizga qaytib kelishdi. Matonatli para atletlarimiz Toshkent xalqaro aeroportida O‘zbekiston Milliy paralimpiya qo‘mitasi rahbariyati, sportchi va murabbiylar, oila a’zolari hamda ommaviy axborot vositalari vakillari tomonidan tantanali kutib olindi. Eslatib o‘tamiz, Vengriyadagi Jahon chempionatida 4 nafar hamyurtimiz - Shahzoda Mamadaliyeva (VL3), Irodaxon Rustamova (VL2), Shaxnoza Mirzayeva (KL3) va Xasan Qo‘ldashev (KL3) Parij-2024 yozgi Paralimpiya o‘yinlariga to‘g‘ridan-to‘g‘ri lisenziyani qo‘lga kiritdi.

Para kanoechilarimizning Parij-2024 yozgi Paralimpiya o‘yinlariga qo‘lga kiritgan litsenziyalari soni 6 taga yetdi! Vengriyaning Seged shahri mezbonlik qilgan para kanoe bo‘yicha Jahon chempionatidan navbatdagi xushxabar! Erkaklar o‘rtasida KL3 klassida startga chiqqan hamyurtimiz Xasan Qo‘ldashev ham Parij-2024 yozgi Paralimpiya o‘yinlariga to‘g‘ridan-to‘g‘ri litsenziyani qo‘lga kiritdi. Ushbu natija orqali para kanoe bo‘yicha O‘zbekiston terma jamoasi a’zolarining Parij-2024 yozgi Paralimpiya o‘yinlariga qo‘lga kiritgan jami litsenziyalari soni 6 taga yetdi: Haytmurod Sherqo‘ziyev – VL3 Azizbek Abdulhabibov – KL2 Shahzoda Mamadaliyeva – VL3 Irodaxon Rustamova – VL2 Shaxnoza Mirzayeva – KL3 Xasan Qo‘ldashev – KL3

⚡️Shaxnoza Mirzayeva ham Parij-2024 yozgi Paralimpiya o‘yinlariga litsenziyani qo‘lga kiritdi! Xabar berganimizdek, Vengriyaning Seged shahrida para kanoe bo‘yicha Jahon chempionati bo‘lib o‘tmoqda. E’tiborlisi, ayollar o‘rtasida KL3 klassida o‘tkazilgan bahslarda hamyurtimiz Shaxnoza Mirzayeva finalda 00:51:36 soniya natija qayd etgan holda Parij-2024 yozgi Paralimpiya o‘yinlariga to‘g‘ridan-to‘g‘ri litsenziyani qo‘lga kiritdi. Shu tariqa para kanoe bo‘yicha O‘zbekiston terma jamoasi a’zolarining Parij-2024 yozgi Paralimpiya o‘yinlariga qo‘lga kiritgan jami litsenziyalari soni 5 taga yetdi: Haytmurod Sherqo‘ziyev – VL3 Azizbek Abdulhabibov – KL2 Shahzoda Mamadaliyeva – VL3 Irodaxon Rustamova – VL2 Shaxnoza Mirzayeva – KL2

Aravachada qilichbozlik bo‘yicha Namangan viloyat chempionati o’tkazildi Davlatobod tumanida joylashgan velotrek majmuasida O‘zbekiston milliy Paralimpiya qo‘mitasi Namangan viloyati bo‘limi tomonidan aravachada qilichbozlik bo‘yicha viloyati chempionati o’tkazildi. Musobaqada viloyatining barcha shahar va tumanlaridan para sportchilar ishtirok etishdi. Yakuniy natijalarga ko’ra quyidagi sportchilar g’olib va sovrindorlar safidan joy oldi: Erkaklar 🥇1-o’rin Jo'raboyev Xurshid 🥈2 -o’rin Imonjanov Sardorbek 🥉3 -o’rin Risliqov Ibroxim 🥉3-o’rin Ismanov Maqsad Ayollar 🥇1-o’rin Muradova Iqbola 🥈2-o’rin Mamasoliyeva Shaxnoza 🥉3-o’rin Osimova Munira 🥉3 -o’rin Karimova Gulchiroy Yoshlar (U23) 🥇1-o’rin Nuridinov Avazbek 🥈2-o’rin Mamurov Sanjar 🥉3 -o’rin Akbarov Raxmarullo 🥉3 -o’rin Abdullayev Bilolxon Musobaqa yakunida g’olibva sovrindorlar tashkilotchilar tomonidan medal, diplom hamda esdalik sovg’alari bilan taqdirlandi.

Para pauerliftingchilarimiz Jahon kubogida tengsiz bo‘ldi! Uch kun davomida Tailandning Pattaya shahri mezbonlik qilgan para pauerlifting bo‘yicha Jahon kubogi o‘z nihoyasiga yetdi. Musobaqaning so‘nggi kunida aralash jamoaviy bellashuvlar o‘tkazildi. Quvonarlisi, Nuriddin Davlatov, Azizbek Turg‘unov hamda Qudratoy Toshpo‘latovadan iborat jamoamiz 314,70 ochko jamg‘argan holda 1-o‘rinni egalladi va delegatsiyamiz hisobiga oltin medalni qo‘shib qo‘ydi. Aralash jamoaviy bahslarda terma jamoamizdan so‘ng kuchli uchlikdan Janubiy Koreya va Tailand terma jamoalari joy oldi Shu tariqa O‘zbekiston terma jamoasi a'zolari Tailanddagi Jahon kubogini 6 ta oltin, 2 ta kumush, 3 ta bronza, jami 11 ta medal bilan yakunladi va Parij-2024 yozgi Paralimpiya o'yinlari litsenziyasi uchun muhim reyting ochkolariga ega bo'ldi.

Ruxshona O‘ktamova Jahon kubogining kumush medaliga sazovor bo‘ldi! Xabar berganimizdek, shu kunlarda Tailandning Pattaya shahrida para pauerlifting bo‘yicha Jahon kubogi bo‘lib o‘tmoqda. Hozirgina ayollar o‘rtasida -61 kg vazn toifasida bahslarda ishtirok etgan vakilimiz Ruxshona O‘ktamova 108 kg natija bilan kumush medalga sazovor bo‘ldi. Yoshlar o‘rtasida Jahon va Osiyo rekordchisi hisoblangan hamyurtimiz ushbu natijasi orqali Jahon reytingida 7-o‘ringa ko‘tarilib oldi. Hozircha Jahon kubogida terma jamoamiz a’zolari tomonidan 1 ta oltin, 2 ta kumush va 1 ta bronza medali qo‘lga kiritildi.

Aqidaxon Axtamova Jahon kubogida tengsiz bo‘ldi! Para pauerlifting bo‘yicha Tailandda davom etayotgan Jahon kubogidan navbatdagi xushxabar! Bundan biroz avval ayollar o‘rtasida -50 kg vazn toifasida bahslarda qatnashgan hamyurtimiz Aqidaxon Axtamova 104 kg natija bilan oltin medalni qo‘lga kiritdi. Vakilimiz ushbu natija orqali Jahon reytingida 5-o‘ringa ham ko‘tarilib oldi. Eslatib o‘tamiz, kecha ikki nafar para pauerliftingchimiz Jahon kubogida sovrindorlar safidan joy olgan edi.

Para velosportchilarimiz Jahon kubogiga yo‘l oldi 11-20 may kunlari Italiyaning Miniago shahrida para velosport bo‘yicha Jahon kubogining 3-bosqichi bo‘lib o‘tadi. Bugun mazkur musobaqada ishtirok etuvchi O‘zbekiston terma jamoasi a’zolari Italiyaga jo‘nab ketishdi. Jahon kubogida quyidagi sportchilarimiz yurtimiz sharafini himoya qilishi rejalashtirilgan: Aziz Otaxo‘jayev Azimbek Abdullayev Gʻolibbek Mirzayorov Boymurod Yavqochev Bunyod Xaytmaxammadov Fotima Soipova Fotima Xaydarova Odina Xamdamova Bo‘lajak musobaqada vakillarimizga omad tilaymiz!

⚡️Vengriyadan xushxabar! Irodaxon Rustamova ham Parij-2024 Paralimpiya o‘yinlari litsenziyasini qo‘lga kiritdi! Xabar berganimizdek, shu kunlarda Vengriyaning Seged shahrida para kanoe bo‘yicha Jahon chempionati bo’lib o’tmoqda. Hozirgina ayollar o‘rtasida yana bir vakilimiz musobaqada muvaffaqiyatli ishtirok etdi. VL2 klassida startga chiqqan Irodaxon Rustamova 01:04.60 soniya natija bilan 5-o‘rinni egalladi va Parij-2024 yozgi Paralimpiya o‘yinlariga to‘g‘ridan-to‘g‘ri litsenziyani qo‘lga kiritdi. O‘zbekiston Milliy paralimpiya qo‘mitasi nomidan ushbu sportchimizni samimiy muborakbod etamiz va kelgusidagi faoliyatiga omad tilaymiz!

⚡️Shahzoda Mamadaliyeva Jahon chempionatida shohsupaga ko'tarildi va Parij-2024 Paralimpiya o‘yinlari litsenziyasini qo‘lga kiritdi! Vengriyaning Seged shahrida para kanoe bo‘yicha Jahon chempionati boshlandi. Bugun ayollar o‘rtasida VL3 klassida finalda ishtirok etgan hamyurtimiz Shahzoda Mamadaliyeva 00:58.22 soniya natija bilan marraga 3- bo‘lib yetib keldi. Iste'dodli sportchimiz ushbu natija orqali Jahon chempionatining bronza medalimi qo‘lga kiritish bilan bir qatorda Parij-2024 yozgi Paralimpiya o‘yinlari litsenziyasini ham naqd qildi. O‘zbekiston Milliy paralimpiya qo‘mitasi nomidan ushbu sportchimizni samimiy muborakbod etamiz va kelgusidagi faoliyatiga omad tilaymiz!

Para pauerliftingchilarimiz Jahon kubogida muvaffaqiyatli start olishdi Bugun Tailandning Pattaya shahrida para pauerlifting bo‘yicha Jahon kubogi boshlandi. Musobaqaning dastlabki kunida ayollar o’rtasida -67 kg vazn toifasida Qudratoy Toshpo’latova 122 kg natija bilan kumush medalga sazovor bo’ldi. Shuningdek, erkaklar o’rtasida -65 kg vazn toifasida Sanjar Allaberganov 177 kg natija bilan kuchli uchlikdan joy oldi va bronza medalini qo’lga kiritdi. Ta'kidlash kerakki, ushbu natija orqali Qudratoy Toshpo'latova o'z vaznida jahon reytingida kuchli beshlikka kirgan bo'lsa, Sanjar Allaberganov 10-pog'onaga ko'tarilib oldi. Pattayadagi Jahon kubogi 11-mayga qadar davom etadi. Vakillarimizning musobaqadagi ishtirokini biz bilan birga kuzating! 👍👍👍👍👍 🔥🔥🔥

Bizni ijtimoiy tarmoqlar orqali kuzatib boring

💻Instagram |🎞YouTube | 📝 Facebook  | 📝Telegram |

Президент Шавкат Мирзиёевнинг Ўзбекистон халқига байрам табриги — Праздничное поздравление Президента Шавката Мирзиёева народу Узбекистана Prezident.uz|Facebook|Instagram|YouTube|X

Angren shahrida joylashgan “Yangiobod” sport bazasi mezbonlik qilgan para yengil atletika bo‘yicha O‘zbekiston chempionati o‘z nihoyasiga yetdi. Rekord darajada sportchilar ishtirok etgan musobaqa har qachongidan ham qiziqarli va murosasiz kurashlarga boy bo‘ldi. Bundan tashqari, terma jamoamizning yetakchi sportchilari ushbu musobaqa davomida bir qator rekordlarni va yuqori natijalarni qayd etganini alohida e’tirof etish lozim. Jumladan: Nayza uloqtirish Nurxon Qurbonova – 20.74 metr natija bilan Paralimpiya o‘yinlari rekordini 49 sm ga yangiladi yangiladi. Shaxina Yigitaliyeva - 45,50 metr natija bilan dunyo reytingidagi eng yaxshi natijani (40.45 metr) 5.05 metrga yangiladi. Bobur Isomiddinov - 40.07 metr natija bilan dunyo reytingida kuchli oltilikka kiruvchi natijani qayd etdi. Ushbu sportchimiz joriy yil 17-26 may kunlari Kobe shahrida bo‘ladigan Jahon chempionatida ayni shu natijasini qayd etsa, Parij-2024 lisenziyasini qo‘lga kiritadi. Yadro uloqtirish Mohigul Hamdamova - 10.12 metr natija qayd etib o‘zining shaxsiy natijasini (9.31 metr) 1.19 metrga yaxshiladi. Dilafruz Axmadxonova - 9.36 metr natija bilan dunyo reytingida 3-natijani qayd etdi. Kubaro Hakimova -10 metr natija bilan dunyo reytingidagi eng yaxshi natijani (9.90 metr) 10 sm ga yangiladi. Muhammad Rixsimov - 14.84 metr natija bilan dunyo reytingida 2-natijani qayd etdi. Xusniddin Norbekov - 16.29 metr natija bilan 2024 yilgi mavsumda dunyoning eng yaxshi natijasini (15.37 metr) 92 sm ga yangiladi. Nurxon Qurbonova - 7.92 metr natija bilan dunyo reytingida 2-natijani qayd etdi Uzunlikka sakrash Asila Mirzayorova - 5.11 metr natija bilan 2024 yilgi mavsumdagi eng yaxshi natijasini qayd etdi Doniyor Saliyev - 7.32 metr natija bilan 2024 yilgi mavsumdagi eng yaxshi natijasini qayd etdi Omad Xasanov - 6.95 metr natija bilan 2024 yilgi mavsumdagi eng yaxshi natijasini qayd etdi Yoqutxon Xolbekova - 5.61 metr natija bilan 2024 yilgi mavsumdagi eng yaxshi natijasini qayd etdi Eslatib o‘tamiz, para atletlarimizni oldinda 17-26 may kunlari Yaponiyaning Kobe shahrida Jahon chempionati kutib turibdi. Ushbu musobaqa Parij-2024 yozgi Paralimpiya o‘yinlariga to‘g‘ridan-to‘g‘ri lisenziya berishi bilan yanada ahamiyatlidir.