Беларусы Замежжа

Запрашаем ментараў і ментарак далучыцца да Стартап–школы беларускіх сацыяльных праектаў! Хочаш падзяліцца сваім досведам і натхніць новае пакаленне сацыяльных прадпрымальнікаў? Далучайся да Стартап-школы беларускіх сацыяльных праектаў у якасці ментар_кі! Дзяліся досведам і стварай будучых лідэраў. Разам мы ствараем будучыню! Што трэба рабіць? ✅ Дзяліцца досведам і кансультаваць удзельнікаў і ўдзельніц па асноўным аспектам іх праектаў анлайн. ✅ Дапамагчы ўдзельні_цам паглыбіць іх веды. ✅ Даць зваротную сувязь для развіцця кожнага з праектаў. Падрабязная інфармацыя: https://school.imaguru.net/ 👉 Каб стаць ментарам або ментаркай запоўні заяўку Стартап-школа пройдзе ў межах праекта Imagine Y, які рэалізуецца пры фінансавай падтрымцы Еўрапейскага Саюза #БЗ_адукацыя Беларусы Замежжа | Даслаць навіну

⚡Падпісаны Ліст аб намеры супрацоўніцтва паміж беларускім дэмакратычным рухам і Еўрапейскім парламентам Гэта першы дакумент, які замацоўвае супрацоўніцтва дэмакратычных сіл Беларусі з афіцыйным замежным палітычным органам. Ліст аб намеры супрацоўніцтва падпісаны сёння на Мальце кіраўніцай Аб'яднанага Пераходнага Кабінета Святланай Ціханоўскай і старшынёй Еўрапейскага парламента Рабертай Метсола. У дакуменце адзначаецца, што Аб'яднаны Пераходны Кабінет Беларусі і Каардынацыйная рада павінны разглядацца міжнароднай супольнасцю як прадстаўнікі народа Беларусі. Таксама дэкларуецца падтрымка дзейнасці асноўных палітычных структур дэмакратычнага руху Беларусі ў напрамку еўрапейскага выбару: Святланы Ціханоўскай, Каардынацыйнай рады, Аб'яднанага Пераходнага Кабінета Беларусі і палітычных партый Беларусі аб еўрапейскіх памкненнях беларусаў. Падпісаны дакумент акрэслівае практычныя напрамкі дзейнасці беларускіх дэмакратычных сіл і Еўрапарламента: 1️⃣ узаемадзеянне і падтрымка ціску на рэжым; 2️⃣ падтрымка дэмакратычнага руху Беларусі ў абароне суверэнітэту, незалежнасці і нацыянальнай ідэнтычнасці ад пагроз з боку Расіі; 3️⃣ садзейнічанне ў вырашэнні міграцыйных праблем беларусаў, якія былі вымушаны пакінуць Беларусь па палітычных прычынах; 4️⃣ намаганні для прыцягнення прадстаўнікоў рэжыму да адказнасці за злачынствы супраць чалавечнасці ў Беларусі, а таксама за саўдзел у вайсковых злачынствах і злачыннай агрэсіі супраць Украіны. Праца над дакументам вялася прадстаўніком па замежных справах Кабінета Валерам Кавалеўскім разам з дарадцам Святланы Ціханоўскай Анатолем Лябедзькам і кіраўніком Місіі дэмакратычнай Беларусі ў Бруселі Уладзімірам Астапенкам. @CabinetBelarus

Навіна для тых, хто жадае падтрымаць беларускіх ваяроў ня толькі данатамі на зброю, але і добрымі словамі: цяпер у Рэфорум Будва прымаюць лісты нашым героям на фронт. Першыя лісты ад чальцоў дыяспары Беларусаў у Чарнагорыі ўжо паляцелі адрасатам. Калі вы ня маеце знаёмых сярод беларускіх дабраахвотнікаў, у вас усё роўна ёсць шанец падзякваць ім асабіста - вашыя лісты будуць перададзеныя адмысловай поштай каліноўцам. Хлопцы на “нулі” зараз бароняць ня толькі Свабоду Ўкраіны, але і добрае імя беларусаў ад ганьбы. І ім трэба ведаць, што не дарэмна. Далучайцеся да акцыі! Калі вы маеце што прапанаваць альбо спытаць пра акцыю, пагрукайцеся да арганізатара @Crnaart з Дыяспары беларусаў у Чарнагорыі. Пабачымся!

😒 "ШПИОНЫ" КГБ — желающие сотрудничать со спецслужбами РБ из разных стран Публикуем заявки тех, кто хотел пойти на службу в КГБ, выдавать секреты своих стран и данные из беларуской диаспоры. "Шестерок" насобиралось со всего света. Чекистам иногда даже вербовать не приходится. 🤔 🔔 Не пропустите новые материалы на @cpartisans_by. Будет еще много интересного 😉

🤍❤️🤍 Беларусы Масквы падпісалі  паштоўкі беларускім палітвязням! Палітвязні - нашы героі! Гэтым разам лісты і паштоўкі з віншаваннямі з Днём Народзінаў, а таксама словы падтрымкі, павінны атрымаць беларускія палітвязні: Злобіна Ірына, Падрэз Дзмітрый, Кузіна Таццяна, Цыгановіч Уладзімір, Казлоў Дзмітрый, Пацукевіч Сяргей, Старажэнка Мікіта,  Мачынскі Тарас, Брэдзеляў Мікалай, Гунько Рыгор. Гісторыю кожнага палітвязня, а таксама адрасы для лістоў і паштовак, глядзіце на сайтах: ПЦ «Вясна» politzek.me Dissidentby.com Жыве Беларусь! 🤍❤️🤍 #палітвязні Беларусы Замежжа | Даслаць навіну

📖 На фестывалі “Слова і кнігі”, які прайшоў з 26 па 28 красавіка у бібліятэкі Лёвенскага Універсітэта у Бельгіі у дэбатах “Перажыве Еўропа 21 стагоддзя?” прыняў удзел вядомы беларускі пісьменнік Саша Філіпенка, кнігі якога перакладзены на 20 моў. Яго кніга “Чырвоны Крыж” выйшла на нідэрландскай мове. Беларусы Замежжа | Даслаць навіну

🇵🇱 Нядзельная акцыя беларусаў Варшавы "Ёсць шмат дат у жыцці беларусаў, калі мы выходзім разам на вуліцу. Гэта і святы, і сумныя даты... Дзень Волі, Дзень Палітвязняў, Дзень Герояў, Чарнобыльскі шлях... Мы выходзім... Каб разам парадавацца, разам узгадаць тое, што было, i абмеркаваць тое, што хвалюе нас, беларусаў. Таму ў гэтую нядзелю, як заўсёды, мы выйшлі на плошчу ў цэнтры Варшавы, бо мы ёсць, мы не здаліся i мы будзем заўсёды! Жыве Беларусь!" Беларусы Замежжа | Даслаць навіну

Ствараецца Міжнародны гуманітарны фонд для падтрымкі беларускіх палітзняволеных Першы ўнёсак у фонд у памеры 10 мільёнаў нарвежскіх крон (850 тысяч еўра) робіць Нарвегія. Стварэнне фонду ініцыявала Святлана Ціханоўская, якая зараз знаходзіцца з працоўным візітам у Осла. Пытанні функцыянавання фонду кіраўніца Аб’яднанага Пераходнага Кабінета абмеркавала сёння падчас працоўнай сустрэчы з прэм’ер-міністрам Нарвегіі Ёнасам Гарам Стэрэ: 1️⃣ Фонд будзе прызначаны для падтрымкі сем’яў рэпрэсіраваных і былых палітзняволеных. 2️⃣ Падтрымка будзе ўключаць у тым ліку медыцынскую дапамогу і рэабілітацыю, матэрыяльную і псіхалагічную дапамогу вызваленым палітвязням і асобам, якія зазналі палітычныя рэпрэсіі. 3️⃣ Прэм’ер-міністр Нарвегіі адзначыў, што распараджацца фондам будуць беларускія арганізацыі і ініцыятывы, якія дапамагаюць палітзняволеным. 4️⃣ Міністэрства замежных спраў Нарвегіі працуе над фармалізацыяй працы фонду. Унесці сродкі ў фонд змогуць урады, міжнародныя арганізацыі і іншыя патэнцыйныя донары. Нагадаем, з ініцыятывай стварыць фонд Святлана Ціханоўская выступіла ў мінулым годзе, пасля ганаравання Алеся Бяляцкага Нобелеўскай прэміяй міру. Міністр замежных спраў Нарвегіі Эспен Барт Эйдэ падтрымаў ідэю стварэння міжнароднага гуманітарнага фонду: «Сітуацыя з палітвязнямі ў Беларусі вельмі трывожная. Такая дапамога вельмі патрэбная для рэабілітацыі былых палітвязняў і іх сем'яў». @CabinetBelarus

🇩🇪 Каля амбасады Вольнай і Дэмакратычнай Беларусі (Арт-праект) у Бэрліне адбылася чарговая акцыя ўшанавання знакамітых беларусаў з нагоды іх дзён народзінаў: Мікола Ермаловіч (29.04.1921-5.03.2000) - беларускі гісторык, публіцыст, пісьменьнік і паэт. Паводле палітычных матываў галоўныя канцэптуальныя працы Ермаловіча ляжалі неапублікаванымі ў рэдакцыях часопісаў, і пашыраліся ў 1970—1980-х ў вялікай колькасьці самвыдавецкім чынам. Пад псэўданімам Сымон Беларус з’явілася праца «Па слядах аднаго міфа: Ці было літоўскае заваяванне Беларусі» (1968), нелегальна былі выдадзены 4 выпуска часопіса «Падснежнік» (1964), каля 50-ці выпускаў часопісаў «Гутаркі» (1975), «Дарагое беларусам імя» (1970), дасьледаваньне «Старажытная Беларусь: Полацкі і Новагародскі перыяды» (1990), «Старажытная Беларусь: Віленскі перыяд» (1994), «Беларуская дзяржава Вялікае Княства Літоўскае» (2000). Працы Ермаловіча ў значнай ступені паўплывалі на фармаваньне сучаснай грамадзкай думкі й гістарыяграфіі Беларусі. Мікола Ермаловіч быў сябрам Беларускага Народнага Фронту (БНФ) (з 1989), сустаршынёй Нацыянальна-дэмакратычнай партыі (НДПБ) (з 1990), дзе зрабіў найбольшы ўнёсак у дзейнасьць як ідэоляг. Да Ермаловіча некалькі разоў на кватэру прыходзілі супрацоўнікі КДБ з патрабаваньнем зьявіцца й разабрацца з «извечной самостоятельностью белорусов». Толькі ад часу «перабудовы» пабачылі сьвет некалькі працаў Ермаловіча, а ў 2010м выйшаў першы збор яго твораў «Выбранае». Кнігі Міколы Ермаловіча «вярнулі нам гісторыю» (А.Астапенка), якой мы можам па праву ганарыцца! Жыве вольная Беларусь! Слава Ўкраіне! Ізраіль пераможа! ⚪️❤️⚪️💙💛🇮🇱 Беларусы Замежжа | Даслаць навіну