Аб’яднаны Пераходны Кабінет Беларусі
Афіцыйны канал Аб’яднанага Пераходнага Кабінета Беларусі – часовага выканаўчага органа, створанага нацыянальнай лідаркай Святланай Ціханоўскай. Пытанні і прапановы @belcabinet_bot "Адно акно" @odnooknobysocial_bot Кантакт для СМІ [email protected]
Show more3 121
Subscribers
+524 hours
+277 days
+4230 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
Сустрэчы з кіраўніцтвам краіны, прадстаўнікамі экпертнай супольнасці і дыяспары
– Як праходзіць візіт кіраўніцы Кабінета ў Нарвегію
Святлана Ціханоўская выступіла перад Камітэтам па замежных справах парламента Нарвегіі. Яна заклікала Нарвегію павялічыць падтрымку незалежным медыя, зрабіць санкцыі супраць рэжыму больш эфектыўнымі і паспрыяць яго прыцягненню да адказнасці за міжнародныя злачынствы. Дэмакратычная лідарка заклікала дэпутатаў дапамагчы беларускай дыяспары ў Нарвегіі ў легалізацыі і атрыманні дакументаў. Таксама кіраўніца Кабінета распавяла пра працу над новым нацыянальным пашпартам.
Акрамя таго, Святлана Ціханоўская сустрэлася з прэм’ер-міністрам Нарвегіі Ёнасам Гарам Стэрэ, а таксама:
▪️са спікерам парламента Нарвегіі Масудам Гарахані, з якім абмеркавалі працу групы сяброў дэмакратычнай Беларусі, арганізацыю выставы, прысвечаную Алесю Бяляцкаму і іншым палітвязням. Таксама гаварылі пра правакацыі з боку рэжыму і магчымасць уцягвання беларусаў у вайну. Ціханоўская падкрэсліла, што сярод беларусаў ёсць трывалы кансэнсус супраць удзелу беларускай арміі ў вайне на баку Расіі;
▪️з прадстаўнікамі нарвежскіх НДА і беларускай дыяспары ў Нарвежскім Хельсінкскім камітэце. Размова тычылася стратэгіі дэмсіл на 2025 год, падтрымкі грамадскіх і культурных ініцыятыў, кампаніі ў падтрымку палітзняволеных;
▪️з экспертнай супольнасцю ў Нарвежскім Інстытуце па міжнародных справах (NUPI). Дыскусія была прысвечаная стратэгіі Захаду па Беларусі, падтрымцы Нарвегіяй дэмакратычнай супольнасці Беларусі, падрыхтоўцы праектаў рэформ. Ціханоўская падкрэсліла, што змены ў Беларусі могуць пачацца нечакана і міжнародная супольнасць павінна быць да гэтага гатовая.
@CabinetBelarus
👍 9❤ 5👏 4🔥 2
Ствараецца Міжнародны гуманітарны фонд для падтрымкі беларускіх палітзняволеных
Першы ўнёсак у фонд у памеры 10 мільёнаў нарвежскіх крон (850 тысяч еўра) робіць Нарвегія. Стварэнне фонду ініцыявала Святлана Ціханоўская, якая зараз знаходзіцца з працоўным візітам у Осла.
Пытанні функцыянавання фонду кіраўніца Аб’яднанага Пераходнага Кабінета абмеркавала сёння падчас працоўнай сустрэчы з прэм’ер-міністрам Нарвегіі Ёнасам Гарам Стэрэ:
1️⃣ Фонд будзе прызначаны для падтрымкі сем’яў рэпрэсіраваных і былых палітзняволеных.
2️⃣ Падтрымка будзе ўключаць у тым ліку медыцынскую дапамогу і рэабілітацыю, матэрыяльную і псіхалагічную дапамогу вызваленым палітвязням і асобам, якія зазналі палітычныя рэпрэсіі.
3️⃣ Прэм’ер-міністр Нарвегіі адзначыў, што распараджацца фондам будуць беларускія арганізацыі і ініцыятывы, якія дапамагаюць палітзняволеным.
4️⃣ Міністэрства замежных спраў Нарвегіі працуе над фармалізацыяй працы фонду. Унесці сродкі ў фонд змогуць урады, міжнародныя арганізацыі і іншыя патэнцыйныя донары.
Нагадаем, з ініцыятывай стварыць фонд Святлана Ціханоўская выступіла ў мінулым годзе, пасля ганаравання Алеся Бяляцкага Нобелеўскай прэміяй міру.
Міністр замежных спраў Нарвегіі Эспен Барт Эйдэ падтрымаў ідэю стварэння міжнароднага гуманітарнага фонду: «Сітуацыя з палітвязнямі ў Беларусі вельмі трывожная. Такая дапамога вельмі патрэбная для рэабілітацыі былых палітвязняў і іх сем'яў».
@CabinetBelarus
🔥 33❤ 20👍 5👏 5
«Змаганне за праўду, за свабоду, за незалежнасць не бывае простым»
Чальцы Кабінета ўзялі ўдзел у «Чарнобыльскім шляху» ў Варшаве. Да мітынгу і шэсця далучыліся Валер Кавалеўскі, Павел Латушка, Аліна Коўшык, Валерый Мацкевіч і Лізавета Кохман.
Перад удзельнікамі акцыі выступіў Павел Латушка:
«На чым грунтуюцца ўсе дыктатуры? На ўтойванні праўды. На падмене праўды хлуснёй. Дыктатура ніколі не дае выбару. І дыктатура ніколі не пытае меркавання народу.
Кожнаму, хто верыць, што з дыктатарамі можна дамовіцца, што можна дамовіцца з Лукашэнкам, я раю згадаць Чарнобыльскую трагедыю. Ніхто не казаў праўды тым, каго кідалі на ліквідацыю аварыі.
А зараз нашчадкі той савецкай дыктатуры, не пытаючыся меркавання народу, пабудавалі ў нашай краіне БелАЭС. Якая ўжо мела шэраг аварыйных выпадкаў.
Не пакідаючы нам выбару, яны цягнуць у нашую краіну расійскую ядзерную зброю. І малююць на Беларусі вялізарную мішэнь.
Усё гэта з намі і нібыта ад нашага ж імя робіць той, каго мы не выбіралі. І ягоныя памагатыя, якіх мы не выбіралі. Супраць якіх мы ўзняліся ў 2020.
Шлях, на які мы ўсталі тады, вельмі складаны. Але мы не павінны спыняцца».
Прамова цалкам – у відэа на YouTube-канале Кабінета.
@CabinetBelarus
Павел Латушка: «Мы павінны ісці наперад. Да дэмакратыі». Чарнобыльскі шлях 2024
❤ 43👍 17👎 3👏 3
Repost from Светлана Тихановская
Святлана Ціханоўская: «Разам мы беражом памяць і не забываем урокі гэтай трагедыі»
У памяць аб ахвярах аварыі на Чарнобыльскай АЭС Офіс Святланы Ціханоўскай ініцыяваў ускладанне кветак да помніку «Маці Чарнобыля» ў Вільні. Разам з беларускай лідаркай памяць пра трагедыю ўшанавалі амбасадарка па асобых даручэннях Літвы па Беларусі, амбасадары Нарвегіі, Канады, Іспаніі, Ірландыі і Эстоніі, а таксама прадстаўнікі амбасадаў Польшчы, ЗША, Ізраіля і Украіны. На мерапрыемстве прысутнічалі беларускія актывісты і актывісткі, прадстаўнікі і прадстаўніцы грамадскіх арганізацыяў, у тым ліку арганізацыі «Экадом», а таксама беларускія і літоўскія СМІ.
Святлана Ціханоўская: «З моманту аварыі ў Чарнобылі прайшло амаль 40 гадоў. Але мы беражом памяць пра яе і не забываем урокі гэтай трагедыі. Я вельмі ўдзячная беларусам і нашым міжнародным партнёрам і сябрам, якія далучыліся да ўскладання кветак сёння. Гэтае мерапрыемства – не толькі пра ўшанаванне памяці, але таксама і пра падтрымку беларусаў у нашым імкненні да свабоднай, дэмакратычнай і бяспечнай будучыні».
👍 3❤ 3👏 1
Стратэгія супрацоўніцтва Міністэрства культуры Польшчы з беларускай культурніцкай супольнасцю з’явіцца ў найбліжэйшы час
Аліна Коўшык сустрэлася з віцэ-міністаркай культуры Польшчы Мартай Цянькоўскай.
Як адзначыла прадстаўніца па нацыянальным адраджэнні Кабінета сустрэча была «доўгачаканай», бо «даўно наспела патрэба абмеркаваць магчымасці супрацоўніцтва паміж беларускімі культурніцкімі інстытуцыямі і Міністэрствам культуры Польшчы».
Аліна Коўшык: «Нам хацелася, каб польскія культурніцкія ўстановы былі больш адкрытыя для працы з беларускімі мастакамі, музыкамі, артыстамі, пісьменнікамі…
У Польшчы развітая сетка культурніцкіх арганізацый — і некаторыя з іх ужо рэалізуюць выдатныя ініцыятывы. Даступная стыпендыя Gaude Polonia для маладых творцаў, дзеячаў культуры і перакладчыкаў польскай літаратуры. Ці, напрыклад, тэатральная рэзідэнцыя ў Інстытуце культуры.
Але пры гэтым Польшча пакуль не мае выразнай стратэгіі супрацоўніцтва з беларускім незалежным рухам, суполкамі, праектамі. І зараз мы дамовіліся над гэтым працаваць: прадставіць план і ў найбліжэйшы час абмеркаваць яго і абраць ключавыя напрамкі».
@CabinetBelarus
❤ 34👍 9👏 3👎 1
«Шлях павінны быць іншым!»
Аб’яднаны Пераходны Кабінет Беларусі падтрымаў рэзалюцыю экалагічнай арганізацыі «Экадом» да 38-й гадавіны аварыі на Чарнобыльскай АЭС:
«Сёння, 26 красавіка 2024 года, у 38-ю гадавіну чарнобыльскай радыяцыйнай катастрофы:
- наступствы гэтай радыяцыйнай аварыі працягваюць уяўляць небяспеку і ўзмацняюцца ў выніку расійскай агрэсіі супраць Украіны;
- каля мільёна чалавек пражываюць на забруджаных тэрыторыях толькі ў Беларусі, дзе ўрад свядома прымяншае небяспеку радыяцыйнага ўздзеяння і ўводзіць закранутыя тэрыторыя ў сельскагаспадарчы абарот;
- урокі Чарнобыля забытыя: <…> ўсё часцей гучаць заклікі будаваць болей новых АЭС і працягваць тэрміны эксплуатацыі небяспечных старых; <…>
- пагроза ядзернай вайны ўзрастае з-за таго, што не спыняецца агрэсіўная рыторыка з боку Расіі, Паўночнай Карэі і нелегітымнага рэжыму Лукашэнкі ў Беларусі; <…>
- працяг закупак расійскага ўрану, выкарыстання расійскіх атамных тэхналогій і сэрвісаў падсілкоўвае агрэсіўную палітыку Расіі і яе ядзерны шантаж <…>
Аддаючы даніну памяці і выказваючы ўдзячнасць тым, хто ахвяраваў свае жыцці і здароўе для мінімізацыі наступстваў радыяцыйнай катастрофы 1986 года і прадухілення новай катастрофы ў 2022-м у чарнобыльскай зоне і на захопленай расійскімі войскамі буйнейшай у Еўропе Запарожскай АЭС,
нагадваем, што:
- у Беларусі, як і ў іншых краінах, ёсць патэнцыял для бяспечнага, бяз’ядзернага развіцця з выкарыстаннем сучасных тэхналогій узнаўлянай устойлівай энергетыкі;
- ядзернае стрымліванне можа быць бяз’ядзерным, бо своечасовае і зладжанае прымяненне сучасных канвенцыянальных тэхналогій, сродкаў эканомікі і дыпламатыі дае магчымасць эфектыўнага адказу агрэсару.
Мы патрабуем ад міжнароднай супольнасці і дэмакратычных краін належнага адказу на ядзерныя пагрозы і выклікі калектыўнай бяспецы…»
Рэзалюцыю цалкам можна прачытаць па-беларуску, па-руску, па-англійску.
@CabinetBelarus
👍 23🔥 6❤ 2👏 2👎 1
Павел Латушка пракаментаваў рашэнне літоўскага Сейма не абмяжоўваць паездкі на радзіму для беларусаў:
«Беларусы не рэжым. Беларусы – гэта нацыя, якая выступае за тое, каб жыць у свабоднай, дэмакратычнай, вялікай Еўропе. Адкрытасць Літвы для беларусаў, падтрымка беларусаў Літвой мае важнае значэнне. Гэта краіна-суседка, якая ўсе гэтыя гады праяўляе салідарнасць з беларускім грамадствам.
Важна таксама, што інстытуты дэмакратычных сіл праз супрацоўніцтва з партнёрамі дэманструюць сваю эфектыўнасць і магчымасць дасягаць станоўчых вынікаў у інтарэсах беларускага грамадства.
Гэтае рашэнне захоўваць важную магчымасць беларусаў свабодна перамяшчацца і камунікаваць з Еўропай.
Мы ўдзячныя літоўскім дэпутатам за іх прынцыповую пазіцыю. Нягледзячы на тое, што Лукашэнка і ягоныя спецслужбы робяць актыўныя дзеянні для таго, каб супрацьпаставіць беларускае і літоўскае грамадствы, сённяшняе рашэнне літоўскіх парламентарыяў дэманструе, што Літва на баку беларусаў, якія змагаюцца за дэмакратыю і свабоду».
@CabinetBelarus
❤ 34👍 19👎 4👏 4🤔 2
Кіраўніца і чальцы Кабінета возьмуць удзел у мерапрыемствах да гадавіны аварыі на Чарнобыльскай АЭС
26 красавіка
▪️А 12-й гадзіне ў Вільні Святлана Ціханоўская ўскладзе кветкі да помніка «Маці Чарнобыля» – у памяць аб ахвярах аварыі на Чарнобыльскай АЭС. На цырымоніі будуць прысутнічаць прадстаўнікі амбасад і дыпламатычных місій. Кіраўніца Кабінета звернецца да прысутных і адкажа на пытанні журналістаў. Запрашаюцца ўсе ахвотныя!
▪️У 17:30 у Варшаве адбудзецца традыцыйны «Чарнобыльскі шлях» (кропка збору – помнік Каперніку). Да мітынгу і шэсця далучацца намеснікі кіраўніцы Кабінета Валер Кавалеўскі і Павел Латушка, прадстаўніца па нацыянальным адраджэнні Аліна Коўшык, кіраўнік апарату Кабінета Валерый Мацкевіч і намесніца прадстаўніка па абароне і нацыянальнай бяспецы Лізавета Кохман.
@CabinetBelarus
❤ 32👍 12👏 3🔥 2😢 2👎 1
Аліна Коўшык сустрэлася з амбасадарам Чэхіі ў Варшаве Бжэціславам Данчакам
Сустрэча была прысвечаная беларуска-чэшскаму супрацоўніцтву, падтрымцы культурніцкіх і адукацыйных праектаў, удзелу амбасады Чэхіі ў святкаванні 100-годдзя з дня нараджэння Васіля Быкава і арганізацыі выставы ў гонар пісьменніка.
Асобнай тэмай размовы стала магчымае пашырэнне візавай падтрымкі для беларусаў.
Аліна Коўшык, прадстаўніца па нацыянальным адраджэнні Кабінета:
«Спадар амбасадар і чэшскае грамадства выдатна разумеюць, што з-за сітуацыі ў Беларусі Еўропа зараз не знаходзіцца ў бяспецы.
Я дзякую Чэхіі за праявы салідарнасці і падтрымку беларускага народа. Нашыя цяперашнія праблемы вельмі блізкія для чэхаў, таму сярод іншага мы абмяркоўвалі супрацоўніцтва ў гістарычнай палітыцы, палітыцы памяці.
Нас спалучае агульнае таталітарнае мінулае – і чэшскі досвед у пераадоленні камуністычнага рэжыму для нас вельмі каштоўны. Мяркую, ён дапаможа Беларусі хутчэй выйсці на сцежку дэмакратыі і сапраўды далучыцца да еўрапейскай сям’і народаў, да якой беларусы належаць па праву».
@CabinetBelarus
👍 30❤ 12👏 3👎 2🔥 1
Repost from Светлана Тихановская
Святлана Ціханоўская – у дзень народзінаў Марыі Калеснікавай
Святлана Ціханоўская: «24 красавіка – дзень народзінаў Марыі Калеснікавай. Нашай Машы, чыя прамяністая ўсмешка стала падтрымкай для тысячаў беларусаў. Калі «рэжым з жанчынамі не ваюе», то як жа так атрымліваецца, што ўжо чацвёрты год Маша сустракае гэты дзень за кратамі? Што гэта, калі не вайна?
У Беларусі зараз амаль дзве сотні жанчын-палітвязняў, сумарна прысуджаных да сотняў гадоў за кратамі. А час, які адбірае ў іх рэжым – немагчыма папоўніць. Гэта гады, якімі яны павінны насалоджвацца на волі. Пісаць кнігі і складаць музыку. Вывучаць новыя прафесіі і праводзіць рэформы ў палітыцы. Падарожнічаць і развівацца. Быць вольнымі.
Таму так важна працягваць падтрымліваць палітвязняў і іх сем'і: сваімі гісторыямі ў лістах, добрымі словамі і данатамі, калі гэта для вас бяспечна. Нашае адзінства, салідарнасць і чалавечнасць – гэта тое, што дапаможа нам выстаяць даўжэй за любы рэжым і разам прыйсці да таго, у што мы верым.
Сям'я Машы без сувязі з ёй ужо больш за год. І я не ведаю, калі нашыя лісты і віншаванні дойдуць да адрасаткі. Ці дойдуць увогуле?
Але я ведаю напэўна, якому падарунку яна была б радая. Абдыміце тых, хто побач з вамі. Патэлефануйце тым, хто далёка. Будзьце адзін у аднаго. Памятайце пра тое, што сказала Маша: «Каханне мацнейшае за страх». Як мага часцей нагадвайце пра гэта сабе і рабіце ўсё, што ў вашых сілах, каб даказаць слушнасць гэтых словаў».
❤ 56👍 7👎 2👏 2😢 1