audience statistics Тіл кеспек жоқ

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine

Шымкент пен Таразда жер сілкінді🚨 Ауғанстанда 7,8 баллдық жер сілкінісі болып, оны Тараз бен Шымкент тұрғындары сезді. Сағат 22:47 шамасында тіркелген дүмпу 3 баллды көрсеткен.

Мәжіліс депутаттығына кандидат болған журналист Думан Мұхаммедкәрім 25 тәулікке қамалды Журналист сайлау нәтижесін мойындамаған болатын. Оның қамалуы туралы адвокаты Ғалым Нұрпейісов хабарлады. Думан Мұхаммедкәрім 20 наурызда Алматыда өткен баспасөз мәслихатында жұртты бейбіт наразылыққа шақырған еді. Оны Әкімшілік кодекстің «Бейбіт митинг өткізу ережесін бұзу» бабы бойынша қамаған. Дереккөз: Азаттық радиосы

Студент сабақ болмас үшін жарылғыш туралы жалған хабар таратқан🤥 Алматыда Жүргенов атындағы Өнер академиясы колледжінің кәмелетке толмаған студенті ұсталды. Ол оқу орнында жарылғыш бары туралы бірнеше рет жалған хабарлама жасаған. Айыпты бұл ісін оқуда үлгермегендіктен, сабақты тоқтату үшін жасағанын айтты. Студент терроризм туралы көрінеу жалған ақпарат таратқаны үшін бес жылға дейін түрмеге кесілуі мүмкін. Дереккөз: Polisia.kz

60 жылдан аса ұмыт болған Наурыз мейрамының жаңғыруы✨ Наурыз — ежелгі, көне мейрамның бірі. Әлем бойынша бірнеше халықтың дәстүрлі мерекесіне айналған бұл күннің нақты тарихы қашан басталғанын айту қиын. Дегенмен бұл мейрам араб шапқаншылығы мен Кеңес үкіметі кезінде қысымға ұшырап, тойлауға тыйым салынған. 📍ОҚУ

Нидерландыда екі қазақстандық «жалған сайлау» деген наразылықпен, елшілікке жұмыртқа лақтырған Оқиға 20 наурызда Қазақстанның Гаага қаласында болды. Олар «Тоқаев, саяси тұтқындарды босат! Белсенділерді қудалауды тоқтат!» деп ұрандатты. Наразылар түрмеде отырған Ержан Елшібаев, Ермек Нарымбай, Қаңтар оқиғасынан соң көп жылға сотталған Қазыбек Құдайбергенов, Нұрсұлтан Исаевтардың суреттерін ұстап барған. Видеоны түсірген Қымбат Әбеудің сөзінше, полиция оларды акция өткізу тәртібін бұздыңдар деп әкетіп, үш сағат ұстаған соң ескерту жасап босатқан.

Қазақстан ең бақытты 50 елдің қатарына кірді🤩 Бірікке Ұлттар ұйымы жасаған тізімде Қазақстан 44-орында тұр. Рейтиң халықтың табысы, денсаулық, әлеуметтік қолдау, еркіндік деңгейі, жомарттық және сыбайлас жемқорлықтың болмауымен есептелген. Ең бақытты ел – Финляндия болса, ең бақытсыз ел – Ауғанстан атанды. Ал Ресей 80-орыннан 70-орынға көтерілген. Қазақстандықтар Жапония, Оңтүстік Корея, Бразилия халқына қарағанда бақыттырақ боп шықты. Қане, кімнің бақыттан басы айналып жүр?😍

Учаскелік сайлау комиссияларының 14 мүшесі «сайлау» заңын бұзғаны үшін міндетінен шеттетілген Бұл туралы Орталық Сайлау комиссиясы хабарлады. Болған жайттарды Бас прокуратура тексеріп, құқықтық баға береді.

Сайдаудың алдын ала қорытындысы бойынша, бір мандатты жүйе бойынша көп дауыс жинаған кандидаттар: Дәулет Тұрлыханов (Астана) Дәулет Мұқаев (Астана) Ерлан Стамбеков (Алматы) Ермұрат Бапи (Алматы) Бақытжан Базарбек (Алматы) Данабек Исабеков (Шымкент) Болатбек Нәжметдинұлы (Шымкент) Нұртай Сәбилянов (Абай облысы) Айна Мысырәлімова (Ақмола облысы) Қазыбек Әлішев (Ақтөбе облысы) Ардақ Назаров (Алматы облысы) Данияр Қасқарауов (Алматы облысы) Әділ Жұбанов (Атырау облысы) Абзал Құспан (БҚО) Мұқаш Ескендіров (Жамбыл облысы) Гүлдара Нұрымова (Жамбыл облысы) Руслан Қожасбаев (Жетісу облысы) Құдайберген Бексұлтанов (Қарағанды облысы) Арман Қалықов (Қарағанды облысы) Әбіл Еркін (Қостанай облысы) Мархабат Жайымбетов (Қызылода облысы) Еділ Жаңбыршин (Маңғыстау облысы Амантай Жарқынбек (Павлодар облысы) Еркебұлан Мәмбетов (СҚО) Қайрат Балабиев (Түркістан облысы) Ұласбек Сәдібеков (Түркістан облысы) Темір Қырықбаев (Түркістан облысы) Ерболат Сатыбалдин (Ұлытау облысы) Лұқбек Тұмашинов (ШҚО)

Ал мәжіліске 29 округ бойынша мына кандидаттар депутат болып сайланды: Дәулет Мұқаев, Ермұрат Бапи, Дәулет Тұрлыханов, Ерлан Стамбеков, Бақытжан Базарбаев, Абзал Құспан. Дереккөз: Азаттық радиосы

ОСК жариялаған сайлаудың қорытындысы: Amanat партиясы – 53,90% Ауыл – 10,90% Respublica – 8,59% Қазақстан Халық партиясы – 6,80% Ақ жол – 8,41% ЖСДП – 5,20% Байтақ – 2,30% Бәріне қарсы – 3,90% Мәжіліске алты партия өтетін болды.

✍️ Тоқаев «Қазақстан Республикасының Ақпараттық доктринасын бекіту туралы» Жарлыққа қол қойды Жарлықта доктринаның мақсаты елдің ақпараттық қауіпсіздігі мен идеологиялық егемендігін қамтамасыз ету екені айтылған.

Сайлауда жәшікке бюллетень тастағандар қағаз жүзіндегі көрсеткіштен азырақ болған📊 Бұл туралы ЕҚЫҰ-ның сайлауды бақылаушылары мәлімдеді. Ұйым өкілі Ирен Хараламбидес сайлаушылар саны мен келгендер туралы ресми ақпарат арасында айырмашылық болғанын айтты. «Сайлау учаскелерінде болғанда қанша адам дауыс бергенін сұрадық. Комиссия жетекшісі «шамамен 500 адам» деді. Содан кейін 2,5 мың сайлаушы барын, 1,7 мың бюллетень қолданылмағанын айтты. Нәтижесінде 800 сайлаушы бюллетень алған», – деді ЕҚЫҰ-ның парламенттік ассамблея делегациясының жетекшісі Рейнхольд Лопатки. Дереккөз: Азаттық радиосы

Қашаған мұнайы алғаш рет Каспий теңізі арқылы Әзірбайжанға жіберілді Қашаған кенішінен шыққан мұнай енді Ақтау – Баку бағыты бойынша тасымалданбақ. «ҚазТрансОйл» компаниясы 20 наурызда 6,9 мың тонна мұнай жөнелтілгенін айтты.

«Еркіндік қанаты» қоры Астанадағы сайлауда заң бұзушылықтар болғанын хабарлады Қордың бақылаушылары елорданың 53 сайлау учаскесінде болған. Қордың тоғыз бақылаушысы дауыстарды санағанға дейін, екеуі санау кезінде учаскеден шығарылған. Ал №375 учаскеде ең кем дегенде 16 сайлаушы екінші бюллетеньді заңсыз алғаны айтылды. Қазір қор өкілдері шағым түсірген, егер ол қаралмаса сотқа жүгінуге дайын.

Шымкенттегі сайлау учаскесінің комиссиясы хаттаманы дұрыс толтырмай, барлық бюллетеньді алып қашып кетті Оқиға Таскен ықшам ауданындағы №239 сайлау учаскесінде болған. Комиссия мүшелері соңында барлық бюллетеньді полициямен бірге алып қашқан. Ал кандидат жақтастары дұрыс санау жүргізбей, дауыс беру қағаздарын алып кеткеніне наразы болды. Дереккөз: Азаттық радиосы

«Менің басымнан өткенді өзгелер сезінбесе екен»: Қытайдан көшіп келген қандастың оқиғасы Ернар(кейіпкер өтінішімен аты өзгертілді), 19 жаста – Қытайдан Қазақстанға 2016 көшіп келген. Содан бері 13 мектеп ауыстырған. Анасымен қауышпағанына 7 жыл болды. Кейіпкеріміз Қазақстан шекарасына өткенде, әкесі жылап тұрып, толқығанын айтады. Тарихи отанына оралғанына қуанып, ерекше ыстық сезімде болған. Елге келгенде, бәрі жақсы болады деп ойлаған. Бірақ отандастары тарапынан «орысша білмегені және Қытайдан келген қазақ болғаны үшін» біраз қысым мен қиындық көрген. 📍Толығырақ оқи отырыңыз

Мәслихат депутаттығына кандидат Равкат Мұхтаров әділ сайлау күтіп, қателескенін айтты «Мен бұл сайлауға үмітпен бардым. Бірақ мен қателесіппін. Дегенмен біз өз құқығымызды қорғап, одан әрі күресетін боламыз», – деді ол баспасөз мәслихатында. Ол кеше өз адамдары әділетсіздікке тап болғанын айтты. Әрі мұндай жайттарға мұғалімдер мен мектеп директорлары жол бергенін мәлімдеді.

Exit poll бойынша мәжіліске өте алмаған «Байтақ» партиясы жеңілгенін мойындады Партия жетекшісі Азаматхан Әміртай сайлауда жеңілгенін мойындайтын пост жариялады. Ол парламенттің жаңа құрамына сәттілік тілеп, өздері бағдарлама бойынша жұмысын жалғастыратынын айтты.

Инга Иманбай қорытындысын мойындамайтынын айтты «Барлық мемлекеттік аппарат маған қарсы болды және тек бір кандидат Ермұрат Бапидің пайдасына болды», — деді белсенді. Ол сайлау нәтижесінің күшін жойып, қайта өткізуді талап етті.

«Комиссия мүшелері дауыс беру тәртібін білмеді» Бұл туралы Инга Иманбайдың сенімді өкілі, бақылаушы айтты. Ол 19 наурыз сайлау учаскесіндегі жағдай туралы егжей-тегжейлі баспасөз мәслихатында айтып берді. Оның сөзінше, сайлау учаскесі жабылған соң комиссия төрағасы мен мүшелері сайлау тәртібін сақтамаған. Пайдаланылмаған бюллютеньдерді жоймай тұрып, сайлау жәшігін ашқан. Одан бөлек, бюллютеньдерді санау кезінде, бақылаушыларға жақындауға тыйым салған. Ал заң бойынша, бақылаушылар дауыс беру белгісі көрінетіндей арақашықтық болуы тиіс.

Парламент депутаттарын сайлау қорытындысы бойынша баспасөз мәслихаты өтіп жатыр Жиында мәжілік депутаттығына тәуелсіз кандидаттар Инга Иманбай, Равкат Мұқтаров пен Абзал Достияров сөз сөйлейді. Олар сайлау барысындағы заң бұзушылықтар туралы айтады. 📍Сілтеме

8800 қазақстандық сайлауда шетелде жүріп дауыс берген🗳️ 62 елде Қазақстанның дипломатиялық өкілдіктері жанынан 77 сайлау учаскесі ашылған. Сайлауға дауыс беруге құқы бар 12 132 адамның 8 800-і белсене қатысқан. Бұл шеттегі қазақстандақтардың 72,54%-ы дауыс бергенін білдіреді.

Kaspi.kz-тің 1,2 миллион тұтынушысы депозитіне мемлекеттен үстемақы алды💸 Клиенттерге «Теңгелік салымдарды қорғау бағдарламасы» бағдарламасы аясында жиған ақшасының 10% көлемінде үстемақы түсті. Тұтынушыларға жалпы 66,4 миллиард теңге аударылған. Орташа есеппен бір клиент 55 мвң теңге үстемақы иемденді.

Ресей шабуылы бәсеңдеп, Украинаға шабуыл бастайтын кез жетті Украина шығысында орыс әскерінің шабуылдау қарқыны бәсеңдеген. Бұл Ресейдің көктемгі шабуылы аяқталуға жақын екенін білдіреді. Бұл туралы «Соғысты зерттеу институты» хабарлады. Егер 300 мың орыс солдаты Украинадағы шабуылда басымдыққа ие бола алмаса, онда алдағы мобилизация арқылы келетін қосымша күш соғыстың бағытын өзгертуі екіталай. Сол себепті украин әскерінің қарымта шабуылға көшуге барлық мүмкіндігі бар дейді сарапшылар. Дереккөз: Азаттық радиосы

«АрселорМиттал Теміртау» компаниясына 16,5 млн теңге айыппұл салынды Өндірістің жеті шахтасы мен «Восточный» фабрикасын тексеру кезінде заң бұзушылықтар анықталған. Табылған 89 өлшеуіштің мерзімі өтіп кеткен. Бұл еңбек жағдай қауіпсіздігіне тікелей әсер етеді. Бұл туралы Қарағанды аумақтық департаменті айтты.

Алматыда кандидаттың сенімді өкіліне шабуылдаған адам мектептің дене шынықтыру мұғалімі боп шықты Өзін «бақылаушы» деп таныстырған азамат кандидаттың сенімді өкіліне күш көрсеткен. Ол оның телефонын қағып, бетін ұрып, мойнынан жұлқылаған. Азамат сайлау өткен №200 мектептің дене шынықтыру пәні мұғалімі боп шықты. Ал полиция кінәліні ұстамаған.

Ким Чен Ын ядролық бомбаны кез келген уақытта жарып жіберуі мүмкін екенін айтты Солтүстік Корея басшысы Оңтүстік Корея мен АҚШ-тың әскери жағынан бірлесуін айыптады. Оған жауап ретінде екі елге ядролық шабуылға дайын болуға шақырды.

Сайлаудың Еxit poll нәтижесінде Amanat партиясы жеңді «Демократия институты» ғылыми-зерттеу ассоциациясы қоғамдық бірлестігі жариялаған Exit Poll нәтижесінде: 1. Amanat партиясы – 53,33% 2. «Ауыл» халықтық-демократиялық партиясы – 11,26% 3. Respublica партиясы – 8,33% 4. Қазақстан халық партиясы – 6,93% 5. «Байтақ» жасылдар партиясы – 2,51% 6. «Ақ жол» Қазақстан демократиялық партиясы – 8,87% 7.Жалпыұлттық социал-демократиялық партия – 5,12%. Ал сайлаушылардың 3,65 %-ы «Бәріне қарсымын» бағанасын таңдаған.

Елена Рыбакина АҚШ-тағы турнирде жеңіске жетті🎉 Ол Индиан-Уэллс штатындағы теннистен WTA 1000 турнирінің жеңімпазы атанды. Рыбакина финалда Беларусь спортшысы Арина Соболенконы екі сетте жеңді.

54,19% — Қазақстан тарихындағы ең төмен көрсеткіш ОСК-ның сағат 22.10-дағы дерегі бойынша халықтың 54,19% дауыс берген. Қызылорда облысыда – 67,21% болса, Алматы қаласы – 25,82%. Vlastkz жазуынша, осыған дейін 2004 жылғы сайлау ең төмен көрсеткіш саналған еді. Ресми дерекке сүйенсек, дауыс беруге сайлаушылардың 56,49 пайызы келген.