Wanaw Media - ዋናው ሚዲያ

ነፍሰጡር በያዘ አምፑላንስ ላይ በተፈፀመ ጥቃት የሰው ህይወት አለፈ‼ በደቡብ ወሎ ዞን ከላላ ወረዳ አንዲት ምጣድ ነፍሰ ጡር እናትን ጭና ትጓዝ በነበረች አምቡላንስ ላይ ባልታወቁ ታጣቂዎች በተከፈተ የጥይት እሩምታ የአንዲት አስታማሚ ህይወት ሲያልፍ፣ በነርስ ላይ ደግሞ የጽኑ አካል ጉዳት መድረሱ ተገለጸ። እንደ ነዋሪዎች መረጃ ከሆነ፣ ክስተቱ የተከሰተው ነሐሴ 29 ቀን 2018 ዓ.ም ከምሽቱ 1:00 ሰዓት አካባቢ ነው። ታካሚዋ ከከላላ ሆስፒታል ወደ አቃስታ ሆስፒታል በሪፈራል (በተጨማሪ ህክምና) በመጓዝ ላይ በነበረችበት ወቅት፣ ቲርቲራ በተባለች ከተማ ሲደርሱ በታጣቂዎች ተኩስ ተከፍቶባቸዋል ሲሉ ነዋሪዎች ጠቁመዋል። በወቅቱ በአምቡላንሷ ውስጥ ነፍሰ ጡሯን ጨምሮ አንድ ነርስ፣ አራት አስታማሚዎች እና አሽከርካሪው የነበሩ ሲሆን፣ በተከፈተው ተኩስ ሳቢያ፦ 📌ወይዘሮ ሰአዳ የተባሉት የሁለት ህፃናት እናት የሆኑ አስታማሚ ህይወታቸው በቦታው አልፏል። 📌አብሯቸው ይጓዝ የነበረው ነርስ በደረሰበት የጥይት ምት በጉልበቱ ላይ ከባድ ጉዳት አስተናግዷል። ከጥቃቱ በኋላ ታጣቂዎቹ አምቡላንሷን ወደ ጫካ ይዘዋት የሄዱ ሲሆን፣ ነፍሰ ጡሯ እናትና ጽኑ ጉዳት የደረሰበት ነርስ የአካባቢው ማህበረሰብ ባደረገው እርብርብ ወደ ቲርቲራ ጤና ጣቢያ ተወስደው ሌሊቱን በሙሉ አስፈላጊው የህክምና እርዳታ ሲደረግላቸው አድረዋል። አደጋው በአካባቢው ማህበረሰብ ዘንድ ትልቅ ሃዘንና ስጋት የፈጠረ ሲሆን፣ በጉዳዩ ዙሪያ ከሚመለከታቸው አካላት ተጨማሪ መረጃዎችን የማጣራት ስራ እየተሰራ ይገኛል ተብሏል።