Gurage music ጉራጊኛ ሙዚቃ

ጉራጌ ዞን እዣ ወረዳ አገና_ገበያ በውብ እጆች በተሰሩ የእደ ጥበብ ውጤቶች ትደምቃለች። እለተ ሠኞና ሀሙስ ከአእዋፍ ዝማሬ ቀድመው የሚከትሙት የገበያው ሞተር እነኚህ በእናቶቻችንና በእህቶቻችን ተከሽነው የተሠሩ የእደ ጥበብ ውጤቶች ቀትር ላይ አዲስ አበባ በነጋዴዎች አማካኝነት ደርሠው እኔ ነኝ ያለ ቅልጥ ያለ ድግስ ቤት የባህል ምግብ ድምቀት ይሰጣሉ። ብዙ ያልተዘመረላቸው ድንቅ ሀገር በቀል የእደ ጥበብ ውጤቶች በጥራታቸውና በውበታቸው እጅግ ተወዳጅና ተፈላጊ ከመሆናቸው የተነሳ ከሀገር ውሥጥ አልፈው ባህር ማዶ ዘልቀው የገቡ ውብ እጆች ወዲህ ናቸው። የጉራጌ እናቶች የክብር ቅርስ ከሆነው ይወደረ እስከ ቢጥር፣ አንቀፎ፣ ሴራ እና ሌሎችንም የጉራጌ እናቶች የእጅ ሥራ ውጤቶች ሸመታ ከፈለጉ ሁነኛ መገኛ ነው። ውሎ አዳር በጉራጌ ዞን አሥካለ ተስፋዬ በክፍል ሁለት ቅኝቷ እነዚህን የጉራጌ እናቶች የእደ ጥበብ ውጤቶች በአገና_ገበያ ተዘዋውራ አስቃኝታናች። እንዳያመልጦ ይከታተሉ !