Benishangul Gumuz Education Bureau

28ኛው ክልል አቀፍ የትምህርት ጉባኤ ነገ ይካሄዳል ------------ ------------- -------------- ----------------- (ነሃሴ 27/2018 ዓ.ም ፤ አሶሳ) የቤኒሻንጉል-ጉሙዝ ክልላዊ መንግስት ትምህርት ቢሮ 28ኛው ክልል አቀፍ የትምህርት ጉባኤውን ጥራትና ፍትሃዊነቱ የተረጋገጠ ትምህርት ለተሻለ የመማር ውጤት በሚል ቃል ነገ ይካሄዳል። የክልሉ ትምህርት ቢሮ ሃላፊ ተመስገን ዲሳሳ (ዶ/ር) ለኢቢሲ በሰጡት ጋዜጣዊ መግለጫ ጉባኤው በዋናነት የ2018 ዓ.ም የትምህርት ዘርፍ ስኬቶችን በቀጣይ አጠናክሮ ማስቀጠልና በቀጠይ 2019 ዓ.ም የተማሪዎችን ውጤት ማሻሻልን ማዕከል ያደረጉ ስራዎችን ላይ በትኩረት ለመስራት ያለመ ውይይትና የስራ መመሪያ የሚሰጥበት መድረክ መሆኑን ጠቅሰዋል፡፡ በክልል አቀፍ ፈተናዎች በ2018 ዓ.ም 50 ፐርስንትና ከዚያ በላይ ውጤት መመዝገቡንና ከ2017 የትምህርት ዘመን ጋር አንጻር መሻሻል ማሳየቱን ያነሱት ሃላፊው ሀገር አቀፍ የ12ኛ ክፍል ፈተናም በተመሳሳይ በዚህ ዓመት መሻሻል ታይቷል ብለዋል፡፡ ይሄ ውጤት በትምህርት ስራ ሃላፊዎች ፣ በመምህራን ፣ በትምህርት ቤት አመራሮችና በትምህርት ባለሙያዎችና በባለድርሻ አካላት ርብርብ የተገኘ ውጤት ቢሆንም አሁንም ይበልጥ ከፊት ለፊታችን የትምህርት ጥራት ላይ መስራት በእጅጉ የሚቀረን የቤት ስራዎች አሉን ብለዋል፡፡ በ2019 የትምህርት ዘመን 320ሺ ገደማ ተማሪዎችን በትምህርት ካለንደሩ ተመዝግበው ትምህርት እንዲጀምሩና 53 ሺ የቅድመ መደበኛ ሕፃናት መመዝገብ ብቻ ሳይሆን በዋናነት በክፍል ተገኝተው እንዲማሩና በትምህርት ገበታ ላይ እንዲቆዩ ፤ ተገቢውን ዕውቀት እንዲያገኙ ማድረግ ሌላው በጉባኤው ትኩረት የሚሰጠው ጉዳይ ነው ሲሉ ቢሮ ሃላፊው አክለዋል፡፡ በዚህ መድረክ ላይ ከፍተኛ የፌደራል ፣ የክልል ፣ የዞን ፣ የወረዳና የዘርፉ ባለድርሻ አካላት ይሳተፋሉ ተብሎ ይጠበቃል፡፡ ዘገበው የቢሮው ኮሙኒኬሽን ዳሬክቶሬት ነው፡፡