Ethiopian Education

ክፍል 16 በትክክለኛ ሰዎች ራስህን ክበብ “ብዙ ጊዜ አብረሃቸው ከምታሳልፋቸው አምስት ሰዎች አማካይ ነህ።” — ጂም ሮን ጓደኞችህ ሰነፎች ከሆኑ፣ አንተም ሰነፍ ትሆናለህ። ጓደኞችህ ነገሮችን ማዘግየት የለመዱ ከሆነ፣ አንተም ነገሮችን ማዘግየት ትጀምራለህ። ጓደኞችህ በትጋት የሚሰሩ ከሆኑ፣ አንተም በትጋት መስራት ትጀምራለህ። ጓደኞችህ መጽሐፍ ማንበብ የሚወዱ ከሆነ፣ አንተም መጽሐፍ ማንበብ ትጀምራለህ። በዙሪያው ያለው ከበባ ተጽዕኖ የማያደርስበት ሰው ሊኖር ይችላል፣ ግን ይህ በጣም አልፎ አልፎ ነው። ብዙ ሰዎች ሰነፍ የሚሆኑት አብዛኛውን ጊዜ የሚያሳልፉት ከሰነፎች ጋር ስለሆነ ነው። ከአንተ ጋር በጣም ቀርበው የሚኖሩ ሰዎችን ልማዶች ትወስዳለህ። የእነሱ ጥሩም ሆነ መጥፎ ልማዶች የአንተ ልማዶች ይሆናሉ። ለምሳሌ፣ ጓደኛህ ጊዜውን ማባከን የሚወድ ከሆነ፣ አንተም ከእሱ ጋር ጊዜህን ማባከን ትጀምራለህ። በሌሎች ሰዎች ተጽዕኖ አለመውሰድ በጣም ከባድ ነው። ስለዚህ ማድረግ አለብህ? ማድረግ ያለብህ ብቸኛው ነገር መንቃት ነው። ስንፍናንና ነገሮችን ማዘግየትን ማሸነፍ የምትችለው በመንቃት ብቻ ነው። ስለምታደርጋቸው ነገሮች በጣም ንቁ መሆን አለብህ። “አይ” ማለትን መማር አለብህ። በተቃራኒው ደግሞ ሰነፍ ያልሆኑ፣ ነገሮችን የማያዘገዩ እና ጥሩ ልማዶችን የያዙ ጓደኞች ካሉህ፣ አንተም እንደነሱ ትሆናለህ። ምርጫው ያንተ ነው። በዙሪያህ የምታደርጋቸው ሰዎች በሕይወትህ ላይ እጅግ ትልቅ ተጽዕኖ ይኖራቸዋል። አስተሳሰብህን፣ ድርጊቶችህን እና ሕይወትህን ይቀርጻሉ። ትክክለኛ ሰዎች ሕይወትህን ያሻሽላሉ፤ ትክክል ያልሆኑ ሰዎች ደግሞ ሕይወትህን ያበላሻሉ። ሁልጊዜ አሉታዊ አስተሳሰብ ካለው ሰው ጋር የምትቆይ ከሆነ፣ እሱም አንተን አሉታዊ ሰው ሊያደርግህ ይችላል። በምትኩ ግን በአዎንታዊ ሰዎች ከተከበብክ፣ አንተም አዎንታዊ ሰው ትሆናለህ። ስለዚህ በዙሪያህ ስላሉት ሰዎች በጥልቀት ማሰብ አለብህ።        አስተሳሰብህን ለመቀየር የከበቡህን ሰዎች ቀይር አስተሳሰብህን መቀየር ከፈለግህ፣ የምታደርገውን ነገር ሁሉ መቀየር አለብህ። በዙሪያህ ያሉ ሰዎችን መቀየር አለብህ። አብዛኛውን ጊዜ የምታሳልፈው ሰዎች ሰነፎች፣ አሉታዊ እና ሕይወትህን በትንሹም ቢሆን የማያሻሽሉ ከሆኑ፣ የከበቡህን ሰዎች መቀየር ወይም ቢያንስ ምክራቸውን ማዳመጥ መቀነስ ጠቃሚ ነው። አንድ ሰው እንዲህ ብሏል፦ “የሚጎዳህን መስኮት ዝጋ፤ እይታው ምንም ያህል ውብ ቢሆንም።” እኔም ይህ በጣም ተሰምቶኛል!           ከሁሉም ሰው ምክር አትቀበል ከእሱ ጋር ቦታ መቀያየር ከማትፈልገው ሰው በሕይወትህ ላይ ምክር እንዲሰጥህ አትፍቀድ። ለምሳሌ፣ እንዴት ደስተኛ መሆን እንደምትችል ምክር ከፈለግህ፣ ይህንን ምክር መጠየቅ የሌለብህ ሰው ቢኖር ደስተኛ ያልሆነ ሰው ነው።  አስብበት እስኪ ፤ የእሱ ምክር በእውነት ዋጋ ያለው ከሆነ፣ እሱ ራሱ ለምን ደስተኛ አይደለም? ማንም ሰው ለዘላለም ደስተኛ ሳይሆን መኖር አይፈልግም። ምክር የምትቀበልበት ሰው የምትኖረውን ሕይወት ይወስናል። ደስተኛ ካልሆኑ ሰዎች ምክር ከተቀበልክ፣ አንተም ደስተኛ አትሆንም። ጤናማ ካልሆኑ ሰዎች ምክር ከተቀበልክ፣ አንተም ጤናማ ያልሆነ ሰው ትሆናለህ። ቁጡ ከሆኑ ሰዎች ምክር ከተቀበልክ፣ አንተም ቁጡ ትሆናለህ። “የምትፈልገው ነገር ከሌላቸው፣ የሚናገሩትን አትስማ።” — አሌክስ ሆርሞዚ መሆን ከማትፈልገው ሰው ምክር መቀበልን አቁም። ሕይወትህን እንዴት መኖር እንዳለብህ እና ምን ማድረግ እንዳለብህ ሌሎች ሰዎች የሚሰጡህን አስተያየት ማዳመጥ አቁም። ምክራቸው ለአንተ ምንም ጥቅም የለውም። ሕይወትህ የአንተ ነው፤ ስለዚህ በራስህ መንገድ ኑር። ይቀጥላል...

2024 -2025(last year) self sponsored cut off point

2018 Government sponsorship cut- off point

የ2018 አመተ ምህረት ወደ አዲስ አበባ ዩኒቨርሲቲ መግቢያ ፈተና መቁረጫ ነጥብ ምን እንደሚመስል እንመልከት ። ከ Government sponsorship ስንጀምር 🎯Natural ለሴት -  78 🎯Natural ለወንድ - 83 📌Social ለሴት - 57 📌Social ለወንድ - 63 ወደ Self sponsorship ስንመጣ 👉 Law (ህግ) = 73 👉 Pharmacy = 72 👉 Architecture = 73 👉 Computer Science = 77 👉 Information Systems = 74 👉Software Engineering = 79 👉Doctor of Dental Medicine  = 78 👉Doctor of Medicine = 79      

🔷 የ2018 ትምህርት ዘመን የኢትዮጵያ ሁለተኛ ደረጃ ትምህርት ማጠናቀቂያ ሠርቲፊኬት ፈተና ውጤት የሚገለጽባቸው አድራሻዎች ይፋ ሆኑ። በ2018 ትምህርት ዘመን የኢትዮጵያ ሁለተኛ ደረጃ ትምህርት ማጠናቀቂያ ፈተና ውጤትን ተፈታኞች ዛሬ ነሐሴ 19 ቀን 2018 ዓ/ም ከምሽቱ 1፡00 ሰዓት ጀምረው የሚከተሉትን አማራጭ ማስፈንጠሪያዎችን (Link) በመጠቀም ማየት የሚችሉ መሆኑን አገልግሎቱ አሳውቋል። በተያያዘም ተፈታኞች ቅሬታ ሲኖራቸው በአካል መምጣት ሳያስፈልግ https://result.eaes.et/complaint የሚለውን ማስፈንጠሪያ በመጠቀም ቅሬታቸውን ከነሐሴ 19 እስከ 26/2018 ዓ/ም ከቀኑ 10፡00 ሰዓት ድረስ በማቅረብ ምላሹንም በተመሳሳይ ማስፈንጠሪያ በኩል መከታተል የሚችሉ መሆኑን አገልግሎቱ ያሳውቃል። ውጤት የሚገለጽባቸው ማስፈንጠሪያዎች፡- 📌በድረ ገጽ ፡ https://result.eaes.et 📌ቴሌግራም፡ https://result.eaes.et/telegram 📌አጭር የጽሑፍ መልዕክት፡ https://result.eaes.et/sms ✔ Ethiopian Education

የ12ኛ ክፍል ሀገር አቀፍ መልቀቂያ ፈተና ከወሰዱ ተማሪዎች መካከል ከ 12.8 በመቶ ወይም 70, 544 ተማሪዎች የማለፊያ ወጤት ማምጣታቸው ተገለጸ። በዘንድሮው ፈተና ከ600 ከፍተኛ ውጤት 591.64 በተፈጥሮ ሳይንስ ሆኖ ተመዝግቧል። ----------------------------- // ------------------------------- ‎ ‎(ነሐሴ 16/2018 ዓ.ም) የትምህርት ሚኒስትሩ ፕሮፌሰር ብርሃኑ ነጋ የ2018 ዓ.ም የ12ኛ ክፍል ፈተና ውጤትን በማስመልከት በሰጡት ጋዜጣዊ መግለጫ የ12ኛ ክፍል ሀገር አቀፍ መልቀቂያ ፈተና ከወሰዱ ተማሪዎች መካከል ከ 12.8 በመቶ ወይም 70, 544 ተማሪዎች 50% እና በላይ ወጤት ማስመዝገባቸውን አብራርተዋል። ‎ ‎ባለፈው ዓመት በተሰጠው የ12ኛ ክፍል መልቀቂያ ፈተና 8.9 በመቶ ተማሪዎች ማለፋቸውን የገለጹት ሚኒስትሩ በዚህ ዓመት የማለፊያውን ውጤት ያስመዘገቡ ተማሪዎች ቁጥር ከአምናው ጋር ሲነጻጸር ከ20 ሺህ በላይ ብልጫ እንዳለው ተናግረዋል። ‎ ‎በዚህ ዓመት ከ50 በመቶ በላይ ያመጡ ተማሪዎች በተፈጥሮ ሳይንስ 16.58 በመቶ እንዲሁም በማህበራዊ ሳይንስ 8.33 በመቶ መሆኑንም ተናግረዋል። ‎ ‎በተፈጥሮ ሳይንስ ከ600 ከፍተኛ ውጤት 591.64 በወንድ ፤ 583.03 በሴት ሆኖ የተመዘገበ መሆኑን የገለጹት ሚኒስትሩ በማህበራዊ ሳይንስ ደግሞ ከ600 ከፍተኛ በወንድ 576.25 በሴት 569.17 ሆኖ መመዝገቡን አብራርተዋል። ‎ ‎ በዚህ ዓመት ተማሪዎችን ካስፈተኑ ት/ቤቶች መካከል 88 ት/ቤቶች 100% ተማሪዎቻቸውን ማሳለፋቸውን እና 565 ትምህርት ቤቶች ደግሞ ምንም ተማሪ አለማሳለፋቸውን ተናግረው ከባለፈው ዓመት ምንም ካላሳለፉ 1232 ት/ቤቶች ጋር ሲነጻጸር የተሻለ መሆኑን ገልጸዋል። በዚህ ዓመት ለፈተና ከተመዘገቡ 563,960 ተማሪዎች ውስጥ 550,210 ተማሪዎች ፈተናቸውን ወስደዋል። ‎ ‎በአጠቃላይ በትምህርት ዘርፉ እየነተገበሩ ባሉ የሪፎርም እርምጃዎች የተሻለ ውጤት እየተመዘገበ መምጣቱን የዘንድሮው ውጤት ማሳያ መሆኑንም ክቡር ሚኒስትሩ አብራርተዋል።

የ2018 ዓ.ም. የ12ኛ ክፍል ብሔራዊ ፈተና ዋና ዋና መረጃዎች‼️ 📊 የማለፊያ ውጤት • 70,544 ተማሪዎች ፈተናውን አልፈዋል። • ይህም 12.8% የማለፊያ ምጣኔ ነው። • 565 ትምህርት ቤቶች አንድም ተማሪ ማሳለፍ አልቻሉም። 🏫 100% ያሳለፉ ትምህርት ቤቶች • አምና — 62 • ዘንድሮ — 88 ➡️ በዚህ ዓመት 26 ትምህርት ቤቶች ጨምረዋል። 💻 በፈተና አሰጣጥ ዘዴ • በኦንላይን የተፈተኑ — 18.37% አልፈዋል። • በወረቀት የተፈተኑ — 4.2% አልፈዋል። 🏆 የክልሎች የማለፊያ ምጣኔ 🥇 አዲስ አበባ — 32.4% 🥈 ሀረሪ — 22.76% 🥉 አማራ — 15% • ድሬዳዋ — 11.92% • ትግራይ — 11.2% • ጉምዝ — 10.53% • ደቡብ — 9.2% • ሶማሌ — 9% • ሲዳማ — 6.95% • ጉምዝ — 6.1% • ደቡብ ኢትዮጵያ — 4.2% • 3.74% — የክልሉ ስም አልተጠቀሰም። 🎯 ከፍተኛ ውጤት ያስመዘገቡ • 591/600 — ተፈጥሮ ሳይንስ፣ ወንድ — ኦዳ ትምህርት ቤት • 583/600 — ተፈጥሮ ሳይንስ፣ ሴት — አገው ምድር ትምህርት ቤት • 576.25/600 — ማህበራዊ ሳይንስ፣ ወንድ — ዶዶላ ኢፋ ቦሩ ትምህርት ቤት • 569/600 — ማህበራዊ ሳይንስ፣ ሴት 📌 በአጠቃላይ፦ የዘንድሮ የ12ኛ ክፍል ብሔራዊ ፈተና የማለፊያ ምጣኔ 12.8% ሲሆን፣ አዲስ አበባ 32.4% በማስመዝገብ ከፍተኛውን የክልል ደረጃ ይዟል። በተጨማሪም 100% ያሳለፉ ትምህርት ቤቶች ከ62 ወደ 88 ከፍ ብለዋል። " ዘንድሮ ካለፉት ዓመታት ውጤት ጋር ሲነጻጸር የተሻለ ተማሪ ቁጥር ያለፈ በመሆኑ የምንቀበለው የሬሚዲያል ተማሪ ቁጥር ይቀንሳል። ስንት ይሆናል የሚለውን በተመለከተ ግን መቁረጫ ነጥቡ ወደፊት የሚገለጽ ይሆናል።

Blood Grouping (የደም አይነትን መለየት) Blood grouping is the process of determining a person's blood group by identifying the antigens present on the surface of red blood cells (RBCs). የደም አይነትን መለየት ማለት በቀይ የደም ህዋሳት ዉስጥ ያሉትን አንቲጂኖችን(antigens) በመመርመር የሰዉን የደም አይነት መወሰን ነዉ። There are two main blood grouping systems : ሁለት ዋና ዋና   የደም አይነት መለየ መንገዶች አሉ ። 1. ABO blood grouping system and (ABO የደም አይነት መለየ መንገድ) እና 2. RH blood group system. (RH የደም አይነት መለየ መንገድ 🖍  ABO blood grouping system determines the presence or absence of antigen A ,  B , both or none, and their ccorresponding antibody in there plasma. ABO የደም አይነት መለየ መንገድ የአንቲጂን A ፣ B ወይም የሁለቱንም መኖርንና አለመኖሩን እና የደም ፕላዝማ ውስጥ የእያንዳንዳቸውን ፀረ አንቲጂን የምንለይበት ዘዴ ነው። Ex. ✍️   Blood group A has antigen A ,and anti B antibody ✍️ Blood group B has antigen B and abti A antibody ✍️ Blood group AB has both antigen A and B, but no anti-A & anti B antibodies . ✍️ Blood group O no A or B antigen ,but has has both anti A and anti B antibodies. ለምሳሌ ✍️ የደም አይነት A አንቲጂን A እና የአንቲጂን B ማጥፊያ ፀረ B አለው ። ✍️የደም አይነት B አንቲጂን B እና የአንቲጂን A ማጥፊያ ፀረ  A አለው ። ✍️ የደም አይነት AB አንቲጂን A እና B አለው ፣ ነገር ግን አንቲጂን A ም ሆነ የ አንቲጂን B ማጥፊያ ፀረ Aም ፀረ Bም የለውም። ✍️ የደም አይነት O ደግሞ አንቲጂን Aም አንቲጂን Bም የለውም ፣ ነገር ግን የሁለቱም ማጥፊያ ፀረ A እና ፀረ B አለው። 🖍 RH blood group system determines the presence or absence of antigen D. If antigen D is present , it is RH positive(RH +) If antigen D is absent it is RH negative (RH -) RH የደም አይነት መለየ መንገድ የአንቲጅን D መኖሩንና አለመኖሩን የምንለይበት መንገድ ነው። አንቲጂን D ካለው RH positive ነው ። አንቲጂን D በሌለው RH negative ነው ። #from Grade 10 biology(unit 5)

ክፍል 15 አትዘግይ " በቀጣይ የሚያደርጉትን ማወቅ ጥበብ ነው ፥ እንዴት እንደሚያደርጉት ማወቅ ክህሎት ነው ፥ ዋናው ወደ ተግባር መቀየር ነው!!" ዴቪድ ስታር ጆርዳን ብዙ ሰዎች ሰነፍ የሚሆኑበት አንዱና ዋና ምክንያት፣ አንድ ነገር ለማድረግ “ትክክለኛውን ጊዜ” ሁልጊዜ መጠበቃቸው ነው። እና ምን ይመስልሃል? ትክክለኛው ጊዜ ፈጽሞ አይመጣም። ለመጀመር ምንም ጊዜ ፍጹም ጥሩ ወይም መጥፎ አይደለም። ዛሬ መጀመር እና ትንሽ እድገት ማምጣት ትችላለህ፤ ወይም መጠበቅና “የእኔ ጊዜ ይመጣል” ብለህ ራስህን ማጽናናት ትችላለህ። “አንድ ቀን ጊዜዬ በራሱ ይመጣል” ብለህ ሥራ ሳትሠራ መጠበቅን አቁም። ይህ አይሆንም። ግቦችህን ለማሳካት ሥራውን መሥራት አለብህ። ፍጹም ጊዜን ብቻ በመጠበቅ ስኬታማ የሆነ ሰው አይቼ አላውቅም። አንዳንድ ሥራዎች ምንም ያህል ብትጥር በፍጥነት ሊጠናቀቁ አይችሉም። ይህ ግን ምንም ሳታደርግ መጠበቅ አለብህ ማለት አይደለም። ስንፍናህን ከትዕግሥት ጋር አታምታታ። ትዕግሥትና ስንፍና በጣም የተለያዩ ናቸው። አትቀላቅላቸው። በየቀኑ ሥራህን መሥራት አለብህ፤ ከዚያም ውጤቱን በትዕግሥት መጠበቅ አለብህ።            የታላቅ ትዕግሥት ታሪክ አንድ ጊዜ አንድ ገበሬ የቀርከሃ ዛፍ ተከለ። ገበሬው ለአንድ ዓመት በየቀኑ ተክሉን አጠጣ፣ ነገር ግን የሕይወት ምልክት አላየም። እድገት የለም፣ ቡቃያ የለም፣ ተስፋም የለም። ሁለተኛው ዓመትም እንደዚሁ ነበር፤ ሦስተኛውና አራተኛውም እንዲሁ። በዚህ “ተአምረኛ” የቀርከሃ ተክል ላይ ያለው ትዕግሥቱና እምነቱ መቀነስ ጀመረ። በአምስተኛው ዓመት፣ ተስፋ ሊቆርጥ ሲል፣ ተክሉ ቡቃያ ማውጣቱን አየ። ቀርከሃውም በቀጣዮቹ ስድስት ሳምንታት 60 ጫማ ያህል ከፍ ብሎ አደገ! ይህ ስለ ትዕግሥትና ትጋት በጣም ጥሩ ታሪክ ነው። ሕይወትም እንዲሁ ነው። በአንድ ጀምበር የሚገኝ ስኬት የለም። ስኬት ለመምጣት ረጅም ጊዜ ይወስዳል። ይህ ግን ቁጭ ብሎ ምንም ሳያደርጉ በመጠበቅ አይደለም። ቀርክሃው በራሱ አላደገም፤ ገበሬው መትከል፣ መንከባከብና በትዕግሥት መጠበቅ ነበረበት።    ለተግባር አትታገስ፤ ለውጤቱ ታገስ አንድ የዜን ተማሪ ወደ መምህሩ ሄዶ በጉጉት ጠየቀ፦ “ዜንን ለመማር ቆርጬ ተነስቻለሁ። እሱን በሚገባ ለመማር ምን ያህል ጊዜ ይወስድብኛል?” መምህሩም፦ “አሥር ዓመት” አለው። ተማሪው መልሶ፦ “እኔ ግን ከዚያ በበለጠ ፍጥነት መማር እፈልጋለሁ። በጣም ጠንክሬ እሠራለሁ። አስፈላጊ ከሆነ በየቀኑ ከአሥር ሰዓት በላይ እለማመዳለሁ። ታዲያ ምን ያህል ጊዜ ይወስዳል?” መምህሩ ለጥቂት ጊዜ አሰበና፦ “ሃያ ዓመት” አለው። የምታገኘውንም ሆነ የማታገኘውን ውጤት ሙሉ በሙሉ መቆጣጠር አትችልም። መቆጣጠር የምትችለው ድርጊትህንና የምትሠራውን ሥራ ብቻ ነው። ሁሉም ሰው በጠንካራ ሥራ ላይ ሲሆን ውጤቱን በፍጥነት ማየት ይፈልጋል፤ “የሥራዬን ውጤት አሁኑኑ ካላየሁ” ብሎ ያስባል። ብዙ ጊዜ ግን እንዲህ አይሆንም። የምትፈልገውን ውጤት ከማግኘትህ በፊት ለዓመታት ጠንክረህ መሥራት ሊኖርብህ ይችላል። ስለዚህ ውጤቱን በትዕግሥት ጠብቅ፤ ለተግባርህ ግን አትታገስ። ሁሉም ነገር እጅ በእሕ እንደሚሰጥ ከሚያስቡ ሰዎች አትሁን። የምትፈልገውን ውጤት ከማግኘትህ በፊት ቀድመህ ሥራውን መሥራት አለብህ። “የትዕግሥት ጌታ የሁሉም ነገር ጌታ ነው።” — ጆርጅ ሳቪል         ምርጥ የሚባል ጊዜ የለም አዲስ ነገር ለመጀመር ምርጥ ጊዜ የሚባል ነገር የለም። ዛሬ መጀመርና ትንሽ እድገት ማምጣት ትችላለህ፤ ወይም ተስማሚውን ጊዜ እየጠበቅህ ያለ ስራ መቀጠል ትችላለህ። ምርጡ ጊዜ አሁን ነው። ወደ ግቦችህ መሄድ ለመጀመር ከዛሬ የተሻለ ጊዜ የለም። ስንፍናን አቁምና የሚያስፈልገውን ሥራ መሥራት ጀምር።       ወጥነት ቁልፍ ነው በማንኛውም ነገር ላይ ጎበዝ ለመሆን፣ ነገሩን በየቀኑና ለረጅም ጊዜ ማድረግ አለብህ። የተሻለ ሰዓሊ ለመሆን → በየቀኑ መሳል አለብህ። የተሻለ ጸሐፊ ለመሆን → በየቀኑ መጻፍ አለብህ። የተሻለ ተናጋሪ ለመሆን → በየቀኑ መናገር አለብህ። ብዙ ሰዎች በፍጹም አይጀምሩም። አንዳንዶቹ ይጀምራሉ፣ ነገር ግን ነገሮች እየተወሳሰቡ ሲሄዱ ይተዋሉ። ጥቂቶች ብቻ ወጥነት ያሳያሉ፤ በየቀኑ ያደርጉታል፣ ነገሩ ምንም ያህል ቢከብድም አይተዉትም።         ቀስ በቀስ ቀላል ይሆናል “መጀመሪያ ላይ አስቸጋሪ ሊመስል ይችላል፤ ግን ሁሉም ነገር መጀመሪያ ላይ አስቸጋሪ ነው።” — ሚያሞቶ ሙሳሺ በጣም አስቸጋሪው ነገር መጀመር ነው። 95% የሚሆኑ ሰዎች የሚቆሙት እዚህ ላይ ነው። በፍጹም አይጀምሩም። ሁልጊዜ ይጠብቃሉ፣ ሰበብም ይፈልጋሉ። መጥፎ ልማድን መተው ከፈለግህ፣ የመጀመሪያዎቹ ጥቂት ቀናት በጣም አስቸጋሪዎቹ ይሆናሉ። ከጥቂት ሳምንታት በኋላ ግን መቀጠል በጣም ቀላል ይሆናል። የምትናገረውን አድርግ ማዘግየትን የምትወድ ከሆነ የራስህን ቃል አታከብርም። አንድ ነገር እንደምታደርግ ተናግረህ ካላደረግኸው፣  ሰዎች አንተን ማመን ማቆም ይጀምራሉ። ይህ ማለት ሌሎች ሰዎች የሚጠይቁህን ነገር ሁሉ ማድረግ አለብህ ማለት አይደለም። ነገር ግን አንድ ነገር እንደምታደርግ ከተናገርክ፣ ቃልህን መጠበቅ አለብህ። “ከነገ ጀምሮ ጂም እሄዳለሁ” ካልክ፣ ምንም ነገር ቢከሰት ጂም መሄድ አለብህ። የምትናገረውን አድርግ። ነገሮችን ብቻ እየተናገርክ ሰንፈህ ሳታደርጋቸው አትተው!ቃልህን አክብር፤ የምትለውንም ነገር አድርግ። The Art of Laziness

ወጥነት ቁልፍ ነው በማንኛውም ነገር ላይ ጎበዝ ለመሆን፣ ነገሩን በየቀኑና ለረጅም ጊዜ ማድረግ አለብህ። የተሻለ ሰዓሊ ለመሆን → በየቀኑ መሳል አለብህ። የተሻለ ጸሐፊ ለመሆን → በየቀኑ መጻፍ አለብህ። የተሻለ ተናጋሪ ለመሆን → በየቀኑ መናገር አለብህ። ብዙ ሰዎች በፍጹም አይጀምሩም። አንዳንዶቹ ይጀምራሉ፣ ነገር ግን ነገሮች እየተወሳሰቡ ሲሄዱ ይተዋሉ። ጥቂቶች ብቻ ወጥነት ያሳያሉ፤ በየቀኑ ያደርጉታል፣ ነገሩ ምንም ያህል ቢከብድም አይተዉትም።