Dinnee_Didaa

YAA DACHEE DUBBADHU! Tulluun lukaan deeme Samiin gadi kufe Dhagaan qaama horee 'Basaq' godhee dhuufe Ilkaan gurra horraan Gurrii cabsee kolfe Margan dheeda jechaa Nama midhaan balfe Waanti ta'ee hin beekne Ta'uudhaaf shakkame Sa'aan qotuuf baate Sangaatu elmame Hoolonni dallaatii Harreen immoo goorantuu Bushaaheen himimsaa Fardi yoo bor'atu Afaan kee saaqqadhu Dachee maaf callista? Haa hafuun kanaaree Dubbii maaliif dhiifta? Haamtuun muka mure Qottoon midhaan haame Duudaatu dubbate Du'aan nagaa dhaame Biyyoon biyya lafaa Irbaataaf godhame Ilmis abbaa balfee Eessumaan waamame Baalli calleeffamee Qarshiitu darbame Kan jiru kan du'een Bulchiinsaaf gorfame Jaarsi jaarsummaasaa Jaartiinis kan isheetii Hunduu of dagate Bashannana bakkeetii Fuullis rifeensa'ee Mataatu fuula'e Abbaan qe'ee callisee Hattuutu qufa'e Carraa qabdu kanaan Yaa dachee dubbadhu Dhugaan iyyaa jira Mee furmaata laadhu Hantuutni gootomuun Adurreen lugnoomte Waraabessis diddee Leenca lolaaf waamte Niitiin diidaa qotti Dhirsimmoo bukeessa Seera uuma dabsee Ilmi abbaa hammeessa Umaan hamatame Irratti odeeffame Qoraan mana ijaare Dhagaan bobeeffame Milli mataa hooqe Harki fiiguuf kaate Namni ibidda dhiisee Bishaaniin waaddate Diilallaa'aan gubee Aduun yoo dhaamotu Yaa dachee dubbadhu Rabbi si hin gaafatuu? Dubbii hin geenyee yoo ta'e Dafiitii guddadhu Geesseetta immoo taanaan Yaa dachee dubbadhu! ✍ @dera_zreal pls join & share @dinnee_didaa @dinnee_didaa @dinnee_didaa

Nama Dhiba! Sabni nagaa dhiiga tokkoo shira diinaan adda ba'ee akkaaf akka namaa dhoorka wanti bara kana ta'e Inni tokko qotee daaraa dafqa isaa xuruurfatee inni tokko taa'ee nyaata lammii isaa gurguratee inni tokko dhumee jilbaa saba isaatiif hirkoo ta'aa inni tokko dhiitee sirbaa lammii isaatti ta'ee ba'aa Inni tokko gasoon diigaa gaafa ijaarsaa rafee ciisee inni tokko dhugaaf fiigaa dantaa dhuunfaa isaa dhiisee inni tokko haqa himaa inni kanaan kaan irra dibaa bara seetee barri kuni anaan baayyema na dhibaa?? ✍A.Teferi Join for more @dinnee_didaa @dinnee_didaa @dinnee_didaa

IRREECHA! Miliyoonaan dachaanee garaa gubna alagaa irreechi irree keenyaa bakka tokkummaafi nagaa Keessaan dhiiga jaalalaa irraan aadaa uffannaa isaan gadi nu dhiibuu nuti oluma guddanna!!! @dinnee_didaa @dinnee_didaa @dinnee_didaa

Baga Ayyaana Irreechaatiin Isin Gahe. Ayyaana Gaarii!!! @dinnee_didaa

Horaa bulaa. ✍Eebbisaa Baayisaa

Maaliif du’u? Hospitaala beekamaa tokko keessatti ture. Kutaa waldhaanamtoota dhibee tasaati. Dhukkubsatoonni kutaa kana keessatti du’uun amaleeffatamaadha. Maaliif? Namoota balaa tasaa adda addaan miidhamantu dhufu. Balaa konkolaataa, balaa ibiddaa, namaan wal lolanii…baay’eetu dhufu. Hojjetoota hospitaalichaa hundatti gaaffii kan ta’e garuu dhimma tokkotu jira. Sireewwan dhukkubsataa baatan keessaa siree sodaachistuu tokkotu turte. Dhukkubsataan siree sodaachistuu kana irra ciisu yeroo hundaa Jimaata sa’atii sagalitti du’a. Torban sadiif walitti aansanii dhukkubsatoonni sirettii irra ciisan sadii Jimaata sa’atii sagalitti du’an. Maaliif du’u? Hawaasa hospitaalichaas kan dhiphise kanadha. Kutaa kanatti du’uun namootaa beekamaa ta’us, duuti akkanatti siree filatee sa’atii beellamee dhufu garuu waan haaraadha. Eyyee, maaliif du’u? Hawaasa hospitaalichaa keessaa warri amantaa dhaadhessan, “Kun hafuura hamaadha. Siree kana seexanatu qabate. Kanaafuu, falli jiru sirettii achii kaasuu fi dhukkubsataan akka bakka sana hin ciisne taasisuudha” jedhan. Yaada isaaniis hoogganaa hospitaalichaaf dhi’eessan. Inni garuu isaan hin dhageenye. “Hospitaala ani hoogganu keessatti waaqeffannaa boodatti hafaan akkanaa hin hojjetu. Seexanni saayinsii fayyaa keessatti beekamtii hin qabu!” jedhee dide. Ammas kunoo Jimaanni haaraan dhufaa jira. As dhi’aateera. Hammuma Jimaanni as dhi’aataa deemu immoo sodaan hawaasa hospitaalichaa dabalaa jira. “Waan dhufe haa dhufu!” jedhanii dhukkubsataa sirettii irra ciibsanii eeguu jalqaban. Du’a sa’atii beellamee dhufu. Maal ta’inna laata? Maaliif du’u? Jimaatni ni dhufe. Hawaasni hospitaalaa ni dhiphate. Sa’atii 7:00 gaafa ta’u namoonni hedduun hojii idilee isaanii dhiisanii waan ta’u ilaaluuf walitti qabaman. Duuti dhufuus sa’atii lama qofatu hafa. Dhukkubsataan sirettii irra ciisee jiru garuu maaltu akka ta’uuf jiru hin beeku. Dhukkubsatoonni isa dura turan sadii Jimaata sa’atii sagal sagalitti akka du’an eenyutu itti hima? Inni quba hin qabu. Fayyina abdii godhatee ciisa. Maal godharee? Beellamni du’aahoo ga’aa jiraa! Sa’atiinhoo sagal ta’uufii! Sa’atiin sagal ta’uuf daqiiqaa muraasatu hafa. Narsoota hospitaalichaa keessaa hammi ta’an Kitaaba Qulqulluu isaanii qomatti qabatanii kadhachaa jiru. Obboloonni Musliimaas maqaa Allah waamanii duwaayii gochaa jiru. Gaaddidduun du’aa kutaa sana marsee jira. Sodaa guddaa. Garuu maaliif? Jimaata sa’atii sagalitti maaliif du’u? Sa’atii 8:55 ta’e. Beellamni du’aa ga’uuf daqiiqaa 5 qofatu hafa. Namuu sodaadhaan calliseera. Calleensa guddaatu ta’e. Sagalee maashinoota yaala fayyaa qofatu dhaga’ama. Amma Jimaata sa’atii 9 ta’e egaa! Duuti dhufe jechuudha. Namni icciitii sana beeku hunduu ija isaa sirettii irratti irraanfateera. Akkuma sa’atii sagal ta’een ququlleessituun haaraan, yeroo hafaa isheetti hospitaalicha keessaa hojjechuuf kan qacaramte sun, meeshaa ittiin qulqulleessitu (vacuum cleaner) ishee oofaa dhufte. Ariitiidhaan deemti. Daftee qulqulleessitee gara hojii idilee ishee deemuuf. Asii yeroo hafaa ishee hojjetti mitiiree? Akkuma ol seenteen gara siree sodaachistuu sanaa deemte. Sirettiin jalqaba irra jirti waan ta’eef. Akkuma sirettii bira geesseen maashinnii hargansuu dhukkubsatichaa gargaaru (life support system) bira dhaabbatte—meeshaa ishee. Achumaan sookkettii ibsaa maashinii hargansuu sana irraa buqqistee kan meeshaa qulqullina ishee itti kaa’atte. Sana booda hojii ishee itti fufte. Dhukkubsataan of danda’ee harganuu hin dandeenye hafuuraa cite. Isaa du’uuf jedhu ogeessonni fayyaa haalicha ilaalaa turan fiiganii dhufanii maashinicha bakkatti deebisan. Edaa torban sadan darban qulqulleessituutu jara ajjeesaa ture. Ajjeesuuf jettee otoo hin taane, wallaalummaa irraa kan ka’e! “Maaliif du’an?” isa jedhuuf amma deebiin argameera. Nama dogoggoraatu wallaalummaa irraa kan ka’e dhukkubsataa ajjeese! Kanuma egaa! Anis ajjeechaa kamuu nan balaaleffadha. Kan ajjeesu seexana miti. Namadha. Wallaalaa. Ni ga’a jedhamuu qaba. Namni kamuu sababa kamiifuu ajjeefamuu hin qabu ejjennoo jedhun qaba. Har’as ta’e boris. Ajjeechaan ala filannoolee hedduun ni jirukaa.

Akkam bultee shaakkannee? Xalayaan siif barreessa Nagaa irraa jalqabee Jaalalakeen qabamnaan Si obsuus nan dadhabe Bilbila siif bilbiluuf Sararriikee qabamaa Dhufee akkan sin dubbisne Sareen keessan gagamaa Ani asii gubadhee Si arguus hin dandeenyee Waanuma ati taates An homaa hin dhageenye Ganamaafi galgala Guyyaa hundaan si yaada Foolii shittoo qaamakee Buna caalan araada Mana kiraattan gala Shaashee biyya ibsaa Yoon maaluma siif godhe Garaa kankee si ciibsaa? Baajaajii dhabaaf malee Sila sit na kadhata Abbaan kees kanumaafu Guyyuun natti kakata Teelerraa liqeeffadheen Siif erga kaardii shanii Ilma dinquu na seetaa? Harka qalleessa ani Ati hidhii dibachuuf Qalama na gaafatta Qubeessaa barattootaa Nyaara faarra dibatta Ani kaalsiyyuu hodheen Herbisiisee uffadha Dhugaayyuu yoon dubbadhu Qarshiidhaanin kakadha Ati bargarii yaadda Piizzaafa filtee nyaatta Foon dimaas hin hawwita Maali garaatti baattaa? Ani daabboonan bula Bishan itti unadhee Pizza kanas hin beeku Dur akaayyiinan guddadhe Ani duras nan gowwoome Sooressatu na gitaa? Boryoo koobiraa jettee Eessan fidee siif bitaa? Jaalalli kankoof kankee Asumatti haa ga‟uu Nagaatti shaakkanneekoo Piizzaa bituu hin danda‟u Erga hawwinkee kunii Ta‟ee labsii muddamaa Osuman si jaaladhuu Si dhiiseera dirqama @B.shibbiruu @dinnee_didaa @dinnee_didaa @dinnee_didaa

HARMEE Mee Harmee Koo akkanatti ibsadhuu! isinoo akkamitti ibsattan laata? asirratti ergachuu dandeessu @dinnedid_bot Riqicha koo mootii biiftuu koo ganamaa oolmaan kee Aayyookoo maaliin madaalamaa? Dungoo gaafa dukkanaa da'oo gaafa rakkoodhaa Gola gaafa roorroo Ati bar kennaa koodhaa Daawwitii jiruu koo ogeettii hundumaa naaf jiraadhu harmee Waggaa kuma kumaa . ✍ @dera_zreal @dinnee_didaa @dinnee_didaa @dinnee_didaa

Hubadhaa Namaatu qabsoo gana osoo hin taane gaafa namni akeekaa fi kaayyoo qabsichaa dabsu kaayyootu nama gana. Kan goollichaas kanumaa hin burjaaja'ina. @dinnee_didaa @dinnee_didaa @dinnee_didaa

Jireenya irra lafaaf Garaa samii jalaa Eeboo xiiqiin dirree Bara baraan qolaa Beelaaf Eelaa har'aa Obsaan bukeessinee Abdii dura keenyaan Of jajjabeessinee Hardha geenye kunoo Dhalootni mul'ataa Gadheetu raacitii Duguuggatee nyaataa @ximqataa @dinnee_didaa @dinnee_didaa @dinnee_didaa

BAGA GEESSAN 🌼🌼🌼🌼🌼🌼🌼🌼🌼🌼🌼🌼 Baga bacaqii gannaa baatanii booqaa birraa geessan. ayyaanni bara haaraa 2014 kun kan jaalalaa kan tokkummaa kan walabummaa fi bilisummaa akka nuuf ta'u hawwii keenya ibsachaa baga geesaa jenna🌼🌼🌼🌼🌼🌼 Maatii chanali @dinnee_didaa waan taataniif galatoomaa. Ammas imalli keessan nu faana haa ta'u jechaa guddina Aartii keenyaaf hiriyoota keessaniif share fi join gochuun nu cinaa dhaabadhaa, ayyaana gaarii. 🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼 @dinnee_didaa @dinnee_didaa @dinnee_didaa

Maaliif ta'e laata? Gama kanaa gadda gama sanaa cidha akka isaa wallaallee barri wal faalladha bara dhugaan gu'ee dharri lakkuu dhaltu bara du'aan ka'ee farda yaabee gartu bara dhalli namaa homaa gatii dhabe irra jireessi namaa uumamuusaatti gaabbe Maal barri akkasii? Bara dambiin misee dameen odaa cabu leenci saree baqaaf eddoo seenu dhabu qocaan hawaa yaabdee joobirri lafa foqoqxu harki gabaabbannaan miilli mataa hooqxu yaa waaqayyo... Bara bineensi firoomee namni nama nyaata ati homaan wallaaltu maaliif ta'e laata?? ✍Caalaa C @dinnee_didaa @dinnee_didaa @dinnee_didaa

DINNEE DIDAA ✅Ani Oromoodha ✅Makaa biraas Maqaa biraas hin qabu! isin hoo mee yaada keessan nuuf qoodaa! Yaadaaf bot kana fayyadamaa! @dinnedid_bot @dinnedid_bot Join for more ➖➖➖➖➖ @dinnee_didaa @dinnee_didaa @dinnee_didaa

Worri si nyaate ofii wol haa nyaatu dhugaan dhiiga keetii cinii itti haa taatu dhalchanii hin dhungatin dhala haa maseenan dhagaa irraa hin kaane jala haa aseenan Alaafi mana isaanitti haa buutu bakakkaan mirgaafi milkiinsaanii haa dhabamu takkaan guyyaan itti haa dhihu aduun itti haa dhaamu hiriirsee darzanaan duuti isaan haa yaamu QAWWEE AARTII KEESSAA bitadhaa dubbisaa!! @dinnee_didaa @dinnee_didaa @dinnee_didaa

Sa'a abbaan gaafa cabse ormi ija balleessa nu hunduu Oromoodha hin qabnu balleessaa waliin hin oodinaa harka walitti dhooftanii kuni ganda sanii kuni ganda kanaa sila maal taatanii wal dhiibdani jarana Obboleessi obboleessatti erga gufuu ta'ee itti jabeessaa ormaatiin maaltu oofee ga'ee? yoo maatiin wal dhibe diina hulaa taa'aa gandaan wal qoqqooduu kana keessaa bahaa Galata rabbii (nyaataan of dandeenye) akka lammii kamuu hiyyummaan seenaa taate hin deebitu lamuu harkaan wal qabannee wol faana hiriirraa jijjiiramatuu jira biyya keenya irra jijjiiramni sunuu kama rabbi beekuu bahaaf gala keessan inni isin haa eeguu Dubbiin koo dhoksaadha nama hundaaf hin galtuu faallatti hin hiikin namoonni jarjartu!!!! YAADAAF @dinnedid_bot @dinnee_didaa @dinnee_didaa @dinnee_didaa

EESSA BADE WAADAAN? Wanti kophaa koo na baasee sammuu koo na weeraru wanta amma oromoon sabni koo itti jiru...... Diina isaa gurguddaa lama jidduutti wal-hiree wal ajjeesa wal hidha ofumaa wal hiree Gantuun bu'aa dhuunfaatif saba isaa gurgurataa goonni daggala seenee qomoo isaaf falmataa ati hoo yaa ololtuu lammii kee maaf ajjeeftaa? Haadha abbaafi ilma maatii addaan facaastee eessa bade ree waadaan ati kalee nuuf seente gaaf tokko dubbannaa taatee seenaan galmeesse Adaraa yaa oromoo tokkumaatu si baasaa ilaafi ilaamedhaan ofumaa wal araarsaa warra nu gurgurate kophaatii achi baasaa heeraaf seera gadaatiin itti nuuf murteessaa waan barbaanne hundaafuu tokkumaatu murteessa!!!!! JOIN & SHARE @dinnee_didaa @dinnee_didaa @dinnee_didaa

Durdurii (Wal bira hin fannisan) Dur dur kaa' aniitu jedhanii…… Bineensota afuri Afranuu sanyiin isaanii adda Mana guutanii taa' u Garuu wal hin dubbisan Akka waan qe'ee gaddaa Leenca, Bofaaf Waraabu Qeerransis keessa jira Mana tokkotti galuutu Isaan taasise fira Waliin oodaa jiraachuun Baayyee isaan yaachisnaan Isaanuma keessaa Tokko ka‟ee dhaabatee Sadan warra hafanis Nagaa waaqaa gaafatee " Jarana!! maal taatanii? Mee haguma yoomii Waliin oodna adaraa? Koottaa seera tumannee Waliin jiraanna akka baraa Waan jibbinu walitti himee Amala walii eegnee jiraanna San-booda tokko taanee Waan qabnu waliin hiranna” Jedhee yaada dhiyeessinaan Hundumtuu walii galee Amala isaanii himachuuf Dabareen tarree gale Silaa humnisoo kanuma isaanitii Dabareen Leencaf laatamnaan ”Egaa isinuu beektu Ani hin qabu amala dhibba Jedhi erga jettaniimmoo Natti hin wacinaa ani iyyuman jibba" Jedhee afaan luugamee Waca isaanii dhorkee Dabareen Qeerransaaf laatame Gooticha Leencan morke Qeerransis dabaree isaa Ofiisaaf ija babaasaa "Ija natti hin babaasinaa Ani ija hin jaalladhuu Kan ija narraa gadi hin qabne Kuteen darba hin laalladhu” Jedhee qaxxisaa bu‟e Waraabuf iddoo laatee Sunis gindil gidindil jechaa Waltajjiirra dhaabatee "Eee Egaa ani garaa hin danda‟u Raqarran oolee gala Gaafan goodadhaa galu Eessaa dhufta? Jettanii nan gaafatinaa adaraa” Jedhee waakkachuu eegale Inni garaa hin obsine Garaa isaatiif jedhee Kan icciitii hin dhoksine Hundumtuu dudubbatee Dabareen Bofaa geenyan Amala jibban dudubbatatanii Teessoo isaaniirra teenyaan Boftis as achi ilaaltee………. "Animmoo miila hin qabu Beektu lafarran loo'aa Miilan narra hin dhaabatanii Isin narra dhaabannaan Beekkadhaa summiin boo'aa Jedhanii dudubbatanii Amaloota ofii tarreeffatanii Daangaa waliif sararaniin Amaloota walii kabajuuf murtaaffatan Otuma kanaan jiranii…… Guyyaa tokko ganama Qeerransi lafa ciisuu ka‟ee Dallaan duuban qarxam jennaan Utaaletoo gadi ba‟e Yeroo saaqqatee ilaalu Kuteen dallaa duubaa gugguufa Barii abbaa kormatin Alaa galuuf gulufa Qeerransi baay‟ee aaree “Namana hin maraattee! Maaf dallaa narratti diigda? Isayyuu barii kanaan Eessaa galuudhaa fiigda?” ………..Jennaan !!!!.......... Waraabessi ija babaase Akka re‟ee axxaaqqoo Iyyanii wal iyyisiisanii Walumatti utaalan Akka kormaa handaanqoo …….. Sunii……. Akkam eessaa galtaa na gaafatta Jedhee ija babaase ……. kunii……… Akkam ija natti babaasta jedhee Mataa ciree lafa raase Kanum keessa iyyi mandara sanaa Obbo Leencoo lafaa kaase “Eenyu haadhakee taatee Ajajakoo cabsitaa? Iyya hin jaalladhu jennaan Bariidhan natti iyyitaa?” Jedhee aaridhaan utaalee Walirratti ishee qabatee Otoo jara sukkuumuu Bofa mataarra dhaabate Boftis bakka maramee ciisuu ol jedhee Summii itti gadi dhiisee Sadanshee walirratti Summii takkaan ajjeesee Geeraree mamaggalee Ta‟e abbaa qe‟ef araddaa Ahaa jedheen anisii ……. Kanaaf jedhe oromoonkoo Wal bira hin fannisan Mi‟a ramaddiin aaddaa ✍SIIDAA WARRAA join & share @dinnee_didaa @dinnee_didaa @dinnee_didaa @dinnee_didaa

INNI BORII EENYUMMAAN KEE...! Gaafa rafan ka'anii Gaafa ka'animmoo rafuu Addunyaan kun bubburreedha Jireenyisaa namaa hin ta'uu Harki mataa hooquu dhiisee Kan mataa hooquu miillaa Jiruun olii gad rukutamee Jiruu dalgaatti jirraa Gaafa ol jedhan gadii Yeroo gad jedhan olii Olumaa gad nu oofuu waliisaa wal'aalanii Addunyaan mamanca'ee Guddaan yoo kabalamuu Ulfinni namaa badee Xiqqaan yoo kabajamuu Yoo ta'e didee dubbiin Marii kan warra raatuu Jiruu harka gara afaanii Barri abbasaa haa nyaatuu Inni qabu kadhate Inni hin qabnes yoo kennuu Inni quufaan beela'ee Beela'anis yoo quufuu Bineensi manatti olgalee Bushaayeen gad baatuyyuu Abbaan manaa galtaayee Niitiin yoo fooggalteyyuu Barris fala wallalee Jijjiiramuu dagatee Fuggisoo akka ta'ee Erga ofiisaa hubatee Barri darba jedhitii Jabeeffadhu garaakee Isa jalqabde sanaa Bira ga'uuf kaayyookee Akkuma taatee ta'ii Xumuradhu karaakee Bareechifadhu dhumakee Yoos si galateeffataa Inni borii eenyummaankee! ✍Damee Ayyaanaa Join for more @dinnee_didaa @dinnee_didaa @dinnee_didaa

Jabaadhu WBO Koo! ❤💚❤ Jireenya qananiin kan waan cufti guute siin yoom si mararee qalbii kan kee bute Hin hawwine tasa jiruu isa namni hawwe qabsaa'uu filatte fannifattee qawwee Utuu lammii kiyya roorroon gadi qabuu jiruu koo jiraadhee bashannanuu hin qabu... Jettee dhiistee seente qabsoo sabaaf dirree waa'een jireenya kee takkaa sin mararre Kan beekutu beeka eenyummaa kee sirrii jabaadhu WBO koo haa odeessituu jarri!!!! ✍yadesa m gudina @dinnee_didaa @dinnee_didaa @dinnee_didaa

Dinnee_Didaa TOKKUMMAA!! hordoftoota keenyaaf 1 walaloo 2 asoosama 3 oduu/news fi kanneen biroos argachuu dandeessu. Join &share gochuu hin dagatinaa. Galatoomaa! Contact: @dinnedid_bot https://t.me/dinnee_didaa