Takhamo TV Online.

ព្រះសីហនុ៖ ក្រោមការដឹកនាំចង្អុលបង្ហាញដ៏ខ្ពង់ខ្ពស់ពី ឯកឧត្តម​​​ នាយ​ឧត្តម​សេនីយ៍​ សៅ​​​ សុខា​ អគ្គ​មេបញ្ជាការ​រង​​​នៃកងយោធពល​ខេមរ​ភូមិន្ទ​​​ មេបញ្ជាការ​​​​​​​​​​កង​រាជ​អាវុធហត្ថ​លើផ្ទៃប្រទេស និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងក្រោមការដឹកនាំបញ្ជាផ្ទាល់របស់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅវេលាម៉ោង០៩និង៣០នាទីព្រឹក ថ្ងៃទី៤ ខែកក្កដា ឆ្នាំ២០២៦ កម្លាំងការិយាល័យជំនាញ នៃមន្ទីរស្រាវជ្រាវពត៌មានសន្តិសុខ កងរាជអាវុធហត្ថខេត្តព្រះសីហនុ ដឹកនាំដោយ លោកវរសេនីយ៍ឯក សុង កុសល មេបញ្ជាការរង ដោយមានការសម្របសម្រួលនីតិវិធីពីលោក ឆាយ សុត្រា និងលោក កង ធីរ៉េម ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ បានកសាងសំណុំរឿងបញ្ជូនជនសង្ស័យ ចំនួន០១នាក់ ឈ្មោះ SHUN ZHENG ភេទប្រុស អាយុ៣០ឆ្នាំ ជនជាតិចិន មុខរបរ មិនពិតប្រាកដ ស្នាក់នៅក្នុងភូមិ៤ សង្កាត់លេខ៤ ក្រុង-ខេត្តព្រះសីហនុ ស្រុកកំណើត ប្រទេសចិន (គ្មានលិខិតឆ្លងដែន) រួមនឹងវត្ថុតាង ទៅសាលាដំបូងខេត្ដព្រះសីហនុ ពាក់ព័ន្ធនឹងករណី កាន់កាប់ រក្សាទុក ដឹកជញ្ជូនអាវុធ ដោយគ្មានការអនុញ្ញាត ដោយជនបរទេស ដើម្បីបន្តអនុវត្តនីតិវិធីច្បាប់៕ #បញ្ជាការដ្ឋានកងរាជអាវុធហត្ថខេត្ថព្រះសីហនុ

ក្រសួងមហាផ្ទៃ នៃរាជរដ្ឋាភិបាលកម្ពុជា ចេញសេចក្ដីជូនដំណឹង ស្ដីពីការដាក់ឱ្យអនុវត្តយន្តការផ្ដល់អត្តសញ្ញាណបណ្ណសញ្ជាតិខ្មែរ នៅតាមបណ្ដាស្នងការដ្ឋាននគរបាលរាជធានី ខេត្ត ជូនប្រជាពលរដ្ឋចំណាកស្រុក។ ឧទាហរណ៍៖ ពលរដ្ឋមានលំនៅឋានអចិន្ត្រៃយ៍នៅខេត្តរតនគិរី ដែលមកប្រកបរបរនៅខេត្តព្រៃវែង អាចស្នើសុំធ្វើអត្តសញ្ញាណបណ្ណនៅស្នងការដ្ឋាននគរបាលខេត្តព្រៃវែង ដោយពុំចាំបាច់ត្រឡប់ទៅធ្វើនៅខេត្តរតនគិរីឡើយ៕

កណ្តាល ៖ ថ្ងៃសៅរ៍ ទី៤ ខែកក្កដា ឆ្នាំ២០២៦ កម្លាំងអាវុធហត្ថដឹកនាំដោយលោក វរសេនីយ៍ទោ ពេជ្រ ចិន្តា នាយសេនាធិការរងខេត្ត បានចុះសហការជាមួយគណៈបញ្ជាការឯកភាពខេត្ត ដឹកនាំដោយឯកឧត្តម គួច ចំរើន អភិបាល នៃគណ:អភិបាលខេត្តកណ្តាល ធ្វើការត្រួតពិនិត្យនៅទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា នៅភូមិជ្រៃធំ សង្កាត់សំពៅពូន ក្រុងសំពូន។ ផ្សាយបន្តរ | បញ្ជាការដ្ឋានកងរាជអាវុធហត្ថខេត្តកណ្តាល

ពលរដ្ឋដែរមានអាសយដ្ឋាននៅក្រុងតាខ្មៅគ្រប់អាយុ១៥ឆ្នាំ ឬ មានអត្តសញ្ញាណប័ណ្ណ បាត់ បាក់ ខូច និង ហួសសុពលភាព អាចអញ្ជើញមកស្នើថតនៅ អធិការដ្ឋានគរបាលក្រុងតាខ្មៅ អនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅរសៀលថ្ងៃទី៤ខែកក្កដាឆ្នាំ២០២៦ ក្រុមការងារផ្នែកអត្តសញ្ញាណកម្មក្រុងតាខ្មៅ បានទទួលបំពេញសំណុំបែបបទ ថតធ្វើអត្តសញ្ញាណប័ណ្ណសញ្ជាតិខ្មែរ ជូនពលរដ្ឋ នៅ (អធិការដ្ឋាននគរបាលក្រុងតាខ្មៅ) បន្ទប់ផ្នែកអត្តសញ្ញាណកម្ម ជាន់ទី១ ។ *បញ្ជាក់ មុនអស់សុពលភាព រយៈពេលតិចជាង១៨០ថ្ងៃ ឬ ៦ខែ អាចអញ្ជើញមកស្នើរថតថ្មីដើម្បីបន្តរសុពលភាពបានហើយ ។ *បញ្ជាក់បន្ថែម: ផ្នែកជំនាញ នៃអធិការដ្ឋាននគរបាលក្រុងតាខ្មៅ បំរើសេវាសាធារណៈថតជូនរៀងរាល់ថ្ងៃ ។ ផ្នែកអត្តសញ្ញាណកម្ម: ☎️010 511 886 ☎️066 644 966 អធិការដ្ឋាននគរបាលក្រុងតាខ្មៅ

នគរបាលក្រុងតាខ្មៅ សម្រួលចរាចរណ៍ជូនសិស្សានុសិស្សតាមគ្រឹះស្ថានអប់រំ អនុវត្តតាមគោលការណ៍ដឹកនាំរបស់ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ថ្ងៃទី៤ខែកក្កដាឆ្នាំ២០២៦ លោក​ វរសេនីយ៍ឯក​ យី វណ្ណដា​ អធិការ​ នៃអធិការដ្ឋាននគរបាលក្រុងតាខ្មៅ បានចាត់អោយ​ កម្លាំងនគរបាលផ្នែកសណ្តាប់ធ្នាប់ចរាចរណ៍​ និង ប៉ុស្តិ៍នគរបាលរដ្ឋបាលទាំង១០សង្កាត់ នៃ​អធិការដ្ឋាន​នគរបាល​ក្រុងតាខ្មៅ ចុះសម្រួលចរាចរណ៍ជូនសិស្សានុសិស្សនៅតាម បណ្តាគ្រឹះស្ថានអប់រំនានា ក្នុងក្រុងតាខ្មៅ រៀងរាល់​ម៉ោង​ចូល​នឹងចេញពីរៀន ដើម្បីធានាអោយបាននូវសុខសុវត្ថិភាពជូនសិស្សានុសិស្ស និង ពលរដ្ឋឆ្លងកាត់ ។ ផ្សាយបន្តរ | ផេក អធិការដ្ឋាននគរបាលក្រុងតាខ្មៅ

កាលពីរសៀលថ្ងៃទី​០២ ខែ​កក្កដា ឆ្នាំ២០២៦​ វេលាម៉ោង​ ១៤:០០នាទី​ អធិការដ្ឋាននគរបាលខណ្ឌមានជ័យ​ បានធ្វេីពិធីបិទកិច្ចសវនកម្មផ្ទៃក្នុង​ សម្រាប់ការិយបរិច្ឆេទ២០២៥​ និងបណ្ដាឆ្នាំពាក់ព័ន្ធ​ ក្រោយចំណាយរយៈពេល៣ថ្ងៃ សម្រាប់កិច្ចសវនកម្ម​ ក្រោម​អធិបតីភាព​ ឯកឧត្ដម​ ឧត្ដមសេនីយ៍​ឯក​ ឈិន​ សារី​ អគ្គនាយក​រង​ នៃ​អគ្គនាយកដ្ឋាន​សវនកម្ម​ផ្ទៃក្នុង​ ក្រសួងមហាផ្ទៃ និងប្រតិភូអមដំណេីរ​ ដោយមានការចូលរួមពីលោកវរសេនីយ៍ឯក​ អ៊ុក បូនីន​ អធិការ​នគរបាលខណ្ឌមានជ័យ លោក-លោកស្រីអធិការរង​ លោក-លោកស្រីនាយផ្នែក​ នាយយប៉ុស្តិ៍ទាំង០៧ កម្មវិធីបានបញ្ចប់នៅវេលាម៉ោង១៥និង៣០នាទីរសៀល ថ្ងៃខែឆ្នាំដដែល ។

ផ្សារដើមអំពិល ផ្លូវបំបែកជាបួន នឹងទទួលបានភ្លើងស្តុប ឆាប់ៗនេះ នៅព្រឹកថ្ងៃសុក្រ ទី៣ ខែកក្កដា ឆ្នាំ២០២៦ លោក សុខ សុវណ្ណឌីណា ចៅសង្កាត់រងទី១ ដឹកនាំក្រុមប្រឹក្សា មេភូមិ ព្រមទាំងសមត្ថកិច្ចប៉ុស្តិ៍កំពង់សំណាញ់ បានចូលរួមសហការជាមួយក្រុមការងារនៃមន្ទីរសាធារណការនិងដឹកជញ្ជូនខេត្តកណ្តាល បានចុះវាស់វែងកំណត់ទីតាំងដើម្បីដាក់ភ្លើងស្តុប នៅចំណុចផ្លូវ១១៥បំបែកផ្សារដើមអំពិល ។ បងប្អូនប្រជាពលរដ្ឋ អ្នកធ្វើដំណើរឆ្លងកាត់ផ្លូវនេះ ជាពិសេសអ្នកផ្សារដើមអំពិល ពិតជារំភើប រីករាយ សាទរ ត្រេកអរជាខ្លាំង នៅពេលទទួលដំណឹងថា និងការតំឡើងដាក់ភ្លើងស្តុបនៅចំណុចផ្លូវបំបើកផ្សារដើមអំពិលនេះ ព្រោះលោកចង់បានយូរណាស់មកហើយ ដោយជួបការលំបាក ពិបាកឆ្លងទៅឆ្លងមក ជាពិសេសកូនៗសិស្សសាលាតូចៗ ពិបាកឆ្លងផ្លូវ លោកអ្នកអាណាព្យាបាលលោកមានការព្រួយបារម្ភណាស់ គិតពីសុវត្ថិភាពកូនៗរបស់ពួកគាត់។ លោកប្រធានមន្ទីរសាធារណការនិងដឹកជញ្ជូនខេត្តកណ្តាល លោកអភិបាលក្រុងតាខ្មៅ ដែលបានគិតគូរពីទុក្ខលំបាករបស់ប្រជាពលរដ្ឋ និងជួយសម្របសម្រួលជូនបងប្អូនប្រជាពលរដ្ឋបានយ៉ាងឆាប់រហ័សនិងមានប្រសិទ្ធិភាព។ ផ្សាយបន្តរ | សាលាសង្កាត់កំពង់សំណាញ់

ជនអនាថា ដែលអុកឡុក​ បង្ការ​រំខានប្រជាពលរដ្ឋ​ ក្នុងមូលដ្ឋាន ចំនួន ៤នាក់ ត្រូវបានកម្លាំងចម្រុះរបស់រដ្ឋបាលសង្កាត់ចាក់អង្រែក្រោម និងប៉ុស្តិ៍នគរបាលរដ្ឋបាលប៉ុស្តិ៍ ឃាត់ខ្លួន និងធ្វើការបញ្ជូនទៅមន្ទីរសង្គមកិច្ចរាជធានីភ្នំពេញ ។ ប៉ុស្តិ៍នគរបាលរដ្ឋបាលចាក់អង្រែក្រោម

សាលាដំបូងរាជធានីភ្នំពេញ នៅថ្ងៃទី៣ ខែកក្កដា ឆ្នាំ២០២៦ បានចេញដីកាដោះលែង K01 ចេញពីពន្ធនាគារវិញ។

នារីស្រស់ស្អាតម្នាក់មានវិបត្តិរឿងស្នេហា​ បានលោតសម្លាប់ខ្លួនពីលើអគារខុនដូជាន់ទី៦​ បណ្ដាលឲ្យស្លាប់ភ្លាមៗនៅនឹងកន្លែង​ បង្កការភ្ញាក់ផ្អេីលជាខ្លាំងដល់ប្រជាពលរដ្ឋរាយការណ៍ទៅកាន់សមត្ថកិច្ចចុះមកដល់ទីតាំងកេីតហេតុ។ ហេតុការណ៍​នេះបានកេីតឡេីងនៅវេលាម៉ោង​ ៥និង៣០នាទីព្រឹក​ ថ្ងៃទី០៣​ ខែកក្កដា​ ឆ្នាំ២០២៦​ ដែលស្ថិតនៅចំណុចផ្លូវ១៩៨២​ សង្កាត់ភ្នំពេញថ្មី​ ខណ្ឌសែនសុខ​ រាជធានីភ្នំពេញ​។ ក្រោយកេីតហេតុ​ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំងខាងលេី​ និងបានរាយការណ៍ទៅកាន់សមត្ថកិច្ចជំនាញផ្នែកបច្ចេកទេស​ និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ ដេីម្បីចុះមកធ្វេីការពិនិត្យមេីលសពស្ត្រីខាងលេី។

សាលាដំបូងរាជធានីភ្នំពេញ នៅថ្ងៃទី២ ខែកក្កដា ឆ្នាំ២០២៦ បានចេញដីកាឃុំខ្លួនលោក ឃឿន សុឡា ហៅ K01 ដាក់ពន្ធនាគារ!

ឯកឧត្ដម​ឧត្ដមសេនីយ៍​ឯក​ ជួន​ ណារិន្ទ​ អគ្គស្នងការ​រងនគរបាល​ជាតិ​ និង​ ជាស្នងការ​នគរបាល​រាជធានី​ភ្នំពេញ​ បានអោយដឹងថា​ សមត្ថកិច្ច​នគរបាល​រាជធានី​ភ្នំពេញ​ សម្រេច​ឃាត់​ខ្លួន​លោក​ K01 បញ្ជូនទៅ​សាលា​ដំបូង​រាជធានី​ភ្នំពេញ​ ដេីម្បី​ចាត់​ការ​តាម​និតិវិធី​ច្បាប់​ ពាក់ព័ន្ធ​បទល្មើស​ប្រេីហឹង្សា​លេី​អនិតិជន​ ។

ហិង្សាដ៏ឃោ.ឃៅ លើស្ត្រីចំណាស់១នាក់ https://t.me/TAKHMAOTV/14626 អាវុធហត្ថចាប់ខ្លួនម្ចាស់ហាង «កាកាសាឡន» ដែលមានសង្សារជនជាតិចិនប្រព្រឹត្តបទល្មើស Online Scams នៅក្រុងប៉ោយប៉ែត ក្រោយវាយធ្វើបាបគ្មានត្រាប្រណី និងគំរាមកា.ត់ម្រាមដៃ-ជើង លើស្រ្តីមេម៉ាយបម្រើក្នុងផ្ទះរបស់ខ្លួន ។

នគរបាលព្រហ្មទណ្ឌរាជធានីភ្នំពេញ ឃាត់ខ្លួនក្មេងទំនើង០៦នាក់ ពាក់ព័ន្ធករណីហិ ..;ង្សា​ (វា ..;យគ្នាទៅវិញទៅមក) នៅមុខសាលារៀនចំរើនផល ខណ្ឌមានជ័យ ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៨ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាល ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរង ទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួនក្មេងទំនើង០៦នាក់ ពាក់ព័ន្ធករណីហិ ..;ង្សាដោយចេតនាដោយមានស្ថានទម្ងន់ទោស នៅចំណុចមុខសាលារៀនចំរើនផល ភូមិចំរើនផល សង្កាត់បឹងទំពុនទី១ ខណ្ឌមានជ័យ។ ក្មេងទំនើង០៦នាក់រួមមាន៖ ១-ឈ្មោះ ស្រឿ ម៉េងសាំង ហៅ អាសាំង ភេទប្រុស អាយុ ១៧ឆ្នាំ ២-ឈ្មោះ ពេជ្យ​ រស្មី​ ហៅ អារស្មី ភេទប្រុស អាយុ ១៦ឆ្នាំ ៣-ឈ្មោះ ឌីន​ វិសាល ហៅ អាសាល​ភេទប្រុស អាយុ ១៧ឆ្នាំ ៤-ឈ្មោះ នូ​ ភារាជ​ ហៅ អារាជ ភេទប្រុស អាយុ ១៦ ឆ្នាំ ៥-ឈ្មោះ ហៀត​ ហុកឆាយ​ ហៅ អាឆៃ ភេទ ប្រុស អាយុ ១៦ឆ្នាំ ៦-ឈ្មោះ កែវ​ ប៉ុនលី ហៅ អាយួន ភេទប្រុស អាយុ ១៦ឆ្នាំ បច្ចុប្បន្នជនសង្ស័យខាងលើ កម្លាំងជំនាញព្រហ្មទណ្ឌ បានកសាងសំណុំរឿងចាត់ការតាមនីតិវិធី។ ចំណែកបក្ខពួកសេសសល់ សមត្ថកិច្ចកំពុងស្រាវជ្រាវចាប់ខ្លួន៕

នាយកដ្ឋាននគរបាលព្រហ្មទណ្ឌ ឃាត់ខ្លួនជនសង្ស័យ៣នាក់ ដែលបានធ្វើសកម្មភាពលួចម៉ូតូ និងទទួលផលចោរកម្ម ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី២៧ ខែមិថុនា ឆ្នាំ២០២៦ វេលាម៉ោង០០៖០៥នាទីអាធ្រាត លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន និងលោកវរសេនីយ៍ឯក ញ៉ែម វ៉ន នាយការិយាល័យ បានដឹកនាំកម្លាំងជំនាញ ធ្វើការឃាត់ខ្លួនជនសង្ស័យចំនួន២នាក់ ត្រង់ចំណុចស្ពានកោះនរា ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។ ជនសង្ស័យពាក់ព័ន្ធនឹង​ករណី​ លួច (ម៉ូតូ) និងបន្តឃាត់ខ្លួនបានចំនួន០១នាក់ ត្រង់ចំណុចក្រោមស្ពានអាកាសសម្ដេចមហាបវរធិបតី ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល ពាក់ព័ន្ធនឹងករណី ទទួលផលចោរកម្ម កាលពីថ្ងៃទី​២៣ ខែមិថុនា ឆ្នាំ២០២៦ ត្រង់ចំណុចក្រោមស្ពានអាកាសសម្ដេចមហាបវរធិបតី ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល។ ជនសង្ស័យខាងលើមានឈ្មោះ៖ -ឈ្មោះ ឃុន ចាន់នុត ហៅ ឆេះ ភេទប្រុស អាយុ៣៤ឆ្នាំ ជនជាតិខ្មែរ ។ -ឈ្មោះ ឆន វិសាល ហៅ សា ភេទប្រុស អាយុ២២ឆ្នាំ ជនជាតិខ្មែរ។ -ឈ្មោះ រិទ្ធ សុវណ្ណប៊ុនលៀប ហៅ ដេត ភេទប្រុស អាយុ១៨ឆ្នាំ ជនជាតិខ្មែរ។ សម្ភារៈដកហូតរួមមាន៖ -ដែកសំប៉ែតមុខស្រួចចំនួន ០២ដើម និងសោរទីបលេខ៨ ចំនួន០១ដើម។ -ម៉ូតូម៉ាក ហុងដា សង់សេ១២៥ ពណ៍ខ្មៅ ពាក់ស្លាកលេខ ភ្នំពេញ 1LE-3537 (បិទតែមក្លែងទៅជាលេខ ភ្នំពេញ 1LE-8587) -ម៉ូតូម៉ាក ហុងដា ស៊ុបភឺគុប ពណ៌ខៀវ ពាក់ស្លាកលេខ កម្ពុជា LEAP6666។ បច្ចុប្បន្នកម្លាំងជំនាញនាំជនសង្ស័យខាងលើ យកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕

កម្លាំងប៉ុស្តិ៍នគរបាលរដ្ឋបាលកន្ទោក ចុះផ្សព្វផ្សាយពីគោលនយោបាយភូមិ-សង្កាត់ មានសុវត្ថិភាព ដល់សិស្សានុសិស្ស នៅសាលាបឋមសិក្សា កន្ទោក ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមទិសដៅការងាររបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៧ ខែមិថុនា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលកន្ទោក នៃអធិការដ្ឋាននគរបាលខណ្ឌកំបូល ចុះផ្សព្វផ្សាយពីគោលនយោបាយភូមិ-សង្កាត់ មានសុវត្ថិភាព (ផលប៉ះពាល់នៃការប្រើប្រាស់សារធាតុញៀន បារីអេឡិចត្រូនិច និងបញ្ហាក្មេងទំនើង) ដល់សិស្សានុសិស្ស៕ ស្នងការដ្ឋាននគរបាលរាជធានីភ្នំពេញ

(ផ្សាយបន្តរពីផេក) នគរបាលក្រុងតាខ្មៅ ប្រកាសចុះធ្វើអត្តសញ្ញាណប័ណ្ណ សៀវភៅស្នាក់នៅ សៀវភៅគ្រួសារ ដល់ខ្នងផ្ទះ ក្នុងលក្ខខណ្ឌ ដែរបងប្អូនមានបញ្ហាសុខភាពមិនអាចអញ្ជើញទៅដោយផ្ទាល់បាន អនុវត្តតាមប្រសាសន៍ដឹកនាំរបស់លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល អធិការដ្ឋាននគរបាលក្រុងតាខ្មៅសូមជម្រាបជូនពុកម៉ែ បងប្អូន អោយបានជ្រាបថា៖ ចាប់ពីថ្ងៃជូនដំណឹងនេះតទៅអធិការដ្ឋាននគរបាលក្រុងតាខ្មៅ នឹងមានក្រុមការងារចុះទៅធ្វើអត្តសញ្ញាណប័ណ្ណសញ្ជាតិខ្មែរ សៀវភៅគ្រួសារ និងសៀវភៅស្នាក់នៅ ឬឯកសារផ្សេងៗ ទៅដល់ខ្នងផ្ទះប្រសិនបើ ពុក ម៉ែ បងប្អូនមានជំងឺឬមានធុរៈមិនអាចមកធ្វើដោយផ្ទាល់បាន ។ សូមបញ្ជាក់ ៖ ធ្វើជូនដោយមិនគិតប្រាក់ ។ សូមធ្វើការទំនាក់ទំនងទៅប៉ុស្តិ៍នគរបាលរដ្ឋបាលដែលពុកម៉ែបងប្អូនរស់នៅឬក្រុមការងារប្រចាំការ ២៤ម៉/២៤ម៉ ដូចខាងក្រោម៖ ប្រចាំបញ្ជា ☎️០៩៧ ៧៧ ៨០០ ៥១ , ០១៧ ៧៨០ ០៥១ ផ្នែកអត្តសញ្ញាណកម្ម ☎️០១០ ៥១១ ៨៨៦ , ០៦៦ ៦៤៤ ៩៦៦ លោកអធិការ ☎️០១២ ៧៦៣ ៩៦៣ , ០១៦ ៦០៧ ៨៨៨ 🌐 Telegram : https://t.me/PoliceTakhmaol