Available now! Telegram Research 2025 — the year's key insights 
ادبیات سئونلر
Open in Telegram
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.
Show more3 091
Subscribers
+424 hours
+47 days
-830 days
Posts Archive
3 091
- رائوف، کئچ گوناهیمدان. منی شیطان آلداتدی. تزه اثرلر یاز، یارات،- سونرا گولوب گئتدی.
اوندا رائوف گوندوز موسیقی مکتبینده اوخویوردو، گئجهلر بئش اولدوزلو هوتئللرین بیرینده قبول ائتمه(پذیرش) بخشینده ایشلهییردی. گلیب- گئدنلری قئید ائدیردی، ایتَن اشیاءلاری ساخلاییردی. او واخت آناسی چوخ جیددی خسته ایدی. بیرینجی درجهلی دیابت ایدی. اَنسولین ووروردو.
آناسی واختی ایله گنجهده ایلک کامئرا اُرکسترینین یارادیجیسی اولان اسماعیل ولییئوین طلبهسی اولموشدو. آناسی گنجه موسیقی کالجینی بیتیرمیشدی.
اسماعیل معللیم اونون موسیقی مکتبینده اوخوماسینی داوام ائتدیرمهیی مصلحت بیلمیشدی. آنجاق رائوف کؤرپه اولدوغوندان، آناسی عالی تحصیل آلا بیلمهدی. اوشاغینی بؤیوتدو. عؤمرونون قارا گونلری باشلادی، آتاسی بورالاردا باش گیرلهیه بیلمهدی، روسیهیه بَختینی سیناماغا گئتدی. اوّللر پول گؤندریردی، سونرا او دا کسیلدی.
اوستهلیک، آناسینین ایشلهدییی موسیقی مکتبینین مودورو آناسینی مذمّت ائلهدی،- معللیمه، سیز اؤز صینیفیزه اوشاق ییغا بیلمیرسینیز. اوچ- دؤرد نفر اوشاغا درس دئییب امک حاققی آلیرسینیز. بئله گئتسه گرک اؤزونوزه آیری ایش آختاراسینیز. اوندا رائوف اون ایکی یاشینا کئچمیشدی. هر یئردن اَلی اوزولن آناسی، عزیز قونشولاری بیاض خالایا اوز توتدو:
- علاجسیز قالمیشام بیاض خالا. اوغلونا دئه منه بیر ایش تاپسین.
ائرتهسی گون رائوفون آناسی، بیاض خالانین اوغلو مودور ایشلهدییی رستورانا گئتدی.
آناسی اوردا آشپاز کؤمکچیسی ایشلهییردی، هردن رستورانین قوناغی چوخ اولاندا او، قاب- قاجاق یویولماسینا دا کومک ائدیردی. هر آخشام ائولرینه قازانلاردان هله سویومامیش، ایکی نفرلیک. یئمکلر گتیریردی. بونا رستورانین صاحیبی ایجازه وئرمیشدی. رائوف بیر دفعه آناسینین قاب یوماسی ایله باغلی سارسینتی کئچیرمیشدی. اوندا گولوستاندا یاشادیقلاری ائوین قونشولوغوندا بؤیوک بیر مالکانه وار ایدی. بو مالکانهده خاتین آدیندا آل- وئرچی قادین یاشاییردی. او، اؤلموش اَرینه احسان وئریردی. رائوفون آناسینی قاب یوماغا چاغیردی. خاتینین قوللوقچوسو ناخوشلامیشدی. آرتیق شر قاریشاندا رائوف آناسینی قارشیلاماغا گئتدی. او همیشه آناسینی گئجه قارشیلاییب، بیرگه ائوه قاییدیردیلار. بو دفعه ده رائوف آناسینی قارشیلاماغا گئدنده خاتین آناسینی ساخلادی.
- بیر دایان.
خاتین الینده کی اَیری- اویرو قازانچایا بشقابلاردان آرتیق قالان یئمکلری بوشالتدی.
- آپار بونو دا گَدَن یئسین.
آناسی اَلی ایله قازانی ایتهلدی.
- منیم اوغلوم کیمسهنین آرتیغینا قالماییب،- دئدی و اللرینی قاباغیندا کی اؤنلوکله سیلیب اوغلونون یانینا گلدی.
آناسینین رنگی قاچمیشدی، رائوفون علاجی اولسایدی خاتونو اؤلدورردی، یا دا باشقا جور قصاص آلاردی.
اگر آتاسی یانلاریندا اولسایدی، رائوف دا اورهکلی بؤیویَردی، آناسی دا اونون-بونون قابلارینی یومازدی، آناسینا خالقین آرتیغی تکلیف اولونمازدی.
آناسینی قوجاقلادی:
- قارانلیقدان سونرا ایشیق اولور، آنا.
آناسی کؤورلدی.
- ویجدانسیز آتان بورالاردا اولسایدی، هئچ کیم من ایله بئله داورانمازدی،-دئدی.
رائوف آتاسینی تک بیر دفعه گؤردو. آوتوبوسدا. اوندا عاریض ده، رائوف دا، موسیقی مکتبیندن قبول اولان ایل ایدی. عاریض ایله بیر یئرده موسیقی مکتبینه گیردیلر. عاریض رائوفو دا اؤزو ایله بیرگه خاچبولاغا آپاریردی.
آوتوبوسدا اونلارین قارشیسیندا بیر اوجا بوی، یاراشیقلی کیشی، بیر ساریشین قادین اَیلَشمیشدی.
کیشی عاریضی اؤپدو.
- آتان نئجهدیر؟ منیم سالاملاریمی چاتدیر. من ده بیر نئچه گونلوک گلمیشم. اوشاقلار خاچبولاقدا آنامین یانیندادیلار. اونلارا کوماندیرله( یانیندا کی قادینا ایشاره ائلهدی) باش چکمهیه گئدیرم. یانیندا کی کیم دیر؟
- دوستومدور، صادیق عمی.
- هه، یاخشی اوغلانا اوخشاییر.
"صادیق عمی؟!" رائوف آز قالدی قیشقیرسین کی من سنین اوغلونام. سنین اورهیین تیترهمهدی می؟ گؤرمورسن می سن ایله نه قدر اوخشاییریق بیربیریمیزه؟ آنجاق رائوف آغریسینی اوددو. هئچ نه دئمهدی. نوبتی دایاناجاقدا سوروجو دوشوب" صادیق عمینین" یئکه سبدلرینی یئره دوشوردو.
رائوف دوشوندو کی بلکه ده آتاسی نوبتی دایاناجاقدا یوخ، او بیریلرده دوشسهیدی، رائوف اونا یاخینلاشیب دئیردی:
- آتا من سنین اوغلونام. آتاسی ماشیندان دوشَنده رائوف چوخ پَرت اولدو. ایستهییردی آتاسی اونونلا بیر اوزون یول گئتسین.
رائوف دوشوندو کی بیر ده نه واختسا تصادوفن آتاسینی گؤرسه، موطلق اونا یاخینلاشاجاق.
رائوف عاریضه ده هئچ نه دئمهدی. آغریسینی ایچینده گیزلتدی.
موسیقی مکتبینده درسلر باشلایاندا عاریض باکییا گئتدی، رائوف دا عسگرلییه.
ایکی ایلدن سونرا اوردودان ترخیص اولوب، عالی مکتبه گیردی. آخشاملار بیاض خالانین یاخین قوهومونون بئش اولدوزلو هوتئلینده ایشه گیردی.
آناسینی ایشدن چیخارتدیردی.
3 091
نوکتورن(کیچیک لیریک موسیقی اثری)
✍یازان:«نوشابه اسد ممدلی»
کؤچورن:«سحرخیاوی»
حاضیرلایان:«ادبیات سئونلر»
غفیل زنگ رائوفو یوخودان آییلتدی. سحر تزه آچیلیردی. تئلفوندا کی آدی گؤرنده، بوتون جیسمینی هیجان، ناراحاتلیق بورودو.
زنگ ائدن عاریض ایدی.
-من سن ایله موطلق گؤروشمهلییم. یعنی بو گؤروشه گؤره گنجهیه گلمیشم.
- ساعات نئچهده؟
- نه قدر تئز اولسا یاخشیدیر. من باکییا قاییتمالییام.
- اوندا یاریم ساعاتدان سونرا، خان باغیندا، نیگار رفیعبئیلینین آبیدهسی اؤنونده گؤروشک.
- اولدو. من ائله ایندی اورا گئدیرم.
- من ده گلیرم.
رائوف یویونوب، کؤهنه " مرسدس"ینی ایشه سالدی. ماشینی چیخارتماق اوچون دروازانی آچاندا، قاپیبیر قونشوسو غازی علینی گؤردو. او قولتوق آغاجلارینا سؤیکهنیب، چؤرهک آلماقدان گلیردی. علی قاراباغ محاریبهسی علیلی ایدی. آوریل دؤیوشلرینده ایسه اوغلو نادیر شهید اولدو. غازی علی اونون آروادینی و ایکی کؤرپه قیزلارینی یانینا کؤچورتدو. او دا، عؤمور- گون یولداشی دا، سان کی تسکینلیینی بو کؤرپه بالالاردان آلیردیلار. گلین ده حالال سود اممیش ایدی. فیکری- ذکری بو اوشاقلاری بؤیوتمک، اونلارا یاخشی تحصیل وئرمک ایدی.
- هارا گئدیرسن رائوف؟
- تعجیلی ایشیم وار. بیر نفرله گؤروشوم وار.
- آللاه آمانیندا.
رائوف یولا دوشدو.
" گؤرهسن عطارد نئجهدیر؟"
بو فیکیر ائله بیل اونون قانینی دوندوردو.
بیر نئچه آی بوندان قاباق رائوف عطارد ایله بیرگه عؤمرونون ان خوشبخت گونونو یاشادی. ائله بیل قارانلیق عؤمرونه گونش دوغدو. بیر سئحیرلی، مؤجوزهلی یوخو گؤردو.
اوندا حاجیکندده میللی یایلاق فستیوالی کئچیریلیردی. ائل شَنلییی قورولموشدو. یوزلرله اینسان بو شَنلییه قاتیلمیشدی. بوتون خالقلارین مطبخی تشکیل اولونموشدو. لذیذ یئمکلرین عطری اوتلارین، چیچکلرین رایحهسینه قاریشمیشدی.
بوش دوزَنگاهدا صحنه قورولموشدو. صحنهده میللی پالتار گئیمیش قیزلار رقص ائدیردی.
صحنهده پیانو دا، قویولموشدو. پیانو رائوف اوچون قویولموشدو.
بو گون او اؤزونون ایکینجی نوکتورونونو ایفاء ائدهجکدی.
رقصلر بیتن کیمی آپاریجی رائوفون آدینی اعلان ائتدی.
- ایندی ایسه بستهکار " رائوف عظیم بئیلی" اؤزونون ایکینجی نوکتورونونو ایفاء ائدهجک.
رائوف صحنهیه چیخاندا، بیر دسته کئچمیش طلبه یولداشلاری آراسیندا عطاردی، کالجده درس دئدییی طلبهلرینی گؤردو. قلبینده ایلدیریم چاخدی. طلبه یولداشلاری آراسیندا، عاریض یوخ ایدی. عطارد عارضین آروادی ایدی. هانسی اوزله عاریض گنجهیه گلمهلی ایدی؟،- دوشوندو.
بیرآن باخیشلاری عطاردین نظرلری ایله قارشیلاشدی.
جیسمی سیلکهلندی. اوشاقلارا اَل ائدیب، یئیین آددیملارلا پیانو آرخاسینا کئچدی.
چالماغا باشلایاندا، گؤردو کی عطارد صحنه یاخینلیغینا، اونون قَنشَرینه گلدی. رائوف چالماغا باشلادی. موسیقی دایانان کیمی، هر طرفدن سنگیمهین آلقیشلار گلدی.
"براوو" سسلری آلتیندا رائوف تاماشاچیلارا باش اَییب، آشاغی دوشدو. بیربیر یولداشلاریلا گؤروشدو. عطارد اونونلا بیر کورسدا اوخومامیشدی. عالی موسیقی مکتبینین یوخاری کورسلاریندا، ایدی. عاریض ده، عطارد ده، رائوفلا عینی یاشدایدیلار. رائوف اؤودهنیشلی اساسلارلا موسیقی مکتبینده قبول اولموشدو، آنجاق اوخوماغا گئده بیلمهدی. آناسینی کیمسهدن بورج آلماغا قویمادی. حربی کمسیوندان اونا چاغیریش ورقی گلنده، رائوف راحات اورهکله عسگرلیک خیدمتینه گئتدی. نخجواندا خیدمت ائتدی. ایکی ایلدن سونرا، عالی موسیقی مکتبینده قبول اولاندا، عاریض آرتیق اوچونجو کورسدا، اوخویوردو. عطارد دا، اونونلا بیرگه تحصیل آلیردی. رائوف اونو یُوخلاما سالونوندا عاریضله بیرگه گؤردو. ایلک دفعه گؤردویو بو قیز اونون روحونو، وارلیغینی اَلَک- وَلَک ائلهدی. اورهیی سیزیلدادی. بیر آنلیق اؤزونو عارضین یئرینداه گؤردو. بیر آنلیق خوشبخت اولدو.
سونرا عارضین عطارد ایله تویو اولدو. بو تویا رائوف گئتمهدی. آنجاق عارض بیر نئچه گوندن سونرا رائوفا زنگ ائدیب دئدی کی، اونو گنج ایفاچیلارین مسابقهسینه سئچیبلر. ایستهییر اورادا، رائوفون بیرینجی نوکتورونونو ایفاء ائلهسین.
- بو چوخ یاخشی اولاجاق رائوف. ایکیمیز ده تانیناریق. رائوف تردید ائتمهدن اؤز اثرینی اونا وئردی.
خارجی اولکهده کئچیریلن بو مسابقهده عاریض رائوفون یاراتدیغینی اؤز اثری کیمی ایفاء ائتدی. در حال قزئتلر عاریضی یئنی دونیانین شُوپِنی، شومانی آدلاندیردیلار.
" نوکتورونو" اجنبی موسیقیچیلر ایفا ائتمهیه باشلادی. رائوفون اورهیی قان آغلاییردی.
" دوز- چورهک کسمیشدیک آخی، عاریض نئجه منیم اثریمه قییدی؟! او من ایله نئجه گوروشهجک؟ عاریض رائوفلا هئچ گؤروشمک نیتینده ده دئییلدی. بیر موددت سونرا تصادوفن گؤروشنده دئدی:
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
« احد فرهمندی» ادبیات سئونلر گوزگوسونده
1402/6/28بیرینجی بولوم
چکیلیش:«مرجان منافزاده»
آپاریجی:«کریم قربانزاده»
https://t.me/Adabiyyatsevanlar
3 091
«میرحسین_دلداربناب»
«یوخلوق»
بیرگون نه سن وارسان، نه من، نه هئچکیم
بیرگون آیریلیق وار، غم وار، اؤلوم وار
بیرگون خاطیرهلر، خاطیرلاناجاق
وارلیقدا بوندان دا، بؤیوک ظولوم وار؟!
بیرگون دوغولورسان اؤزون بیلمهدن
بیرگون ایستهمهدن، آنسیز اؤلورسن!
گلدی گئدر ایمیش، گلدی قالار یوخ
قوراللار بئلهدیر، یاخشی بیلیرسن!
جانلارا جان قاتدین، اوزون آغ اولسون
جانینا جان قاتان، وارمی آی قوچاق؟!
پای وئردین گونلرین، گون گؤرمهدین سن
خیالینلا یاتان، وارمی آی قوچاق؟!
هلهلیک، خوشجا قال، گؤروشمک اوزره
تئز قاییت دئیهنین، اولمایاجاقدیر
بیرگون، بیر آی، بیر ایل، کئچسهده بئله
داها گؤزلهیهنین، اولمایاجاقدیر
یورودویون یوللار، سیلهجک ایزین
یوکسلدیگین داغلار، باخیب سوساجاق
تانیشلار آغلاشیب، گئری دونهجک
مزارین اوستونو آلاق باساجاق...
۱۴۰۲/۰۶/۲۶
https://t.me/Adabiyyatsevanlar
3 091
اوشاق ادبیاتی
اوشاق ادبيّاتینین پروبلئ «ادبيّات قزئت»نین موذاکیرهسی
کوچورن:«ویدا حشمتی»
حاضیرلایان:«ادبیات سئونلر»
ایکینجی بولوم
پنجشنبه گونو ادبیات سئونلر کانالیندا
https://t.me/Adabiyyatsevanlar
3 091
اوشاق ادبیاتی
اوشاق ادبيّاتینین پروبلئ «ادبيّات قزئت»نین موذاکیرهسی
کوچورن:«ویدا حشمتی»
حاضیرلایان:«ادبیات سئونلر»
بیرینجی بولوم
3 091
نوکتورن(کیچیک لیریک موسیقی اثری)
✍یازان:«نوشابه اسد ممدلی»
کؤچورن:« سحرخیاوی»
حاضیرلایان:«ادبیات سئونلر»
3 091
بیلینمز بیر یازاردان
چئویرن:«ایلقار موذنزاده»
#فلش_فیکشن
آنا
بیر کیشی گولساتان توکانینین یانیندا دایاندی. آیری شهرده اولان آناسینا بیر دستهگول آلیب یوللاماق ایستهییردی. گولساتانین توکانیندان ائشییه چیخدی. قاپی قیراغیندا اوتوروب آغلایان بیر قیز اوشاغینی گؤردو. کیشی قیزا ساری گئدیب سوروشدو:
- «گؤزل قیز نییه آغلاییرسان؟»
قیز دئدی:
- «آناما بیر شاخه گول آلماق ایستهییردیم آمما پولوم آزدی.»
کیشی گولوب دئدی:
- «منیمله گل، من سنه گؤزل بیر دستهگول آلاجییام کی آنانا وئرهسن.»
گول ساتانین توکانیندان چیخاندا قیز گولدستهسینی الینده توتموشدو. راضیلیق و سئوینج دوداغیندا اوتورموشدو. کیشی قیزا دئدی:
- «ایستیرسن کی سنی یئتیرم؟»
قیز دئدی:
- «یوخ آنامین قبرینه او قدر یول یوخدو!»
کیشی هئچ بیر سؤز دئیه بیلمهدی. بوغازی دویونلندی و اورهیی سیندی. دؤزه بیلمهدی. گولساتان توکانینا قاییتدی، گولدستهسینی آلدی. ایکییوز کیلومئتیرلیک یولو ماشینی ایله سوروب اؤزو آناسینا دستهگولو وئرمک اوچون یولا دوشدو.
🗓1402/06/25
3 091
«بهمن وطن اوغلو»
نه پنهان یِئر آختار، نه خلوته گَل
اِئل-اوبا دردیمی بیلندن سونرا
مجنون-مجنون دئیه دۆشوب آرخامجا
اوشاقلار اۆستومه گۆلندن سونرا
هجران توخوموندان درد اَکهجکسن
هر زمان آغلاییب یاش تؤکهجکسن
هدر یادا سالیب آه چکهجکسن
عزراییل اۆستومه گلندن سونرا
دؤنمز غیری یانا دگیشمز حالیم
سنـسن گئجه-گۆندوز، فکریم-خیالیم
وعدهسینده یان اودوما مارالیم
آغلاما بهمنه، اؤلندن سونرا
https://t.me/Adabiyyatsevanlar
