ادبیات سئونلر

دونیا سندن کیم‌لر کئچدی اورمولو شاعیر، یازیچی زحمتکش‌لر اوردوسونون مبارز اوغلو اوستاد «حسن صانعی»، کانون نویسندگان ایرانین قدیمی اویه‌سی تهراندا حیاتا گؤز یومدو. آدی قالارقی شاعیر، اوستاد «حسن صانعی» 1322ده، اورمودا حیاتا گؤز آچمیشدی. اوستادین عمرونون گنج گونلری وطنیمیزین ان فیرتانالی گونلری‌له مصادف اولموشدو، حسن معلیم او آغیر گونلرده ائلی دئییب، وطنی دئییب، وطنیمیزین زحمتکش‌لرینین آزادلیق اوغروندا آپاران گرگین مبارزه‌سینه قوشولموشدو. حسن معللیم آزادلیق یولوندا، خالقین سعادتی یولوندا تکجه شعری‌له، یازی ایله یوخ بلکه بوتون وارلیغی ایله مئیداندا اولموشدو. 60اینجی ایلین باهاریندا حسن معللیمین ان کؤرپه بالاسی (میترا صانعی)نی آناسی‌نین قوجاغیندا، تهرانین آزادی مئیدانین‌دا قارا قوّه‌لر، ارتجاعی قوّه‌لر قیزیل قانینا بله‌میشدیلر ،حتتا بئله بیر حادثه‌ده، حسن معلیمی سوسدورا بیلمه‌دی، او سون نفسینه قدر باغلادیغی عهد پیمانا اؤز خالقی ایله وفالی قالدی، آغیر عذابلی گونلر  دهشتلی حجمه‌لر اونو یازیب، یاراتماقدان عمل مئیدانیندان اوزاق سالا بیلمه‌دی، حسن معللیم تهراندا آنا دیلینده یازیب، یارادان شاعیرلرین، انجمن‌لرین دایاغی ایدی. ادبیات سئونلر بو آجی آیریلیغی حسن معللیمین عایله‌سینه، وطنیمیزین زحمتکش‌لرینه، حسن معللیمین قلمداشلارینا، سئونلرینه باش ساغلیغی وئریر. اوستاد حسن صانعی‌دن بو گونه‌جه اوچ کیتاب ایشیق اوزو گؤروب: «شکوفه می‌نوشد باد ۱۳۸۸»، «این رودخانه مال من است ۱۳۹۰»  «جمع‌آوری آب در آبکش ۱۳۹۷»   آدی قالارقی، ابدی خاطیره‌سینه عشق اولسون. ادبیات سئونلر 1404,5,6 https://t.me/Adabiyyatsevanlar

محمد_زهری «بیهودگی» در من - یا در تو - توان روئیدن هست در من - یا در تو - توان تابیدن هست اما... با یک شکوفه، باغ بهاران نمی‌شود با یک ستاره، شهر، چراغان نمی‌شود این باغ؛ محروم از نوازش انگشت بادها بی‌گانه با طراوت باران آشنا چشم انتظار معجزه‌ای هم نیست. در من - یا در تو - توان روئیدن هست اما... با یک شکوفه، باغ، بهاران نمی‌شود. این شهر؛ خاموش دیرساله‌ی جادوی پایدار تاریک بی‌دریچه‌ی شب‌های ماندگار چشم انتظار معجزه‌ای هم نیست. در من - یا در تو - توان تابیدن هست اما... با یک ستاره، شهر، چراغان نمی‌شود. https://t.me/Adabiyyatsevanlar

عدالت دومان گؤز بالتاسی اودلو محببت‌دن دوغان دویغونو آیریلیغین بوز بالتاسی قیردیمی؟ حالال باخیش‌لاردان یاغان  سئوگینی کال دیلیمین سؤز بالتاسی قیردیمی؟ نه وارییمیش بیز یازیغین بختینده اوتورمادیق سئوگی‌لی‌لر تاختیندا گؤز دوعاسی یازدیرمادیق واختیندا بد نظرین گؤز بالتاسی قیردیمی؟ مردوم آزار بیزدن آییق چیخدیمی؟ سؤزلیریمیز ایچی اویوق چیخدیمی؟ طالعی‌میز اوزو سویوق چیخدیمی؟ باختیمیزین اوز بالتاسی قیردیمی؟ شادلیق‌لارا یان-یان باخان فله یین وعده لری بومبوش چیخان فله یین سئون‌لرین کؤنلون ییخان فله یین سینمیش الی اؤز بالتاسی قیردیمی؟

«کامیل قهرمان اوغلو» من دلی‌نم تئللری فيرتيناليم، آی ماياسی، من، دلی‌نم دوداغی قان هولو بایرام لالاسي من، دلی‌نم دلي‌نم، اوستومو هر بير ياراشيقدان تيكيرم ماويجيم گؤزلری یارپیز بوياسي، من دلی‌نم کدریمده، سنی بیر قیز اوشاغی دیش چیخاریر درديمین أینینه بيتميش یاخاسي من دلی‌نم باجیمین سئودالیناز واختی گلین یایلیغی ای... آنامین اللرینین توی خیناسی، من دلی‌نم اون بئش ايلدير ايت اوتاررام يارامين اوستونده يارام اوچ نوقطه... دي منده، قاداسی من دلی‌نم بو غزلدير چيخير ايت ديرسه‌گي يالنيزليغيمي شعيريمين بالديزي، ايمگه‌م بوتاسی من دلی‌نم بو آديندير چيمير آغريمدا اوفوقلار شافاغي سازيمين ایتگینی غوربت قوباسی، من دلی‌نم * باخيرام آللاها سن جان وئريسن هريئرده دلي اوغلانلارا جیران بالاسی من دلی‌نم https://t.me/Adabiyyatsevanlar

تئللری فيرتينالی‌م، آی ماياسی! من دلی‌نم دوداغی قان هولو، بایرام لالاسی! من دلی‌نم. دلی‌نم، اوستومو هر بير ياراشيقدان تيكيرم ماويجيم، گؤزلری یارپیز بوياسی! من دلی‌نم کدریمده، سنی بیر قیز اوشاغی دیش چیخاریر درديمین اَینینه بيتميش یاخاسی! من دلی‌نم باجیمین سئودالیناز واختی گلین یایلیغی، ائی... آنامین اللرینین توی خیناسی! من دلی‌نم. اون بئش ايلدير ايت اوتاررام يارامين اوستونده يارام اوچ نؤقطه...دی منده قاداسی! من دلی‌نم. بو غزلدير چيخير ايت ديرسه‌یی يالنيزليغيمی شعريمين بالديزی، ايمگه‌م بوتاسی! من دلی‌نم. بو آديندير چيمير آغريمدا، اوفوقلر شافاغی! سازيمين ایتگینی، غوربت قوباسی! من دلی‌نم. باخيرام، آللاها سن جان وئريسن هر يئرده دلی اوغلانلارا جئیران بالاسی! من دلی‌نم... https://t.me/Adabiyyatsevanlar

اوستاد شهریار ایتیمیز قورد اولالی، بیزده قاییتدیق قویون اولدوق ایت ایله قول- بویون اولدوق ایت الیندن قاییدیب، قوردادا بیرزاد بویون اولدوق ایت ایله قول- بویون اولدوق قوردوموز دیشلرینی هی قارا داشلاردا ایتیلتدی قویونون دا ایشی بیتدی سون، سوخولدی سورویه، بیر سورونی سؤکدی- داغیتدی اکیلیب، ایت گئدیب ایتدی بیزده باخدیق ایت ایله قورد آراسیندا اویون اولدوق ایت ایله قول- بویون اولدوق https://t.me/Adabiyyatsevanlar

محرم پریزاد آزادليق هئيكلي دئییرلر: جوْرج بِرنارد شاو ( 1856-1950م ) آمريكالي‌لارين ادبي – هونري ( تياتير ) هيأتي طرفيندن، او اؤلكه‏يه، بير قوْناق كيمي چاغريلير. اينگيليس‌دن آمريكايا قَدَر، گمي‌ايله سفر ائدير. مقصده چاتديقدا، نيويورك بندرينده، گمي ساحيله ياناشاندا، ساغ اَلينده مشعل، قادين شكلينده ديكلنميش اوجا بير هئيكله گؤزو ساتاشير. گمي‌چي‌لرده‏ن خبر آلير: بو هؤندور هئيكل كيمين‏دير؟ گمي‌چي‌لردن بيريسي فخر ايله دئيير: آزادليق هئيكلي‏دير! شاو گولومسه‏ييب دئيير: باشا دوشدوم، بيزيم‏ده اؤلكه‏ده، بير آدليم شخصيّت اؤلندن سوْنرا، هئكلي‌ني ديكه‏لديرلر! دئييرلر ساحيله آياق قوْيمادان، شاو گئری قايتاريلير! 

رحیم گوزل هانسی‌سا بیر آغاجین، هانسی بیر بوداغیندا، یووا قوراجاغینی لاپ یاخشیجا بیلیر هر قوش. اویوموش، باغریمین باشیندا کدَر. دینمه‌یین! دینجلسین سئودییی قدَر. گووَنده‌دیر باغری قره...

ائلمان موغانلی بوتون شَهَر هؤووشنه یومروغوندا تیر-تیر تیتره‌ییر و اؤلوم قارا گؤیرچین کیمی چیگنینه قونماقدا هر یولدان کئچه‌نین یئل هؤنکورتولرین سسینی پئنجره‌لر آراسی داشیماقدا کوچه‌لر ایسه ایتن ایستکلی‌لرین آدینی ازبر آنجاق من سنین یانیندا دایانمیشام یارالی دونیانین یارالاری گؤزلرینده اونودولور سن بیر سس‌سیز سمیرسیز یازیلی داش کیمی دینجلیک و قورتولوش سیمگه‌سی اولاراق داغیلمیش دونیایا سانجیلیبسان اَل لرینی توتدوغوم هر آن دووارلار پارتلاییش سسینی اونودورلار و گؤی اوزو یئنی‌دن ماوی‌لَشیر منیم اوچوق کؤنلومده کؤلگه‌سی بوتون سیلاحلی قووه‌لردن گوجلو و سسی بوتون سیلاح‌لاردان اؤلومجول اولانیم بوتون دونیا اودلاندیغیندا گئجه ساچلیمین نفس‌لرینده گوون دولو بیر ائوه سیغینیرام قاپی‌سیز پئنجره‌سیز یالنیز منی قورویان اورک چیرپینتی‌لارین‌لا تیکیلمیش بیر ائو