ادبیات سئونلر

محرّم پریزاد (سورگون سالمادین دئمیشدیم دار گونده منی یادا سال                 نییه سوروشمادین نییه سالمادین دئمیشدیم سازینی بیر کؤکله، بیر چال            نییه کؤکله‏مه‏دین نییه چالمادین. باشیم غووغالی‏دیر، حالیم قالماقال                آغاریر ساچلاریم قدّیم اولور دال دئمیشدیم بیر گئجه قوناق کیمی قال             بس نییه گلمه‏دین نییه قالمادین. زمانه په‏سینیر اؤز ایمدادیندان                     دادیزیر زهر ایله منه دادیندان دئمیشدیم اونوتما منی یادیندان                  نییه یاد ائتمه‏دین نییه دالمادین. هیجرانیم یولوندا دوشمشم خسته              گؤزلریم یول چکیر داییم- پیوسته دئمیشدیم باشیمی آل قولون اوسته            بس نییه سرمه‏دین نییه آلمادین. شاد ایدیم کویوندان گوذاریم اولسون          «سورگون» تک روسوالیق بازاریم اولسون دئمیشدیم باغ یولو مزاریم اولسون           یولونو اوستومدن نییه سالمادین. ) 29/5/1388

بو یازینین آدی یوخدو دونن یاری گئجه حیط دن سس گلیردی، فرشی یوووب آتمیشدیم دووار اوسته قوروسون، دئدیم به اوغرو گلیب فرشی آپارا، تر -تلسیک قاچدیم حیطه گوردوم فرش یئرینده آمما اوغروجنابلاری سوپومپونو کسیب گوتوروب قاپیدان چیخییب  گئدیر،جلدقاچدیم کوچه ده عزیز اوغروقارداشیمیزی یاخلادیم ،چوخ چکیش بکیش دن سونرا پمپی اوغرو بی ین الیندن آلدیم ،دئدیم:نه عجب فرشی آپارمادین؟ بویوردو: ائله بیل سنین قانون نان خبرین یوخدو،آپاردیغیمیز جنسین قیمتی ایگیرمی میلیوندان آشاغا اولسا بیرساعاتدا دا زیندانی یوخدور، قوخدوم ایکی سی بیر یئرده ایگیرمی میلیوندان چوخ اولا دردسره دوشم، اونا گوره دئدیم :قوی بوگون پومپی آپاریم قسمت اولساانشاآللاه  ساباها جا فرش قورماسا ساباه دا گلم اونو آپارام.بو استدلالا  بو کارشناسلیغا ،بوقانون نا مات قالمیشدیم کی اوغرو جنابلاری سوزوب تشریف آپاردیلار. https://t.me/Adabiyyatsevanlar

اوچ شعیر "رحیم گوزل" جنابلاریندان 1 تکین گوندنچ آدام اونجه بیغ آرالارینا گیزله دی یاریم قالان گولوشونو سونرا سارالمیش بیر گولو اوزنله چیخاریب کیتاب صایفالاریندان یاخاسینا تاخدی دوغروسو دلی قانلی آدام دی باشقا جور آغلایانمازدی اوزنله ‐   özənlə: دقّتله 2 یالنیزلیق یقین اورک تاپمامیشدیر اوره یینی بوشاتماغا، یوخسا خزان بودارلامیش آغاجلارین بوداقلاری قان آغلاییر قارانلیقدا!.. 3 لوو وئرسه؛ گؤزلری لووا وئره جک                  اوره یینی... یوخسا؛ آغزین پیچاغینان آچماق اولماز!.. https://t.me/Adabiyyatsevanlar

غزه نیگار خیاوی   جناب نوبئل باریش موکافاتی ! بوگون ناهارا غزه‌نین جنازه‌لرینی سئیر ائده-ائده باسدیرما پیلوو یئدیک بیر گؤزوموز تئلویزیونا باخدی بیر گؤزوموز قاشیغیمیزین اَتینی عیارلادی سونرا مدنی فیقور ایلا باشیمیزی توولادیق انسانجاسینا بومبالارین ویییلتیسی و تانکالارین ویژیلتی‌یلا قیژیلداماسی هئچ پوزمادی عصبلریمیزی، بیلمیرم ندن ۲۱ غزه‌لی اوشاق و بیر چوخ قادینین اؤلدویونو سئیر ائتدیک بونونلا بئله الیمیزی یئمکدن چکمه‌دیک کوکاکولامیزدان واز گئچمه‌دیک و کاهی سالادیمیزا عینادکار ناریشلار سیخدیق یئرین بوش جناب باریش، چوخ یئمه‌لی اولدو زیتون یاغی ایله! البته بیر آن دوشوندوک کی، زیتون یارپاقلاری گؤیلرده گیجه‌لن گؤیرچینین بوغازینا ایلیشیب بلکه، آمما چَچیمه‌دیک اودغونمادیق نه اوره‌ییمیز، نه معده‌میز بولانمادی هئچ باشسیز جنازه‌لردن و دانیشیقلاریمیزی LGیوخسا Samsung تئلویزیونلاری اوزرینده داوام ائتدیردیک بونلارین هامیسی نه دئمکدیر جناب نوبئل باریش موکافاتی؟ سیز نه یئدینیز ناهارا عالیجناب؟ جناب جایزه، جناب نوبئل، جناب باریش! نوه‌مین آدینی «کاتیوشا» قویماغا سیزه سؤز وئریرم یئتر کی، بومبالارینیزا بویورون بؤیله‌جه آمانسیز اَلنمه‌سین غزه اوشاقلارینین یومشاجیق دارانمیش ساچلارینا و مصلحت بیلسه‌نیز بویورون بیرآزجا یئر آچسینلار غزه کوچه‌لرینین گؤیلرینده یانوار قارینین شیلتاقجا اویناقلاماسینا. جناب جایزه‌ی نوبل صلح شعر: نگار خیاوی ترجمه: رامیز تای‌نور جناب جایزه‌ی نوبل صلح امروز  در حال تماشای جنازه‌ها در غزه ناهار ته‌چین خوردیم یک‌چشم‌مان به تلویزیون بود چشم دیگرمان گوشت‌ها را برانداز می‌کرد بعد با فیگوری مدنی-انسانی سر تکان دادیم! نمی‌دانم از چه رو اعصاب‌مان به‌هم نریخت نه از زوزه‌ی بمب‌ها نه از صدای ویراژ تانک‌ها! آسوده به تماشا نشستیم مرگ ۲۱ کودک را و تعداد زیادی زن را در غزه! با این‌همه دست از خوردن نکشیدیم حتا کوکاکولای‌مان را هم سرکشیدیم و روی سالاد کاهوی‌مان آب نارنج چکاندیم جایت خالی آقای نوبل صلح! با روغن زیتون خیلی خوش‌مزه شد البته لحظه‌ئی فکرکردیم شاید برگ‌های زیتون توی گلوی کبوتران گیج آسمان گیر کرده‌باشد ما اما چیزی در گلوی‌مان گیر نکرد دل‌مان، معده‌مان آشوب نشد از تماشای جنازه‌های بی‌سر در غزه! و اگرنه در تلویزیون‌های LG در تلویزیون‌های سامسونگ به تماشا ادامه دادیم معنای همه‌ی این‌ها چیست آقای جایزه‌ی نوبل صلح؟ شما ناهار چه خوردید عالی‌جناب؟ جناب جایزه! جناب نوبل! جناب صلح! قول می‌دهم نام نوه‌ام را بگذارم «کاتیوشا»* کافی‌ست به بمب‌های‌تان بگویید این‌گونه بی‌امان بر گیسوان شانه‌خورده‌ی کودکان غزه نبارند و اگر مصلحت می‌دانید لطفا در آسمان کوچه‌های غزه جائی برای بارش برف‌های ژانویه هم باز کنید ——— *کاتیوشا: نام تحبیب شده برای دختران روسی با نام دکاترینا یا کاترینا و نیز نام یک سلاح جنگی ساخت روسیه https://t.me/Adabiyyatsevanlar

خبر

اوشاق ادبیاتی اوشاقلار قروپو :ساری بولبول ماهنیسینی ایفا ائتدیلر.

اوشاق ادبیاتی 11یاشیندا اوشاق بو ماهنی ایله  دونیانی حئیران قویوب.

اوشاق ادبیاتی اوشاقلارین باجاریقلارینا ایناناق باخین حئیران ائدیجی دیر https://t.me/Adabiyyatsevanlar

اوشاق ادبیاتی قدیم اوشاق اوینلاری بو اویون لاپ کیچیک اوشاقلار اوچون ایدی. آلتی- یئددی یاشا کیمی. اوغلانلی قیزلی ال- اله وئریب دؤوره فیرلانیب دئیه‌ردیلر: -ال اله دویمه ده‌له بابام گئدیب باشماق آلا بیر تای سنه بیر تای منه پیسسسس پیس دئیه‌نده هامی یئره اوتوراردی. یئره اوتورمایان جرگه‌دن چیخاردی. یئنه ده قالخیب باشدان باشلاردیلار. بعضن ده اوشاقلار بولاری اوخویاردیلار دؤره فیرلاناندا: حاجیه گیردی باجیه یوموتدادی قویدی تاخچیه ریضا ریضا میندی خوروزا بیر تپیح ویردوم دوشدو حووضا ننه‌سی دئدی هانی بو ریضا دده‌سی دئدی دوشدو حووضا... روقیه قرقره گئت قاپینی حلقه‌له مامان گئدیب دردره اوشاق دوشوبب تندیره گؤتی یاپیشیب منقله گئتدیم حاماما لیفله‌ندیم چیخدیم ائشییه کوفله‌ندیم حامامچی منه چای گتی من بو چایی ایشمه‌رم، دروازادان کئشمه‌رم، دروازا منیم اولسون، قیرمیزی دونوم اولسون، گئییم کئدیم تهرانا تهراندا تویوم اولسون قیزلار گلسین تویوما قوربان کسسین بویوما. یا دا اوشاقلارین بیریسینی چؤمبه‌لدیب اوتورداردیلار آرادا و دؤوره‌سینه فیرلاناراق اونون آدینا بئله اوخویاردیلار: اکرمین ماماسی شکرپنیر پیشیریب فیندیخچاسی بو بویدا گنه‌شلیغی بو بویدا قالخ ایاغا قاااالخ مطلبیوه بااااخ. بونو اوخویورکن ده بامباچایلا یاواشجا چالاردیلار اوتوران اوشاغین باشیندان یا چیینیندان. بو اویونلارین منبعی اینتر نت دی مختلیف ورژن لرده، ادبیات سئونلر بو ورژنی نت دن گوتوروب یغانلارینا آلقیش. https://t.me/Adabiyyatsevanlar

اوشاق ادبیاتی مسئولیت داشیماغی اوشاقلاریمیزا اویرده ک https://t.me/Adabiyyatsevanlar

اوشاق ادبیاتی نوغولون حساب دفتری يازان: زاهد خلیل كؤچورن: احد فرهمندی نوغول توت آغاجی‌نین آلتیندا اَیله‌شیب حساب دفترینه نه ایسه یازیردی. آغاجدان بیر توت دنه‌سی دوشدو. جوجه اونون اوستونه جومدو. اما بیر خوروز داها جلد ترپندی. توت دنه‌سینی یئدی. جوجه بیر دفعه "جیپپ" ائله‌مکله کیفایتلندی. سونرا یئنه بیر توت دوشدو. باشقا بیر خوروز هامینی قاباقلادی. جوجه یئنه ده "جیپپ" ائله‌‌دی. کولک اسدی. بوداقدان خيلی توت تؤکولدو. جوجه هر توتا بیر دفعه "جیپپ" ائله‌‌دی. اما بیرینی ده یئیه بیلمه‌دی. جوجه هر دفعه "جیپپ" ائد‌ن‌ده نوغول دفترینه بیر جیزیق چکدی. سونرا ساکیت‌لیک اولدو. نوغول دفترینده‌کی جیزیقلاری سایدی. اورادا ایگیرمی بئش جیزیق وار ایدی. نوغول دئدی: - بئله انصاف‌سیزلیق اولماز. ایگیرمی بئش دفعه "جیپپ" ائد‌ه‌سن، بیر توت دا یئمه‌یه‌سن؟! سونرا او، بوتون تویوقلاری توت آغاجی‌نین آلتین‌دان قوودو. آغاجدان بیر توت دوشدو. جوجه اونو یئدی. اما داها "جیپپ" ائله‌‌مه‌دی. سونرا بئش توت دوشدو، داها سونرا ایگیرمی توت. جوجه‌نین "جیپپ" ائل‌مه‌یه واختی یوخ ایدی. او، توتون هامی‌سینی یئدی. بیرجه ایش پیس اولدو کی، نوغول جوجه‌نین نئچه توت یئدیینی حسابلایا بیلمه‌دی. قانی قارالدی. جوجه بونو باشا دوشدو و یئدیی توتلارین سایی قدر "جیپپ" ائله‌دی. اونون "جیپ"لری گؤزل بیر نغمه‌نی خاطیرلاتدی. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

تبریز :"چهار راه منصور" بزرگترین فرش موزائیکی جهان... https://t.me/Adabiyyatsevanlar

-سنین یولوندا من هر شئیه حاضیرام. -ائله ایسه من سندن آرتیق، آرتیق، آرتیق، آرتیق، آرتیق، درجه‌‌ده خواهیش ائدیرم کی، سوساسان. هئچ نه دئمه‌ین کیشی دیوارین دیبینه قویولموش چمدانلارا طرف باخدی. هامیسی‌نین اوزه‌رینه بو قیزلا بیرگه قالدیقلاری هتل‌لره عاید جوربه‌جور اتیکت‌لر یاپیشدیریلمیشدی. سونرا ایسه دئدی: -عملیّاتا گیرمه‌نی هئچ ایسته‌میرم. چونکی بو، هئچ عینیمه ده دئییل. قیز دیللندی: -باخ  ایندیجه سسیمی باشیما آتاجام ها! باردان چیخان خیدمتچی قادین بیر جوت پیوه پارچینی اونلارین قاباغینداکی ایسلاق آلتلیقلارین اوزه‌رینه قویدو.       قادین اونلارا خاطیرلاتدی: -بئش دقیقه‌دن سونرا قاتار بورادا اولاجاق. قیز سوروشدو: -نه دئییر قادین؟ -دئییر کی، بئش دقیقه‌دن سونرا قاتار بورادا اولاجاق. قیز راضیلیقلا قادینی سوزوب، گولومسه‌دی. کیشی دئدی: -اوندا من گئدیب چمدانلاری قارشی دوراغا داشیییم. قیز بونا دا جاواب اولاراق گولومسوندو: -یاخشی. امّا سونرا گل  پیوه‌لریمیزی ایچیب، بیتیرک. کیشی گؤتوردویو آغیر چمدانلاری استاسیون بیناسی‌نین آرخا بیناداکی دوراغا داشیدی. سونرا یولا نظر سالدی: هله‌لیک قاتار گؤزه دگمیردی. گئری دؤنرکن او، پیوه ایچه‌رک، قاتارین گلیشینی گؤزله‌ین سرنیشین‌لرین اوتوردوغو بارین ایچیندن کئچدی.  پیش‌تاختانین قاباغیندا آیاق ساخلادی.  بیر قدح‌ «آنیس دئل تورو» آراغی ایچه-ایچه بو اینسانلارا تاماشا ائله‌دی. هامی سسسیز-سمیرسیز قاتاری گؤزله‌ییردی. بامبو پرده‌نی آرالاماقلا باردان چیخدی.  هله ده یئرینده اگله‌شن قیز اونو سوزوب، گولومسه‌دی. کیشی ماراقلاندی: -هه، کئیفین یئرینه گلدی‌می باری؟ قیز دئدی: -هم ده نئجه‌. هر شئی یولوندادیر. اؤزومو چووووخ گؤزل حیسّ ائدیرم.  https://t.me/Adabiyyatsevanlar