ادبیات سئونلر

دوستوم «احدفرهمندی» مني يئر اوزوندن قوپارير سانكي ،  اؤزگه بير عالمه آپارير سانكي،  قئيلدن ـ‌ قالدن قورتارير سانكي،  خوشلوغون منيله بؤلنده دوستوم!      طبيعت مين دونا، رنگه بورونور،  داغلارين دؤشونده شنليك سورونور،  بو دنيا گؤزومه جنّت گؤرونور،  دانيشيب اوجادان گولنده دوستوم!      هؤرولور اويماقلار  گولوش سسينده،  ائل ـ‌ اوبا قول آچير اؤز هوسينده،  قارتاللار قيي وورور داغ زيروه‌سينده،  اوز توتوب يانيما گلنده دوستوم!      عؤمرومو پئيله‌ين گونومو سايان،  دوستون اؤلومودور اولاندا عيان.  حوزنونو پرده‌لر اوستونه يايان،  گؤز گؤرر، اؤلرم اؤلنده دوستوم! هر زامان جان دوستوم آچار قوينونو اوندادير ياماجلار گئير آل دونو روحوم قوجاقلايار داغلار بوينونو كؤنلومون كدرين سيلنده دوستوم!      دوستون محبتي، جاندان بيلينر يوخسا، قداستي اوندان سيلينر آنلادين سنله‌دير، فيكري، ديلي، نر ساخلا حؤرمتيني، گيلنده دوستوم!  قورخودور انسانين ايچ تالانجيسي شعورون قنيمي، اؤز يابانجيسي آزالار «اوياغين» اورك سانجيسي ال قاتيب درديني بيلنده دوستوم https://t.me/Adabiyyatsevanlar

«آتیلا_حاجیزاده» گئجه‌نین بوز چاغی‌دیر،‌ گئت-گئده ایتلر اولاشیر قوجامان دونیا گؤزومده اه‌رییب، خیردالاشیر الی باغلی، دیلی باغلی خیاواندا گزیریک نه یازیق کی هره بیر جور سینه‌سیندن آلیشیر گئجه‌نین خان چاغی‌دیر، گؤی دئمه دئ قان چاناغی قاپ-قارانلیقدا اؤلوم کؤلگه‌میز ایله ساریشیر لئش یئیه‌ن‌لر شهرین هندورینده ییغیشیب ایچکی چاققیشدیراراق ایت‌ ایله چاققال باریشیر قورخولوقلار دیکیلیب‌دیر خیاوانلار بویوجا قاپی‌دان، پنجره‌دن ائولره دئولر یاناشیر ائله مجلیس قورولوب‌دور جان ایله قان ساتیلیر شاهلا، شیخین بو تؤرن‌ده آراسی یاخجیلاشیر کوچه‌لرده، خییاوانلاردا نئجه جان آلینیر بئله میدان‌داکی ویجدانلی‌لارین عاغلی چاشیر هاواسین قان-قوخو آلدی بو وطن آدلی یئرین الیم هر بیر طرفه ده‌یسه کثافت بولاشیر گولله‌لر ییخدی یئره عصریمیزین عاصی‌لرین اوخشاما قایناییر ائوده، دامیمیزدان قان آشیر قاتی ساللاخ‌خانایا دؤندو بو اؤلکه ائله کی هر اوباشدان‌ وده‌سی بوینوموزا ایپ دولاشیر الینی وئر الیمه، دوش یولا، سیل اوز-گؤزونو او قدر آغلامیشیق گؤز یاشیمیز آرخا داشیر سؤزون ان قیساسی سئوگیم سن اؤزون سال-چیخ ائله ان جاوان چاغدا آخی ساچلاریما دن یاراشیر؟ https://t.me/Adabiyyatsevanlar

«حکیم ملا محمد فضولی» پریشان حالین اولدوم سورمادین حال پریشانیم غمین دن درده دوشدوم قیلمادین تدبیر درمانیم نه دئرسن روزگاریم بویله می کئچسین گوزل جانیم؟ گوزوم جانیم افندیم سئودیگیم دولتلی سلطانیم اسیر دام عشقین اولالی سن دن وفا گورمن سنی هر یاندا گورسم اهل درده آشنا گورمن وفا و آشنالیق رسمینی سن دن روا گورمن گوزوم جانیم افندیم سئودیگیم دولتلی سلطانیم دیر هر دم وفاسیز چرخ یاییندان منا مین اوخ کیمه شرح ائیله ییم کیم محنت و اندوه و دردیم چوخ؟ سنه قالدی مروت سندن ئوزگه هیچ کیمسه م یوخ گوزوم جانیم افندیم سئودیگیم دولتلی سلطانیم گوزومدن دم به دم باغریم ازیب یاشیم گیبی گئتمه سنی ترک ائتمه زم چون بن بنی سن داخی ترک ائتمه اماندیر ظالیم اولما بن گیبی مظلومی اینجیتمه گوزوم جانیم افندیم سئودیگیم دولتلی سلطانیم قاتی کونلون نه دن بو ظلم ایله بیداد راغیبدیر گوزل لر سن گیبی اولماز جفا سن دن نه واجیبدیر؟ سنین تک نازینه نازنین ایش لر مناسیبدیر گوزوم جانیم افندیم سئودیگیم دولتلی سلطانیم نظر قیلمازسان اهل درد گوزدن آخیلدان سئیله یامان لیق دیر ایشین عشاق ایله یاخشی می دیر سویله؟ گل اللاهی سئورسن عاشقه جوور ائتمه لطف ائیله گوزوم جانیم افندیم سئودیگیم دولتلی سلطانیم "فضولی" شیوه ی احسانین ایستر بیر گداییندیر دیریلیکجه سگ کویون، ئولن ده خاکپاییندیر. گرک ئولدور گرک قاو حکم حکمون رای رایینیدیر گوزوم جانیم افندیم سئودیگیم دولتلی سلطانیم https://t.me/Adabiyyatsevanlar

«ناصر داوران » ادبیات سئونلر گوزگوسونده زمان: سه شنبه 1402/5/10 ساعات: 10 طراح: تانیش آپاریجی:«کریم قربانزاده» https://t.me/Adabiyyatsevanlar

یوموروغومدا اکدییم... سوزلر: مرجان منافزاده سس: ماهرخ افرا https://t.me/+QAKis6ZiG92mc4F1

با درود. پوستر رسمی یادبود تهران و دو تصویر برای استفاده در شبکه های مجازی را اینجا می فرستم.

«رسول رضا» خیالین یانیمدا، سن اوزاقداسان هجرانين يوللاری عمر قدر دير بو یالقیز آخشامدا يوواما باخسان: منم، خیالین دیر، بیر ده کدر دیر گل اؤرت پنجره‌نی، قالاق اۆز - اۆزه بیر سن اول، بیر ده من، بیر ده گؤزلرین وصال غرق اولورکن هجران دنیزه آغ بیر یئلکن اولسون او سون سؤزلرین بیر سن اول، بیر ده من، بیر ده دردیمیز آغلایاق دویونجا، گۆلک دویونجا باش - باشا قالدیقجا بو محنت له بیز دؤيسون قاپیلاری کۆلک دویونجا دؤیسون، قوی آچماياق، يورولسون کۆلک غملی هجران قالسين قاپیدا دوستاق! بیر آن وصالینلا چیرپینسین اۆرک سونرا .. سونرا یئنه بیز آیریلمایاق! https://t.me/Adabiyyatsevanlar

اوشاق ادبیاتی کارتون https://t.me/Adabiyyatsevanlar

اوشاق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:« منیژه جم‌نژاد» قاراشین کچل ممی۴ 🧑🏾‍🦲 پادشاه گو٘لوب دئدی: وزیر گئنه بو نه سوزدو؟ عاقلین آزالیب؟ اؤزون بیلیرسن منیم قوشونومون بوتونو فرنگ پادشاهی له باشارا بیلمه‌دی. ایندی تک تنها بیر کچلین الیندن نه گلر؟ وزیر دئدی: پادشاه، سن دو٘شوندویون کیمی ده دئییل. بیری کی ایلک آویندا ائله جاناوار آولاسا کی بیر یانیندان ایشیق گله، بیر یانیندان چالیب اوخوماق سسی، قیرخ مادیانی دیری - دیری گتیره، اژداهانی اؤلدوره بیله، بو کیچیک ایش اونا سو ایچیم گلر. فورصتی الدن وئرمه. پادشاه دئدی: دوغرو دئییرسن؟ وزیر دئدی: هه، دوغرو دئییرم. قاراشین کچل ممی، اوندا یوخودان دوروب ال او٘زونو یویوب، اوتورموشدو، قاپی دؤیولدو. قاری دئدی: اوغول دور گئت گور بو یول سنه نه آش پیشیریبلر؟ اوزون سوزون قیساسی، قاراشین کچل ممی پادشاهین یانینا گئدیب، گلدی ننه سینه دئدی: ننه منیم چؤره‌ک باغلیمی حاضیرلا، گئنه گئتملی اولدوم. پادشاه بویوردو گئدیب فرنگین پادشاهینین قیزینی گتیرم. قاری دئدی: اوغلان، گل بو داشلاری اته‌ییندن تؤک. وزیر سنین اؤلومونو ایستیر. سندن چوخ اللی آیاقلی جوانلار، پهلوانلار اونو گتیره بیلمییبلر. سن تک تنها هارا گئدیرسن؟ قاراشین کچل ممی دئدی: ننه باشیمی وئرمه لی اولسام دا گرک گئدم. یولونو بیلیرسن اؤیرت. قاری دئدی: اوغول من داها هئچ نه بیلمیرم، اؤزون یولونو توت گئت. قاراشین کچل ممی دسمالی بئلینه باغلییب ائودن چیخیب، دابانلارینی چکیب، یولون آمانینی کسدی. دره لری یئل کیمی کئچیب، تپه لردن سیل کیمی آخیب، گؤزو یوخو، باشی یاسدیق گؤرمه دی. گلیب، گلیب، گئنه گلیب، دنیز قیراغینا یئتیشدی. هئچ بیر زادا بنزه‌مز بیرینی گؤردو باشینی سویا سوخوب سو ایچیر، ائله کی هر قورتوموندا دنیزین سویو قاریش یاریم ائنیر. قاراشین کچل ممی هویوخوب قالدی کی، ذلیل اولموش بو نئجه سو ایچمکدی؟ "دنیز قورودان" دئدی: ذلیل قالمیش اؤزون سن. منیم سو ایچمه ییمی گؤزون گؤتورمور، آما قاراشین کچل ممی ایلک آویندا ائله بیر جاناوار توتوب کی بیر یانیندان ایشیق گلیر او بیری یانیندان چالیب اوخوماق سسی، گؤزون گؤتورور؟ اونو گؤرسم، قوللوغوندا اولاجاغام. قاراشین کچل ممی سئویندی، سئوینجک گو٘لوب دئدی: گئده کچل ممی من اؤزومم دا! دئدی: سنی آللاه؟ دئدی: آللاه حاقی! قاراشین کچل ممی "دنیز قورودان" ی اؤزونه قول ائلییب یولا دو٘شدولر. گئتدیلر، گئتدیلر، بیرینی گؤردولر آداما بنزه‌مز، نئچه دییرمان داشینی بوینوندان آسیب فیرلادیر، قاباغینا گلنی ویریب اوووم - اوووم ائلیر. قاراشین کچل ممی دئدی: آخماغا باخ، باشینا هاوا گلیب! " دییرمان داشی فیرلادان" دئدی: آخماق اؤزون سن! منیم داشلاریمی گؤزون گؤتورمور، آما قاراشین کچل ممینی گؤزون گؤتورور، ایلک آویندا ائله جاناوار توتوب کی بیر یانیندان ایشیق سپیر، بیر یانیندان چالیب اوخوماق سسی گلیر. گؤرورسم قوللوغوندا اولاجاغام. دنیز قورودان دئدی: گئده، قاراشین کچل ممی ائله بو اؤزودو دا! دئدی: سنی آللاه؟ دئدی: والله! قاراشین کچل ممی اونو دا اؤزونه قول ائله دی، یولا دو٘شدولر. گئتدیر، گئتدیلر، بیر "سوفنگ آتانا" یئتیشدیلر. سوفنگ ایله یئکه، خیردا داشلاری اویان بویانا آتیردی. قاراشین ممی دئدی: دلی! ال ساخلا گؤروم بو نه ایش دی! بونه سوفنگ آتماسی دی؟ سوفنگ آتان دئدی: دلی اؤزونسن! منیم سوفنگیمی گؤزون گؤتورمور، آما قاراشین کچل ممینی گؤزون گؤتورور، ایلک آویندا ائله جاناوار آولییب کی بیر یانیندان ایشیق ساچیر، بیر یانیندان چالیب اوخوماق سسی گلیر. اونو گؤرورسم، قوللوغوندا اولاجاغام. دنیز قورودان لا دییرمان داشی فیرلادان دئدیلر: گئده بو ائله قاراشین کچلین اؤزودو دا! دئدی: سیزی آللاه؟ دئدیلر: والله! قاراشین کچل ممی اونو دا اؤزونه قول ائلدی، یوللاندیلار. منزل به منزل، طی منازیل، آداما بنزه مزین بیرینه یئتیشدیلر، بیر قولاغین پالاز، بیر قولاغین یورغان ائلییب یاتمیشدی. قاراشین کچل ممی دئدی: پخمه، بو نه قولاق لاریدی آلت او٘ستووه سالیب یاتمیسان؟ "یورغان قولاق" دئدی: پخمه اؤزون سن! منیم قولاقلاریمی گؤزون گؤتورمور،  آما قاراشین کچل ممینی گؤزون گؤتورور، ایلک آویندا ائله جاناوار توتوب کی بیر یانیندان ایشیق سپیر، بیر یانیندان چالیب اوخوماق سسی گلیر. اونو گؤرورسم، قوللوغوندا اولاجاغام. "دنیز قورودان"، "دییرمان داشی فیرلادان"، لا "سوفنگ آتان" دئدیلر: گئده، بوائله قاراشین کچل ممی اؤزودو دا! دئدی: سیزی آللاه؟ دئدیلر: والله! قاراشین کچل ممی یورغان قولاغی دا اؤزونه قول ائلییب یولا دو٘شدولر. سونوندا فرنگ پادشاهینین مملکتینه یئتیشدیلر. دروازا لار باغلییدی، دروازانین اوتای بو تاییندا چوخلو قروول کئشیک وئریردیلر، کیمسه یه ده یول وئرمیردیلر. سوفنگ آتان دئدی: بونلار کیمدیلر؟ آردی وار...

اوشاق ادبیاتی باشماق تیکن «ویدا حشمتی» باشماق تیکن بیر آغاجین ایچینده اؤزونه دوکان دوزه‌لتمیش، اوردا باشماق تیکیردی. بیر گون آری، الینده بیر سبت بال‌لا اونون دوکانینا گلیب دئدی: -سلام باشماق تیکن قارداش! منه بیر جوت باشماق تیکرسن؟ -اولسون تیکه‌رم. آنجاق منه اوچ گون وقت لازیمدیر. باشماق تیکن دئدی. اوچ گون سونرا آری باشماق تیکه‌نین دوکانیا گلیب دئدی: -یورولما آی باشماق تیکن قارداش!... منیم باشماقلاریم حاضیردی؟ باشماق تیکن پئشبندینی سیلکه‌له‌ییب، آیاغا قالخدی. رفین اوستوندن بیر جوت قیرمیزی رنگلی باشماغی گؤتوروب، آری‌نین اؤنونه قویدو. آری باشماقلاری گؤروب، چوخ سئویندی. -آی باشماق تیکن قارداش! چوخ گؤزل اولوبدو. اللرین آغریماسین. دئدی. ساغوللاشیب، باشماقلاری آیاغینا گئییب، ویز-ویز ایله اوچوب گئتدی. آری‌نین باشماقلاری‌نین گؤزه‌للییی دیللره دستان اولدو. بیر گون کئچی بیر دولچا سوت‌له، باشماق تیکه‌نین دوکانینا گلیب دئدی: -آی باشماق تیکن قارداش! منه ده بیر جوت باشماق تیکرسن‌می؟ باشماق تیکن کئچییه باخیب دئدی: -اولسون تیکه‌رم! آنجاق سنه بیر جوت دییل ایکی جوت باشماق لازیمدی. آخی سن یئریدیکده، اللریوی ده یئره قویورسان. گئت آلتی گون سونرا گل باشماقلاریوی آپار. کئچی سئوینجک دوکاندان چیخیب، گئتدی. آلتی گون سونرا باشماق تیکه‌نین دوکانینا  گلیب دئدی: - یورولما آی باشماق تیکن قارداش!... منیم باشماقلاریم حاضیردی؟ باشماق تیکن پئشبندینی سیلکه‌له‌ییب، آیاغا قالخدی. رفین اوستوندن ایکی جوت بُوز رنگلی باشماغی گؤتوروب، کئچی‌نین اؤنونه قویدو. کئچی باشماقلاری گؤروب، چوخ سئویندی. -آی باشماق تیکن قارداش! چوخ گؤزل اولوبدو. اللرین آغریماسین. ساغوللاشیب، باشماقلاری آیاغینا گئییب، بع-بع ایله چیخیب گئتدی. کئچی‌نین ده باشماقلاری‌نین گؤزللییی دیللره دستان اولدو. بیر گون قیرخ آیاق فیسیلدایا-فیسیلدایا باشماق تیکه‌نین دوکانینا گلیب دئدی: -آی باشماق تیکن قارداش! منه ده بیر جوت باشماق تیکرسن؟ باشماق تیکن قیرخ آیاغین آیاقلارینا باخیب، دئدی: -سنه بیر جوت دییل، اییرمی جوت باشماق لازیمدی. گئت آلتمیش گون سونرا گل باشماقلاریوی آپار. قیرخ آیاق سئوینجک دوکاندان چیخیب گئتدی. گونلر آیلار کئچدی. قیرخ آیاق هر دفعه دوکانا گئتدی، باشماق تیکن دئدی: -حاضیر دییل. بیر گون قیرخ آیاق یورولدو. حیرصلی حالدا دوکانا گئدیب دئدی: -آی باشماق تیکن قارداش!... آلتمیش گوندن، آلتمیش گون ده کئچدی. آری قارداشا باشماق تیکدین. کئچی قارداشا باشماق تیکدین. به منیم باشماقلاریم هاواخت حاضیر اولاجاق؟ یوخسا گلیم سنی دوکانیندا بوغوم؟ باشماق تیکن بیر قیرخ آیاغین اوزونه باخدی، بیر ده آیاقلارینا. دئدی: -اییرمی جوت باشماغی، آنجاق یوخودا گؤررسن. آری بیر سبت بال گتیردی، من ده اونا باشماق تیکدیم. کئچی بیر دولچا سوت گتیردی، اونون دا باشماقلارینی تیکدیم. امما سن الین قولوندان اوزون گلیب، اییرمی جوت باشماق ایسته‌ییبسن. گتیردییین تؤحفه‌یه، یا شیرین دیلین اوچون سنه اییرمی جوت باشماق تیکه‌جم؟... «ات گتیرمه‌ییبسن، کوفته ایستیرسن؟!...» قیرخ آیاق بو سؤزو ائشیدیب، اینجه قویروغونو بئلینه چاتیب، فیسیلدایا-فیسیلدایا سوزولوب گئتدی. https://t.me/Adabiyyatsevanlar

اوشاق ادبیاتی «اومای خانیم» چرا نباید در آلمان زنبورها رو کشت؟ در آلمان کشتن زنبور به عنوان یک فعالیت غیرقانونی شناخته میشود زنبور عسل در آلمان به عنوان یکی از حیوانات مهم و مفید شناخته میشود و حفاظت از آنها در قوانین زیست محیطی و حفاظت از حیوانات نیز تأکید شده است. در واقع زنبور عسل به دلیل نقش مهمی که در بقای گیاهان و حفظ تنوع زیستی ،دارد از اهمیت ویژه ای در حفاظت از محیط زیست برخوردار است بنابراین کشتن زنبور عسل در آلمان با جریمه مالی و حتی ممکن است با محاکمه در موارد شدیدتر همراه با مجازاتهای جزئی یا حتی زندانی مواجه شود. در عین حال برای جلوگیری از کشتار زنبور و حفظ جمعیت آنها در آلمان قوانینی برای حفاظت از زنبورها وجود دارد. به عنوان مثال استفاده از حشرات کش برای کنترل زنبور عسل در برخی نواحی ممنوع است و برای کنترل آفات روشهایی مانند استفاده از مواد طبیعی و غیر ضرر آور ترجیح داده میشود به طور کلی در آلمان حفاظت از زنبور و حیوانات دیگر به عنوان یکی از اولویتهای مهم در حفاظت از محیط زیست در نظر گرفته میشود و قوانین شدیدی برای حفاظت از آنها وجود دارد. بهترین راه برای کنترل آفات و محافظت از گونه های مختلف حیاتی استفاده از روشهای طبیعی و پایدار است که به طور مستقل یا با کمک مشاوران محیط زیست و کشاورزی میتوان از آنها استفاده کرد. https://t.me/Adabiyyatsevanlar

اوشاق ادبیاتی

اوشاق ادبیاتی داستان کودکی من «چارلی_چاپلین» وقتی بچه بودم کنار مادرم می‌خوابیدم و هرشب یک آرزو می‌کردم. مثلاً آرزو می‌کردم برایم اسباب بازی بخرد؛ می‌گفت می‌خرم به شرط اینکه بخوابی. یا آرزو می‌کردم برم بزرگترین شهربازیِ دنیا؛ می‌گفت می‌برمت به شرط اینکه بخوابی. یک شب پرسیدم اگر بزرگ بشوم به آرزوهایم می‌رسم؟ گفت می‌رسی به شرط اینکه بخوابی. هر شب با خوشحالی می‌خوابیدم. اِنقدر خوابیدم که بزرگ شدم و آرزوهایم کوچک شدند. یکشب خواب مادرم را دیدم؛ پرسید هنوز هم شب‌ها قبل از خواب به آرزوهایت فکر می‌کنی؟ گفتم شب‌ها نمی‌خوابم. گفت مگر چه آرزویی داری؟ گفتم تو اینجا باشی و هیچ آرزویی نداشته باشم. گفت سعی خودم را می‌کنم به خوابت بیایم، به شرط آنکه بخوابی… https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

هامیمیزا ان خوش و اونودولماز حیات تجروبه‌سی قازاندیران مکتب محیطی‌نین جانلاندیریلماسی، تربیه‌وی پسیخولوژی پروبلئملرین جدّی شکیلده قویولماسی و حلّی مئکانیزمی‌نین گؤستریلمه‌سی باخیمیندان اهميّتلی متندیر. بس ان یئنی ادبيّاتیمیز؟ درسلیکلر اوزه‌رینده ۲۰-۱۵ ایللیک ایش تجربه‌میز گؤستریر کی، حاضردا گونده‌مده اولان، شاگردلرین معاصری حساب ائدیلن و بو گونون مسئله‌لرینی ایشیقلاندیرماقلا، چاغداش دونیا ادبيّاتی اوچون کاراکتئریک موضوع‌لارا مراجعت ائتمه‌لی و اوشاق تخيّلونو جانلاندیرا بیلن، اونو دوشوندوروجو و تعجبلندیریجی عالملره گتیرن معاصر بدیعی متنلر تاپماق چوخ چتیندیر. عمومیّتله، محصولدار یارادیجیلیغی ایله گوندمده اولان ۵, ۱۰، ۱۵ جیلدلیک اثرلر چاپ ائتدیرن اکثر مؤلیفلریمیزین معاصرلریمیزین اثرلری ایچه‌ریسیندن بعضا مکتب اوچون متن سئچمک پروبلئمی وار. درسلیک مولفی اولاراق بونو اعتراف ائتمکدن چکینمیریک، فیکریمیزجه، هانسی‌سا معاصریمیزین ۵۰-۱۰۰ ایلدن سونرا کیمینسه اونو باشا دوشه‌جه‌یینه اومید ائتمه حاققی و یا "من یازیرام، اوخوجو منی باشا دوشمورسه، بو اونون پروبلئمیدیر" یئرسیزدی. او  ایلک نؤوبه‌ده، اؤز دؤورو اوچون اوزه‌رینه یازیچی مسئولیّتینی گؤتوروب. بورادا خاطیرلاتماق ایسته‌ییرم کی، معاصر اینتئراکتیو درسین ان آزی اوچ مرحله‌‌سی (موتیواسییا  یارادیجی تطبیقئتمه رئلاکسییا ) اثر و مولف سئچیمی زامانی بو معیاری اورتایا قویور.    ایکینجی مقام فن پروقراملاریندا هر هانسی اثردن، او جومله‌‌دن شعرلردن پارچالارین ازبرلنمه‌سی‌نین توصیه‌‌ اولونماماسی پروبلئمیدیر. مولفلرین دوغوم و اؤلوم، اثرلرین یازیلما تاریخلری ایله باغلی معلوماتلارین درسلیکلره سالینماسی دا آرزو اولونمور. یعنی فن کوریکولوملاریندا بئله بیر طلب یوخدور. بو مقاملارین تئست تاپشیریقلاری‌نین بیله‌رکدن چتینلشدیریلمه‌سینه  اوشاقلارین حافظه‌سی‌نین یئرسیز یوکلنمه‌سینه یول آچدیغی فیکری ایله معيّن قدر راضیلاشساق دا، اوشاقلارین شعر پارچالارینی، فولکلور نمونه‌لری و اثرلردن معيّن تصویرلری یاددا ساخلاماق طلبی‌نین آرادان قالدیریلماسی بیزه مباحثه‌لی و منطیقسیز گؤرونور. بو گون ایسته‌نیلن آز-چوخ تانینان ضیالیمیز کلاسسیک و معاصر پوئزییامیزدان ازبر سؤیلیه بیلیرسه، بو  طبیعی کی، ایلک نؤوبه‌ده اوشاقلیق مکتب ایللرینده قازانیلان اوغور و شخصیّته باشی اوجالیغی گتیرن مقامدیر. اگر کوریکولوم اصلاحاتی باشلاناندان اینسانلار بو قابیلیّتدن محروم ائدیلیبسه، گله‌جه‌ییمیزین شخصیّتلری کیملر اولاجاق، اونلار مختلف موضوع‌لو مجلیسلرده نه دانیشاجاقلار، فاکتلارا نئجه ایستیناد ائده‌جکلر؟ آخی شعر ازبرله‌مک ایسته‌نیلن یاش دؤورونده هم ده یادداشین مشقیدیر، دئیه بیلرلر کی، ال تلفونو و کامپیوتر بونلارین هامیسینی اؤزو ائده‌جک. بس ادبيّات درسلرینده بیلیک، وردیش، باجاریق و سررشته قازانماق آنلاییشلارینی نئجه باشا دوشک؟ فیکریمیزجه  شعر پارچالاری‌نین ازبرلنمه‌سینی، ایستیناد اوچون بدیعی متنلردن پارچالارین یاددا ساخلانیلماسینی ازبرچیلیک حساب ائتمک یانلیش تصوّردور "ادبيّات  فن" کوریکولوملارینداکی بو بوشلوق آرادان قالدیریلمالیدیر. یئری،گلمیشکن، فن کوریکولومو دئینده، تدریس پروقرامی و استانداردلاری آنلامی آغلیمیزا گلیر. تدریس پروقرامی‌نین ایسه هر بئش ایلدن بیر تزه‌لنمه عنعنه‌سی وار (سونونجو تحصیل قانونو ندا بو مدت  ۵ ایلدن آز اولمایاراق کیمی معيّنلشدیریلسه ده ۲۰۰۸-جی ایلدن استفاده اولونان حاضرکی فنن کوریکولوملاری، او جومله‌‌دن، ادبيّات پروقرامی جدّی سواللار دوغوردوغو،  موجود تدریس-تعلیم سیتواسییاسی ایله اویغونسوزلوق تشکیل ائتدییی اوچون تزه‌لنمه لی، یئنی مضمونلو درسلیکلرین یازیلماسینا شرایط یارادیلمالیدیر.) موجود بوشلوقلاردان بیری ده صینیفلر اوزره ژانر محدودیییتی‌دیر. تصوّر ائدین کی، پوئما، درام، پووئست ژانرلارینا مراجعت یالنیز سککیزینجی صینیفدن باشلایاراق مومکوندور. بو محدودیییت بعضا گؤستریلن ژانرلاردا یازیلان اثرلردن پارچالارین بئله استفاده‌سینی استثنا ائدیر‌. ۵ آردی وار https://t.me/Adabiyyatsevanlar