en
Feedback

Don't get caught by a cheater! Telemetrio finds and tags such channels 👉 If you want to see the tag, subscribe

ادبیات سئونلر

ادبیات سئونلر

Open in Telegram

بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.

Show more
3 139
Subscribers
No data24 hours
-47 days
+1730 days
Posts Archive
روس قیزی   جلیل محمّدقولوزاده کوچورن:ویدا حشمتی حاضیرلایان:ادبیات سئونلر یانوارین ۴-او آذربایجانین گؤرکملی معاریفچی‌لریندن بیری، یازیچی، دراماتورق، ژورنالیست جلیل محمّدقولوزاده‌نین وفاتی‌نین ۹۳-جو ایل دؤنومو تامام اولور. ادبيّات قزئتی خاطیرلادیر کی، ناخجیوان‌دا آنادان اولان(۱۸۶۶) میرزه جلیل ۱۹۳۲-جی ایلین بو گونو باکی‌دا دونیاسینی دگیشیب  بو مناسبت‌له یازیچی‌نین «روس قیزی» حئکایه‌سینی اوخوجولارا تقدیم ائدیریک.   تاریخ عیسوی‌نین مین سکگیز یوز دوخسان دؤردونجو ایلینده پیادا گئدن رئین‌قارتئن روسیا طرفیندن گلمیشدی کی، قافقازدان کئچسین ایرانا، اورادان هندوستانا، کیتایا، ژاپونییادان دریا ایله گئده‌جک ایدی، آمریکایا، آمریکادان گله‌جک ایدی اینگیلستانا، فیرنگیستانا  آلمانییایا و بئله‌لیکله غرب طرفیندن داخل اولاجاق ایدی وطنی ریقا شهرینه. رئین‌قارتئن خیالیندا قویموشدو همین سفری دؤرد ایلین مدتینده تامام ائتسین؛ آمّا ائله یادیمدادیر کی، آنجاق آلتی ایل اوندان سونرا روسیا قزئتلری رئین‌قارتئنین ریقا شهرینه قاییدیب گلمه‌یینی خبر وئریردیلر. ناخجیوانا رئین‌قارتئن یاز فصلی آوریل آیی‌نین اوّل‌لرینده گلمیشدی. من نه‌دنسه بو جنابی دوست توتانلارین ایچینه داخل اولدوم و حتی اونلاردان دا قاباغا کئچدیم؛ چونکی من ده بونا قوشولوب ناخجیواندان بونونلا پیادا دوشدوک یولا و بئش-آلتی ساعتین عرضینده کسه یول ایله گلدیک چیخدیق جولفایا. بورادا رئین‌قارتئن اوچون آرتیق حؤرمت گؤستریلدی، خصوصاً قوللوقچولار طرفیندن.   بیر گون بورادا قالاندان سونرا رئین‌قارتئن پاروما مینیب آراز چاییندان کئچدی ایران تورپاغینا. من ده جماعت ایچینده ایدیم. یاخشی یادیمدادیر کی،  شدّتلی یاغیش باشلادی و منیم همین موقّتی و میثلی آز تاپیلان دوستوم خورجونو دالیندا و الینده آغاج پیادا اوز قویدو دومانلی تبریز یولونا. نه قدر تأکید ائتدیک کی، بلکه آتا یا آرابایا مینسین، سؤز یوخ، قبول ائله‌مه‌دی؛ چونکی اونون دا شان و شؤهرتی ائله همین پیاداچیلیقلا ایدی. من هامان گئجه‌نی قالدیم کؤهنه رفیقیم و همشهرلیم مشهدی غلامحسین‌ین منزیلینده. همین مشهدی غلامحسین‌ین نئچه ایللر ایدی روسیا جولفاسیندا تجارت ائدیردی و کمیسیون ایشلرینه ده باخیردی؛ یاخشی دا گوذرانی وار ایدی. اهل-عیالی بورادا اولمازدی. آنجاق مشهدی ایمام‌علی آدیندا بیر ایرانلی بونون پیشمیشینی پیشیرردی و همی ده تجارت ایشلرینه کؤمک ائدردی. مشهدی غلامحسین یاشلی آدام ایدی و هرچند ساققالینی همیشه رنگ ایله قارالداردی، آمّا یاشی اللی‌دن اسکیک اولمازدی. دوغرودور، ظاهرده مؤمن و ناماز قیلانا اوخشاییردی، آمّا باطینده اهل-داماغ ایدی. بونونلا برابر چوخ صداقتلی و خوش خاصیّت ایدی و هر نئجه اولموش اولسا، من ایله اونون دوستلوغو حقیقی و کؤهنه ایدی. هرچند یاشیمیزدا تفاوت چوخ ایدی، آمّا مئیل-مزاغیمیز بیر بیرینه چوخ اویاردی  و آرامیزدا دا او قدر زارافات وار ایدی کی، سحردن آخشاما دک دئییب گولردیک. گئجه‌نی یاتدیم و صاباحیسی ایسته‌ییردیم کی، قاییدام ناخجیوانا، مشهدی غلامحسین قویمادی. من قالمازدیم آمّا دوستوم سؤز وئردی کی، صاباح من ایله او دا ناخجیوانا باهم گئدک. بو تکلیف منه خوش گلدی و هامان گونو جولفادا قالدیم. آمّا نئجه قالدیم؟  مشهدی غلامحسین منی آخشاما کیمی گولدوردو. یادیمدادیر کی، گئجه یئریمین ایچینده مشهدی غلامحسین گوندوز سؤیله‌دییی سؤزلری بیر-بیر یادیما سالیب گولوردوم.  خصوصاً بیر احوالات اولموشدو کی، اونو من او وعده‌ مشهدی غلامحسیندن ائشیدندن سونرا گلیب ناخجیواندا یازمیشدیم کی، یادیگار اولسون؛ آمّا هامان دفتری من ایتیرمیشم، یادیما دوشن بودور کی، ایندی یازیرام. صحبت هامان روس قیزی باره‌سینده‌دیر کی  اونون حئکایه‌سی بو بالاجا کیتابچادا روایت اولونور. سحر یوخودان بیر آز گئج اویاندیم. مشهدی غلامحسینین ساماواری قاباق اوتاقدا اوخویوردو. دوستوم اؤزو ائوده گؤزومه ساتاشمیردی؛ آمّا مشهدی ایماملی ساماوارین یانیندا سلیقه سالماقدا ایدی. دوردوم گئییندیم. چای ایچدیم. دوستوم گئتمیشدی تاموژنایا(گمرک دؤولت اورقانی). چیخدیم حیطه و یاریم ساعتا قدر اورادا گزدیم و مشهدی غلامحسین ده گلدی. الینده کاغیذ-کوغوز وار ایدی،  یئربه‌یئر ائله‌دی. مشهدی ایمام علی‌یه ناهاردان یانا نه ایسه تاپشیردی و منه تکلیف ائتدی کی، چیخاق جولفانی گزک. آراز قیراغی ایله باشی آشاغی باشلادیق یاواش-یاواش گئتمه‌یه. بیر قدر گئدیب قاییتدیق. هاوا چوخ خوش ایدی؛ آمّا بیر آزجا یئل وار ایدی‌  پلان ایله تزه تیکیلمیش ائولرین قاباغیندا تک-توک روس اهالیسی گؤرسه‌نیردی. بونلار تاموژنا قوللوقچولاری‌نین اهل-عیالی اولا بیلردی. بیر دوکانا گیردیک، پاپیروس آلدیق و گئنه چیخدیق، باشلادیق گزمه‌یه. بورادا دوستوم غلامحسین بیلمه‌دیم اوزاقدان نه ایسه گؤروب قاییتدی گیردی دوکانا و منه دئدی:
21 Jan 2025, 00:46

photo content
21 Jan 2025, 00:43

photo content
21 Jan 2025, 00:28

عاشیق حسین جوان ناکام اؤلمه‌رم. دؤیوشلرده برکیمیشم، بیشمیشم، قورخو نه‌دیر، اؤلوم نه‌دیر، بیلمه‌رم. آنامین سودونه من آند ایچمیشم، وطن آدین اوره‌ییمدن سیلمه‌رم. آزادلیق اوغروندا قانیم تؤکولسه، مزاریم اوستوندن یوللار چکیلسه، ساچلاریم آغارسا، بئلیم بوکولسه، دوشمنه باش اَییب سجده قیلمارام. شیرین آرزولاریم یئرین آلماسا، وطنیم ذلّتدن آزاد اولماسا، خالقیم سئوینمه‌سه، ائلیم گولمه‌سه، اورکدن شاد اولوب من ده گولمه‌رم. شفق اولوب اورکلره تؤکوللم، چینار اولوب یوللار اوسته اکیللم، بوداق اولوب یارپاقلارا بوکوللم، شؤهرت جوبّه‌سینه من بوکولمه‌رم. چیخیب ساوالانا، یوردوما باخسام، تبریزین کؤکسونه اولدوزلار تاخسام، ظفر نغمه‌سینی زیلدن اوخوسام، من «حسین جوانام»ناکام اؤلمه‌رم... https://t.me/Adabiyyatsevanlar
21 Jan 2025, 00:26

فرانک_فرید_ایپک دلیجه‌سینه دولو یاغیر! دولوجاسینا دلی دولانیر! گؤیو دولو تؤره‌‌دن؛ یئری دلی یارادان، دلی-دولو دونیا! https://t.me/Adabiyyatsevanlar
21 Jan 2025, 00:13

کمال_حسین‌زاده بیری وار... یازدیغین مکتوبو آلدیم، گؤزلیم! تیتردی، مکتوبونو توتموش الیم. سوروشورسان: "نه وار او باغدا گلیم؟" - نه دئییم؟ شانی‌سی وار، انجیری وار، بیر ده بو باغدا سارالمیش بیری وار، داریخیر. بورانی گؤرمه‌میسن، پیسله‌مه، گل! گؤرمه‌میش‌لر کیمی کین بسله‌مه، گل! اؤز باغین بیل، قاپیدان سسله‌مه، گل! کئچ ائوه، قورخما، ایتین زنجیری وار. بیر ده زنجیرلری قیرمیش بیری وار، داریخیر. یئل‌له‌دیر پرده‌نی یونگول گیلاوار، باجاسی آزجا ازیلمیش ساماوار، گؤندریر گؤی خزره اَیری بوخار. دیوارین خزری طرفده کیری وار. بیر ده بوردا اوره‌ییی صاف بیری وار، داریخیر. گئجه گل، گؤر بورانین منظره‌سین، خزری چیرپیر قاپیسین، پنجره‌سین، یاپیشیب بیر یانا دارتیر هره‌سین، ائله بیل، مئینه‌لرین تقصیری وار. بیر ده اوندان داها چیلغین بیری وار، داریخیر. گل، خیتام وئر بو باغین ماتمینه! یول دا بوردان گئدیر عشق عالمینه. اوردا کیمدیر باتان عشقین غمینه؟! اورا دونیا غمینین تأثیری وار. بوردا دونیادان ال اوزموش بیری وار، داریخیر. https://t.me/Adabiyyatsevanlar
20 Jan 2025, 05:28

"تلاش تا چیرگی" مواظب گرگ های زندگی خود و خانواده باشید.
20 Jan 2025, 00:57

ــ  ائله بلیرلر سود وئره جه ییک . اونا گؤره بویونلارینی اوزادیب لار.  سونرادا پنجره دن ایری اوزون سوو  کاپرون امزییی گؤتوروب بوزووا اوزاتدی بوزوو آج گؤزلوکله امزییی آغزینا آلیب سور ماغا باشلادی : نرگیزخالا:  باخین هره سینین اؤز امزییی وار ، ــ دئیه  پنجره یه دوزولموش امزیکلری گؤستردی.  من سورشدوم :  ــ  نرگیز خالا بس بونلارین آدلاری یوخدور؟ ــ هله لیک یوخدور، ــ دئیه ، اونلارا آدی سیز قویارسینیز .  فئرمایا ائکس کورسییامیز چوخ ماراقلی کئچدی . بوتون گونو اینکلردن ،بوزوولاردان دانیشدیق.  همین گوندن سونرا بیزتئز ـ تئز فئرمایا گلیر، کؤرپه بوزوولارا قوللوق ائدیردیک. هره اؤز بوزوونا آد قویموشدو : قاشقا ، قونور، آلاگؤز،مارال ... اونلار بیر ـ  بیریندن یاراشیقلی ایدیلر. گزینتییه چیخاراندا هره اؤزبوزوونا چنگـه  ـ  چنگه گؤی اوت وئریردی . بوزوولار الیمیزدکی اوتون دالینجا گلیردیلر. بیرنئچه گوندن سونرا بیزه یامانجا اؤیرندیلر. گؤرن کیمی تانییر ،دالیمیجا دوشوردولر. دوشرگه گونلری باشا چاتدی. بوردا هر شئی دوغمالاشمیشدی. سئودا موعللیمه  ده ، نرگیز خالادا ، بالاجا کؤرپه بوزوولاردا . سون ویدا گئجه سی ایدی. بیز پییونئر تونقالینا نرگیزخالانی  ،ساغیجی قیزلاریدا ، دعوت ائتمیشدیک .اونلاربو شنلیییمیزه  بایرام پالتاریندا گلمیشدیلر. تونقالین شعله سینده داها ووقارلی ، داها عظمتلی گؤر ونورلر. بیرنئچه گونده ، نرگیز خالادا بیزه ایسینمیشدی ، بیزدن آیریلماق ایسته میردی. گئجه نین سونوندا ، او ، هر بیریمیزی ، آنا نوازشی ایله باغرینا باسیب اؤپدو.    ــ  سیز منیم قارتال بالالاریمسیز ــ  دئدی  ــ  صاباح هر بیرینیزین سوراغینی بیر زیروه دن ائشیدیب ، سئوینه جه ییم .  بیزیم دسته سحری گون « قارتال یوواسینی » ترک ائتدی. یئریمیزی باشقا بیر دسته یه وئردیک . بیز بو یئرلردن آیریلساق دا « قارتال یوواسی » نین شیرین و یاددا قالان خاطیره لریندن آیریلا بیلمه ریک .  https://t.me/Adabiyyatsevanlar
19 Jan 2025, 12:36

« قارتال یواسی » یازار : علی صمد  ( ژنرالین اوشاقلیغی کیتابیندان ) کؤچورن :  علی آغ گونئیلی ـــ ابرازی   آتام ایشدن یئنی جه گلمیشدی. عادتا او، ایچری گیرن کیمی ، بیزیم له سالاملاشیب ، ایش پالتارینی سویونور، ال ـ اوزونو یویور ، سونرا حال ـ احوال توتور. آنجاق بو دفعه بئله اولمادی . ایچری گیرن کیمی منی سسله دی : ــ  قیزیم لاله گؤر سنه نئجه هدیه گتیرمیشم ــ دئدی سونرادا الینی قولتوق جیبینه سالییب .اورادان بیر کاغیذ چیخاریب منه اوزاتدی.  ــ  آل ، امتحانلارینی «اعلاع » قیمتلرله باشا ووردوغون اوچون ،سنه هدیه . اول هئچ نه باشا دوشمه دیم . کاغیذی آلیب باخدیم. بو پییونر(پیشاهنگ )  دوشرگه سینه  پیتییوکا (دعوت ) ایدی. اونون اوست ورقینده رنگلی شکیل واردی. یاشیل مئشه قوینوندا گؤزه ل و یاراشیقلی بیر بینا گؤرونوردی. یوخاریدا ایسه ، سیلدیریم یالچین قایالار. بوقایالارین اوستونده ایسه قارتاللار قاناد آچیب سوزوردو. شکلین آلتیندا ایری حرفلرله «  قارتال یوواسی » پییونئر دوشرگه سی سؤزلری یازیلمیشدی. من همین سؤزلری اوخویان کیمی هر شئیی باشا دوشدوم . اونو قوجاقلاییب :  ــ آتا بو منیم اوچون چوخ گؤزه ل هدیه دیر ـ دئییب اؤپدوم .  همین گئجه سئوینجیمدن یاتا بیلمیردیم. گؤزلریم اؤنونده  یاماجلی مئشه لر ،جوشغون چایلارو بیرده گؤیده سوزن قارتاللار گلیب کئچیردی. ایکی گوندن سونرا رفیقه م قرنفیله یولا دوشدوک .  یولار منیم دوشوندویوم قدر ده چتین دئییلدی. آما ائله بیل کندیر کیمی داغلارین بئلینه دولانیردی. یوخاری قالخدیقجا هاوا سرینله شیر. ،آرانین بورکوسوندن هئچ بیر علامت قالمیردی. « قارتال یوواسینا »چاتاندا ،آرتیق گونش داغلارین دالینا چکیلمیشدی گؤی اوزو چهرایی رنگه بویانمیشدی.  دوشرمگده بیزی یاخشی قارشیلادیلار. من قرنفیله بیراوتاغا دوشدوم .چارپایالاریمیزیاناشی اولدو. پنجرمیز گوللو  چیچکلی کیچیک بیر باغا آچیلیردی.   ائرتسی گوندن ماراقلی تدبیرلر باشلاندی . داغلاری ، داشلاری « قدیم قالا » داغینی گزدیک . آنجاق ان ماراقلی سی ،فئرمایا سفریمیز اولدو. دوشرگه میز « موشفیق » آدینا سووخوزون  اراضیسینده یدی. سفره میزه هر گون فئرمادان تزه سود گتیریردیلر. بیرگون دسته رهبریمیز سئودا معلیمه :  ــ اوشاقلار، بوگون سیزینله فئرمایا گئده جییک  ــ دئدی. دوغروسو بو چوخوموزا قریبه گلدی.آخی اوردا ماراقلی نه اولابیلردی. بیز فئرمایا گلنده ساغیم قورتارمیشدی. حئیوانلاری یئمله ییردیلر. آغ خالات گئیمیش جاوان قیزلار یئم آخینی خطلرینی نیظارت ائدیردیلر . بیزی فئرمادا ایلک قارشیلییان نرگیز خالا اولدو . دئدیلر کی ، او آدلی ـ سانلی ساغیجی دیر. اودا سادجه اولاراق ساغیجی قیزلا ر کیمی آغ خالات گئیمیشدی . نرگیز خالا بیزی  جینس وساغلام اینک لر ساخلانان ایشیغلی طؤوله یه آپاردی. بورادا اینک لر ایکی جرگه یه دوزولموشدو. قارشیلارینا آخین خطی ایله شیره لی یئم آخیب گلیردی . باشلارینی آشاغی سالیب ایشتاهلا یئییردیلر. ائله بیل هئچ بیزی گؤرموردولر . اونلارین باشلاری اوستونده  یازیلی لؤحه واریدی و بورادا هامیسینین ،آدی ، یاشی، چکیسی سودون مقداری یازیلمیشدی. نرکیز خالا اونلارین هربیرینین یانیندا آیاق ساخلاییر،جنسیندن ، خاصیتیندن صحبت آچیردی.چوخ قریبه ایدی . همین اینک اوساعات باشینی قالدیریر، سانکی نرگیزخالانین اونون حاقیندا دئدیی سؤزلره آسیردی. اوشاقلاردان بیری اوزونو نرگیز خالایا توتاراق : ــ  سیز بونلارا سویو نئجه داشییب چاتدیریرسینیز ؟ ــ ديدی . نرگیزخالا گولومسوندو ،سونرا ایکی اینه یین آراسیندا ن کئچیب، قارشیلارینداکی ایری دمیر کاسانین ایچینده کی دویمه نی باسدی . سوشیریلتی ایله آخیب کاسایا دولدو. الینی چکن کیمی سو کسیلدی.  نرگیزخالا: ــ  باخ بئله جه ، آغیزلارینی بورا یا توخوندوران کیمی ، ایسته دیکلری قدر سو ایچه بیلرلرــ  دئدی .  بیز طؤوله نی گزدیکجه نرگیزخالا هر بیر اینه یی اؤز آدی ایله چاغیریر،شیرین دیلله دیندیریدی.  نرگیزخالا :  ــ  آی قیزلار ، بواوشاقلارا ساغیمی گؤسترین ، ــ دئیه ساغیجی قیزلاری چاغیردی. ساغیجی قیزلاردان بیری « ساغیم آقرئقاتینی » گتیردی. شلاکلاری‌« قونور» آدلی اینه یین ایری ساللاق امجک لرینه  کئچیریب ،اونون ساغریسینی تومارلادی . آوتومات خط ایشه دوشدو. بوروایله ایشه باشلادی.  بیز اینکلرین بالالارینی گؤرمک استه ییریک . نرکیزخالا ائله بیل ایسته ییمیزی باشا دوشموشدو.طوله دندن چیخاندا : ــ  ایندی گئده یین سیزه کؤرپه بیزوولاری گؤستریم ، ــ دئدی . بیزولار خصوصی دامدا ، آراکسمه لرده ساخلانیردی. آلتلارینا کولش دؤشنمیشدی. یئرلری چوخ راحات ایدی. بیر ایچری گیرن کیمی ترپندیلر ، آیاغا قالخیب . بارماقلیقلارا یاناشدیلار، باشلارینی چؤوله اوزاتدیلار. نرگیزخاله اونلاردان بیرینین باشینا سیغال چکدی : 
19 Jan 2025, 12:36

19 Jan 2025, 04:03

کامران آذری رویالارینا یول وئر قوی خیال قوشون قانادلانسین. اوچوش خیالین اولماسا قانادلانا بیلمز سن. https://t.me/Adabiyyatsevanlar
19 Jan 2025, 01:50

باور باور نمی‌کند دل من مرگ خویش را نه نه من این یقین را باور نمی‌کنم تا همدم من است نفس‌های زندگی من با خیال مرگ دمی سر نمی‌کنم آخر چگونه گل خس و خاشاک می شود ؟ آخر چگونه این همه رویای نو نهال نگشوده گل هنوز ننشسته در بهار می پژمرد به جان من و خاک می‌شود ؟ در من چه وعده‌هاست در من چه هجرهاست در من چه دست‌ها به دعا مانده روز و شب اینها چه می‌شود ؟ آخر چگونه این همه عشاق بی‌شمار آواره از دیار یک روز بی‌صدا در کوره راه‌ها همه خاموش می‌شوند ؟ باور کنم که دخترکان سفید بخت بی وصل و نامراد بالای بامها و کنار دریچه ها چشم انتظار یار سیه پوش می‌شوند ؟ باور نمی‌کنم که عشق نهان می‌شود به گور بی آنکه سر کشد گل عصیانی‌اش ز خاک باور کنم که دل روزی نمی‌تپد نفرین بر این دروغ دروغ هراسناک پل می‌کشد به ساحل آینده شعر من تا رهروان سرخوشی از آن گذر کنند پیغام من به بوسه لبها و دستها پرواز می کند باشد که عاشقان به چنین پیک آشتی یک ره نظر کننند در کاوش پیاپی لبها و دستهاست کاین نقش آدمی بر لوحه زمان جاوید می‌شود این ذره ذره گرمی خاموش وار ما یک روز بی گمان سر می زند جایی و خورشید می‌شود تا دوست داری ام تا دوست دارمت تا اشک ما به گونه هم می چکد ز مهر تا هست در زمانه یکی جان دوستدار کی مرگ می‌تواند نام مرا بروبد از یاد روزگار ؟ بسیار گل که از کف من برده است باد اما من غمین گلهای یاد کس را پرپر نمی کنم من مرگ هیچ عزیزی را باور نمی‌کنم می ریزد عاقبت یک روز برگ من یک روز چشم من هم در خواب می شود زین خواب چشم هیچ کسی را گریز نیست اما درون باغ همواره عطر باور من در هوا پر است. https://t.me/Adabiyyatsevanlar
19 Jan 2025, 00:40

photo content
19 Jan 2025, 00:33

"توحید نامور "آدلیم" اینسانلارلا بالیقلارین ایلگیسیندن قورخور دنیز سیرلری داغیلماسین دئییه چیخاریب ساحیله توللاییر بالیق قولاقلارینی تجاووز اولور تمیزلییینه دنیزین، نئفت قویولاریندا. اینسانلار دنیزین بیرینجی دوشمنی، دالغالار عصیان سسی دیر چاخیرا یاتیریب کیریدیرم ایچیمده یوخلوغونو، ایکی پاکئت سیگارئت آلدیریب حسرتین منه یامان باها چیخیر سنسیزلیک تیلوو آلدیم داریخمالاریما ساحیله دوشمه‌یه تاکسی توتمالییام یاشین بو یئریندن نه‌قدر اوزاقمیش آراز آه آراز   آراز گنجلیگیمین سو پارتیرئتی ساچلارینی کوله‌یه داغیت بو گئجه هله‌ده اسکی آدرئسیمده‌یم گلیب تاپار ائوی ساچلارینین قوخوسو کؤرپه مئییت تاپیلیب هورادیزدن یوخاری بیراز باشدان آشاغی بیراز دیزدن یوخاری او داما میریلداییر بو داما هورور کولک قاپییا چیخماق اولمور آداما هورور کولک پاییزین ایت واختی دیر بیری ایکی‌یه بؤلسک جاوابی یاریم اولار خریطه ده گؤسترسک منیم دیاریم اولار دوداقلارین ائروتیک بیر قلیان آلتی، تکلیفینی قبول ائده‌جه‌ییمی اصلآ دوشونمه دویار قادینیم ایشتاهسیزلیغیمی https://t.me/Adabiyyatsevanlar
19 Jan 2025, 00:25

یعقوب_نامی دییه‌ردی دجللیک ائله‌سز قولاقلاریزدان ناللایاجاقام دووارا قیرخ‌ایل بوندان اوّل من هله‌ده دووارا گؤزوم دوشنده فیکیر
یعقوب_نامی دییه‌ردی دجللیک ائله‌سز قولاقلاریزدان ناللایاجاقام دووارا قیرخ‌ایل بوندان اوّل من هله‌ده دووارا گؤزوم دوشنده فیکیرلشیرم بو ایشین نئجه اولماسینا آتامین عجیبه داورانیشلاری اولاردی آناما یاردیما قویمازدی بیزلری "کیشی گره‌ک اؤز ایشینه گئده"دییه‌ردی آناما حورمت بسله‌مک، لازیم‌ایدی عایله‌ده آناما حورمتسیزلیک باغیشلانیلماز بیر گوناه‌ایدی حورمتلی آنام هر ایشی تک‌باشینا گؤرردی حتّا بیزی بؤیوتمه‌یی بئله آتام ائل آغ‌ساققالی بیریسی بوتون جاوانلارا اؤرنک آنام ائل آغ بیرچه‌یی بیر ملک دیزلرینده پروتز بئلینده دیسک آیاقلاریندا ورم دوداقلاریندا گولوش اوره‌یینده سئوگی
19 Jan 2025, 00:22

سئوینج پروانه یوخسان... یوخسان... او قدر داغینیق هر شئی -تئز تئز چاییمی اوستومه داغیدیرام یاپیشیر شالواریم قیچیما یانیرام، یانیرام. الیمله قویدوغوم اشیانین یئرینی اونودورام شرله ییرم ائوده کیلری آخیردا اؤزوم تاپیرام یارییادک اوخودوغوم کیتابلاری باشدان باشلاییرام پیشیییمه کؤک دووشانیما ات وئریرم سنین یئرینه مودیریمه زنگ ائدیرم... بیلگی‌سایاریمین یادداشیندان لازیملی فایلی چاشیب سیلیرم ائوده ایشیقلاری یانیلی سویو آچیق بوراخیرام دئیینیر آنام آیاق‌یولوندا سویو چکمه ییی اونودورام دئیینیر آنام بیر ساعتین ایچینده اوچ دفعه‌ سوروشورام آیین تاریخینی مارکئتلرده پولو آرتیق وئریرم آوتوبوسدان پولسوز ائنیرم اونودورام دیشله ریمی فیرچالاماغی ترس گئیینیرم کؤینه ییمی ایشیم دوز گلمیر او قدر داغینیق هر شئی... یوخسان... https://t.me/Adabiyyatsevanlar
19 Jan 2025, 00:21

خبر خسرو سرتیپی سلام و احترام  دیروز ۲۸ دی ماه ۱۴۰۳ تالار همایش های بین المللی تبریز شاهد یکی از باشکوه ترین کنسرت ها در چند سال گذشته در تبریز از موسیقی آذربایجان بود که با سرپرستی هنرمند توانا استاد فرخ مهدی پور و با همراهی گروه وولکان متشکل از هنرمندان جوان از فعالان موسیقی عاشیقلار و آذربایجانی بود که تنظیم اجراها را هنرمند با استعداد آیدین مهدی پور فرزند برازنده ی استاد فرخ مهدی پور بعهده داشت  علاقه مندان زیادی از تهران  اردبیل  ارومیه  اهر کلیبر  خییوو  وخدافرین آمده بودند  در این برنامه اجرای خوانندگان جوان  عاشیق محبوب عبدی   سالار مهدی پور  میلاد مهدی پور به ویژه خواننده موغام ایرج علیزاده مورد توجه حاضران واقع شد به حق اجرای امشب محصول بیش از چهل سال زحمت شایسته ی استاد فرخ مهدی پور بود که مورد تحسین علاقه مندان نکته سنج قرار گرفت با تکریم سالها تلاش استاد فرخ مهدی پور در راه موسیقی و هنر آذربایجان   .
18 Jan 2025, 13:58

photo content
18 Jan 2025, 02:11

موسی_یعقوب تنها کؤنلوم، تنهالاری سال یادا! تک قوواق‌لار چیخیب یولا، تنهادی. ائه، او قدر قوشالار وار دونیادا- اؤزو قوشا اولا-ا
موسی_یعقوب تنها کؤنلوم، تنهالاری سال یادا! تک قوواق‌لار چیخیب یولا، تنهادی. ائه، او قدر قوشالار وار دونیادا- اؤزو قوشا اولا-اولا، تنهادی! قوواق اولوب باشین اوسته اسنَم، هئچ دئمه کی: «یوخدو دوستوم، کیمسه‌نه‌م»! سن اوره‌یی نغمه دولو بیر صنم، من دئمیرم اهلِ حال'ا «تنهادی». یالقیزلارین مئهریبانی قوی اولسون، تک جانینا یانان جانی قوی اولسون، ائه، نه اولسون؟ گولوستانی قوی اولسون! ائو دوستاغی یانی قالا، تنهادی. تسلّیدن گول آچسا دا اوره‌یین، هر یئتَنه نئجه یاتا اوره‌یین؟! جوت قانادلا لاپ اوچسا دا اوره‌یین، راست گلیبسه بیر ناققالا*، تنهادی. *بوش‌بوغاز- گوَه‌زه
18 Jan 2025, 02:06

نریمان حسن زاده قوی او اوچوشا بوتون قاداغالار قاداغان اولسون.   قاییت کی، یولونو گؤزله‌ییر آنان، بیر میللت دانیشسین سنین آدیندان. آغ آتلیم، آغ‌اوزلوم، قاراساچ اوغلان، آغ‌ساچلی شاعرین ساداغان(صدقه) اولسون.   «من یازیلی کیتابام»   گولگون قاغایا مکتوب   «ایچیب پویلو سویوندان شاعر اولدون، نریمان. سنه سو گؤنده‌ریرم بیزیم واغزال پویلودان. اونوتما، گولگون قاغان». سیز شاعر ائله‌دینیز، گئتمه‌یین چوخ اوزاغا، گون اوندا دوغرو قاغا! آهیللار و جاوانلار، شعریمی اوخویانلار اوره‌گیمی قیرمادی، کؤنولسوز چاغیرمادی. گؤرنده- سئویندیلر، شاعریمیز- دئدیلر. دوست-تانیشین سسییدی، کند- آنام عوضییدی دونیا پنجره‌سیندن هامینیزی گؤرورم. من یازیلی کیتابام، اؤزومو کؤچورورم.   «بیزیم قیزلار»   آکادئمیک عاریف پاشایئوین آد گونونه   «آمازونکا قیزلاری»، - آنام، عائله‌‌م منیم. ائی گولشنیم آی‌گونوم، بیر ده نایله‌م منیم.   -خانیم خاتین گوله‌ریم، ائللادا، رعنا، سولماز، - هره‌سی بیر اثریم، قیزیل صحیفه‌‌لریم!   هله سودابه خانیم خاریجده‌دی خئیلی وار. سیاحته مئیلی وار، گلسین دانیشاق، گولک تزه نه دئییر گؤرک.   لیوبوو نیکولایئونا، «اوکراینالی بیر آنا!» «لهجه‌سی دوزلو، شیرین»   گؤروندو سنین یئرین - ووصاله، لاله‌م منیم   نوشابه ده وار هله، داشقین شلالم منیم.   اله ددین مودریک اینسان، هم سایان، هم ساییلان.   ائلچیندن ده قوی دئییم، منیم گنجلیک ایللریم! هم شیلتاقدی، هم عزیز، گاه تورکدو، گاه اینگیلیس.   اوفئلیا خانیم دا وار، حالال بیر قیزدی راحت. گلیشی یاریمشتات، گؤروشو یاریمشتات ایشه بیر خانیم گلیر. دئمه، بیر شتاتییمیش او یاریم-یاریم گلیر.   تهران... کونسئرواتورییا.. اوردا طلبه‌‌لری، بوردا دا شاه اثری: «آمازونکا قیزلاری»، قیزلارا هديّه‌سی - مئهماندوست- دوست نفسی!   حساسدی گولناره خانیم نوفوذو خئیلی اوزده‌دی بیر گؤزو اوستوموزده‌دی رئکتورون نوماینده‌سی حاقّین، عدالتین سسی!   عدالت موعلّیمین ده «عدالت!» - آدی اوسته‌دی آدی-سوی‌آدی اوسته‌دی. او علمی شورالاردا دا کورسودن حسابات وئریر. رئکتورون هر تبسّومو اونا بیر قول-قاناد وئریر.   طلبه‌‌م اولوبدو دئکان، آیخان... روستمزاده آیخان. او، دئکان اولاندان بری، ایستانبولون عالیم‌لری، رئکتورون قبولوندادی، قارداش-قارداش یانیندادی.   بیزه بو اوچوش خیالی تؤحفه وئرن اوغول دا وار - بیر اؤلکه‌نین آغ‌ساققالی! او، گئتدییی حاق یول دا وار - او یول تانری‌نین، دوز یولو عاریفدی، میر جلال اوغلو!   ۲۷ آوقوست-۲۰۲۴-جو ایل   https://t.me/Adabiyyatsevanlar
18 Jan 2025, 00:01

ادبیات سئونلر - Statistics & analytics of Telegram channel @adabiyyatsevanlar