ادبیات سئونلر

فولکورچی وادبیاتچی خانیملار"زهره خانیم وفایی" نین توپراغا تاپیشیرما تورنین ده https://t.me/Adabiyyatsevanlar

سولدان :رقیه کبیری،نگارخیاوی... https://t.me/Adabiyyatsevanlar

دونیایه جوالدوز باتیران زهره،هایلی هارایلی زهره...یورقونجاسینا سس سیز ،سمیرسیز بوگون 1403,7,3بوگون تبریزده  وادی رحمت ده هنرمند لر قطعه سینده تورپراغا تاپیشیریلدی شهرین تانینمیش سیمالاریندان بو مراسیمده نیگار خانیم خیاوی،رقیه کبیری،مرجان منافزاده،زکیه ذولفقاری،ویدا حشمتی،فرانک فرید ... دوکتور میکائیل نظری  ، آقای اسیابی ،دوکتور عزیز پور. دوکتور وحید ،آقای فرشی ،نوید محمدی دن... آد آپارماق اولار. https://t.me/Adabiyyatsevanlar

زهره خانیم وفایی آرا-سیرا ،  قیسا-قیریق  خاطرات و ابدی‌لیک تأثرات ع. صرافی گؤی یاشیل، یئر  ساری، مرجان داللار دالمیش اوستونده‌کی  قوشلار یاده بیزه بیر ذوق تخطر قالدی  (۱) بو سؤنن، کؤلگه‌لنن دنیاده «احمد هاشم» 🔶 زهره وفائی‌ ایلک اؤنجه جوالدوزلا  تیکیلمیش  بیر آد ایدی، دئمک اونو   ۱۳۷۰-دن  جوالدوز نشریه‌سی‌یله تانییردیم،  اما یاخیندان هئچ گؤروشمه‌میشدیک. 🔷 آرادان یئددی ایل کئچدی ۷۷-ده دکتر حمید نطقی‌نین وفاتیندان سونرا تهراندا اونون حقینده  بیر سمینار کئچیریردیک، همین سمینارا زهره خانیمی دا چاغیردیق. ساغ اولسون سؤزوموزو یئره سالمادی، اوزاق یولدان آیاغی‌نین توزویلا گلیب، تریبون آرخاسینا کئچیب، اورک سؤزلرینی دانیشدی. دئمک ایلک دفعه اورادا یاخیندان و اوزبه‌اوز تانیش اولوب دانیشدیق. 🔶 بیر ایل کئچدی ، تهران دانشگاهیندا «آذربایجان فولکلورو» کلاسیندا درس وئررکن بیردن قاپی آچیلدی و  زهره خانیم ایچری گیردی! او تواضعکارلیقلا کئچیب اؤیرنجیلرین یانیندا  اوتوردو!   من درس دئمگی دایاندیردیم و اونو طلبه‌لره معرفی ائدرک ایسته‌دیم کی  گلسین بیزه دانیشسین، آما او دئدی : - تکجه گلمیشم تهراندا گؤردوگونوز ایشلرله تانیش اولام، سیز درسه دوام ائدین، منیم ده سوالیم اولسا بیر طلبه کیمی سوروشارام - دئدی. او گون اؤیرنجیلره  عاشیق ادبیاتیندان دانیشیردیم و‌ سؤزون بیر حصه‌سینده معاصر اوستاد عاشیقلارین بیر نئچه‌سیندن آد چکدیم. یادیمدادی زهره‌خانیم ال قووزایبب ، دئدی: - بس نییه منیم اوستادیمین آدینی دئمه‌دیز؟  - سیزین اوستادیز کیمدیر ؟  - دییه سوروشدوم. - منیم اوستادیم‌عاشیق غافار- دئدی منسه او زمانا کیمی عاشیق غافارین آدینی بئله ائشیتمه‌میشدیم. معلوماتیمین آزلیغیندان اؤز-اؤزومه اوتاندیم و ایسته‌دیم کی عاشیق غافار حقینده بیر پارا معلومات بیزه وئرسین. او دا اوتوردوغو یئرده اونون حقینده دانیشدی و بیر شعرینی ده  حفظدن اوخودو. 🔸تبریزه گلندن سونرا بیر ایشیم ده عاشیق غافاری تاپیب اونونلا یاخین تانیش اولماق ایدی، حقیقتا ده زهره خانیمین دئدیگی کیمی  اوستاد بیر عاشیق ایدی ، اونونلا دوست اولدوق و ‌بیر چوخ دگرلی خاطره‌ار یاشادیق ایندی هر ایکیسی ده اللهین رحمتینه قوشوبلار.  روحلاری شاد اولسون. 🔷 دؤرد ایل سونرا یعنی ۸۲-دن اعتبارا  تبریز متروسوندا  ایشلمگه گلدیگیمده مختلف مناسبتلرده اونو بعضا  زینب‌پاشا آدلی کتاب‌ساتیشی و نشر مرکزینده و بعضا ده اؤز ائولرینده  گؤروب، آذربایجان مسئله‌لری حقده  قارشیلیقلی دانیشیقلاریمیز اولموشدو. 🔶  ۸۵-ده آذربایجان شهرلری ایران   روزنامه‌سینه قارشی نمایش میدانی اولدو، آرا قاریشدی، مصصب ایتدی،  من ده مجبورا چیخیب گلدیگیم یئره (تهرانا ) گئتمه‌لی اولدوم و بو آرادا بیر چوخ دوستلاریملا علاقه‌م   کسیلدی، او‌ جمله‌دن زهره خانیم وفایی‌یله. تهراندا ایکن ائل‌بیلیمی مؤسسه‌سینی قوردوق و  آیدا بیر  فولکلور موضوعلو  درگی چیخارماغا باشلادیق.    🔷۱۳۸۹ -دا بو قرارا  گلدیم کی اؤلکه‌ده ایلک دفعه اولاراق قادین و فولکلور موضوعوندا بیر اؤزل‌سایی  چیخاریم، منیم خواهشیمله زهره خانیم دا ایلک فولکلورچو قادین اولاراق اؤز چالیشمالاری حقده بیر  دگرلی یازی یازیب نشر اوچون گؤندردی. (آشاغیدا عینیله دا وئریرم. ) 🔶 تخمینا ۶ ایل تهراندا قالاندان سونرا  ۱۳۹۱-ده یئنه منی تبریز متروسوندا داها یوکسک بیر وظیفه‌ده ایشله‌مگه چاغیردیلار. گلدیم یئرلشیب ، یئریمی برکیدندن سونرا،  زنگ ووروب اجازه آلیب زهره خانیمین گؤروشونه گئتدیم، آما اونون دورومو تام معنادا دگیشمیشدی.  او داها  اولکی‌ زهره دئییلدی! اؤزونو اجتماعی فعالیت‌لردن کناردا ساخلیر، آز دانیشیر، هئچ نه ده یازمیردی !!!… سببینی  سوروشمادیم، هر چند معین حدسلر وورا بیلیردیم. بو غریب حال عمرونون سونونا قدر  سوردو. *** 🔷  و ایندی بیر زمان مین بیر دیل‌له دانیشان او زهره ، اونا -بونا جوالدوز باتیران، بیر شهری قاتیب‌، قاریشدیران ، زینب‌پاشانین قیز نوه‌سی، آما اونون کیمی ده سونوندا یورولوب، بیر قیراغا چکیلن او زهره  … سس‌سیز - سمیرسیز. دونیامیزی ترک ائتدی.  اوندان بیزه نه قالدی ؟  -  قیرخا یاخین کتاب و   بیر جوالدوز! و البته آجیلی- شیرینلی خاطره‌لر  و داها بیر ذوق تحسر و تخطر … …. حیفلر اولسون . ———————————- (۱) - «تخطر» : خاطرلاما @el_bilimi قایناق ائل بیلیمی https://t.me/Adabiyyatsevanlar

دونیایه جوالدوز باتیران زهره،هایلی هارایلی زهره...یورقونجاسینا سس سیز ،سمیرسیز بوگون 1403,7,3بوگون تبریزده  وادی رحمت ده هنرمند لر قطعه سینده تورپراغا تاپیشیریلدی شهرین تانینمیش سیمالاریندان بو مراسیمده نیگار خانیم خیاوی،رقیه کبیری،مرجان منافزاده،زکیه ذولفقاری،ویدا حشمتی ...دن آد آپارماق اولار. https://t.me/Adabiyyatsevanlar

هایده_بلوکی_اؤزلم بو مئوسیم‌لر گلینی‌نین نه‌دندیر رنگی سارالیب‌؟ صوراتینا غم اوتوروب اوووجوندا نیسگیل قالیب آی سون باهار آدلی گلین ایندی اورک خزانی‌دیر قیی‌هالاییب یئل اَسیرسه بو سس اؤزلم اذانی‌دیر قانلی پاییزین آددیمی یولاقلارا  ایز قویاجاق بو آی بوتون سئوگی‌لرین آدی دونیادان دویاجاق خزللرین خیشیلتی‌سی شاعیرلری اویالداجاق قوشمالارلا، غزللرین مصراع‌سینی بویالداجاق سیزلایان قلم شاعیرین آچاجاقدیر چوخاسینی قوْور ائده‌جک دویغولاری سیلکه‌یه‌جک بوخچاسینی بو آی پاییز لچه‌یینده اؤزلم‌لر ماهنی چالاجاق یاللی گئدن دویغولاردا دفتری آددیملایاجاق ایندی بو پاییز یئلی‌دیر آیریلیق ماهنیسین چالان هاردا بو اؤزلم عنوانی؟ تانری‌یا بیر آددیم قالان https://t.me/Adabiyyatsevanlar

رضوان حاجی قاسملی"جانای" سئوگی دئدیگین، ماهنی دئییل بیته، گون دئییل باتا، دالغا دئییل داغیلا، ناغیل دئییل یوخلادا، بولاق دئییل آخا، شعر دئییل قافیه سیخینتیسیندا قالا، یاز دئییل تومورجوق گتیره، پاییز دئییل خزل یاغدیرا، سئوگی نه چیچکلی مندیل دیر؛ نه عطیری شال، نه قیرمیزی کؤینک دیر؛ نه ساری یایلیق. سئوگی نه آیاز گئجه دیر، نه سرین شافاق. نه کؤچن دورنالارین تئلینده؛ نه باغیران سئرچه‌لرین هاییندا، نه چینارین اؤزگور اللرینده، نه گوللرین بویاسیندا، نه سارماشیغین اینجه‌لیگینده! سئوگی نه کؤزلرین توسدوسونده،  نه مئشه‌لرین یاشیللیغیندا؛ نه زیروه‌لرین قاریندا، نه دره‌لرین داشیندا، نه یارقانلارین اویولموش باغریندا! سئوگی نه سونولان پای دیر، نه سسله‌نن های، سئوگی نه تانیش دیر؛ نه قریب؛ نه دوستدور نه دوشمان، نه یاخیندیر نه اوزاق! سئوگی هئچ‌نه دئییل، عینی زاماندا هر نه، سئوگی بونلاری یاریب، یاراداندیر،  سئوگی داریخان کؤنولدور، دؤیونن اورک‌. تؤکولن یاش دیر گؤزوندن، کپه‌نک سایاق دوداغیندان قانادلانان سؤزوندور سئوگی، جانینین ایچینده، اؤزوندور سئوگی!   جانای https://t.me/Adabiyyatsevanlar

پاییز ایله من سحر_خیاوی منیم ده ساچلاریم بویالی سن تک منیم ده شاخامدان قارانقوش کؤچوب من ده سنین کیمی خَزَل‌لنمیشم منیم ده قوشلاریم باشیمدان اوچوب توتولور هاوام دا یامان دال‌بادال بورویور چَن، دومان اوره‌ییم گؤیون پیرتلاشیق کَلَف تک هئی قیوریلیرام مین بارماق آچانمیر حالیمدان دۊیون ایندی من قالمیشام، سویوق پنجره‌ تؤکولور خزللر، سُولور چیچک‌لر داها بوش سوفره‌لی کیچیک باغچاما قوناق گلمه‌ییرلر ناز کَپه‌نک‌لر قدم قوی بو گئجه یالقیز اوداما صوبحه‌دک دردلشک، چوخلو چایلاشاق دئییرلر: بؤلوشسن دردی یونگولَر اوندا گَل سنین‌له دردی پایلاشاق قویوم قاباغینا آلما، قوز، اوزوم بویاقلی ساچینا اینجی‌لر دوزوم دئییم خوش گلمیسن آی منیم اؤزوم گَل گولوم سنین‌له ائکیزتایلاشاق اوز- گؤزون غملی‌دیر، اللرین یالین سازاقدان گئیمیسن اَینینی قالین نه یاخشی بیلیرسن دوستلوغون یولون قوینونا آل منی بیر قوجاقلاشاق صاباح دا گئده‌ریک خیاوچایینا باخاریق طبیعت قیزی بویونا قوشوللوق ائلیمین شنلیک، تویونا ال-اله، قول- قولا گَل سیجاقلاشاق یئریییب خزلده سئودالی، مَلَنگ باغلاریق چؤللرین گولوندن چَلَنگ ییغیشسین دونیادان هر نه توپ، توفنگ غریبسن؟ عئیبی یوخ، یالقوزاقلاشاق! https://t.me/Adabiyyatsevanlar

#ماهنامه_سخن در #سال_نهم شروع: #آبان ۱۳۹۵ ویژه نامه جبهه ملی ایران شورای ششم (۱) • پرونده ادبی - فرهنگی استاد #شمس_خلخالی • به یاد دکتر محمود مصدق و خاندان مصدق / پروفسور #سید_حسن_امین • روح پدیده های جهان مادی / #عبدالرحمان_حسنی • روشنفکران آزادی خواه نمونه: کورش زعیم / #معصومه_قربانی • انواع ساختارهای حکمرانی! / #کورش_الماسی • تاریخچه فرقه گرایی/ #روزبه_یقینی • به ملی گرایی افتخار کنیم!/ #نوشاد_ذوالفقاری_ونکی • گفتگو با #علیرضا_شکریز • گفتکو با #عیسی_طاهریانفر • گفتگو با #مرتضی_یاوریان • آموزش با نون اضافه جدید / #محبوبه_پاکدل فرق فروید با نیچه(۲): دکتر #حسین_سلیمان_پناه ترجمه های به زبان ترکی از سروده های: #سیمین_بابایی/ #سمیه_بحرکاظمی/ #بدری_دهنوی/ #فریده_نورمحمدی_یگانه/ #مراد_قلی_پور/ #رویا_شاه_حسین_زاده/ از دکتر #کامیل_قهرمان_اوغلو همکاران: پروفسور نورجمشید پیامی/ دکتر افراسیاب بهمنی/ دکتر بهناز شهریاری نژاد/ پگاه آرمانی #قضیه: خاستگاه سخن، رسالت تاریخی اندیشه انسانی و جمهوری آن، تبلور یافته خرد گرایی است. مدیر مسئول و سردبیر: دکتر #آریا_پورفریاد https://t.me/mahnsmeh

آدی قالارقی قلمداشیمیز "زهره خانیم وفایی" نین توپراغا تاپیشیرما تورنی صباح1403,7,2 دوشنبه گونو ساعات اونبیرده تبریزین وادی رحمتینده هنرمند لرین قطعه سینده اولاجاق. خانیم "وفایی" نین شام غریبانی همان گون ساعات16-18 ششگلاندا میر محمود مسجدینده قید اولاجاق. ادبیات سئونلر"زهره خانیم وفایی" نین ابدی خاطیره سینه عشق اولسون دئیره ک "ادبیات سئونلر "عاییله سینی بو مراسم لرده اشتراک ائتمه یه دعوت ائدیر ادبیات سئونلر1403,7,1 https://t.me/Adabiyyatsevanlar

خبر شهریور آیینین ۳۰نجو گونو ساعات ۴دن ۷ یه قدر مییانانین زوموررود ساراییندا علیرضا مییانالینین سونونجو کیتابیندان ( بودا بئله ناغیلدی ) دوواق گوتورولدو . هئچ اولماسا ۱۵۰ نفر بو کیتابین دوواق گوتوردو توره نینده ایشتیراک ائتمیشدیلر . وئرلیشین باشلانیشی ۲ ائکیز تای گنج ( احسان _ عرفان ) نجفی قارداشلاری وریندن موغام پرده لری باشلاندی . احسان _ عرفان ۲ دونه موغامات یاریشیندا بوتون ایراندا بیرینجی خالی قازانیبلار . سونرا قوناق شاعیرلردن نئچه سی سایین حبیب معللیم ، ناصر داوران ،  حاجی هئریسلی ، جعفر آروینی (  تانیش ) و ..... دانیشیب و شعیر اوخودولار . مییانا شاعیرلریندن سعید قافلان قوناقلارا خوش گلدین دئدی . البت توپلوما قاتیلانلار ، سایین ائلدار موغانلی  و کریم قوربانزاده نین یولونو دا گوزله دیلر کی بویوک ائلدار معللیم یوباندیغینا گوره دانیشا بیلمه دی و وئرلیشین آرتیق بولومونده ، مییانالی علیرضا حاقدا دانیشیق آپاردی . تعسسوفله سایین قوربانزاده ده خسته اولدوغونا گوره گله بیلمه دی . سونرا ارشد نظری ۵۰ ایللیک علیرضایلا یولداشلیقلاری حاقدا و علیرضانین یارادیجیلیقلاری حاقدا دانیشدی . ارشد نظری مییانانین موسیقییا تاریخی حاقدا دا کی تکلیف اولونموشدو و اوزللیکده علیرضانین قارداشی نادیر مظفری حاقدا دا کی ایلکین آدامدی کی علمی موسیقییانین اویره نشینی مییانا شهرینده باشلاییب دانیشیق آپاردی و دئدی کی علیرضانین چوووخ دَیرلی آراشدیرما اثرلری ده وار کی تئزلیکله گونش اوزو گوره جکلر . بئله لیکله گتیریلن کیتابلار او توپلومدا ساتیلدیلار و مجلیس موغاماتلا یئکونلاشدی . https://t.me/Adabiyyatsevanlar