Mobil kutubxona

📖 "Ozor berma", Genri Marsh PButun umr afsuslanib yurishni istamasangiz, bu kitobni albatta o‘qing. O‘qituvchilar va vrachlar. Jamiyat hayotida eng katta rol o‘ynaydigan kasb egalari. Boshqa kasblar ham muhim, ammo yuqorida aytib o‘tilgan kasblar kabi emas. Genri Marsh, angliyalik tajribali neyroxirurg, karyerasi davomida boshidan kechirganlarini o‘zining "Ozor berma" ("Ne navredi") asarida yoritib bergan. Avtorning o‘zi ta’kidlab o‘tgani kabi, kitobning 90% doktor hayotida sodir bo‘lgan hodisalardan iborat. Menimcha, neyroxirurgiya medisinaning eng qaltis, eng nozik va eng qiyin bo‘limlaridan biri. Medisina borasidagi bilimlarim 1% ni tashkil qilsa ham, buni tushunish men uchun qiyin emas. Operatsiya davomida yarim millimetrga qo‘lingiz noto‘g‘ri qimirlab ketsa, bir insonning hayotida to‘g‘irlab bo‘lmaydigan natijalarga olib keladi: u inson butun umrga shol bo‘lib qolishi yoki nutqidan ayrilishi mumkin. Bu ro‘yhatni uzoq davom ettirsak bo‘ladi, lekin shu ikkisi ham natijalar qay darajada fojeaviy tus olishi mumkinligini aniq va ravshan yoritib beradi. Oliy ta’limga tayyorlanishni boshlamoqchi bo‘lganimda, medisina institutigami yoki boshqa oliygohgami degan fikr ko‘p o‘ylantirgan. Medisinaga topshirishga, to‘grisini aytsam, qo‘rqqanman. Unday katta ma’suliyatni bo‘ynimga olishni tassavur ham qila olmasdim. Kitobni o‘qish jarayonida va uni uqib bo‘lib, ikki narsani tushunib yetdim. Birinchisi, o‘sha paytda, tibbiyot institutiga kirmay, juda ham qattiq hato qilgan ekanman. Ko‘plab insonlarga yordam berib, ularni davolab, sog‘lom bo‘lib ketganlarini ko‘rish juda ham katta baxt bo‘lsa kerak. Ikkinchisi esa, bu qarorim 100500% to‘g‘ri bo‘lgan ekan. Ma’suliyat kattaligidan jinni bo‘lib qolish ham hech gap emas. "Miya - tabiat jumbog‘i. U men uchun huddi atrofimizdagi Borliq va kechki osmondagi yulduzlar kabi buyukdir." 📚 @kitoblar_apk