Mobil kutubxona

📓 "O‘ylanib uylan, uylanib o‘ylan" ✍️ Shavkat Razzoqov Shavkat Razzoqovning mazkur kitobi hayotdagi muhim mavzulardan biri – oila, oila ustuni bo‘lmish erkak va ayol munosabatlari,  oila qurish kabi muhim mavzularga bag‘ishlangan. Kitob hazil-mutoyiba tarzida yozilgan bo‘lib, turli zeriktiradigan «pand-nasihatlar»dan yiroq bo‘lgani sababli kitobxonlarimiz e’tiborini qozonishiga umid qilamiz. 📚 @kitoblar_apk

O‘qing va o‘rganing. Jiddiy kitoblarni o‘qing. Qolganini hayotning o‘zi tushuntirib beradi. - Dostoyevskiy 📚 @kitoblar_apk

👤 Tog'ay Murod 📙 "Ot kishnagan oqshom" (qissa) Bu qissalar ne bir kunlarni ko‘rmadi! Zoti nomard bo‘ldi, ushbu qissalar yoqasidan oldi. Og‘zi buzuq bo‘ldi, ushbu qissalarga tupugini sochdi. Qo‘li nopok bo‘ldi, ushbu qissalardan butun-butun boblarni o‘chirib tashladi. Oqibat, ushbu qissalar o‘z vaqtida pati yulinmish tovuq misol chop etildi. Alqissa, dorilomon kunlar keldi. «Ot kishnagan oqshom»dagi Ziyodulla chavandozchasiga aytar bo‘lsak ... uloq Tog‘ay Murodda ketdi! 📚 @kitoblar_apk

Bayram kunlarini mazmunli o‘tkazishingiz uchun audio kitoblar kanalini topib keldik:

Turk tilini online orqali o'rganish bugungi kundagi eng oson o'rganish usullaridan biridir👀 Turk tilini tez va oson o'rganing! 🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷 👉👉Bu yerga bosing 👈👈 👉👉Bu yerga bosing 👈👈 Murajaat uchun bosing ✅

​​#Kitobxona_fikri "Mushuklar aslo yolg'on so'zlamasdi". ©Asardan KITOB: "Mushuklar malikasi Minush" Anni Shmidt Kitob uzoq muddat o'qilishini kutdi. 20 yoshimgacha menda mushuklarga nisbatan fobiya mavjud bo'lgan. Shu sababdan ulardan doim qochganman. Ammo hozir mushuklar men uchun boshqa bir olam. Qiziq hozir men sizga "Mushuklar matbuot xizmati" bor desam ishonarmidingiz? Agar javobingiz "yo'q" bo'lsa, unda "Mushuklar malikasi Minush" asarini bir o'qib ko'ring) Asar voqealari mushuk bo'lib, keyinchalik Biokimyo tadqiqotlari Instituti axlatxonasidan qandaydir axlatlarni yeb odamga aylanib qolgan Minush atrofida sodir bo'ladi. U kichik bir shaharda Tibbe, Sassiqpishak, Fluf, Bibish va juda ko'p boshqa mushuklar bilan tanishadi. Voqealar rivoji esa juda qiziq😄 Hayvonlarni muhofaza qilish tashkiloti raisi "Vahshiy Ellemeyt" ustidan qozonilgan g'alaba va Minushning yana mushukka aylanish harakatlari bilan tugaydi. Qiziq Munish yana mushukka aylandimi? Bunisi sir... Kitob dizayni haqiqatda juda chiroyli. Xatto dugonalarimga "Qara rasmlari bor kitob o'qiyapman" deb maqtanib ham qo'ydim) Ba'zan faqat ilmiy va fanga oid kitoblar odamni charchatadi. Minush esa yaxshi hordiq. Kitobdagi sur'atlar zerikmasligingizga aniq kafolat😄 Xullas bir nafaslik kitob. Hajmi sizni qo'rqitmasin. O'qing! Zero eng yaxshi xulosa bu - o'zingiz chiqargan xulosadir! Kitobning elektron varianti mavjud emas! 📚 @kitoblar_apk

📓 "Orzular qanotida" Siz o‘zingiz haqingizda qanday fikrdasiz? Atrofingizdagi odamlar bilan munosabatlaringiz qay darajada? Nimalarga qodirsiz-u, hali nimalarni o‘rganishingiz kerak deb o‘ylaysiz? Agar siz yuqoridagi savollarga javob izlayotgan bo‘lsangiz, u holda ushbu kitobni o‘qib chiqing, risoladan o‘rin olgan testlar sizning ko‘pgina savollaringizga javob bera oladi, deb umid qilamiz. Har birimiz har kuni kimlar bilandir uchrashamiz, ular bilan suhbatlashamiz. Ba’zilarning bizga bo‘lgan munosabatidan rozi yoki norozi bo‘lamiz. O‘zimiz bilib-bilmagan holda kimlarnidir xafa qilamiz. Yoki aksincha, kimlardandir xursand bo‘lib, kimlargadir xursandchilik ulashamiz. Ushbu moʻjaz kitobda keltirilgan amaliy ko‘rsatmalar hayotingizda o‘zingizni anglash va atrofingizdagi odamlar bilan iliq munosabatlarni yo‘lga qo‘yish uchun juda qo‘l keladi. 📚 @kitoblar_apk

"Uch jism masalasi": kitobi yaxshimi yoki seriali? Mart oyi oxirida Netflix tomonidan taqdim etilgan “Uch jism masalasi” serialining birinchi mavsumi birpasda omma e’tiborini qozondi. Ilmiy-fantastika ishqibozlari esa ushbu premyerani anchadan beri kutishayotgan edi. Ushbu maqolada aynan shu serial haqida soʻz boradi va ilmiy-fantastika muxlislarining “kitobi yaxshimi yoki seriali?” mazmunidagi savollariga javob berishga harakat qilamiz. Serial “Taxtlar oʻyini” serialini suratga olgan kinoijdkorlar tomonidan yaratilgan. Shu ma’lumotning oʻzi ham sizning bu serialga boʻlgan qiziqishingizni oshirishi aniq (hatto kitobi haqida eshitmagan boʻlsangiz ham). Lyu Sitzinning “Uch jism masalasi” kitobi haqida Netflix tomonidan taqdim etilgan ushbu serial xitoylik fantast yozuvchi Lyu Sitzinning “Yerning oʻtmishi haqidagi xotiralar” nomli trilogiyaning birinchi kitobi — “Uch jism masalasi” asosida ishlangan. Ha, bu kitob hozircha oʻzbek tiliga tarjima qilinmagan. Oʻzi negadir oʻzbek tilidagi kitoblar bozorida ilmiy-fantastika juda kam. Xoʻsh, asar nima haqida? “Uch jism masalasi"da atrofida uchta quyoshga ega Trisolyaris deb nomlanuvchi sayyora haqida gap boradi. Bunday tizim sababli sayyora orbitasi barqaror emas, shuning uchun ham, u sayyorada juda koʻp halokatlar yuz beradi va har safar sivilizatsiyani noldan boshlab qurishga toʻgʻri keladi. Ushbu sayyorada istiqomat qiluvchilar, santi deb nomlanuvchi xalq, oʻziga yangi sayyora qidira boshlaydi… Sizningcha, ular qaysi sayyorani moʻljalga olishadi? Ha, Yer. Faqat ularning Yergacha yetib kelishi uchun kamida 400 yil kerak boʻladi. Va insoniyat bu toʻqnashuvga tayyorgarlik koʻrishi kerak. (Spoyler qilib, qargʻishingizga duchor boʻlmaslik uchun syujet haqida boshqa tafsilotlarni aytmaymiz). Ha, ushbu asarda eski mavzu yangicha va ishonarli koʻrinishda jonlanadi. Aslida “uch jism masalasi” fanda mavjud boʻlgan real masala hisoblanadi. Va hozirgacha ushbu masalaning yechimi topilmagan. Albatta, kitobini oʻqiyotganingizda juda koʻp ilmiy nazariyalar va tushunchalarga duch kelasiz. Qaysidir tomondan bu holat kitobni tushunarsizroq qilsa, yana qaysidir tomondan uni ilmiy-fantastikani sevuvchilar uchun juda qiziqarli qiladi. Kitobi yaxshimi yoki seriali? Ushbu savolga qisqaroq javob beradigan boʻlsam: albatta, kitobi yaxshi. Yanada tushunarliroq boʻlishi uchun aytishim mumkinki, ilmiy-fantastik asarlar asosida suratga olingan filmlar va seriallar hech qachon kitobidan zoʻr boʻlmagan. Chunki ilmiy-fantastika, shunday janrki, unda juda koʻp tafsilotlar keltiriladi, bularning barchasini filmda qamrab olishning deyarli iloji yoʻq. Agar rejissyor filmda asardagi tafsilotlarni 100% qamrab olishga qaror qilsa, film unchalik ham qiziqarli chiqmasligi mumkin. Har holda bunday yondashuv bilan kitobini oʻqimagan yoki ushbu asar muxlisi boʻlmagan tomoshabinlarni jalb qilish qiyin boʻladi. Ammo mashhur asarlar asosida suratga olingan seriallar va filmlarda juda koʻp tafsilotlar keltirilmasa-da, ular bahonasida juda koʻpchilik tomoshabinlari original asar bilan tanishib olishadi. Masalan men, garchi bu asar haqida oldin ham koʻp eshitgan boʻlsam-da, lekin hech uni oʻqishga xafsala qilmaganman. Ammo ushbu serialni koʻriboq, ushbu trilogiyani zudlik bilan oʻqishni boshladim. Shuni ham hisobga olish kerakki, Netflix hozircha faqat bitta mavsumni ommaga taqdim etdi, davomi hali endi suratga olinadi, serial eng qiziq joyida tugab qolgan. Serialning salbiy tomoni ham shunda — asosiy voqealar hali oldinda va birinchi mavsum faqat trilogiyaning kirish qisminigina qamray olgan. Yuqorida serialidan koʻra kitobi yaxshiroq ekanligi va davomini ancha kutib qolishingiz mumkinligini aytgan boʻlsam-da, serialni koʻrishni tavsiya qilaman. Ushbu serialni tomosha qilish sizga “kitobini oʻqishim kerakmi yoki yoʻq?” degan masalada bir qarorga kelishga yordam beradi. Ya’ni serialni tomosha qilib, bu asar dunyosi sizga qiziq boʻlishi mumkinmi, yoki umuman, sizga bu turdagi kitoblar yoqmaydimi — oʻzingiz uchun hal qilib olasiz. ✍ Nazarbek Nazarov 📚 @kitoblar_apk

Ассалому алайкум азиз Ватандошларим! Сизни янги очилган «Китоблар хазинаси» деб номланган телеграмм каналим билан таништиришга ижозат бергайсиз! Ушбу каналда ман томондан турли жанрга мансуб қизиқарли китоблар хулоса тарзида шарҳлаб борилади. Сизда эса китоблардаги қимматбаҳо маълумотларни эшитиб ва тушуниб, янада ривожланиб, ЯНГИ ютуқларга эришиш имконияти пайдо бўлади. Ҳурмат билан, Саййид Камол Шарипов. «Китоблар хазинаси» канали сизнинг муваффақият сари ҳамроҳингиз. Каналга аъзо бўлинг ва яқинларингизга ҳам тарқатинг: https://t.me/sayyidkamol_kitoblar

#Bir_kitob_haqida 📖 Murod Chovush: Hech Asli kitoblik va bugun poytaxtda yashab ijod qilayotgan Murod Chovush “hech” narsa yozib, 60 betlik roman bilan ham adabiyotda qolish mumkinligini isbotlab berdi. Uning “Hech” asariga adabiyotshunos Mahmud Sa’diy “Men bunga o‘xshash ijodiy izlanishni o‘zbek adabiyotida boshqa uchratmaganman”, deya ta’rif bergan bo‘lsa, yozuvchi Nazar Eshonqul “...ifoda usulidan tortib tilga, voqelikka, insonga, makonga, zamonga, mavjud tafakkur va tasavvur qoliplariga bo‘lgan munosabatiga ko‘ra zamonaviy adabiyotimizda dunyo badiiy mushohadasi silsilalari, xususan, Prust, V.Vulf, Bekket, Ionesko, M.Puig, Murakami bilan bo‘ylashmoqchi bo‘lgan o‘ziga xos tajribalardan biridir” deydi. “Hech” – o‘z nomi bilan hech narsa haqida, aytarli voqea, syujet yo‘q, qahramonlar ham xayol surayaptimi, tush ko‘rayaptimi, o‘zi bilanmi, boshqa birov bilan gaplashyaptimi, ora-orada qabridan chiqib o‘tirgan bir pari bilanmi, uyda suvarak bilan suhbat qurib qolinadimi-yey, dabdurustdan bilib bo‘lmaydi. Asardagi ko‘p yaxshi fikrlar yangi emasdek, yangi fikrlar esa yaxshi emasdek ham tasavvur uyg‘otadi. Olmoshsiz dialoglar berib ketilaveradi, “men” gapirayaptimi, “senmi” yo “u”, birdaniga bilib ololmaysiz. Ammo ozgina diqqat qilinsa, kim nima deyayotgani oydinlashadi va matnga ortiqcha to‘n kiydirishga hojat yo‘qligi anglashiladi. Ko‘p kitoblarda ko‘rib ko‘zimiz o‘rgangan-da, “Falonchi qo‘lini ko‘tarib, undoq dedi”, “Pistonchi burnini jiyirib bundoq dedi”... Yozuvchi qanday voqea yuz berayotgani, qahramonlari nimani o‘ylayotganini shunday “chaynab” tashlaydiki, o‘quvchining ozgina bo‘lsin fikrlashiga imkon va ehtiyoj qolmaydi. Bunday asarlarda faqat tafsilotlar bilan tanishasiz, voqealarni ko‘rasiz. “Hech” esa kishini o‘ylashga, mushohada yuritishga undaydi. U bekorchilikdan, yo bo‘lmasa ishdan qaytib, 4–5 varaq kitob o‘qib qo‘yay, degan xayolda qo‘lga olinadigan asar emas. Lekin aytib qo‘yay, ramzni, g‘oya va maqsadni anglamagan o‘quvchining hafsalasi pir bo‘lishi tayin. Odam bu dunyoga nima uchun keladi? Yashashdan maqsad nima va ayrimlarning hayoti tussiz ko‘rinish olishiga sabab ne? Hayot haqida mudom tafakkur qiladigan odamga bu dunyoda yashash shunchalar og‘irmi va hech narsa haqida o‘ylamaydigan, butun tashvishi yeb-ichish atrofida aylanadigan kishiga shunchalar osonmi?  Murod Chovush shu paytgacha “Hech”dan tashqari uning davomi bo‘lgan va hajman uncha katta bo‘lmagan “Qora dengiz” asarini va ijtimoiy tarmoqlarda ayrim bitiklarini e’lon qildi, xolos. Shularning o‘ziyoq uni katta yozuvchi sifatida tanitdi. Bir vaqtlar hukmron tuzumni alqab tom-tom kitoblar yozgan va unutilishga mahkum ijodkorlardan ko‘ra, kichik kitob bilan badiiyat olamida o‘z mustahkam o‘rniga ega bo‘lish har holda oddiy hodisa emas. “Hech”ga Bahouddin Naqshbandning quyidagi to‘rtligi mos tushganini ham aytish kerak: Hechimiz hechidan hech kam yo‘qdir, Hech hechimiz hechidan hech g‘am yo‘qdir. Tanda jandadurur anda go‘riston, Ertan o‘lsak, bizga hech motam yo‘qdir. ✍ Bekzod O‘KTAM 📚 @kitoblar_apk