Dn Abel Kassahun Mekuria
Open in Telegram
ይህ ኦርቶዶክሳዊ የሆኑ የተለያዩ ትምህርቶችን የሚያገኙበት በባለቤቱ የተከፈተ ቻነል ነው። ይወዳጁን ለፌስቡክ ገጽ https://www.facebook.com/AbelKassahunMekuria12?mibextid=ZbWKwL ለyoutube https://youtu.be/s6Cn-jMYjrk?si=Tw7lXr62xkGQtL9_ ለInstagram https://www.instagram.com/abelkassahunm?igsh=OW
Show more📈 Analytical overview of Telegram channel Dn Abel Kassahun Mekuria
Channel Dn Abel Kassahun Mekuria (@dnabel) in the Amharic language segment is an active participant. Currently, the community unites 18 669 subscribers, ranking 4 317 in the Religion & Spirituality category and 1 936 in the Ethiopia region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 18 669 subscribers.
According to the latest data from 03 November, 2026, the channel demonstrates stable activity. Although there has been a change in the number of participants by 101 over the last 30 days and by -2 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 41.29%. Within the first 24 hours after publication, content typically collects 11.04% reactions from the total number of subscribers.
- Post reach: On average, each post receives 7 707 views. Within the first day, a publication typically gains 2 061 views.
- Reactions and interaction: The audience actively supports content: the average number of reactions per post is 224.
📝 Description and content policy
The author describes the resource as a platform for expressing subjective opinions:
“ይህ ኦርቶዶክሳዊ የሆኑ የተለያዩ ትምህርቶችን የሚያገኙበት በባለቤቱ የተከፈተ ቻነል ነው።
ይወዳጁን
ለፌስቡክ ገጽ
https://www.facebook.com/AbelKassahunMekuria12?mibextid=ZbWKwL
ለyoutube
https://youtu.be/s6Cn-jMYjrk?si=Tw7lXr62xkGQtL9_
ለInstagram
https://www.instagram.com/abelkassahunm?ig...”
Thanks to the high frequency of updates (latest data received on 04 November, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Religion & Spirituality category.
18 669
Subscribers
-224 hours
-37 days
+10130 days
Posts Archive
18 668
“በተወደደ ሰዓት ሰማሁህ፡ በመዳንም ቀን ረዳሁህ፡ ይላልና፤ እነሆ፥ የተወደደው ሰዓት አሁን ነው፤ እነሆ፥ የመዳን ቀን አሁን ነው”
2ኛ ቆሮ 6:2
18 668
ቅዱስ ጳውሎስ መጽሐፍ ለ4ኛ ጊዜ ታትሟል። መጽሐፉን ፈልጋችሁ አጥታችሁት የነበራችሁ ሁሉ አሁን በየመጻሕፍት መደብሩ ታገኙታላችሁ። መልካም ንባብ!
አምላከ ጳውሎስ ይታረቀን!
18 668
ሰው አያከብርህም?
ሰው ሲሰድብህ ትናደዳለህ? የሚያዋርድ እና አንገት የሚያስደፋ ነገር ቢያደርግብህስ በቁጣ ትገነፍላለህ? ግን አንድ ጊዜ ቆም ብለህ እስኪ ራስህን ጠይቅ? ከአንተ በላይ አንተን የሰደበ፣ ከአንተ በላይ አንተን ያዋረደ እና አንገት የሚያስደፋ ነገር ያደረገብህ አለ? ከአንተ በላይ አንተነትህን ዋጋ ቢስ ያደረገ ማን ነው? አንተ አይደለህ?
አንተው መልስ!
ቅዱስ ዮሐንስ አፈወርቅ እንደሚለው ለሰው ጠላቱ ማንም አይደለም፤ ራሱ ነው። የሕይወትን ዛፍ ቸል ብሎ ወደ እጸ በለስ የሚሮጠው፣ የብርሃኑን ልብሱን ጥሎ ቅጠል ማገልደም የሚያምረው፣ ከወንድሙ ጋር በሰላም ከመኖር ይልቅ ደሙን አፍስሶ ዚቅበዘበዝ መኖር የሚመርጠው ሰው ራሱ ነው።
ሌላውን ከመውቀስህ በፊት መጀመሪያ አንተ ራስህን ታከብራለህ? በአንተ ዘንድ የአንተነትህ ዋጋው ስንት ነው? ከልብስ ይልቅ ሰውነትህን ከመብልስ በፊት ነፍስህን ታስቀድማለህ? አንተ ራስህን በክፋት እና በበደል እንዲህ እያጎሳቆልክ “ማንም አያከብረኝም” እንዴት ትላለህ?
ዲያቆን አቤል ካሣሁን
abelzebahiran@gmail.com
https://t.me/Dnabel
18 668
እግዚአብሔርም በአደባባይ የማይወቅሰን ፍቅር እንጂ እልህ እንዳያሸንፈን ነው።
ቅዱስ ዮሐንስ አፈወርቅ: “ጥፋተኛን ሰው የፈለገ ብትወቅሰው የኅሊናውን ያህል ግን ከሳሽ ልትሆንበት አትችልም” ይላል። አንተ ስታገኘው ይሆናል “እንዲ አደረግህ” ብለህ ጥፋቱን የምትነግረው፤ ሕሊናው ግን የትም ሸሽቶ ሊያመልጠው በማይችል በማያቋርጥ ጩኸት ቀን እና ሌት ይወነጅለዋል።
https://t.me/Dnabel
18 668
የአርሲ ክርስቲያኖችን (ራሳችንን) ባሰብን ጊዜ!
#በተደጋጋሚ ክርስቲያን ወንድም እና እኅቶቻችን ላይ እየሆነ ያለውን ሳስብ፣ ከግሪካዊው ኤዞፕ ተረቶች አንዱ ትዝ ብሎኝ ይህን ግጥም አስጫረኝ። አንድ ጊዜ ቀበሮ በግን ምግቤን ሰርቃ በላችብኝ ብሎ በሐሰት በመክሰስ ሸንጎ ፊት አቆማት። በጓም እየተገረመች “ኸረ እኔ ሣር እንጂ ሥጋ አልበላም። ምን ብዬ የእርሱን ምግብ እሰርቃለሁ” አለች። ነገር ግን የፍርድ ቤቱ ዳኛ ተኩላ ስለ ነበር፤ “አንቺ በግ ምንም ምግቡን ባትበይ እንኳ መከራከሪያሽ አሳማኝ አይደለምና ጥፋተኛ ነሽ። ስለዚህ ሥጋዋ ታርዶ ለፍርድቤቱ አባላት ይከፋፈል። ቆዳዋ ደግሞ ለከሳሽ ቀበሮ ይሰጥ” ብሎ ፈረዱባት።(ታሪኩን ካነበብሁ ስለቆየሁ በብዥታ ነው የተረክሁት)
ፍትሕ ከወዴት ትምጣ?!
https://t.me/Dnabel
18 668
“ ‘ወዳጄ ሆይ፥ የሰርግ ልብስ ሳትለብስ እንዴት ወደዚህ ገባህ?’ አለው እርሱም ዝም አለ” ማቴ 22:12
እንደ ቅዱስ እስጢፋኖስ ይህን የይቅርታ ልብስ ካለበስን ወደ ሰርጉ አንገባም። ጌታ ሆይ ለዚህ የሰርግ ልብስ የተገባን አድርገን!!!
18 668
“እርሱ ግን መሐሪ ነው፥ ኃጢአታቸውንም ይቅር አላቸው፥ አላጠፋቸውምም፤ ቍጣውንም መመለስ አበዛ፥ መዓቱንም ሁሉ አላቃጠለም”
መዝሙር 78:38
18 668
እንደማይድን የተነገረንን የሥጋ ቁስል እንኳ “በምናልባት” ተስፋ የምንንከባከብ ከሆነ፣ የሚድነውን የነፍስ ቁስል ቶሎ ለማድረቅ እንዴት ዳተኞች ሆንን?
18 668
አሜን፤
አእምሯችን ሁልጊዜ ያልለመደውን ወይም አዲስ የሆነን ነገር ስናስተምረው በቀላሉ ለመቀበል ዝግጁ አይሆንም። ዝግጁ አለመሆኑን ወይም መጨናነቅ እንደማይፈልግ ደግሞ ከሚያሳይባቸው መንገዶች መካከል አንዱ መፍዘዝ እና ቶሎ ተዳክሞ እንቅልፍ እንቅልፍ ማለት ነው። በአጭሩ “ተወኝ” ማለቱ ነው። ታዲያ ለዚህ ጥያቄው መልሳችን መጽሐፉን አጥፎ ወደ አልጋ መሄድ ከሆነ አእምሯችን መጽሐፍ ማንበብን መቼም ሊለምደው እና ሊቀበለው አይችልም። ነገር ግን እየታገልን የቻልነው ድረስ ለመሄድ ከጣርን ግን “እሺ” እንዳላልነው ስለሚረዳ በጊዜ ከንባብ ጋር ለመስማማት ራሱን ዝግጁ ያደርጋል።
ንባብ ለአእምሮ: ፊደላትን ከመለየት እና ገጣጥሞ ቃል እና ዓረፍተ ነገር አድርጎ ከማንበብ ጀምሮ፣ ትርጉሙን ማውጠንጠን እና መጨረሻም ላይ ጭብጡን ለመረዳት መሞከር የሚጠይቅ ከባድ ተግባር ነው። ለዚያ ነው መጀመሪያ “ተዉኝ! አታድክሙኝ” የሚለው 😊
18 668
ንባብ እና እንቅልፍ
(ላነብ መጽሐፍ ስይዝ እንቅልፌ ይመጣል ምን ተሻለኝ?)
የሚያነቡ ሰዎች በበጎ ያስቀኑህና ንባብ ልትጀምር ለራስህ ትወስናለህ፡፡ ከዚያም በዕረፍትህ ቀን ሰዓት አመቻችተህ ልታነብ ገና ከመቀመጥህ ከየት እንደ መጣ የማታውቀው ኃይለኛ እንቅልፍ በዓይንህ ዙሪያ ያንዣብባል፡፡ አንዴ ከመጽሐፉ አንዴ ከገዛ እጅህ ጋር እያጋጨ መከራህን ያሳይሃል፡፡ በመጨረሻም ትግሉ ሲሰለችህ ልታነብ ያነሣኸውን መጽሐፍ ተንተርሰኸው ለጥ ትላለህ፡፡ ቆይ ንባብና እንቅልፍን የሚያያይዛቸው ነገር ይኖር ይሆን?
ከሥራ ብዛት ወይም በኑሮ መክበድ ምክንያት የአእምሮ ውጥረት (Stress) ላጋጠማቸው ሰዎች ውጥረቱን ለመቀነስ በሥነ ልቡና ባለሙያዎች ከሚመሰጣቸው ምክሮች ውስጥ አንዱ ‹መጻሕፍትን አንብቡ› የሚል ነው፡፡ በዚህ ችግር ውስጥ ያሉ ሰዎች መጻሕፍትን በሚያነቡበት ጊዜ ከቆዩበት ጭንቀት ለመውጣት መጽሐፍቱ እንደ በር ስለሚያገለግሏቸው ተወጣጥሮ የነበረው ኅሊናቸው ነጻ የመሆን እድል ያገኛል፡፡ ሰውነትህ ደግሞ ከውጥረት ነጻ መሆኑን ከሚገልጽባቸው ምልክቶቹ ውስጥ አንዱ እንቅልፍ ነው፡፡ ስለዚህ ንባብ አንዳንድ ጊዜ ለአእምሮ ውጥረት መድኃኒት በመሆን ከእንቅልፍ ጋር ሊተሳሰር ይችላል፡፡
ይሁን እንጂ ከውጥረት ለመውጣትም ቢሆን መጀመሪያ መጽሐፉ ሊነበብ ይገባል፡፡ ሳታነብ እንቅልፍ የሚወስድህ ከሆነ ግን ይህ ንባብ ያልለመደ ሰውነት ምልክት ነው፡፡ ስለዚህ እነዚህ ነገሮች በዝግታ አጢን
➢ ለመጻሕፍት ንባብ ገና ጀማሪ ከሆንክ የመጽሐፍ ምርጫህን አስተካክል፡፡ የምታነበው መጽሐፍ ብዙ ቁም ነገር ቢኖረውም አቀራረቡና ሥነ ጽሐፋዊ ውበቱ ብዙም ካልሆነ፣ ውስጥህ ጭል ጭል የሚለውን ትንሽ የንባብ ብርሃን እስከ መጨረሻው አጥፍቶ ከመጻሕፍት እንዳይለይህ ቶሎ እርምጃ ውሰድ፡፡ በአቀራረባቸው የተመሰገኑ መጻሕፍትን እንዲጠቁሙህ የንባብ ልምድ ያላቸውን ሰዎች አማክር፡፡ እነርሱንም አስቀድም፡፡
➢ ለንባብ የሚሆን ደመቅ ያለ ብርሃን ያለበትና ምቹ ቦታ መምረጥ ጥሩ ነው፡፡ ነገር ግን የተጋነነ ምቾት ወደ እንቅልፍ ሊወስድህስለሚችል ጥንቃቄ ማድረግ ያስፈልጋል፡፡ ጋደም ከማለት ይልቅ ቁጭ ብለህ ማንበብ የበለጠ ንቁ ያደርግሃል፡፡ ደግሞ መንፈሳዊ መጻሕፍትን እንደ ታመመ ሰው ተኝተህ ማንበብ አግባብ አይደለም፡፡ በል ቶሎ ተነሥ፡፡
➢ ሰይጣን የሚጸልዩ ሰዎችን የሚፈትነውን ያህል የሚያነቡ ሰዎችንም ይዋጋል፡፡ ለጸሎት በቆመ ሰው ዓይኖች ላይ የእንቅልፍ ሽፋሽፍትን እንደሚያመጣ፣ መንፈሳዊ መጻሕፍትን ለማንበብ በተዘጋጁ ዓይኖች ላይም እንቅልፍ እንዲከብድ ያደርጋል፡፡ ስለዚህ እንዲህ ስትሆን ፈጥነህ ለጸሎት ተነሥ፡፡ የሚቃወምህን ክፉ መንፈስ ‹‹እክህደከ ሰይጣን›› በማለት ገስጸው፤ አውግዘው፡፡ አንብበህ ተለውጠህ ፈጣሪህን እንዳታስደስት የሚቃወምህን ረቂቅ ባላጋራ ‹ንባብህን ትተህ በመተኛት› ደስ አታሰኘው፡፡ መላልሰህ እየተጋህ ተስፋ አስቆርጠው፡፡
ዲያቆን አቤል ካሣሁን
abelmekuria2@gmail.com
18 668
“ከኃጥአን የኀዘንን ሸክም የሚያቀለው ደስታ ከአንቺ ተወለደ”
“ዘያቀልል እምኃጥአን ፆረ ኀዘን
እስመ እምኔኪ ፍስሐ ተወልደ”
መልካም የማኅሌተ ጽጌ ቁመት!!!
18 668
እስኪ የርእሰ ማዕምራን መሪጌታ ብርሃኑ ውድነህን ውድ መዝሙር ልጋብዛችሁ። እጅግ በሚመስጥ ግጥም እና በሚያራራ ዜማ የተከሸነ ነው። ስሙት እና ውቀሱኝ!
https://youtu.be/ufcU-6jLDxU?si=P881REKjOEGWM5ZP
18 668
እመቤታችን ታዛችን፣ መደገፊያ የሃይማኖት በትራችን ከመውደቅ ትሰውረን። ከወደቅንም ፈጥና ታንሣን፤ አትተወን!!!
18 668
እግዚአብሔር የሚፈራ ሰው ምን ያስፈራዋል?!
አምላካችን “እግዚአብሔር ማን ነው?” ብለው የተገዳደሩት ትዕቢተኞቹ እነ ፈርዖንን ያስጨነቀው በምድር ላይ በጣም ትንሽ በሆኑ እና በሚናቁ እንደ ዝንብ እና እንቁራሪት ባሉ ነፍሳት ነው። በፊቱ ራሳቸውን ዝቅ ያደረጉ እነ ዳንኤል ግን ለተራቡ አናብስት ቢሰጡ፣ ሦስቱ ወጣቶች ደግሞ ወደሚንቀለቀል እሳት ቢጣሉም ልባቸው ለደቂቃ እንኳ አልደነገጠም።
እግዚአብሔርን የሚደፋፈሩ ሰዎች በጥቂት ነገር ሲፈሩ ሲጨነቁ ይታያሉ። እርሱን የሚፈሩ ግን በምድር ሌላ ምንም የሚያስፈራቸው ነገር የለም።
“አንተ ከእኔ ጋር ነህና ክፉን አልፈራም” መዝ 23:4
ዲያቆን አቤል ካሣሁን
መስከረም 26 - 2019 ዓ. ም.
(የትኛው ድርሳኑ ላይ እንዳነበብሁት አሁን ከተዘነጋኝ የሂፖው ሊቀ ጳጳስ አውግስጢኖስ የተገኘ ምክር)
18 668
+++ በዚህ ንጉሥ ታምናለህ? +++
በሐዲስ ኪዳን ከተጻፉ እና ስለ እምነት ሲነሣ በጣም ከሚያስደንቁኝ ታሪኮች መካከል አንዱ የሰብአ ሰገል ታሪክ ነው።
ብዙ ኪሎ ሜትሮችን አቋርጠው ወደ ቤተልሔም ዋሻ የመጡት ሰዎች የሩቅ ምሥራቅ ነገሥታት ነበሩ። የንግሥናን ምንነት እና ክብር ሲወራ ሰምተው ወይም ከመጻሕፍት አንብበው ሳይሆን በመሆን ያውቁታል። በብዙ ሠራዊት ታጅበው ከያሉበት የወጡትም “የተወለደውን የአይሁድ ንጉሥ” ፍለጋ ነበር።
ይሁን እንጂ ንጉሡን ያገኙት ግን በጦር አለቆች ተከቦ፣ ባማረ እልፍኝ ውስጥ ቅንጡ አልጋ ላይ ተኝቶ፣ ውድ በሆነ የተልባ እግር ጨርቅ ተሸፍኖ አልነበረም።
ምስኪኗ ድንግል ማርያም ታቅፋው፣ ደካማው ሽማግሌ ዮሴፍ ከፊቱ ቆሞ፣ እንስሳት ከበውት፣ ባረጀ ጨርቅ ተጠቅልሎ በበረት ውስጥ ተኝቶ ነው ያዩት። ታዲያ ይህን በመመልከታቸው ንጉሥነቱን አልተጠራጠሩም። ለምን? ብለውም የምርምር ጥያቄም አላቀረቡም። በዝምታ ውስጥ ያለ ጠንካራ እምነታቸውን እንደ ያዙ ወድቀው ለጌትነቱ ሰገዱለት። እጅ መንሻም አቀረቡለት።
ልዑሉን አምላክ በትሕትናው ወራት አለመጠራጠር እንዴት ያለ እምነት ነው? እነዚህ የሩቅ ምሥራቅ ነገሥታት ለእኔ ከጥበብ ሰውነታቸው በላይ የእምነት ሰውነታቸው ይበልጥብኛል።
እነሆ እግዚአብሔር ስለ እኛ ድኅነት ሲል ራሱን ባዶ ያደረገ ሰው በመሆን አንድ ጊዜ ዝቅ ካደረገ በኋላ እንግዲህስ ሁለተኛ ተዋርዶ የለበትም። ከዚህ በኋላ የእግዚአብሔርን ልዕልና እና ትሕትና የምታየው በአንተ ሕይወት ውስጥ ነው። ከፍፍ ሲያደርግህ ልዕልናውን፣ በመናቅ እና በመረሳት ውስጥ እንድታልፍ ሲያደርግህ ደግሞ ትሑት አምላክ መሆኑን ትረዳለህ። ነገር ግን አንተ በየትኛው ሁኔታ ብታየው ነው ንጉሡን የምታምንበት?
ሁልጊዜ ተአምር ሲያደርግ፣ ከእሳት ነጥቆ ሲያወጣህ እና በከፍታው ላይ ሲያቆምህ ብቻ ነው ወይስ በሕመም እና በደዌ፣ በብዙ ውርደት እና መናቅ፣ በበረት ውስጥ እንደ ማደር እና ብጫቂ እንደ መልበስ ባዶ ሲያደርግህም ጭምር እንደ ሰብአ ሰገል በዝምታ ውስጥ ታምነዋለህ? ወድቀህስ ትሰግድለታለህ?
ዲያቆን አቤል ካሣሁን
መስከረም 24 - 2019 ዓ. ም.
ቻይና፣ ጓንዡ
