SHARIATUZ
Open in Telegram
Тошкент шаҳридаги «Сирож солиҳ» жомe масжиди имом хатиби Ҳасан Қодировнинг расмий диний-маърифий канали Facebook.com/shariatuz Youtube.com/shariatuz Instagram.com/shariatuz @Shariatuz_maruza_bot Саволга: @Shariatuzga_murojaat_bot
Show more5 351
Subscribers
-224 hours
-67 days
-6430 days
Posts Archive
5 351
ШОМ НАМОЗИДАН 45 ДАҚИҚА ЎТГАНДАН КЕЙИН ХУФТОН ВАҚТИ КИРАДИМИ?
#намоз
❓2132-САВОЛ: Шу кунларда (Ёз фаслида) баъзи масжидларда соат кечки 21:00 бўлмай хуфтонга азон айтилар экан. Тақвим бўйича Хуфтон 21:26 да кираркан. Чунки баъзи илмли кишилар хуфтоннинг вақти шомдан 45 дақиқа ўтиб киради, бемалол ўқиш мумкин деган гап айтишар экан. Бу қанчалик тўғри?
💬ЖАВОБ: Бисмиллаҳир Роҳманир Роҳим. Шом намозининг вақти қуёш ботгандан бошлаб, шафақ ғойиб бўлгунича давом этади. Бу барча фиқҳий китобларнинг жавоби ҳисобланади. Шафақ борасида имом Абу Ҳанифа раҳимаҳуллоҳ билан икки шогирдлари ўртасида икки хил фикр мавжуд бўлиб, шогирдлари уфқдаги қизилликни шафақ десалар, Абу Ҳанифа раҳимаҳуллоҳ шу қизилликдан кейин пайдо бўладиган оқликни шафақ деганлар. Мутааххир уламолар қизиллик деган сўзни фатво учун қабул қилганлар ва ана шу қизиллик йўқолгандан кейин хуфтон вақти киради деганлар.
Аллома Абдулғаний Майдоний раҳимаҳуллоҳ бу ҳақда шундай деганлар:
وفي شرح المنظومة: وقد جاء عن أبي حنيفة أنه رجع عن قوله وقال: إنه الحمرة؛ لما ثبت عنده من حمل عامة الصحابة الشفق على الحمرة، وعليه الفتوى
“Шарҳи манзума”да шундай келган: Батаҳқиқ, Имом Абу Ҳанифа (раҳмаҳуллоҳ) ўз қарашидан қайтгани ва шафақ қизилликдир, деб айтгани ривоят қилинган. Бунга сабаб саҳобаларнинг оммаси шафақ сўзини қизиллик деб тушунганликлари у кишининг ҳузурида собит бўлганидир”. (“Лубоб” китоби).
Фатво ҳам мана шу қарашга кўра берилади” Мазкур қизиллик мамлакатларнинг географик жойлашуви ва фаслларга қараб турли вақтда йўқолади. Айнан бизнинг ҳудудларда 45 дақиқада йўқолиши кузатилмайди, балки энг ками 1 соату 15 дақиқа бўлиб, бу асосан қиш кунларига тўғри келади. Энг узоғи эса 1 соату 39 дақиқа бўлиб, бу асосан ёз кунларига тўғри келади.
Ҳеч қандай илмий асосга таянмасдан қоронғу тушди, бўлди, хуфтон вақти кирди деб хуфтонни ўқиб қўйиш битта намозни қазо бўлишига олиб келади. Чунки вақти кирмасдан ўқилган намоз нафлга ўтади. Сабаби Аллоҳ таоло ояти каримада ҳар бир намозни вақтида адо этишга буюрган ва бу нарса унинг вақтини тўғри топиш билан бўлади.
Шом вақтида уфқни кузатиб осмондаги қизиллик ва оқликни ажратиш оддий одамлар учун қийинчилик туғдиради. Шу боис, намоз вақтлари масаласида масъул уламолар томонидан тасдиқланган тақвимлардан фойдаланиш, яъни ишончли тақвимга қараб намоз вақтларига риоя қилиш лозим.
Фатво маркази уламоларидан бир қисми турли фаслларда, уфқни тўлиқ кузатиш мумкин бўлган минтақаларга бориб, уфқни кузатиб, шомдан кейинги шафақнинг ғойиб бўлиши ҳамда субҳи содиқнинг киришини бир неча бор кузатганлар ва уларнинг хулосаси асосида ҳозирги кундаги тақвим тузилган. Юртимиз мўмин-мусулмонлари ибодатларини ана шу тақвим асосида адо этсалар, иншааллоҳ, ўз вақтида адо этган ҳамда турли хил ихтилофдан, бефойда тортишишлардан омонда бўладилар. Валлоҳу аълам.
Ўзбекистон мусулмонлари идораси Фатво маркази.
👉 @ShariatUZ 🍀
5 351
Охират ҳаёти
Пайғамбаримиз соллаллоҳу алайҳи васаллам бу ҳақда шундай деганлар:
“Қабр – Охират манзилларининг биринчи манзилидир. Ким унда нажот топса, ундан кейинги ишлар осон бўлади. Агар ундан нажот топмаса, ундан кейинги ишлар унга янада оғир бўлади”
(Имом Аҳмад ва Имом Термизий ривояти).
Ибрат учун яқинларингизга улашинг
•┈•┈•❁ @Shariatuz ❁•┈•┈•┈•
Telegram | Facebook | Instagram | Youtube
5 351
Hayot, qudrat, ilm, kalom, eshitish, ko’rish va iroda. Bular Allohning qanday sifatlari?
"Aqoid ilmi" kitobidan
5 351
Бу ҳодисанинг ҳижратдан олдин бўлиб ўтганига барча уламолар иттифоқдирлар. Савол: Мазкур ҳодиса ҳижратдан неча йил олдин рўй беради?
5 351
НАМОЗНИ АВВАЛГИ ВАҚТИДА ЎҚИШ
#намоз
❓1455-CАВОЛ: Пешин намозини 12:12 деб ёзилган, бу дегани 12:12 да пешинни ўқисам бўладими?
💬 ЖАВОБ: Бисмиллаҳир Роҳманир Роҳим. Ҳа, тақвимда кўрсатилган вақт намознинг аввалги вақтидир. Шу вақтдан бошлаб намоз ўқиш жоиз. Хусусан пешинни ҳам. Лекин жамоат билан ўқиш ва жамоатни кўпайтириш каби фазилат кўзда тутилса, бу вақтдан бироз кечиктириш ҳам дуруст. Аёллар эса жамоатга чиқмаганлари сабабли намоз вақти киргандан адо қилишлари афзалдир. Бу ҳақда “Баҳрур-роиқ” китобида шундай дейилади:
وأداء الصلاة في أول الوقت أفضل إلا إذا تضمن التأخير فضيلة لا تحصل بدونه كتكثير الجماعة، ولا يتأتى هذا في حق من في المفازة فكان التعجيل أولى، ولهذا كان أولى للنساء أن يصلين في أول الوقت لانهن لا يخرجن إلى الجماعة.
“Намозни аввалги вақтида ўқиш афзал. Лекин жамоатни кўпайтириш каби намозни (аввалги вақтидан) кечиктирмаса ҳосил бўлмайдиган фазилатли ҳолатлар бундан мустасно. Саҳро (чўл) жойлардаги киши ҳақида бундай фазилат ҳосил бўлмагани учун, намозни тезлаштириши афзалдир. Шунинг учун ҳам аёллар намознинг аввалги вақтида ўқиши авло. Чунки улар жамоатга чиқмайдилар”. Валлоҳу аълам.
Ўзбекистон мусулмонлари идораси Фатво маркази.
🔗 Улашинг: @ShariatUZ
5 351
Allohning borligini bilsayu ammo iymon keltirmasa u qanday odam hisoblanadi?
"Aqoid ilmi" kitobidan
5 351
Расулуллоҳ соллаллоҳу алайҳи васаллам марҳамат қилиб шундай деганлар:
“Беш нарсадан аввал беш нарсани ғанимат билинг: қариликдан аввал ёшлигингизни, касалликдан аввал соғлигингизни, камбағалликдан аввал бойлигингизни, бандликдан аввал бўш вақтингизни, ўлимдан аввал ҳаётингизни (қадрига етинг)”
(Имом Ҳоким ривояти).
Ибрат учун яқинларингизга улашинг
•┈•┈•❁ @Shariatuz ❁•┈•┈•┈•
Telegram | Facebook | Instagram | Youtube
5 351
Аллоҳ таоло Аҳзоб сурасининг 56-оятида шундай марҳамат қилади:
«Албатта, Аллоҳ ва Унинг фаришталари Пайғамбарга саловот айтурлар. Эй иймон келтирганлар! Сиз ҳам унга саловот ва салом айтинглар».Ушбу муборак кунларда Пайғамбаримиз Муҳаммад соллаллоҳу алайҳи васалламга кўп соловоту саломлар йўллайлик: Аллоҳумма солли ъала саййидина Муҳаммад ва ъала али саййидина Муҳаммад 🤲 Кунингиз хайрли, файзли ва баракали ўтсин! 👉 @ShariatUZ
5 351
+9
🌟 Қуръон зиёси ва маънавий байрам!
Сирож Солиҳ жоме масжидида қориларимиз иштирокида ўтказилган таъсирли ва файзли Мавлид тадбиридан лавҳалар. Каломуллоҳ тиловатлари ва Пайғамбаримиз (с.а.в.) сийратига бағишланган гўзал маросим қалбларга ўзгача сурур бағишлади.
Аллоҳ таоло қориларимизнинг илмини зиёда қилсин, бундай маънавий тадбирларни бардавом айласин! 🤲
#СирожСолиҳ #Мавлид #Қуръон #Қорилар #Маърифат
👉 @ShariatUZ 🍀
